Category: سائنس اور ٹیکنالوجی

مذہبی ماخذوں کےمطابق انسان آسمانوں سے زمیں پراتارا گیا اور تہذیب کی ابتدا سے انسان ان آسمانوں میں لوٹ جانے کے لیے کوشاں ہے‘ ہزاروں سال قدیم انسانوں کی یہ خواہش بالاخر آج کے جدید دور میں ممکن نظر آرہی ہے۔ خلائی سائنسدانوں نے زمین سےقریب ترین سیارہ ڈھونڈنکالا جس پر حیات کی ارتقا کے آثار موجود ہیں۔

سی این این میں شائع ہونے والی ایک رپورٹ کے مطابق ’ پروگزیما بی‘ نامی یہ سیارہ خلا میں اپنے محل و وقو ع کے اعتبار سے مستقبل میں ہمارا نیا گھر ثابت ہوسکتا ہے۔ یہ سیا رہ اپنے نظامِ شمسی میں ایسے مقام پر ایستادہ ہے کہ جہاں سطح پر پانی کی موجودگی کے امکانا ت موجود ہیں اور اگر ایسا ہے تو یہ ہمارے نظام ِ شمسی سے باہر یہ قریب ترین سیارہ ثابت ہوگا۔

پروگیزیما بی نامی یہ سیارہ الفا سینچری نامی نظام ِ شمسی میں واقع ہے جو کہ ہمارے سورج سے قریب ترین ایک اور نظام ہے جس کے اپنے مدار اور سیارے ہیں اور یہ محض 4.2 نوری سال کے واقعے پرواقع ہے واضح رہے کہ خلاؤں میں یہ فاصلہ کچھ بھی حیثیت نہیں رکھتا کیونکہ اس سے قبل رہائش کے قابل ’ٹریپسٹ ‘ نامی بوناسیارہ ہماری زمین سے 40 نوری سال کے فاصلے پر تھا۔

اگرچاند اچانک دھماکے سے پھٹ جائے تو؟*

زمین جیسا سیارہ دریافت*

محققین کے سربراہ گوئیلیم کا کہنا ہے کہ ممکنہ طور پر یہ سیارہ ہمارا قریب ترین رہائش کے قابل پڑوسی ثابت ہوگا کیونکہ یہ جس نظامِ شمسی میں واقع ہے وہ ہمارے سورج سے سب سے نزدیک ہے اور باقی تمام نظام ہائے شمسی دور ہیں۔

ماہرین کا کہنا ہے کہ یہ سیارہ اپنے سور ج سے انتہائی قریب ہے یعنی کہ جتنا فاصلہ زمین اور سورج میں ہے‘ پروگزیما بی محض اس کے پانچ فیصد فاصلے پر ہے لیکن کیونکہ الفاسینچری ہمارے سورج کی نسبت انتہائی کم گرم ہے لہذا ماہرین کا ماننا ہےکہ اگر اس سیارے پر آب وہوا موجو د ہوئی تواس کا درجہ حرارت 31 سے 40 ڈگری سینٹی گریڈ تک ہوگا جو کہ پانی کی موجودگی کے لیے انتہائی موضوع ہے لیکن اگروہاں آب و ہوا کا نظام نہ ہوا تو درجہ حرارت منفی 30 سے چالیس سینٹی گریڈ بھی ہوسکتا ہے۔

سائنسدان اس نظامِ شمسی پر گزشتہ سولہ سال سے نظررکھے ہوئے ہیں تاہم ابھی اس کے بارے میں بہت کچھ جاننا باقی ہے جن میں سب سے اہم سوال یہ ہے کہ آیا یہ نظام اپنی حیات کے عروج پر ہے یا اپنی تمام تر توانائیاں خرچ کر کے اپنے انجام کی جانب بڑھ رہا ہے۔

ذرا نم ہو تو یہ مٹی بڑی زرخیز ہے ساقی، پاکستان کےاخلاقی ہیکر رافع بلوچ نے دنیا کے سب سے بڑے انٹرنیٹ بڑاؤزر گوگل اور فائرفاکس میں خامی کی نشاندہی کرکے ساری دنیا کو ورطہ ٔ حیرت میں ڈال دیا ۔

رافع بلوچ ایک آئی ٹی پروفیشنل ہیں اور کئی بین الاقوامی اخباروں اور جریدوں میں ان کا اینڈرائیڈ کے حوالے سےان کے ریسرچ پیپر شائع ہوچکے ہیں۔ ان کا شمار دنیا کے ٹاپ فائیو اخلاقی ہیکرز میں ہوتا ہے جو کہ انٹر نیٹ کی دنیا کو محفوظ بنانے کا عزم لیے کوشاں ہیں۔

ناصرف یہ بلکہ رافع وہ پہلے پاکستانی سیکیورٹی ریسرچر ہیں جنہیں گوگل‘ فیس بک‘ پے پال ‘ ایپل ‘ مائیکروسافٹ سمیت متعدد انٹرنیٹ آرگنائزیشن کی جانب سے تسلیم کیا گیا ہے۔

رافع پے پال میں ایک بے ضابتگی تلاش کرنے پر مذکورہ کمپنی سے دس ہزار امریکی ڈالر کا انعام بھی حاصل کرچکے ہیں اور ساتھ ہی ساتھ وہ اخلاقی ہیکنگ کے موضوع پر 2014میں شائع ہونے والی ایک اہم کتاب کے مصنف بھی ہیں۔

علاوہ ازیں رافع بلوچ دنیا کی سب سے بڑی انٹرنیٹ سیکیورٹی کنفرنس’بلیک ہیٹ ایشیا‘ میں پاکستان کی نمائندگی کرنے والے واحد پاکستانی ہیں۔

گزشتہ دنوں دنیا کے سب سے بڑے براؤزر گوگل اور فائرفاکس میں ایک انتہائی اہم بگ کی نشاندہی کرنے پر وہ خبروں کی زینت بنے تھے جس کے بعد ہم نے ان کے انٹرویو کا اہتمام کیا کہ ہمارے ناظرین پاکستان کا سر فخرسے بلند کرنے والے پاکستانی کے بارے میں زیادہ سے زیادہ جان سکیں۔

تعلیم سے متعلق پوچھے گئے سوال کے جواب میں رافع نے بتایا کہ’’ وہ ایک کمپیوٹر سائنس گرایجویٹ ہیں‘‘۔

ان کی جانب سے شناخت کیے گئے بگ کے حوالے سے پوچھے گئے سوال کے جواب میں ان کا کہناتھا کہ’’ یہ بگ 70 فیصد سے زائد موبائل براؤزرز میں پایا جارہاہے اوروہاں سے آنے والے ٹریفک پر اثر انداز ہورہا ہے‘‘۔

رافع کے مطابق ’’یہ بگ انٹرنیٹ صارف کے ایڈرس بار تک رسائی حاصل کرتا ہےاور صارف کا مطلوبہ ڈومین نیم اسے دکھاتے ہوئے اسے ہیکر کی مطلوبہ ویب سائٹ پر لے آتا ہے ‘‘۔

انہوں نے وضاحت کرتے ہوئے کہا کہ ’’یوں سمجھیں کہ اگر آپ گوگل ڈاٹ کام پر جانا چاہتے ہیں تو یہ بگ آپ کو کسی جعلی گوگل پیج پر لے جائے گا اور صارف کو اس کی خبر بھی نہیں ہوگی‘‘۔

 

---

رافع بلوچ کی جانب سے اس بگ کی دریافت پر پے پال‘ گوگل اور فائرفاکس

 نےان کی خدمات کو سراہتے ہوئے انعامی رقم سے بھی نوازا ہے

---

 

پاکستان نوجوانو ں کی صلاحیتوں سے متعلق پوچھے گئے سوال پر انہوں کہا کہ’’پاکستان میں بے پناہ ٹیلنٹ ہے ، ضروت صرف اس امر کی ہے کہ حکومتِ پاکستان نوجوانوں کے لیے مواقع پید اکرے، تو ہمارے نوجوان کمال کرسکتے ہیں‘‘۔

پاکستان میں آئی ٹی انڈسٹری کو وسعت دینے کے لیے حکومت کی ذمہ داریوں سے متعلق پوچھے گئے سوال کے جواب میں ان کا کہنا تھا کہ ’’ حکوت کو چاہیے کہ پرائمری سے لے کر بیچلرز کی سطح تک کمپیوٹر اور آئی ٹی کے نصاب کو دوبارہ سے مرتب کیا جائے اور اسے عالمی تقاضوں سے ہم آہنگ کیا جائے تاکہ ہمارے ادارے بین الاقوامی معیار کے پروفیشنل پیدا کرسکیں، ساتھ ہی ساتھ انہوں نے یہ بھی کہا کہ حکومت آئی ٹی سے متعلق فنڈز کی شروعات کرے‘‘۔

---

سائبر کرائم بل سے متعلق رافع بلوچ کی رائے

---

رافع سمجھتے ہیں کہ سائبر کرائم بل کی صورت ہم نے صرف مرض کی علامتوں کا علاج کرنے کی کوشش کی ہے اصل مرض پر کوئی توجہ نہیں دی، انہوں نے کہا کہ ’’ سائبر کرائم اس لیے ہوتے ہیں کہ عوام میں سائبرسیکیورٹی سےمتعلق آگاہی کا فقدان ہے ۔ حکومت نے اس سنگین مسئلے کی جانب کوئی توجہ نہیں دی حالانکہ مغرب سائبر سیکیورٹی سے متعلق آگاہی کے لیے بھاری انویسٹمنٹ کرتا ہے، حال ہی میں امریکی صدر باراک اوبامہ نے سائبر آگاہی مہم کے لیے 19 ارب ڈالر کی منظوری دی ہے‘‘۔

رافع کے مطابق’ ’سائبر کرائم بل میں کئی جھول ہیں ۔ بل میں سائبر دہشت گردی کی بات کی گئی ہے لیکن سائبر دہشت گردی کیا ہوتی ہے اس کی وضاحت نہیں کی گئی، حالانکہ سائبر کرائم اور سائبر دہشت گردی میں زمین آسمان کافرق ہے۔ بل میں ڈیٹا کی چوری سے متعلق کوئی بات نہیں کی گئی اور سب سے بڑھ کر اخلاقی ہیکروں کو کسی قسم کا تحفظ فراہم نہیں کیا گیا‘‘۔

کسی بھی ستارے کے بارے میں یہ معلوم کرنا انتہائی مشکل ہے کہ وہ کب پھٹ کر سپر نووا بن جائے گا – چنانچہ اسے خوش قسمتی ہی سمجھنا چاہیے کہ ماہرین ایک ستارے کے پھٹنے کے عمل کی مسلسل تصویریں بنانے میں کامیاب ہوگئے ہیں۔

یہ یوں ممکن ہوا کہ ماہرین ڈارک میٹر پر ریسرچ کے لیے آسمان کے ایک حصے کا سالوں سے مسلسل جائزہ لے رہے ہیں اور مختلف کہکشاؤں اور ستاروں کی وقفے وقفے سے تصویریں بنا رہے ہیں۔

جب ماہرین نے یہ دیکھا کہ ہم سے بیس ہزار نوری سال دور ایک سپر نووا پھٹا ہے تو انہوں نے یہ خوش گوار انکشاف کیا کہ یہ سپر نووا اس حصے میں پھٹا ہے جس کی وہ مسلسل تصویریں بنا رہے تھے۔

پہیے سے سفرشروع کرنے والا انسان ستاروں سے آگے نکل گیا*

چینی سائنسدانوں نے اصلی سے زیادہ طاقتور’نقلی‘ سورج تیارکرلیا*

یہ ستارہ ہم سے بیس ہزار نوری سال کے فاصلے پر واقع ہے اور اس پر طویل عرصے سے نظر رکھی جارہی تھی لہذا خلائی سائنسدان مئی 2009 میں ہونے والے اس دھماکے سے پہلے اور بعد پیدا ہونے والی تبدیلیوں کی عکس بندی میں کامیاب ہوگئے ہیں۔

سائنسدانوں کا کہنا ہے کہ یہ سپر نووا اس لیے پھٹا کہ ہمارے سورج جتنے قطر کا ایک مردہ ستارہ ایک زندہ ستارے کے اس قدر قریب آگیا تھا کہ وہ اس کی گیس خود میں جذب کرنے لگا یہاں تک کہ دھماکہ ہوگیا۔

چنانچہ سائنس دانوں نے پرانی تصویروں کو ڈھونڈ نکالا اور ان کے تجزیے سے اس ستارے کی شناخت کر لی جو بالاخر سپر نووا بن کر پھٹ گیا- یہ تاریخ میں پہلی دفعہ ہے کہ سپر نووا کے پھٹنے سے پہلے اور بعد کی تصاویر دستیاب ہیں – امید ہے کہ اس ڈیٹا سے فزکس کے ماہرین کو اپنے نظریات کو پرکھنے میں مدد ملے گی۔