صدر آل پاکستان انجمن تاجران اجمل بلوچ نے کہا ہے کہ حکومت چینی کا بحران ختم کرنے میں ابھی تک ناکام ہے، ہول سیل منڈی بند پڑی ہے۔

آل پاکستان انجمن تاجران کے صدر اجمل بلوچ نے اب بھی موجود چین کے بحران کی نشاندہی کرتے ہوئے کہا کہ اسلام آباد کی ہول سیل منڈی غیرمعینہ مدت کیلئے بند پڑی ہے، ملک میں چینی کا بحران ختم نہیں ہوا، یہ منطق سمجھ سے بالاتر ہے کہ چینی مہنگی خرید کر سستی بیچی جائے۔

اجمل بلوچ کا مزید کہنا تھا کہ حکومت فوری طور پر بحران ختم کرکے چینی مارکیٹوں میں بھجوائے، حل نہ نکالا گیا تو کریانہ اسٹورز اور ہول سیل منڈیاں بند کردینگے۔

یہ بھی پڑھیں: چینی بحران کی تحقیقات ، ایف آئی اے کے اہم انکشافات

اس ماہ کے شروع میں صدر آل پاکستان انجمن تاجران اجمل بلوچ نے بتایا تھا کہ بیشتر شوگر ملز کے پاس اسٹاک ختم ہوچکا ہے، حکومت چینی بحران کا فوری حل نکالے۔

ان کا کہنا تھا کہ سینٹرل پنجاب کی 70 فیصد شوگر ملز کے پاس چینی کا اسٹاک ختم ہو چکا ہے، جنوبی پنجاب کی شوگر ملز نے 4 دن سے سپلائی بند کررکھی ہے۔

آل پاکستان انجمن تاجران کے صدر نے چینی کی کمیابی کی نشاندہی کرتے ہوئے مزید کہا تھا کہ جس دکان پر چینی نہیں اسے سیل کردیا جاتا ہے جو ظلم ہے۔

ان کا کہنا تھا کہ کریانہ ریٹیلرز کی گرفتاریوں سے چینی کا بحران ختم نہیں ہوگا، بحران ڈنڈے سے نہیں اسٹیک ہولڈرز کے ساتھ بات چیت سے ختم ہوگا۔

https://urdu.arynews.tv/a-major-blow-to-efforts-to-end-the-sugar-crisis-at-utility-stores/

محکمہ لائیو اسٹاک نے کہا ہے کہ پشاور: خیبر پختونخوا میں سیلاب سے 1 ارب 57 کروڑ روپے مالیت کے مویشی اور چارہ بہہ گیا۔

تفصیلات کے مطابق خیبر پختونخوا میں حالیہ سیلاب کے باعث مویشیوں کے حوالے سے بھی بڑے پیمانے پر نقصان ہوا ہے، محکمہ لائیو اسٹاک نے نقصانات کی ابتدائی رپورٹ جاری کردی ہے، رپورٹ میں بتایا گیا ہے کہ سیلاب میں 5 ہزار سے زائد مویشی اور 10 ہزار مرغیاں ہلاک ہوئیں۔

محکمہ لائیو اسٹاک کی جاری کردہ رپورٹ میں کہا گیا کہ 7 اضلاع میں مجموعی طور پر 5 ہزار 328 مویشی ہلاک ہوئے۔

ہلاک مویشیوں میں 1 ہزار 91 بکریاں اور 1 ہزار 628 بچھڑے شامل ہیں، بونیر میں 748، سوات میں 218، شانگلہ 116، باجوڑ 58، بٹگرام 29، لوئردیر 16 اور مانسہرہ میں 6 بکریاں ہلاک ہوئیں۔

رپورٹ میں بتایا گیا کہ سیلاب میں 1 ہزار 89 گائے، 822 بھینسیں، 544 بھیڑیں ہلاک ہوئیں، بونیر میں 703، سوات میں 71، شانگلہ میں 38 بھینسیں ہلاک ہوئیں۔

بونیر میں 875، سوات میں 112، شانگلہ 63، باجوڑ میں 30 گائے سیلاب میں بہہ گئیں، سیلاب کے باعث پولٹری فارمز کو بھی شدید نقصان پہنچا، بونیر میں 9 ہزار مرغیاں، باجوڑ و سوات میں 4 ہزار 435 گھریلو مرغیاں ہلاک ہوئیں۔

محکمہ لائیواسٹاک نے رپورٹ میں بتایا کہ مانسہرہ، شانگلہ، بونیر، سوات میں جانوروں کے 336 شیلٹرز کو نقصان پہنچا، سیلاب سے 28 کروڑ 60 لاکھ مالیت کا جانوروں کا چارہ خراب ہوا۔

اسلام آباد :‌ امریکا، جاپان اور دیگر عالمی مالیاتی اداروں نے ریکوڈک منصوبے کیلئے 6 بلین ڈالر کی فنڈنگ کا اعلان کردیا۔

تفصیلات کے مطابق پاکستان کی اقتصادی ترقی کے لیے اہم پیشرفت سامنے آئی ہے، اسپیشل انویسٹمنٹ فیسلیٹیشن کونسل (SIFC) کی معاونت سے ریکوڈک منصوبے کے لیے درکار فنڈز کی منظوری دے دی گئی۔

حکام نے بتایا امریکا، جاپان اور دیگر عالمی مالیاتی اداروں نے ریکوڈک پروجیکٹ کے لیے 6 بلین ڈالر کی فنڈنگ کا اعلان کیا ہے، اس پیکیج میں ایشیائی ترقیاتی بینک (ADB) اور ورلڈ بینک کی جانب سے 1.05 بلین ڈالر کی منظوری پہلے ہی دی جاچکی ہے۔

اے ڈی بی کا کہنا تھا کہ ریکوڈک منصوبہ عالمی سطح پر تانبے کی کمی کو پورا کرنے میں معاون ثابت ہوگا جبکہ یہ منصوبہ پاکستان میں روزگار کے مواقع پیدا کرنے، علاقائی اور سماجی ترقی کو فروغ دینے میں بھی اہم کردار ادا کرے گا۔

ماہرین کا نے کہا ہے کہ کہ ریکوڈک کے معدنی ذخائر پاکستانی معیشت کے لیے غیر ملکی سرمایہ کاری کا سنگ میل ثابت ہوں گے۔

ایس آئی ایف سی کی معاونت سے اس منصوبے کی بروقت تکمیل نہ صرف قومی معیشت کو سہارا دے گی بلکہ عالمی سطح پر پاکستان کی معدنی صلاحیتوں کو اجاگر کرنے میں بھی مددگار ہوگی۔