Category: انٹرٹینمںٹ

وفاقی وزیر اطلاعات مریم اورنگزیب نے کہا ہے کہ پنجابی فلم ہماراقیمتی اثاثہ ہے، جس پراس وقت جمود طاری ہے، اس میں پھرجان ڈالیں گے۔

اے آر وائی نیوز کے مطابق ملکی فلمی صنعت کی بحالی کیلیے فلم پروڈیوسرز ایسوسی ایشن کے امجد رشید، پیر سعد، سید نور، ستیش آنند اور بدر اکرام نے وفاقی وزیر اطلاعات ونشریات مریم اورنگزیب سے ملاقات کی اور انہیں پاکستانی فلمی صنعت کو درپیش مشکلات اور مسائل سے آگاہ کیا۔

اس موقع پر وزیر اطلاعات مریم اورنگزیب نے وفد کو فلمی صنعت کی بحالی کے بارے میں اقدامات سے آگاہ کیا اور کہا کہ فلمی صنعت کے ریلیف کے لیے فلم اینڈ کلچر پالیسی 2018 کو بحال کردیا گیا ہے اور اس حوالے سے جلد سفارشات وزیراعظم کو پیش کی جائیں گی اور فلم پروڈیوسرز ایسوسی ایشن کے مطالبات، مسائل اور حل کے لیے مل کر کام کریں گے۔

مریم اورنگزیب نے کہا کہ فلم کو صنعت کا درجہ دے رہے ہیں اور صنعت کےطور پر اس شعبے کو رعایت دیں گے، فلموں کی کہانی، معیار، ٹیکنالوجی کو بہتر بنانا قومی پالیسی کا حصہ ہے اور اس پالیسی میں سینما گھرو ں کی بحالی، نئےسینما گھروں کی تعمیر اور فنکاروں کے لیے مراعات شامل ہیں۔

ان کا کہنا تھا کہ پنجابی فلم ہماراقیمتی اثاثہ ہے، جس پراس وقت جمود طاری ہے، اس میں پھرجان ڈالیں گے، فلم وثقافت کے اسٹیک ہولڈرز سے مشاورت کے بعد تجاویز کو بجٹ کا حصہ بنایا جائے گا جبکہ بچوں کے لیے تیار مواد پر بھی خصوصی رعایت دیں گے تاکہ بچوں کے پروگراموں کی حوصلہ افزائی ہو۔

وزیر اطلاعات نے مزید کہا کہ ٹکٹ کی قیمت کم، شوٹنگ کے لیے اجازت ناموں کو آسان بنائیں گے اس کے علاوہ فلم سازی کے لیے آلات اور مشینری کی درآمد میں بھی حکومت تعاون کرے گی۔

مشہور  بھارتی کامیڈی ڈرامہ ”تارک مہتا کاالٹا چشمہ“ کے ناظرین کیلئے بری خبر آگئی۔ اداکار سلیش لودھا (تارک مہتا) نے شو میں مزید کام کرنے سے انکار کردیا ہے۔

”تارک مہتا کاالٹا چشمہ“ کے چاہنے والے نہ صرف بھارت بلکہ پاکستان میں بھی بڑی تعداد میں موجود ہیں تاہم اب اس کے چاہنے والوں کیلئے ایک بری خبر ہے کہ اب وہ اس ڈرامہ کے اہم کردار اور جیٹھا لعل کے پرم متر سلیش لودھا (طارق مہتا) کو وہ اس شو میں مزید نہیں دیکھ سکیں گے۔

ٹائمز آف انڈیا کی رپورٹ کے مطابق بھارتی ٹیلی ویژن کے مشہور کامیڈی ڈرامہ سیریل تارک مہتا کا الٹا چشمہ میں تارک مہتا کا کردار ادا کرنے والے 52 سالہ سلیش لودھا نے 14 سال بعد ڈرامہ سیریل کو خیرباد کہنے کا فیصلہ کرلیا ہے۔

رپورٹ میں اداکار کے قریبی ذرائع کے حوالے سے بتایا گیا کہ ادارکار سمجھتے ہیں کہ انہوں نے ڈرامہ کے لیے جو تاریخیں دی ان کو صحیح طریقے سے استعمال نہیں کیا گیا۔

ذرائع کا کہنا ہے کہ ڈرامے کے پروڈکشن ہاؤس نیلا ٹیلی فلم کے ساتھ کیے گئے معاہدہ کے تحت اداکار کہیں اور کام بھی نہیں کرسکتے اور اسی وجہ سے وہ چھوٹی اسکرین کے چند بڑے پراجیکٹس کو انکار بھی کرچکے ہیں۔

رپورٹ کے مطابق پروڈکشن ہاؤس کی جانب سے اداکار کو کام جاری رکھنے کے لیے رضامند کرنے کی پوری کوشش کی جارہی ہے، مگر سلیش لودھا اسے چھوڑنے کا ذہن بناچکے ہیں، اور ان کا واپیس کا کوئی ارادہ نہیں ہے۔

پاکستانی شوبز انڈسٹری کی مقبول اداکارہ سارہ خان کے چہرے کا یہ حال کیسے ہوگیا؟ مداح دیکھ کر پریشان ہوگئے۔

کسی بھی انسان کے لیے اس کا چہرہ سب کچھ ہوتا ہے، اور وہ اپنے چہرے کی خوبصورتی کو برقرار رکھنے کیلئے کچھ نہ کچھ کرتا رہتا ہے، لیکن فنکاروں کو اپنے چہرے کی خوبصورتی کو برقرار رکھنے کیلئے عام انسانوں سے زیادہ خیال رکھنا پڑتا ہے، تاکہ وہ اسکرین پر زیادہ سے زیادہ خوبصورت اور اچھے نظر آسکیں۔

لیکن حال ہی میں شوبز انڈسٹری کی خوبرو اداکارہ سارہ خان جنھیں ہمیشہ ہنستے مسکراتے دیکھا گیا ہے کی ویڈیو سوشل میڈیا پر وائرل ہورہی ہے، جس میں مداح ان کے چہرہ کو دیکھ کر پریشان ہوگئے۔ ویڈیو میں ان کا چہرہ مکمل طور پر بدلا ہوا محسوس ہورہا ہے۔

ویڈیو میں دیکھا جاسکتا ہے کہ اداکارہ سارہ خان رو رہی ہیں لیکن آواز ان کے ہنسنے کی آرہی ہے۔

یہ بھی پڑھیں: سارہ خان کی سادگی مداحوں کو بھا گئی، تصاویر وائرل

دراصل حقیقت یہ ہے کہ یہ ویڈیو سارہ خان کے رونے کی نہیں بلکہ سوشل میڈیا ایپ اسنیپ چیٹ کے فلٹر استعمال کرنے کی ہے جس میں انھوں نے رونے والا فلٹر استعمال کیا ہے۔ اس فلٹر کی بدولت سارا روتی ہوئی نظر آرہی ہیں اور ان کا چہرہ بھی بدلا ہوا محسوس ہو رہا ہے۔

 

View this post on Instagram

 

A post shared by Ac collection (@ac_collection_77)