لاہور: ملک میں آج کل شوبز سٹارز کی علیحدگی کی خبریں عروج پر ہیں، جاناں ملک کے بعد اداکارہ نور نے خلع کا دعویٰ دائر کردیا ہے۔
تفصیلات کے مطابق اداکارہ نور اور اپنے شوہر گلوکار ولی سے علیحدگی کا فیصلہ کرلیا ہے اور انہوں نے خلع کیلئے لاہور کی مقامی عدالت سے رجوع کرلیا ہے، اداکارہ نور نے اے آروائی نیوز سے خصوصی گفتگو کرتے ہوئے کہا کہ رشتے کو بچانے کی بہت کوشش کی، ولی حامد کے ساتھ مزید نہیں چل سکتی، کوئی عورت نہیں چاہتی اس کا گھر اجڑے۔
مزید پڑھیں : اداکارہ نورنے دو سال بعد اپنی چوتھی شادی کا اعتراف کرلیا
یاد رہے کہ گذشتہ سال لالی ووڈ کی معروف اداکارہ نور بخاری کی چوتھی خفیہ شادی منظرعام پر آئی تھی ، انہوں نے گلوکار ولی حامد سے کیا گیا خفیہ نکاح کا دوسال بعد اعتراف کرتے ہوئے کہا تھا کہ اب پوری زندگی اپنے شوہر کے ساتھ گزارنے کا فیصلہ کیا ہے۔
واضح رہے کہ اداکارہ نوراس سے قبل بھی 2 شادیاں کر چکی ہیں جو طلاق پر ختم ہوئی تھیں، انہوں نے پہلی شادی 2008 میں بھارتی شہری وکرم سے کی تھی جو 2010 میں ختم ہوگئی جبکہ انہوں نے دوسری شادی فلم پروڈیوسر فاروق مینگل سے کی جو صرف چار ماہ برقرار رہی۔
اس کے بعد تیسری شادی عون چوہدری سے کی تھی اور ان کی یہ شادی بھی طلاق پر ہی ختم ہوئی تھی، جس کے بعد انہوں نےچوتھی شادی ولی حامد خان سے کی ہے۔
مزید پڑھیں : نعمان جاوید اور جاناں ملک کے راستے جدا ہوگئے
خیال رہے چند روز قبل پاکستان کے نامور گلوکار نعمان جاوید اور اداکارہ جاناں ملک کے درمیان ہونے والی شادی کا اختتام ہوگیا، جاناں ملک نے اپنا طلاق نامہ میڈیا سے سامنے پیش کرتے ہوئے کہا تھا کہ ’’سمجھوتا نہ ہونے پر دونوں نے رضا مندی سے علیحدگی کا فیصلہ کیا کیونکہ دونوں کو اچھی زندگی گزارنے کا حق حاصل ہے۔
