ضلع مہمند میں واقع کیڈٹ کالج میمد گاٹ اپنی نوعیت کا ایک منفرد ادارہ

مہمند : پاک فوج فرنٹیئرکورنارتھ کی کاوشوں سے دہشتگردی سے متاثرہ ضلع مہمند میں تعلیمی ادارے قائم ہوگئے ہیں، ضلع میں واقع کیڈٹ کالج میمد گاٹ اپنی نوعیت کا ایک منفرد ادارہ ہے۔

تفصیلات کے مطابق خیبرپختونخوا تعلیم وترقی کی منازل میں پیش پیش ہے ، ضلع مہمند میں واقع کیڈٹ کالج میمدگاٹ اپنی نوعیت کا ایک منفرد ادارہ ہے۔

جو علاقہ دہشتگردی سے متاثر تھا وہاں پاک فوج اور فرنٹیئرکورنارتھ کی کاوشوں سے تعلیمی ادارے قائم ہوگئے ہیں ، جس میں کیڈٹ کالج میمدگاٹ انتہائی اہم کردارادا کررہا ہے۔

سال 2020میں قائم کیڈٹ کالج سے 97 کیڈٹس فارغ التحصیل ہوکرکالجز،یونیورسٹیوں میں تعلیم حاصل کررہےہیں ، اس کےعلاوہ یہاں کےسابق طلباپاک فوج میں بھی کمیشن حاصل کرچکے ہیں، کیڈٹ کالج میمدگاٹ میں کیڈٹس کی موجودہ تعداد 500 ہے۔

پورے پاکستان اور بالخصوص خیبرپختونخوا سے بڑی تعداد میں طلبا زیور تعلیم وتربیت سےآراستہ ہیں جبکہ ضم شدہ اضلاع میں تعلیم کے فروغ کیلئےقبائلی بچوں کیلئےہراینٹری میں50سیٹیں مختص کی گئی ہیں جبکہ 10خصوصی سیٹیں شہداکےبچوں کےلئےبھی مختص کی گئی ہیں۔

علاقےمیں کیڈٹ کالج کےقیام کے بعد بڑی تعداد میں قبائلی عوام اپنےبچوں کےداخلہ کیلئےپرعزم ہیں، مقامی لوگ تعلیم کی اعلیٰ سہولتوں مہیاکرنےپرپاک فوج کےشکرگزاراور معترف ہیں، جنہوں نےقربانیاں دےکرعلاقےمیں امن و امان قائم کیااور بہترین کیڈٹ کالج کاتحفہ دیا۔