اسلام آباد : سابق پرنسپل سیکرٹری اعظم خان کے اغوا کا مقدمہ درج کرلیا گیا، اہلخانہ کی جانب سے تھانہ کوہسار میں گمشدگی کی درخواست دے دی گئی تھی۔
تفصیلات کے مطابق سابق پرنسپل سیکرٹری اعظم خان کے اغوا کا مقدمہ درج کرلیا گیا ، اہلخانہ کی درخواست پر اسلام آباد کے تھانہ کوہسار میں اعظم خان کے اغوا مقدمہ دفعہ 365 کے تحت درج کیاگیا۔
یاد رہے سابق وزیراعظم کے پرنسپل سیکرٹری اعظم خان مبینہ طور پر لاپتہ ہوگئے تھے، اہل خانہ نے ان کی گمشدگی کی تصدیق کرتے ہوئے تھانہ کوہسار میں گمشدگی کی درخواست دی تھی۔
اہلخانہ کا کہنا تھا کہ اعظم خان گزشتہ شام گھر سے نکلے تھے، پھر واپس نہیں آئے، ان کا موبائل فون بھی بند ہے جبکہ پولیس کا کہنا تھا کہ معاملے کی تحقیقات کی جارہی ہے۔