ہم میں سے کئی افراد خاص طور پر چھوٹے بچے جوتوں کے تسمے باندھنے سے پریشان رہتے ہیں۔ بعض افراد صحیح طرح سے اپنے جوتوں کے تسمے نہیں باندھ پاتے جس کے باعث چلنے پھرنے کے دوران ان کے جوتے اتر جاتے ہیں اور وہ مستقل پریشانی کا شکار رہتے ہیں۔

اگر آپ کا شمار بھی انہی افراد میں ہوتا ہے تو پھر خوش ہوجائیں کیونکہ ایسا مقناطیسی آلہ بنا لیا گیا ہے جسے لگانے سے جوتوں کے تسمے باندھنے سے نجات مل جائے گی۔

زوبٹ نامی یہ آلہ مقناطیسی قوت سے جڑ جاتا ہے اور جوتوں کو مضبوطی سے جکڑے رکھتا ہے۔ یہ وزنی سے وزنی جوتوں کو بھی سنبھالے رکھتا ہے اور اسے استعمال کے بعد آپ کبھی بھی جوتے اترنے کی پریشانی کا شکار نہیں ہوں گے۔

اس کو استعمال کرنے کے لیے صرف ایک بار اسے تسموں میں پھنسانا ہوگا، اس کے بعد جب بھی جوتے پہننے ہوں باآسانی انہیں جوڑ کر جوتے پہنے جاسکتے ہیں۔

یہ آلہ آرام سے کھل بھی جاتا ہے جس کے بعد آپ بغیر جھکے باآسانی اپنے جوتے اتار سکتے ہیں۔

آج کل ہر شخص کے ہاتھ میں اسمارٹ فون نظر آتا ہے جو اسے ہر لمحہ اپنے ساتھ مصروف رکھتا ہے۔ اسمارٹ فون کے ذریعہ دنیا جہاں کی خبریں اور معلومات ایک لمحہ میں ہم تک پہنچ جاتی ہیں۔

لیکن ہم میں سے اکثر افراد اپنے فون کی بیٹری جلد ختم ہونے کے باعث پریشان رہتے ہیں۔ وہ دن میں کئی بار چارجر اور اسمارٹ فون ہاتھ میں لیے برقی ساکٹ کی تلاش میں سرگرداں نظر آتے ہیں تاکہ اپنے موبائل کو چارج کرسکیں۔

دراصل ہم انجانے میں موبائل کو اس طرح سے استعمال کرتے ہیں کہ وہ زیادہ بیٹری استعمال کرنے لگتا ہے اور ہمیں اس کا علم بھی نہیں ہوپاتا۔ یہاں ہم کو آپ کو وہ وجوہات بتا رہے ہیں جن کی وجہ سے آپ کے موبائل کی بیٹری جلد ختم ہوجاتی ہے۔

:اسکرین برائٹ نیس

اپنے موبائل کی اسکرین برائٹ نیس کو ہمیشہ کم رکھیں۔ زیادہ برائٹ نیس زیادہ چارجنگ خرچ کرنے کا باعث بنتی ہے۔ اسی طرح یہ آنکھوں کی صحت کے لیے بھی نقصان دہ ہے اور موبائل کی مستقل تیز روشنی ہمیں نابینا بھی کر سکتی ہے۔

:وائی فائی کی تلاش

اپنے موبائل کی سیٹنگز میں جا کر وائی فائی کے ’آٹو کنیکٹ‘ آپشن کو بند کردیں۔ یہ آپشن کھلا رہنے کی صورت میں موبائل مستقل وائی فائی تلاش کرنے کی کوشش کرتا ہے اور جہاں کہیں اوپن وائی فائی ملتا ہے یہ وہاں کنیکٹ ہوجاتا ہے۔

اس کے بعد موبائل کی ایپس کام کرنے لگتی ہیں یوں بیٹری ختم ہونے لگتی ہے۔

:نوٹیفیکشن موصول ہونا

موبائل پر مستقل نوٹیفیکیشنز آنا بھی موبائل کی بیٹری میں کمی کا سبب بنتا ہے۔ سیٹنگز میں جا کر نوٹیفیکیشنز کو ڈس ایبل کردیں اور صرف انہی نوٹیفیکیشنز کو کھلا رکھیں جو ضروری ہیں جیسے میسیجنگ یا واٹس ایپ۔

:ایپس کا مستقل کام کرنا

ہر اسمارٹ فون میں ایپس کو بند کرنے کا ایک طریقہ ہوتا ہے۔ اگر آپ اس طریقے پر عمل کیے بغیر ایپس کو بند کریں گے تب وہ اسکرین سے تو غائب ہوجائیں گی لیکن پس منظر میں کام کر رہی ہوں گی اور موبائل کی بیٹری خرچ ہو رہی ہوگی۔

ان ایپس کو بند کرنے کا طریقہ یہ ہے کہ ہوم بٹن کو کچھ دیر پریس کر کے رکھیں، کھلی ہوئی ساری ایپس آپ کے سامنے آجائیں گی۔ ان کو سلائیڈ کردیں یا ’کلوز‘ کے نشان پر ٹچ کر کے بند کردیں۔

:ایپس کا مستقل استعمال

اگر آپ مستقل موبائل کو استعمال کر رہے ہیں اور مختلف ایپس کو بار بار کھول بند کر رہے ہیں تو یہ بھی آپ کے موبائل کی بیٹری ختم ہونے کی بڑی وجہ ہے۔

:سافٹ ویئر اپ ڈیٹ

موبائل سافٹ ویئر کا پرانا ورژن بھی بعض اوقات بیٹری ختم کرنے کا سبب بنتا ہے۔ سافٹ ویئر کو اپ ڈیٹ کرتے رہیں تاکہ یہ جدید طریقہ سے کام کرتا رہے۔

:ہارڈ ویئر میں مسئلہ

ان تمام طریقوں کے باوجود بھی اگر آپ بیٹری جلد ختم ہونے کے مسئلہ کا شکار ہیں تو آپ کے موبائل کے ہارڈ ویئر میں کوئی مسئلہ ہے اور اسے کسی اچھے موبائل ٹیکنیشن کو دکھانے کی ضرورت ہے۔