کینیڈا کا غیرملکی طلباء سے متعلق اہم اعلان

کینیڈا نے غیرملکی طلباء کے داخلوں میں 35 فیصد کمی کا اعلان کردیا جس کی وجہ طلبا کی رہائش کے حوالے سے ہاؤسنگ بحران بتایا گیا ہے۔

غیرملکی خبررساں ادارے کی رپورٹ کے مطابق کینیڈا کی حکومت نے اعلان کیا ہے کہ 2024 میں غیرملکی طلباء کو 35 فیصد کم داخلے دیے جائیں گے، مجموعی طور پر اس سال کینیڈا کی یونیورسٹی میں تین لاکھ 64 ہزار غیرملکی طلبا کو داخلہ دیا جائے گا۔

کینیڈا کے امیگریشن وزیر مارک ملر نے بتایا کہ ستمبر 2024 کے سیمسٹر سے قبل ویزا کا اجرا محدود کرنے سمیت دیگر ضروری اقدامات کیے جائیں گے، تاکہ ہماری جامعات طالبعلموں کو مناسب اور بہترین معاونت فراہم کرسکیں۔

واضح رہے کہ اس پابندی سےپاکستانی طلباء بھی متاثر ہوں گے۔

غیر ملکی طلبا کی تعداد میں کمی کا فیصلہ عارضی پالیسی کے تحت کیا جا رہا ہے جس پر 2 سال تک عملدرآمد ہوگا۔

اسی طرح ماسٹرز اور پی ایچ ڈی کے طلبا پر بھی پالیسی کا اطلاق نہیں ہوگا۔ اس پالیسی کا اطلاق 22 جنوری 2024 سے ہوگیا ہے۔

یاد رہے کہ 2023 میں 9 لاکھ غیر ملکی طلباء کو کینیڈا میں پڑھنے کا موقع دیا گیا تھا۔