Category: یورپ

ماسکو: روس کے شہر ماسکو ایئرپورٹ کے رن وے پر دو مسافر طیارے آپس میں ٹکرا گئے جس کے سبب مسافر خوفزدہ ہوگئے اور طیاروں کو نقصان پہنچا۔

غیرملکی خبررساں ادارے کے مطابق روس کے شہر ماسکو میں 2 مسافر طیارے آپس میں ٹکرا گئے، ایرو فولٹ ایئربس اے 330-343 میں 229 مسافر سوار تھے۔

رپورٹ کے مسافر ایئربس مسافروں کو لے کر بیجنگ روانہ ہورہی تھی کہ قریب کھڑے بوئنگ 777 طیارے سے ٹکرا گئی، حادثے کے نتیجے میں طیاروں کو نقصان پہنچا۔

ایئرپورٹ انتظامیہ کے مطابق حادثے کے نتیجے میں کوئی مسافر زخمی نہیں ہوا ہے، طیاروں کو گراؤنڈ کردیا گیا ہے۔

تصویر میں دیکھا جاسکتا ہے کہ حادثے کے باعث طیارے کے پروں کو نقصان پہنچا ہے، مسافروں کو دوسرے طیارے میں روانہ کرنے سے قبل انہیں ٹرمینل بھیج دیا گیا۔

یہ پڑھیں: ماسکو: روسی مسافر بردار طیارے میں دوران پرواز آگ، ہنگامی لینڈنگ، 13 افراد ہلاک

حادثے کی وجوہات جاننے کے لیے کمیٹی تشکیل دے دی گئی ہے اور ٹیکنیشن کی جانب سے طیارے کی مرمت کے کام کا آغاز کردیا گیا ہے۔

واضح رہے کہ پکشن انٹرنیشنل ایئرپورٹ ماسکو پر روزانہ کی بنیاد پر متعدد انٹرنیشنل فلائٹس اترتی ہیں۔

رپورٹ کے مطابق 2017 میں روس کے ایرئوپرٹ پر 40.1 ملین مسافر تین لاکھ آٹھ ہزار 90 طیاروں کی مدد سے اپنی منزل مقصود پر پہنچے تھے۔

یاد رہے کہ رواں سال مئی میں روسی مسافر بردار طیارے میں دوران پرواز آگ بھڑک اٹھی تھی جس کے نتیجے میں 13 افراد ہلاک ہوگئے تھے، طیارے میں 78 مسافر اور عملے کے ارکان سوار تھے۔

مقامی طیارہ سخوئی سپر جیٹ 100 کے بارے میں بتایا گیا کہ یہ ماسکو ایئر پورٹ سے پرواز کر کے مرمانسک جا رہا تھا کہ اڑان بھرنے کے تھوڑی دیر بعد اس میں آگ بھڑک اٹھی۔

برلن: جرمنی کے شہر برلن کے چڑیا گھر میں مادہ پانڈا مینگ مینگ نے ہفتے کی صبح گلابی رنگ کے جڑواں بچوں کو جنم دیا۔

غیرملکی خبررساں ادارے کے مطابق جرمنی کے دارالحکومت برلن کے چڑیا گھر کی انتظامیہ نے اعلان کیا کہ ہفتے کی صبح چھ بج کر 54 منٹ پر پانڈا مینگ مینگ نے گلابی رنگ کے جڑواں بچوں کو جنم دیا، یہ پیدائش کے وقت اتنے چھوٹے تھے کہ انہیں آسانی سے ہتھیلی پر اٹھایا جاسکتا تھا۔

چڑیا گھر کی انتظامیہ کے مطابق 6 سالہ ماندہ پانڈا مینگ مینگ نے پیدائش کے فوری بعد ہی ممتا کا مظاہرہ کرتے ہوئے ان ننھے بچوں کو اپنے پیٹ پر رکھ کر اپنے بڑے بڑے پنجوں، گرم سانسوں اور نرم کھال کے ذریعے گرمائش پہنچائی۔

چڑیا گھر میں جانوروں کی دیکھ بھال پر مامور افراد نے گزشتہ ہفتے ہی مینگ مینگ کے حاملہ ہونے کی تصدیق کی تھی۔

مزید پڑھیں: چڑیا گھر میں سرخ پانڈا کے ننھے بچوں کا استقبال

اپریل میں مینگ مینگ نے 9 سالہ ژیاؤ چنگ کے ساتھ ملاپ کیا تھا اور حمل کے امکان کو بڑھانے کے لیے مصنوعی فرٹیلائزیشن کا بھی استعمال کیا گیا تھا۔

یون سن 2017 میں پانڈا کی ایک جوڑی کو ایک ملین یورو کے عوض چین سے ادھار لیا گیا تھا، ان جوڑی میں مینگ مینگ مادہ اور ژیاؤ چنگ نر پانڈا ہے، یہ جرمنی کے کسی بھی چڑیا گھر میں پانڈوں کی واحد جوڑی ہے۔

واضح رہے کہ 2017 میں جی ٹوینٹی سربراہ کانفرنس بھی منعقد ہوئی اس موقع پر چینی صدر شی جن پنگ اور جرمن چانسلر انجیلا مرکل نے مل کر برلن کے چڑیا گھر کا دورہ کرتے ہوئے پانڈا کی اس جوڑی کو بھی دیکھا تھا۔

پانڈا جوڑی کو برلن لانے کا مقصد ان کی افزائش نسل تھا، افزائش نسل کی یہ کوششیں گزشتہ دو برس سے جاری تھیں، اس سلسلے میں جانوروں کے ڈاکٹر اور چینی ماہرین حیاتیات کی بھی مدد لی گئی تھی۔