کراچی : پولیس نے کورنگی کا ز وے ندی میں کچرا پھینکنے والے ڈمپر ڈرائیور عرفان اللہ کو گرفتارکرلیا، ڈرائیوررات گئے ڈمپر سے ندی میں کچرا پھینک رہا تھا۔
تفصیلات کے مطابق کراچی کے علاقے کورنگی کازوے ندی میں کچرا پھینکنے پر پہلا مقدمہ درج کرلیا گیا ، پولیس ڈمپر ڈرائیور عرفان اللہ کو گرفتار کرلیا ہے اور بتایا رات گئے ڈمپر کے ذریعے ندی میں کچرا پھینکا جارہا تھا۔
گزشتہ روز وزیراعلیٰ سندھ نے ضلع کورنگی کادورہ کیا تھا اور کورنگی روڈ پرملبہ پڑاہونے پر شدید برہمی کا اظہار کرتے ہوئے کہا تھا کہ جو ملبہ یا کچرا پھینکے اس کو تھانے میں بند کردیں۔