Category: کاروباری خبریں

کراچی (01 ستمبر 2025): یورپ کی ٹیکسٹائل، اپیرل اور لیدر انڈسٹریز کی سب سے بڑی تجارتی نمائش ’’ٹیکس ورلڈ – اپیرل سورسنگ – لیدر ورلڈ پیرس‘‘ اس ستمبر نئی توانائی اور جدت کے ساتھ ایک بار پھر منعقد ہو رہی ہے۔ یہ میلہ سال میں 2 بار پیرس میں منعقد کیا جاتا ہے، اور اس بار یہ 15 تا 17 ستمبر 2025 کو پیرس لی بورجے میں منعقد کیا جائے گا۔

یہ عالمی شہرت یافتہ نمائش دنیا بھر سے ایک ہزار سے زائد نمائش کنندگان کو یکجا کرتی ہے اور پروفیشنل خریداروں کے لیے ایک اہم سورسنگ پلیٹ فارم کا کردار ادا کرتی ہے۔ یہاں بنیادی خام مال سے لے کر جدید فیشن اور اعلیٰ معیار کی ٹیکسٹائل انوویشنز تک کی وسیع رینج دستیاب ہوتی ہے۔

نمائش میں مزید ایک خصوصی اقدام کے تحت پاکستان ان کمپنیوں کو بھی اجاگر کرے گا، جو پائیدار اور ذمہ دار فیشن پریکٹسز میں نمایاں ہیں۔ 7 پاکستانی کمپنیاں، جنھیں پائیدار ترقی کے اقدامات پر جرمن حکومتی ادارہ GIZ نے سراہا ہے، اپنی تیار شدہ مصنوعات Sustainable Pakistan Pavilion میں پیش کریں گے۔

نمائش میں پاکستان کی جانب سے ٹیکس ولڈ میں نمائندگی کرنے والی دو کمپنیاں یونائیٹڈ امپیکس، وائی میٹرکس ہیں، جب کہ اپیرل سورسنگ میں شامل ہیں: ایجیلیٹی ٹیکسٹائل پرائیویٹ لمیٹڈ، برلی ٹیکس پرائیویٹ لمیٹڈ، اے۔ مجید اینڈ سنز، گلف اینڈ اسپورٹس، جمشید اپیرل، ایس ایچ زیڈ ٹیکسٹائلز، اسپائیکی انٹرنیشنل، ٹرینڈ مینوفیکچرنگ کمپنی، المکہ اکیسپورٹس، زیڈ کے انٹرنیشنل، آدم جی ٹیکسٹائل ملز، ففٹی فورٹیکس، انفارمیشن پاکستان، رائزنگ، ویوو انٹرنیشنل، زیفیرز ٹیکسٹائل، کوہِ نور ٹیکسٹائل ملز لمیٹڈ، بلیگل امپیکس لمیٹڈ، ٹیکس اسٹائل کارپوریشن، نگاریہ ٹیکسٹائل ملز لمیٹڈ، ایم جی اپیرل لمیٹڈ، میرز انٹرنیشنل۔

پاکستان کی یہ رنگا رنگ شرکت عالمی ٹیکسٹائل افق پر اس کی ابھرتی ہوئی شناخت کی خبر دیتی ہے۔ پیرس میں اس بین الاقوامی میلے میں پاکستانی کمپنیوں کی شرکت، معیار، جدت اور دو طرفہ تجارتی روابط کے نئے در کھولنے کے عزم کی گواہ ہے۔