دادو: گھرسے نوبیاہتا جوڑے کی گولیاں لگی لاشیں برآمد ہوئیں، دونوں کی ڈیڑھ ماہ قبل شادی ہوئی تھی۔
تفصیلات کے مطابق دادو میں افسوسناک واقعہ پیش آیا، جہاں ایک گھر سے نوبیاہتا جوڑے کی گولیاں لگی لاشیں ملی ہیں۔
پولیس نے بتایا کہ واقعہ جھلوتھانےکی حدود میں گاؤں لونگ چھواں میں پیش آیا۔
مقتول کے باپ نے پولیس کوبیان میں کہا کہ بیٹےکی ڈیڑھ ماہ قبل شادی ہوئی تھی، بیوی کو فائرنگ کرکےقتل کرنےکےبعد بیٹے نے خودکشی کی۔
یاد رہے لاہور میں پسند کی شادی کرنے کی رنجش پر بھائیوں نے بہن اور بہنوئی کو فائرنگ کرکے قتل کردیا تھا۔
پولیس کا کہنا تھا کہ واقعے کا مقدمہ مقتول محمود کی والدہ کی مدعیت میں درج کرلیا گیا ہے۔
پولیس کے مطابق کہ بھائیوں نے بہن اور بہنوئی کو دھوکے سے بلا کر ان پر فائرنگ کردی۔