Category: سائنس اور ٹیکنالوجی

ٹیکنالوجی کی دنیا میں انقلاب آ گیا چین نے آرٹیفیشل انٹیلیجنس میں ایک قدم اور آگے بڑھا دیا جس کے بعد اب اے آئی اپنے فیصلے خود کرنے کے قابل ہوگیا۔

دنیا تیزی سے مصنوعی ذہانت کے میدان میں ترقی کر رہی ہے۔ چین نے اس میں ایک قدم آگے بڑھاتے ہوئے مصنوعی ذہانت کی دنیا میں ایک اور اہم پیش رفت کی ہے اور ایسا اے آئی ماڈل روبوٹ تیار کیا ہے جس کو کسی ہدایت کی ضرورت نہیں بلکہ وہ اپنے فیصلے خود کر سکے گا۔

چین جس نے گزشتہ ماہ ڈیپ سیک متعارف کرا کے دنیا بھر میں تہلکہ مچا دیا تھا اب مصنوعی ذہانت کے میدان میں ایک اور سنگ میل عبورکر کے سب کو حیرت زدہ کر دیا ہے۔

پڑوسی دوست ملک چین نے ڈیپ سیک کے بعد نیا جدید ترین اے آئی ماڈل مینس ’’Manus‘‘ لانچ کردیا ہے۔

یہ محض ایک چیٹ بوٹ یا سرچ انجن نہیں، بلکہ پہلا خودمختار اے آئی ماڈل ہے جو خود فیصلے کرتا، منصوبے بناتا اور بغیر انسانی ہدایات کے کام مکمل کرتا ہے۔

یہ جدید ماڈل علی بابا کی ذیلی کمپنی مانیکا نے تیار کیا ہے۔ یہ کمپنی پہلے ہی ڈیپ سیک جیسے انقلابی ماڈلز کے ذریعے چین کی تکنیکی برتری کو دنیا ثابت کر چکی ہے۔

مینس کو جدید ترین اجینٹک "agentic” ماڈلز کے برابر سمجھا جا رہا ہے، جس نے چین کو اے آئی کی عالمی دوڑ میں صفِ اول میں لا کھڑا کیا ہے۔

اس ویڈیو میں Manus AI کے عروج، اس کی تکنیکی ترقی، حقیقی دنیا کی ایپلی کیشنز، اور AI زمین کی تزئین میں خود مختار ایجنٹوں کے بڑھتے ہوئے اثرات کا احاطہ کیا گیا ہے۔

https://urdu.arynews.tv/fatwa-robot-installed-in-masjid-al-haram/

دنیا کے ڈیجیٹل ہونے کے بعد اب زمین پر ہر جگہ انٹرنیٹ وائی فائی کا راج ہے تاہم بڑی خبر ہے کہ اب یہ سہولتیں چاند پر بھی دستیاب ہوں گی۔

تیز رفتار ترقی کرتی دنیا میں آج زندگی انٹرنیٹ اور وائی فائی کے بغیر نامکمل ہوگئی ہے۔ اگر کچھ وقت کے لیے یہ دستیاب نہ ہو تو دنیا کا نظام درہم برہم ہونے لگتا ہے۔ اس لیے کہا جا سکتا ہے کہ زمین کو وائی فائی اور انٹرنیٹ نے جکڑ لیا ہے۔

تاہم اب یہ جدید ٹیکنالوجی چاند پر بھی پہنچنے والی ہے یعنی چاند پر بھی اب انٹرنیٹ اور وائی وائی چلے گا۔

غیر ملکی میڈیا کے مطابق امریکی نجی کمپنی نے آئی ایم 2 نامی ایک مشن چاند پر بھیجنے کا فیصلہ کیا ہے جس کے ذریعے وہاں 4 جی سروس سراہم کی جائے گی۔

رپورٹ کے مطابق اس منصوبے کا مقصد چاند سمیت دیگر سیاروں پر انسانوں کے طویل المدت قیام کو ممکن بنانا ہے۔

اگر چاند پر بھیجا جانے والا یہ مشن کامیاب ہوتا ہے تو یہ خلا میں پہلا 4 جی سسٹم ہوگا، جس سے چاند کی سطح پر رہتے ہوئے بھی رابطوں، تیز ترین انٹرنیٹ اور دیگر کاموں میں مدد مل سکے گی۔

اسلام آباد: اسمارٹ فونز پر ٹروجن بینکرز کے حملوں کی تعداد میں 2023 کے مقابلے 2024 میں 196 فی صد اضافہ ہو گیا ہے۔

کیسپرسکی کی رپورٹ کے مطابق ادارے نے عالمی سطح پر اسمارٹ فون صارفین پر 33.3 ملین سے زیادہ حملوں کا پتا لگایا، جس میں مختلف قسم کے میلویئر اور ناپسندیدہ سافٹ ویئر شامل تھے۔

اینڈرائیڈ اسمارٹ فونز پر ٹروجن بینکر کے حملوں کی تعداد 2023 میں 420,000 سے بڑھ کر 2024 میں 1,242,000 ہو گئی، ٹروجن بینکر میلویئر کو آن لائن بینکنگ، ای پیمنٹ سروسز اور کریڈٹ کارڈ سسٹمز کے صارف کا ڈیٹا چرانے کے لیے ڈیزائن کیا گیا ہے۔

سائبر جرائم پیشہ افراد سادہ لوح لوگوں کو ایس ایم ایس یا میسجنگ ایپس کے ذریعے لنکس پھیلانے کے ساتھ ساتھ میسنجر میں بدنیتی پر مبنی اٹیچمنٹ کے ذریعے اور صارفین کو نقصان دہ ویب پیجز کی پر جانے کی ترغیب دے کر دھوکے سے ٹروجن بینکرز ڈاؤن لوڈ کروا دیتے ہیں۔

کیسپرسکی کے سیکیورٹی ماہر اینٹن کیوا کے مطابق جعل ساز اب زیادہ سے زیادہ افراد تک میلویئر فائلیں پہنچانے کی کوششوں میں لگے ہوئے ہیں، اس لیے بچوں سے لے کر بوڑھوں تک سب کو سائبر خواندہ بننا اور سائبر تحفظ کے بارے جاننا پہلے سے کہیں زیادہ ضروری ہو گیا ہے، کیوں کہ بینکنگ ڈیٹا چوری کرنے کے لیے بنائے گئے میلویئر سے لوگ محفوظ نہیں ہیں۔

ٹروجن بینکرز میلویئر کی سب سے تیزی سے بڑھنے والی قسم ہے، تاہم ایڈ ویئر یعنی غیر ضروری اشتہارات ابھی بھی ہے سر فہرست ہے، اس کے بعد جنرل ٹروجنز اور رسک ٹولز کا نمبر آتا ہے، 2024 میں سائبر کریمنلز نے ہر ماہ موبائل ڈیوائسز پر اوسطاً 2.8 ملین میلویئر، ایڈویئر، اور ناپسندیدہ سافٹ ویئر حملے کیے۔

اپنے آپ کو موبائل کے خطرات سے بچانے کے لیے کیسپرسکی تجویز کرتا ہے کہ آفیشل اسٹورز جیسا کہ ایپل ایپ اسٹور اور گوگل پلے سے ایپس ڈاؤن لوڈ کرنا ہمیشہ خطرے سے خالی نہیں ہوتا۔ کیسپرسکی نے حال ہی میں اسپارک کیٹ نامی وائرس دریافت کیا ہے، جو ایپ اسٹور کی سیکیورٹی کو نظر انداز کرنے والا پہلا اسکرین شاٹ چوری کرنے والا میلویئر ہے۔

دونوں پلیٹ فارمز پر کل 20 متاثرہ ایپس کے ساتھ گوگل پلے پر بھی میلویئر پایا گیا، جس سے یہ ثابت ہوتا ہے کہ یہ اسٹورز 100 فی صد فول پروف نہیں ہیں۔ محفوظ رہنے کے لیے ہمیشہ ایپ کے جائزے چیک کریں، صرف آفیشل ویب سائٹس کے لنکس استعمال کریں، اور قابل اعتماد سیکیورٹی سافٹ ویئر انسٹال کریں، جو کسی ایپ کے فراڈ ہونے کی صورت میں بدنیتی پر مبنی سرگرمی کا پتہ لگا کر اسے روک سکتا ہے۔