ARYNews.tv | Urdu – Har Lamha Bakhabar

Category: انٹرٹینمںٹ

  • ونود کھنہ کی آخری رسومات: فنکاروں کی عدم شرکت پر رشی کپور برہم

    ونود کھنہ کی آخری رسومات: فنکاروں کی عدم شرکت پر رشی کپور برہم

    ممبئی: ونود کھنہ کی آخری رسومات میں شرکت نہ کرنے پر رشی کپور ساتھی فنکاروں پر سیخ پا ہوگئے اور کہا کہ نئے فنکاروں نے شرکت نہ کر کے اچھا تاثر نہیں دیا جبکہ پریانکا چوپڑا کی تقریب میں سارے ستارے موجود تھے۔

    سماجی رابطے کی ویب سائٹ ٹوئٹر پر اپنے خیالات کا اظہار کرتے ہوئے رشی کپور نے کہا کہ نئے فنکاروں نے اُس شخص کی آخری رسومات میں شرکت نہیں کی جنہوں نے اُن کے ساتھ کام کیا، نئے اداکاروں کا یہ عمل انتہائی شرمناک ہے، نئے لوگوں کو عزت کرنا سیکھنا پڑے گی۔

    انہوں نے کہا کہ آج کی صورتحال دیکھنے کے بعد اندازہ کرسکتا ہوں کہ جب میں مروں گا تو مجھے کاندھا دینے کے لیے کوئی نہیں آئے گا کیونکہ انڈسٹری میں اب نام نہاد اسٹارز کا راج ہے۔

    رشی کپور نے کہا کہ میری اہلیہ اور بیٹا بیرون ملک گئے ہوئے ہیں اگر وہ بھارت میں ہوتے تو ضرور شرکت کرتے جبکہ جو لوگ گزشتہ رات پریانکا چوپڑا کی تقریب میں موجود تھے اُن فنکاروں نے بھی آخری رسومات میں شرکت نہیں کی جس پر مجھے بہت غصہ ہے۔

    یاد رہے رشی کپور نے ونود کھنہ کے ساتھ کئی فلموں میں کام کیا ہے، جن میں اکبر امر انتھونی، اینا مینا ڈیکا اور چاندنی جیسی مشہور فلمیں بھی شامل ہیں۔

    واضح رہے ونود کھنہ گزشتہ روز 70 برس کی عمر میں طویل علالت کے بعد ممبئی کے اسپتال میں انتقال کرگئے تھے، وہ کافی عرصے سے کینسر کے مرض میں مبتلا تھے۔

  • کترینہ بھی انسٹا گرام کی دنیا میں داخل

    کترینہ بھی انسٹا گرام کی دنیا میں داخل

    ممبئی: بالی ووڈ اداکارہ کترینہ کیف نے مداحوں سے رابطہ رکھنے کے لیے سوشل میڈیا کی ویب سائٹ انسٹا گرام پر اکاؤنٹ بنا لیا۔

    تفصیلات کے مطابق بالی ووڈ خوبرو اداکارہ کترینہ کیف جنہیں سوشل میڈیا استعمال کرنے کا شوق نہیں تھا اب وہ بڑھتا نظرآرہا ہے، فیس بک پر آفیشل پیچ بنانے کے بعد اداکارہ نے انسٹاگرام کی دنیا میں بھی قدم رکھ دیا۔

    خوبرو ادکارہ نے اپنی پہلی پوسٹ میں تصویر شیئر کی جس میں لکھا کہ ’’خوشی کی جگہ پر آنے کا آغاز کررہی ہوں‘‘.

    کترینہ نے جیسے ہی اکاؤنٹ بنایا مداحوں کی بڑی تعداد نے اُسے فالو کرنا شروع کردیا، اُن کا یہ اکاؤنٹ بہت مختصر وقت میں ہی ویریفائیڈ کردیا گیا کیونکہ اب تک 9 لاکھ 32 ہزار سے زائد مداح اُسے فالو کرچکے ہیں۔

    گزشتہ دنوں اپنی سالگرہ کی تقریب کے موقع پر کترینہ نے سوشل میڈیا پر آفیشل اکاؤنٹ بنانے کا اعلان کیا تھا، اُن کا کہنا تھا کہ لوگوں سے رابطے رکھنے کے لیے فیس بک پر اکاؤنٹ ہونا لازمی ہے۔

    اداکارہ نے اپنےانسٹا گرام پر مداحوں کے ساتھ یہ پوسٹ شیئر کی۔

    قبل ازیں کترینہ فیس بک پیج پر کئی تصاویر شیئر کرچکی ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • اے آر وائی فلم فیسٹیول کا انعقاد اگلے ماہ

    اے آر وائی فلم فیسٹیول کا انعقاد اگلے ماہ

    کراچی: اے آر وائی ڈیجیٹل نیٹ ورک اگلے ماہ پاکستان کے سب سے بڑے فلم فیسٹیول اے آر وائی فلم فیسٹیول کا انعقاد اور اس کی میزبانی کرنے جارہا ہے۔

    اے آر وائی فلم فیسٹیول ایک منفرد فیسٹیول ہے جس کا مقصد باصلاحیت پاکستانی فلمسازوں اور غیر ملکی ہدایت کاروں و فنکاروں کو اس خطے سے متعارف کروانا ہے۔

    فیسٹیول کا باقاعد آغاز 3 مئی سے ہوگا۔

    کراچی کے اوشین مال میں 3 روز تک جاری رہنے والے اس فیسٹیول میں دنیا بھر سے بھیجی گئی انٹریز میں سے منتخب فلموں کو پیش کیا جائے گا۔

    فیسٹیول میں ایک سیمینار بھی منعقد ہوگا جس میں پاکستانی فلم انڈسٹری اور سینما کو درپیش مسائل اور چیلنجز پر گفتگو کی جائے گی۔

    اس فیسٹیول کا اختتام شامِ موسیقی اور ایوارڈ کی تقریب پر ہوگا جس میں فاتح فلموں کو ایوارڈ سے نوازا جائے گا۔

    مزید پڑھیں: اے آر وائی کی فلم یوٹیوب پر سب سے زیادہ دیکھی جانے والی ویڈیو

    فاتح فلموں کو منتخب کرنے والے پینل میں آسکر ایوارڈ یافتہ فلمساز شرمین عبید چنائے اور انور مقصود سمیت متعدد بین الاقوامی فلمساز، ہدایت کار اور اداکار شامل ہیں۔

    فیسٹیول میں 30 کے قریب فلمیں پیش کی جائیں گی جن میں شرمین کی ایوارڈ یافتہ دستاویزی فلم ’سونگ آف لاہور‘ اور ایوارڈ یافتہ بھارتی فلم ’میں اور امرتا‘ بھی شامل ہیں۔

    اے آر وائی فلم فیسٹیول کے ٹکٹس زیبسٹ یونیورسٹی، گرین وچ یونیورسٹی، اقرا یونیورسٹی اور اوشین مال میں دستیاب ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • قصور اسکینڈل پر بنائی گئی فلم کے لیے ایوارڈ

    قصور اسکینڈل پر بنائی گئی فلم کے لیے ایوارڈ

    صوبہ پنجاب کے شہر قصور میں 2 سال قبل بچوں سے زیادتی کے سب سے بڑے اسکینڈل پر بنائی گئی دستاویزی فلم کو نیویارک فلم فیسٹیول میں ایوارڈ سے نوازا گیا۔

    پاکستانی فلم ساز شہزاد حمید کی بنائی گئی فلم ’قصورز لوسٹ چلڈرن‘ کو ہیومن کنسرنز کے زمرے میں ایوارڈ دیا گیا۔

    فلم میں ایک سماجی کارکن کے سفر کو دکھایا گیا ہے جو متاثرین کو انصاف پہنچانے کے لیے سرگرداں ہے۔

    یاد رہے کہ دو سال قبل اگست 2015 میں قصور کے حسین خان والا دیہات سے بچوں سے زیادتی کا لرزہ خیز اسکینڈل سامنے آیا تھا جس میں انکشاف ہوا کہ با اثر ملزمان سنہ 2009 سے گاؤں کے بچوں کو نہ صرف جنسی زیادتی کا نشانہ بنارہے ہیں بلکہ ان کی نازیبا ویڈیوز بنا کر انہیں بلیک میل بھی کر رہے ہیں۔

    مزید پڑھیں: وزیر اعظم کا قصور اسکینڈل کا نوٹس

    واقعے میں تقریباً 300 بچوں کو نشانہ بنایا گیا تھا جو اس ظلم کو سہتے سہتے بالغ ہوچکے تھے۔

    نیویارک فلم فیسٹیول میں ایوارڈ ملنے کے بعد فلم ساز شہزاد حمید کا کہنا تھا کہ اس فتح کے ذریعے بچوں سے زیادتی جیسے گھناؤنے جرم کے خلاف آگاہی پیدا ہوگی۔

    انہوں نے کہا کہ فلمیں معاشروں میں ہونے والے خفیہ اور گھناؤنے جرائم کو بے نقاب کرنے میں مددگار ثابت ہوتی ہیں۔

    قصور اسکینڈل پر بنائی جانے والی یہ فلم شہزاد کی دوسری فلم ہے۔ وہ اس سے قبل اپنی پہلی فلم پر بھی نیویارک فلم فیسٹیول میں ہی گولڈ میڈل بھی حاصل کرچکے ہیں۔

    یہ دستاویزی فلم ’فلائٹ آف دا فیلکنز‘ گوجرانوالہ کی رہائشی سسٹر زیف نامی خاتون کے بارے میں تھی جو بچیوں کو تعلیم دینے کا مقصد لیے مصروف عمل تھی۔

    شہزاد طویل عرصہ سے سنگا پور میں مقیم ہیں مگر ان کا زیادہ تر کام پاکستان سے متعلق ہے۔

    ان کے مطابق ہمارے سماجی کارکنان کی بہادری، ہماری خواتین کا حوصلہ اور مخالف حالات کے خلاف ہم پاکستانیوں کے لڑنے کی طاقت ہم جیسے فلم سازوں کو مجبور کرتی ہے کہ ہم انہیں اپنے کام کا حصہ بنائیں۔

    شہزاد اب افغانستان جانے کا ارادہ رکھتے ہیں جہاں وہ داعش کے خلاف لڑی جانے والی جنگ کو اپنی فلم کا موضوع بنائیں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • فرحان سعید کا گانا بھارتی فلم میں شامل

    فرحان سعید کا گانا بھارتی فلم میں شامل

    کراچی: پاکستانی گلوکار  فرحان سعید نےکامیابیاں سمیٹے ہوئے بالی ووڈ تک رسائی حاصل کرلی،  2015 میں کمپوز کیے گئے گانے کو نئی بھارتی فلم میں شامل کرلیا گیا۔

    تفصیلات کے مطابق پاکستانی گلوکار فرحان سعید نے 2015 میں آرمی کو خراج تحسین پیش کرنے کے لیے ایک گانا کمپوز کیا تھا، جسے بالی ووڈ فلم ’’ہاف گرل فرینڈ‘‘ میں شامل کیا گیا ہے۔

    2015 میں بنائی گئی ویڈیو

    ارجن کپور اور شردھا کپور پر فلمائے گئے گانے میں معروف بھارتی گلوکارہ شریا گھوشال اور فرحان سعید نے اپنی آواز کا جادو جگایا ہے، گانے کی شاعری اور بول دل کو چھو لینے والے ہیں۔

    فرحان سعید کے 2015 میں تیار کیے گئے گانے کو  سُن کر بھارتی میوزک ڈائریکٹرز نے گلوکار سے رابطہ کیا اور اس گانے کو فلم میں شامل کرنے کی اجازت طلب کرتے ہوئے شریا کے ساتھ گانے کی پیش کش کی۔

    ہاف گرل فرینڈ میں فلمائے گئے گانے کی ویڈیو

    یاد رہے فرحان سعید نے گزشتہ برس پاکستانی اداکارہ عروہ حسین کے ساتھ شادی کی ہے، شوبز ستارے ازدواجی بندھن میں جڑنے کے باوجود اپنے پیشے کے لیے امور سرانجام دے رہے ہیں۔

    اگرآپ کو یہ خبرپسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • ونود کھنہ: پاکستان میں پیدا ہونے والا فنکار

    ونود کھنہ: پاکستان میں پیدا ہونے والا فنکار

    ممبئی: بالی ووڈ کے معروف اداکار ونود کھنہ کے بچھڑنے پر جہاں اُن کے اہل خانہ شدت غم سے نڈھال ہیں وہیں اُن کے ساتھی فنکار اور مداح بھی جدائی کے غم میں مبتلا ہیں۔

    تفصیلات کے مطابق بالی وڈ کے معروف اداکار ونود کھنہ جو کینسر کے مرض میں مبتلا تھے آج علالت کے بعد 70 برس کی عمر میں ممبئی کے ایک ہسپتال میں انتقال کر گئے۔

    لوگوں کے ذہنوں سے ابھی اداکار کی سوشل میڈیا پر جاری ہونے والی تصاویر کے نقوش دھندلے نہیں ہوئے تھے کہ  آج  اُن کے انتقال کی خبر سامنے آگئی جو ساتھی فنکاروں اور مداحوں پر بجلی بن کر گری۔

    پڑھیں: ’’ معروف بھارتی اداکار ونود کھنہ انتقال کرگئے ‘‘

    پاکستان کے علاقے پشاور میں 1946 کو پیدا ہونے والے ونود کھنہ نے 140 سے زیادہ فلموں میں اپنی اداکاری کے جوہر دکھائے اور اپنی صلاحیتوں کا لوہا منوایا یہی وجہ ہے کہ اُن کے بچھڑنے پر سب ہی رنجیدہ ہیں۔

    ساتھی فنکار رجنی کانت نے انتقال کی خبر سُن کر سماجی رابطے کی ویب سائٹ پر پیغام شیئر کیا کہ ونود کھنہ ہمارے درمیان ہمیشہ زندہ رہیں گے ، میں اُن کے اہل خانہ سے دلی تعزیت کرتا ہوں‘‘۔

    فلم ساز کرن جوہر نے اس دکھ کی گھڑی کے موقع پر اپنی فلم باہو بلی کے پریمئیر کی تقریب کو مؤخر کرنے کا اعلان کیا۔

    اداکارہ ارشد وارثی نے کہا کہ ’’آج ہم ایک اچھے انسان اور اداکار سے محروم ہوگئے، مجھے فخر ہے کہ ونود اور میرا اسکول ایک ہی تھا‘‘۔

    انوشکا شرما نے ونود کھنہ کی جدائی کو بیان کرتے ہوئے کہا کہ ’’ونود کھنہ ہمارے ہیرو تھے اور وہ ہمیشہ ہمارے دلوں میں زندہ رہیں گے‘‘۔

    گلوکارہ لتا منگیشکر نے کہا کہ ’’اپنی دور کا بہترین اداکار ہمارے درمیان موجود نہیں، ونود کھنہ کے بچھڑنے سے فلم انڈسٹری کو بہت بڑا نقصان پہنچا ہے‘‘۔

    ساتھی اداکار رشی کپور نے ونود کھنہ کی جدائی کا اظہار ان الفاظ سے کیا کہ ’’1946 میں پاکستان کے شہر پشاور میں پیدا ہوکر برٹش انڈیا آنے والا فنکار ہمیں چھوڑ گیا‘‘۔

    رشی کپور نے ایک فلم کا پوسٹر بھی اپنے ٹوئٹر پر شیئر کیا جس کے ساتھ انہوں نے تحریر کیا کہ ’’ونود کھنہ مجھے ہمیشہ یاد رہیں گے‘‘۔

    بھارتی اداکارہ روینہ ٹنڈن نے ونود کھنہ کی جدائی پر دکھ کا اظہار کرتے ہوئے کہا کہ ’’آج ہم نے ایک سپر اسٹار کو کھو دیا، جو نہ صرف اچھا فنکار تھا بلکہ ایک اچھا انسان بھی تھا‘‘۔

    یاد رہے بالی ووڈ ہیرو ونود کھنہ کینسر کے مرض میں مبتلا تھے اور وہ ممبئی کے اسپتال میں زیر علاج بھی تھے، گزشتہ دنوں اُن کی کچھ تصاویر سوشل میڈیا پر وائرل ہوئیں جس میں وہ بہت کمزور اور کافی بیمار دکھائی دے رہے تھے، ساتھی فنکاروں کو جیسے ہی بیماری کا علم ہوا تو سب سے پہلے عمران خان نے ونود کھنہ کو اپنے اعضاء عطیہ کرنے کا اعلان کیا تھا۔

    بالی ووڈ اداکار کے بیٹے اکشے کھنہ والد کے نقشے قدم پر چلتے ہوئے فلم انڈسٹری میں اپنے جوہر دکھا رہے ہیں۔

  • یتیم بچوں کی مدد کیلئے باکسر عامر خان اور شلپا شیٹھی اکھٹے ہوگئے

    یتیم بچوں کی مدد کیلئے باکسر عامر خان اور شلپا شیٹھی اکھٹے ہوگئے

    لندن : پاکستان نژاد باکسر عامر خان بالی ووڈ اداکارہ شلپا شیٹھی کے ساتھ مل کر جنوبی ایشیا کے یتیم بچوں کی مدد کیلئے امدادی رقم جمع کرنے کے لئے ایک کنسرٹ کا اہتمام کرنے جارہے ہیں، جو 29 اپریل کو برطانیہ میں ہوگا۔

    عامرخان اور شلپا شیٹھی نے تییم بچوں کی مدد کیلئےاعلان کرتے ہوئے کہا کہ کنسرٹ کا مقصد دنیا کو اس بات سے آگاہ کرنا ہے کہ جنوبی ایشیا میں دنیا میں سب سے زیادہ 40ملین یتیم بچے رہتے ہیں اور وہ اس کنسرٹ کیلئے برطانیہ کے ایک پلیٹ فارم پر جنوبی ایشیا کی اہم شخصیات کو جمع کریں گے۔

    ابرار الحق کی پرفارمنس

    ابرار الحق واحد پاکستانی گلوکار ہے جو اس کنسرٹ میں پرفارم کریں گے اور برطانیہ کو اپنی دھنوں سے محظوظ کریں گے۔

    With my brother @iambohemia Dubai for the shoot of new song 🙂

    A post shared by Abrar Ul Haq (@abrarulhaqpk) on

    اس کے علاوہ کنسرٹ میں برطانیہ ،ایشیا اور بالی ووڈ کی نمایاں شخصیات کے علاوہ برطانوی گلوکار اور گیت نگار جے سین بھی شرکت کریں گے، یہ کنسرٹ 29اپریل کو ٹراکسی لندن میں ہوگا۔

    عامر خان نے کہا کہ میں نے عامر خان فاؤنڈیشن اسی لئے قائم کی تاکہ برطانیہ کے نوجوان ایسے کاموں میں مثلاً گمبیا میں ایک یتیم خانے کے قیام اور پاکستان میں صاف پانی کی فراہمی کیلئے کنوئوں کی تعمیرمیں میری مدد کریں۔

  • دبنگ خان لیکس: سلمان نے باڈی گارڈز کو فارغ کردیا

    دبنگ خان لیکس: سلمان نے باڈی گارڈز کو فارغ کردیا

    بالی وڈ کے دبنگ خان اپنی ذاتی اور پیشہ ورانہ زندگی کے درمیان فاصلہ رکھنے کے قائل ہیں اور انہیں اس میں مداخلت بالکل بھی پسند نہیں۔

    اب ذرا تصور کیجئے دبنگ خان جیسے شخص کی ذاتی زندگی کی تفصیلات اگر کوئی میڈیا کو لیک کرنا شروع کردے اور میڈیا بھی بھارت جیسا جہاں رائی کو پہاڑ بنادیا جاتا ہے‘ تو سلمان خان کو ایسے شخص کے ساتھ کیسا سلوک کرنا چاہئے۔

    ذرائع کا کہنا ہے کہ سلمان خان نے حال ہی میں اپنے تین باڈی گارڈز کو فائر کیا ہے جن کے بارے میں انکشاف ہوا تھا کہ وہ انکی ذاتی زندگی کی تفصیلات میڈیا تک پہنچا رہے تھے۔

    کہا جارہا ہے کہ دبنگ خان کے علم میں جب یہ معاملہ آیا تو انہوں نے صورتحال کی باقاعدہ تفتیش کی اور پھر ایک حتمی نتیجہ نکال کر تینوں گارڈز کو فارغ کرنے کا فیصلہ کیا۔

    یقیناً باڈی گارڈ کسی بھی سیلیبریٹی کی زندگی کے بہت سے ذاتی لمحوں میں بھی ساتھ ہوتا ہے لیکن یہ اس کی پیشہ ورانہ اور اخلاقی ذمہ داری ہے کہ جس کی حفاظت پر وہ تعینات ہے اس کی جان کے ساتھ ذاتی معاملات کو بھی راز سمجھے اور کسی کے سامنے آشکار نہ کرے۔

    اب اگر کوئی سلمان خان کی سیکیورٹی ٹیم میں شامل ہونے جارہا ہے تو اس بات کا خیال رکھنا ضروری ہے کہ کہیں جانے انجانے میں بھارتی میڈیا جیسے گدھ کا نوالہ بن کر دبنگ خان کے ہاتھوں اپنی نوکری اورعزت نہ گنوابیٹھے۔

    سلمان خان پہلی بار باپ کا کردار نبھائیں گے

    بالی ووڈ سپراسٹارسلمان خان اپنی نئی فلم میں پہلی بار نوجوان بیٹی کےباپ کا کردار نبھائیں گے۔فلم میں منفرد نظرآنے کے لیےوہ آج کل ٹریننگ میں مصروف ہیں۔

    تفصیلات کےمطابق کروڑوں دلوں کی جان بالی ووڈ کےحقیقی سلطان سپراسٹار سلمان خان نےایک بار پھر ثابت کردیا کہ وہ باکس آفس پرصرف کمائی کےمعاملے میں ہی نہیں بلکہ ہمیشہ کچھ نیاکرنے کےحوالے سےبھی انڈسٹری کےحقیقی سلطان مانے جاتے ہیں۔

    یاد رہےکہ دبنگ خان کی گزشتہ دونوں فلموں ’بجرنگی بھائی جان‘ اور ’سلطان‘ نے باکس آفس پر600کروڑ سے زائد کا بزنس کرکے تہلکہ مچادیاتھا۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگر آپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • معروف بھارتی اداکار ونود کھنہ انتقال کرگئے

    معروف بھارتی اداکار ونود کھنہ انتقال کرگئے

    نئی دہلی : معروف بھارتی اداکار ونود کھنہ شدید علالت کے بعد انتقال کر گئے۔

    بھارتی میڈیا کے مطابق بھارتی اداکار ونودکھنہ انتقال کرگئے ، ونودکھنہ کی عمر70سال تھی،  وہ کافی دنوں سے علیل تھے اور کینسر  کے مرض میں مبتلا تھے۔

    بھارتی اداکار ونود کھنہ 6 اکتوبر1946 کو پیدا ہوئے، انھوں نے بالی وڈ کیرئیر کا آغاز فلم ’’ من کا میت‘‘ سے کیا، بالی ووڈ پر راج کرنے والے ونود کھنہ نے ایک سو اکتالیس سے زائد فلموں میں کام کیا اور آخری بار 2015 میں شاہ رخ خان کی فلم دل والے میں جلوہ گر ہوئے تھے۔

    ونود کھنہ بھارتی فلم انڈسٹری میں وہ واحد اداکار تھے، جو ہیرو کے ساتھ ساتھ سائیڈ ہیرو کا کردار بھی بہ خوبی ادا کرتے اور امیتابھ بچن کے ساتھ ان کی کئی کامیاب فلمیں ہیں، جیسے امر اکبر انتھونی، قربانی، مقدر کا سکندر، جرم وغیرہ ان کے کریڈٹ پر ہیں۔

    ونود کھنہ کو اپنی فلم ’ہاتھ کی سفائی‘ کے لیے بہترین معاون اداکار اور لائو ٹائم اچومنٹ کے لیے فلم فیئر ایوارڈ سے نوازا گیا جبکہ انہیں 2007 میں ذی سینی ایوارڈز کی جانب سے بھی لائف ٹائم اچومنٹ ایوارڈ دیا گیا تھا۔

    مزید پڑھیں : ونود کھنہ کینسر کے مرض میں مبتلا

    سپر اسٹار ونود کھنہ گزشتہ دنوں جسم میں پانی کی شدید کمی کے باعث ہسپتال میں داخل ہوئے تھے اور ان کی ایک تصویر بھی سوشل میڈیا پر وائرل ہوئی تھی، جس کے بارے میں کہا جا رہا تھا کہ کینسر کے علاج کے لیے اسپتال میں آئے ونود کھنہ کی اہل خانہ کے ہمراہ لی گئی تھی۔

    جس کے بعد ونود کھنہ کے انتقال کی افواہ سامنے آئیں تھیں۔

    ونود کھنہ نے فلم انڈسٹری کے علاوہ راج نیتی میں بھی اپنا کردار ادا کر رہے تھے اور پارلیمنٹ کے رکن منتخب بھی ہوئے تھے، جہاں وہ اپنے علاقے کے عوام کی خدمت میں مصروف عمل رہتے تھے، اس کے باوجود فلم سے ناطہ نہیں توڑا اور کچھ عرصے قبل تک فلمیں کرتے رہیں اور ولن سے لے کر پروفیسرز تک کے کردار ادا کیے۔

  • قومی کتاب میلے میں حادثے کا شکار‘نوجوان شاعرہ انتقال کرگئیں

    قومی کتاب میلے میں حادثے کا شکار‘نوجوان شاعرہ انتقال کرگئیں

    قومی کتاب میلے میں اسٹیج سے گر کر زخمی ہونے والی نوجوان شاعرہ فرزانہ ناز کئی دن اسپتال میں زندگی اور موت کی کشمکمش میں مبتلا رہنے کے بعد خالقِ حقیقی سے جاملیں۔

    تفصیلات کے مطابق قومی کتاب میلے کی اختتامی تقریب کے فوراً بعد پاک چائنا فرینڈ شپ سینٹر کے مین آڈیٹوریم کے 12 فٹ بلند اسٹیج سے نیچے گرکرنوجوان شاعرہ فرزانہ ناز شدید زخمی ہوئیں اور پھر ان زخموں کی تاب نہ لاتے ہوئے گزشتہ روز انتقال کرگئیں۔

    مین آڈیٹوریم میں اسٹیج اورحاضرین کے درمیان حد فاصل رکھنے کے لیے ایک خالی جگہ ہے جس کا فرش سنگِ مرمر کا ہے۔ فرزانہ سیڑھی سے چڑھتے ہوئے اپنا توازن برقرار نہ رکھ سکیں اور سر کے بل اس خالی جگہ میں جا گریں۔

    انہیں فوراً شفاانٹرنیشنل ہسپتال پہنچایا گیا لیکن وہ ہوش میں نہ آسکیں۔اسپتال ذرائع کے مطابق ان کے سر اور ریڑھ کی ہڈی پر شدید چوٹیں آئی تھیں‘ انہیں انتہائی نگہداشت کے وارڈمیں رکھا گیا تاہم وہ جانبر نہ ہوئیں۔

    ذرائع کا کہنا ہے کہ پہلے بھی کئی افراد اس کھائی نما جگہ میں گر کر زخمی ہوچکے ہیں، لیکن انتظامیہ اس تعمیری نقص کو درست کرنے کے لیے آمادہ نظر نہیں آتی۔

    فرزانہ ناز کا گزشتہ سال ہی پہلا شعری مجموعہ ’ہجرت مجھ سے لپٹ گئی ہے‘ شائع ہوا تھا جسے ادبی حلقوں میں بے پناہ پذیرائی حاصل ہوئی تھی۔

    معروف محقق و شاعرکا اظہارِ افسوس

    اردو ڈکشنری بورڈ کے سربراہ اور معروف محقق و شاعر عقیل عباس جعفری نے اس واقعہ پراظہارِ افسوس کرتے ہوئے کہا کہ ’’واقعہ مجھ سمیت متعدد لوگوں کی نظروں کے سامنے پیش آیا مگر ہم کچھ بھی نہ کرسکے۔ انسان واقعی کتنا بے بس ہے‘‘۔

    انہوں نے توقع بھی ظاہر کی ہے کہ ’’اسلام آباد کے مئیر شیخ انصرعزیز جو سی ڈی اے کے چئیرمین بھی ہیں اور اس فرینڈ شپ سینٹر کے نگراں بھی، وہ اس تعمیری نقص کو فوراً ٹھیک کروائیں گے‘‘۔ انکا کہنا تھا کہ فرحانہ ناز تو اب واپس نہیں آسکتی لیکن شاید اس سے آئندہ ہونے والے ممکنہ حادثات کا امکان ختم ہوسکے ۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگر آپ کو یہ مضمون پسند آیا ہے تو اسے اپنی فیس بک وال پرشیئرکریں۔