Category: سائنس اور ٹیکنالوجی

دنیا کے سب سے بڑے مریخ سیارے کا پتھر 4.3 ملین ڈالرز میں نیلام ہوگیا۔

امریکی میڈیا کی رپورٹ کے مطابق مریخ سے آیا 54 پاؤنڈ وزنی شہابیہ نیویارک میں سوتھبیز نیلامی میں فروخت ہوا، این ڈبلیو اے 16788 نامی شہابیہ 24.5 کلو گرام وزنی تھا۔

2023 میں نائجر کے دور دراز علاقے اگادیز میں مریخ سے آیا شیہابیہ دریافت ہوا تھا۔

دنیا بھر میں صرف 400 مریخی شہابیے دریافت ہوئے ہیں جبکہ نیلام ہونے والا شہابیہ زیادہ قیمتی تھا۔

یہ شہابیہ ایک خاص قسم کی چٹان اولیون مائکروگابرواِک شیرگوٹائٹ سے تعلق رکھتا ہے جو مریخی میگما کے آہستہ ٹھنڈا ہونے سے وجود میں آئی، اس میں پائروکسین اور اولیوین جیسے اہم معدنیات پائے جاتے ہیں اور اس کی سطح شیشے جیسی چمکدار ہے جو فضا سے گزرتے وقت جلنے کی علامت ہے۔

دنیا بھر میں اب تک تقریباً 77,000 شہابیوں کی باقاعدہ شناخت ہوچکی ہے، جن میں سے صرف 400 کا تعلق مریخ سے ہے، اس لحاظ سے یہ شہابیہ نہایت نایاب اور سائنسی لحاظ سے قیمتی سمجھا جاتا ہے۔

گوگل نے پاکستان میں جدید اے آئی ویڈیو جنریشن ٹولز ویو تھری اور فلو متعارف کروادیے۔

ویو تھری کے ذریعے صارفین اپنی تصاویر کو 8 سیکنڈ کی ویڈیوز میں بدل سکیں گے، ویو تھری صرف 7 ہفتوں میں دنیا بھر میں 4 کروڑ سے زائد ویڈیوز تخلیق کرنے کا ذریعہ بن چکا ہے۔

ویو تھری کے ذریعے ویڈیو جنریشن کے لیے تصویر اپ لوڈ، آڈیو اور منظرنامہ بنانا ہوگا۔

فلو میں بیک گراؤنڈ آڈیو، ساؤنڈ ایفیکٹس، فریم ٹو ویڈیو جیسی سہولیات دستیاب ہوں گی، فلو اور گوگل اے آئی الٹرا اب 140 سے زائد ممالک میں دستیاب ہے۔

گوگل کی موجودہ سہولت سے اب پاکستانی صارفین بھی مستفید ہوسکیں گے۔

یہ جدید فیچر اب منتخب ممالک میں Google AI Pro اور Ultra سبسکرائبرز کے لیے دستیاب ہے۔ یہ ٹول ذاتی لمحات کو محفوظ رکھنے سے لے کر تخلیقی کہانیوں کو ویڈیو میں ڈھالنے تک، ہر لمحے کو زندگی بخشنے کی صلاحیت رکھتا ہے۔ بس ایک تصویر اپلوڈ کریں، منظر اور آڈیو کی تفصیل بیان کریں ،جس کے بعد Gemini خودکار طور پر ایک ویڈیو تیار کر دے گا جسے آپ ڈاؤن لوڈ یا شیئر کر سکتے ہیں۔ اس سہولت کو گوگل کے فلم سازی کی اے آئی ٹول Flow کے ذریعے بھی استعمال کیا جا سکتا ہے۔

فلو میں تخلیقی صلاحیتوں کو وسعت دینا:فلم سازوں کے لیے گوگل کے جدید AI ٹول "فلو” میں اب صارفین ویڈیو کلپس میں آواز شامل کر نے کے ساتھ ساتھ ساؤنڈ ایفیکٹس اوربیک گراؤنڈ آڈیو بھی شامل کرسکتے ہیں ۔ (فی الحال فلو میں آڈیو جنریشن ٹیسٹنگ مرحلے میں ہے، اس لیے نتائج مختلف ہو سکتے ہیں۔)اس کے علاوہ، "فریمز ٹو ویڈیو” فیچر کی مدد سے صارفین اپنی ذاتی تصاویر کو حیرت انگیز ویڈیو کلپس میں تبدیل کر سکتے ہیں۔ یہ خصوصیت Veo 3 Fast پر بھی دستیاب ہے، جس سے صارفین اپنے کریڈٹس کا زیادہ سے زیادہ فائدہ اٹھا سکتے ہیں۔ فلو اور گوگل AI الٹرا اب 140 سے زائد ممالک میں دستیاب ہیں، جس سے تخلیقی صلاحیتوں کو پروان چڑھانے والے جدید ٹولز تک رسائی مزید آسان ہو گئی ہے۔

مصنوعی ذہانت کے استعمال میں اعتماد اور حفاظت کو یقینی بنانا: گوگل مصنوعی ذہانت کے ذمہ دار انہ استعمال کے لیے پُرعزم ہے۔ Gemini کے ذریعے تیار کردہ تمام ویڈیوز میں ایک واضح واٹرمارک اور ایک غیر مرئی SynthID ڈیجیٹل مارکر شامل ہوتا ہے تاکہ یہ ظاہر کیا جا سکے کہ یہ AI سے تیار کردہ مواد ہے۔ کمپنی اپنے سسٹمز کی جانچ کے لیے وسیع پیمانے پر ”red-teaming“ کی مشقیں کرتی ہے تاکہ ممکنہ مسائل کی پیشگی شناخت کرتے ہوئے اُن کے حل کو یقینی بنایا جا سکے۔ اس کے علاوہ، گوگل تفصیلی جائزے بھی لیتا رہتا ہے تاکہ یہ سمجھا جا سکے کہ ان ٹولز کو کس طرح استعمال کیا جا سکتا ہے اور کس طرح ان کے غلط استعمال کو روکا جا سکتا ہے۔ غیر محفوظ مواد کے خلاف پالیسیاں مسلسل نافذ کی جاتی ہیں، اور حفاظتی اقدامات کو مزید مضبوط بنانے کے لیے صارفین کی رائے کو فعال طور پر سنا جاتا ہے۔

AI سے تیار کردہ ویڈیوز پر موجود ”Thumbs up“ اور ”Thumbs Down“ بٹنوں کے ذریعے اپنی رائے دیجیے۔ یہ فیڈبیک حفاظتی اقدامات اور مجموعی تجربے کو بہتر بنانے کے لیے استعمال کی جائے گا۔

براہ کرم اس لنک کاوزٹ کیجیے: میڈیا کٹ: گوگل نے پاکستان میں فوٹو سے ویڈیو بنانے کی خصوصیت کے ساتھ Veo 3 متعارف کرا دیا ہے۔