کراچی: اداکار حمزہ علی عباسی کی اہلیہ نیمل خاور نے خوبصورت پیغام سوشل میڈیا پر شیئر کردیا۔
تفصیلات کے مطابق سابقہ اداکارہ نیمل خاور اور حمزہ علی عباسی کی اہلیہ نے اپنے شوہر کی 36 ویں سالگرہ پر خوبصورت پیغام شیئر کردیا جسے مداحوں کی جانب سے خوب سراہا جارہا ہے۔
سابقہ اداکارہ نے سماجی رابطے کی ویب سائٹ انسٹاگرام پر لکھا کہ ’ان کے شوہر ایسے شخص ہیں جن کا دل سونے کا ہے، ان کا دل پاکیزگی سے بھرا ہوا ہے، ہر دن میری دنیا کو روشن کرنے کے لیے شکریہ، میری محبت سالگرہ مبارک ہو۔
اداکارہ حمزہ عبلی عباسی نے جواب دیتے ہوئے لکھا کہ ’ہائے اللہ‘ اور انہوں نے دل کی ایموجی بھی بنائی۔
حمزہ اور نیمل کو مداحوں نے مبارک دی اور ساتھ ہی ہیش ٹیگ ’ہیپی برتھ ڈے حمزہ علی عباسی‘ لگایا، انہوں نے مداحوں کا شکریہ ادا کرتے ہوئے کہا کہ براہ کرم مجھے اپنی دعاؤں میں یاد رکھیں، میں اس کی رحمتوں کے لیے ہمیشہ اللہ کا شکر گزار ہوں۔
واضح رہے کہ چند روز قبل حمزہ علی عباسی نے ان لوگوں سے معافی مانگی تھی جن کا انہوں نے ماضی میں کبھی دل دکھایا ہو۔
یاد رہے کہ حمزہ اور نیمل دونوں ہی سوشل میڈیا پر کافی متحرک رہتے ہیں اور مداحوں کو اپنی روزمرہ مصروفیات کے حوالے سے آگاہ کرتے رہتے ہیں۔
