Category: فن و ثقافت

پاکستان کی لوک داستانوں کے ان چند کرداروں کا نام اور ان سے منسوب داستانیں آپ نے بھی سنی اور پڑھی ہوں گی۔ سسی، ماروی، شیریں اور لیلیٰ جیسے نام نہ صرف ہمارے ہاں عام ہیں بلکہ تاریخ اور ثقافت پر مبنی کتب میں ان افسانوی کرداروں کو مختلف روایات کے تحت بیان کیا گیا ہے۔ ادب کی بات کی جائے تو نظم و نثر میں بھی لوک داستانوں اوران کے افسانوی کرداروں کو نہایت خوب صورتی سے پیش کیا گیا ہے۔ اس کے علاوہ ان پر ڈرامے بھی بنائے گئے جن کو بہت مقبولیت ملی۔

ان لوک داستانوں کے مرکزی کرداروں کا تعلق کن علاقوں سے تھا، یہ جاننا آپ کی دل چسپی کا باعث بنے گا۔

تاریخ و ثقافت کے مختلف حوالوں اور شاعری میں آپ نے سسی کا ذکر ضرور سنا اور پڑھا ہوگا۔ یہ سندھ اور بلوچستان کی مشہور لوک داستان کا کردار ہے۔ روایت ہے کہ سسی پنوں کی محبت میں جب وہ موڑ آیا جہاں جدائی مقدر بن گئی تو ایک نئی داستان رقم ہوئی۔ سسی اپنے محبوب کی تلاش میں نکل پڑی اور اس راستے میں اس نے سختیوں اور کئی مشکلات کا سامنا کیا۔

ایک اور مشہور لوک داستان کا کردار ماروی بھی آپ کے ذہن میں ہو گا۔ اس افسانوی کردار کا تعلق سندھ کے صحرائے تھر سے ہے۔ راویات کے مطابق عمر ماروی کی کہانی جس طرح بیان کی جاتی ہے اس میں ماروی کو اپنی مٹی سے پیار اور اس کی پاک دامنی کے باعث یاد کیا جاتا ہے۔

شیریں اور فرہاد کا نام تو سبھی نے سنا ہے۔ ان دونوں کرداروں سے ایک داستان منسوب ہے، جس پر نثر اور نظم دونوں کی مختلف اصناف میں نہایت خوب صورت انداز میں پیش کیا جاتا رہا ہے۔ اس افسانوی داستان کے کردار شیریں کا تعلق بلوچستان کے ضلع آواران بتایا جاتا ہے۔

اکثر فرصت کے لمحات میں جب ہم ماضی کی یادوں سے بہلنے لگتے ہیں یا اکیلے پن اور تنہائی کا احساس ستاتا ہے تو کوئی گیت گنگنانے اور موسیقی سے لطف اندوز ہونا چاہتے ہیں۔ کبھی آپ پر بھی ایسی کیفیت ضرور طاری ہوئی ہو گی جب آپ کے لبوں پر بے اختیار کوئی گیت، کوئی شعر گویا بول اٹھا ہو۔

پیار بھرے دو شرمیلے نین جیسا خوب صورت گیت آپ سبھی نے سنا ہو گا اور کبھی گنگنایا بھی ہو گا۔ کیا آپ اس گیت کے خالق کا نام جانتے ہیں؟

ان کا نام خواجہ پرویز ہے جو صرف اسی مقبولِ عام گیت کے خالق نہیں بلکہ انھوں نے اردو اور پنجابی زبان میں سیکڑوں نغمے تخلیق کیے جو ان کی شہرت کا سبب بنے۔ معروف نغمہ نگار خواجہ پرویز کی فلمی شاعری کو اپنے وقت کے نام ور گائیکوں نے اپنی آواز دی اور وہ سپر ہٹ ثابت ہوئے۔

اس خوب صورت گیت نگار کا اصل نام خواجہ غلام محی الدین تھا جب کہ پرویز تخلص۔ تاہم فلمی دنیا میں انھیں خواجہ پرویز کے نام سے شہرت ملی۔

ان کے لکھے ہوئے دیگر مشہور گیتوں میں سے چند یہ ہیں۔
‘‘تمہی ہو محبوب مرے میں کیوں نہ تمہیں پیار کروں’’ اپنے وقت کے مقبول ترین گیتوں میں سے ایک ہے۔

‘‘تیرے بنا یوں گھڑیاں بیتیں جیسے صدیاں بیت گئیں’’ فلم آنسو کا وہ گانا تھا جو بے حد مقبول ہوا۔

‘‘کہتا ہے زمانہ کہیں دل نہ لگانا’’ اُس زمانے کا ایک مقبول گانا تھا جس کی دھن ماسٹر عنایت نے بنائی تھی۔

خواجہ پرویز کا لکھا ہوا گیت ‘‘پیار بھرے دو شرمیلے نین’’ فلم چاہت میں شامل تھا۔

شاید آپ کی سماعت میں یہ گیت ابھی تازہ ہوں، یا زندگی کی کم از کم چالیس بہاریں دیکھنے والوں کو تو ضرور یہ گیت اور گائیک یاد ہو گا۔

ایک بات کہوں دلدارا، تیرے عشق نے ہم کو مارا
مٹ نہ سکے گا میرے دل سے بینا تیرا نام۔۔۔۔۔۔۔۔۔

اور یہ درد بھرا نغمہ بھی آپ کی سماعتوں میں تازہ ہو گا۔
میں تو جلا ایسا جیون بھر، کیا کوئی دیپ جلا ہو گا

یقینا، آپ کے ذہن کے پردے پر اپنے دور کے معروف پلے بیک سنگر اے نیر کی تصویر ابھری ہو گی۔ آج اس جادو بھری آواز کو ہم سے بچھڑے تین برس بیت گئے ہیں۔

ان کے گائے ہوئے گیت آج بھی ہر عمر کے شائقینِ موسیقی میں پسند کیے جاتے ہیں۔ ان گیتوں کے خوب صورت بول، موسیقی اور اے نیر کی مدھر آواز نے 80 کی دہائی میں سبھی کو اپنا دیوانہ بنا رکھا تھا۔ اے نیر اس زمانے میں مقبول ترین گلوکاروں میں سے ایک تھے اور شہرت کی بلندیوں کو چھو رہے تھے۔ وہ ایک کام یاب پلے بیک سنگر کی حیثیت سے عرصے تک انڈسٹری میں مصروف رہے۔ ان کے گائے ہوئے تمام گیتوں کو لازوال شہرت ملی۔ اے نیر کو ملک میں اور سرحد پار بھی اپنی گائیکی کی وجہ سے بے حد مقبولیت ملی۔

ان کا اصل نام آرتھر نیر تھا۔ 1955 میں ساہیوال میں پیدا ہونے والے آرتھر نیر نے گلوکاری کے میدان میں اے نیر کے نام سے پہچان بنائی۔ ان کا بچپن پنجاب کے شہر عارف والا میں گزرا اور بعد میں ان کا خاندان لاہور منتقل ہو گیا۔ یہیں گریجویشن کیا اور اپنے شوق و لگن کی وجہ سے گلوکاری کے میدان میں قدم رکھا۔ کہتے ہیں وہ شروع ہی سے فلموں کے رسیا تھے۔ گائیکی کا شوق اسی زمانے میں پروان چڑھا اور وہ پاکستان کے نام ور گلوکاروں کے درمیان جگہ بنانے میں کام یاب رہے۔

1974 میں اے نیر نے پہلا فلمی گیت گایا جس کے ذریعے انڈسٹری اور شائقین سے ان کا تعارف ہوا۔ یہ سلسلہ دراز ہوتا چلا گیا اور وقت نے اے نیر کو پاکستان کے مقبول ترین گلوکاروں کی صف میں لا کھڑا کیا۔

بہترین گلوکاری پر پانچ بار نگار ایوارڈ اپنے نام کرنے والے اے نیر نے فلموں کے لیے ہزاروں گیت ریکارڈ کروائے۔ انھیں پہلا نگار ایوارڈ 1979 میں دیا گیا۔ اے نیر فن گائیکی میں احمد رشدی کو اپنا استاد مانتے تھے۔

12 نومبر 2016 کو یہ خوب صورت گلوکار ہمیشہ کے لیے اس دنیا سے چلا گیا۔ وہ عارضۂ قلب میں مبتلا تھے اور 66 سال کی عمر میں زندگی کا سفر تمام کیا۔ 2018 میں حکومت کی جانب سے انھیں پرائڈ آف پرفارمنس سے نوازا گیا۔

اردو اور مقامی زبانوں میں بھی تخلیق ہونے والا ادب یوں تو ہمارے تمدن، تہذیب اور ثقافت کو اجاگر کرتا ہے، مگر لوک ادب میں اس کا خاص رنگ جھلکتا ہے۔

لوک ادب میں کسی بھی علاقائی رہن سہن، تہذیب و تمدن اور ثقافت کی نہایت خوب صورت مثالیں ملتی ہیں۔ اسی میں شاعری بھی شامل ہے جس کی مختلف اصناف داستانوں، افسانوی شخصیات کے تذکروں سے آراستہ ہیں۔ ماہیا ایک ایسی ہی صنف ہے جسے ہم سرزمین پنجاب کے مقبول ترین عوامی گیت کہہ سکتے ہیں۔ اس صنفِ سخن کا تعلق لوک روایات سے ہے۔

ماہیا، دراصل ماہی سے تشکیل پایا ہے۔ اردو زبان میں ماہی سے مراد محبوب ہے۔ تاہم بعض محققین کے نزدیک یہ لفظ بھینس چرانے والے کے لیے استعمال ہوتا تھا اور بعد میں مجازاً پیارے اور محبوب کے لیے بولا جانے لگا۔ مقامی شعرا نے پنجاب کے حسن، محبت کی داستانوں اور انسانی جذبات کو اس صنفِ سخن میں نہایت خوب صورتی سے سمیٹا ہے۔

ماہیا وہ کلام ہے جس میں تین مصرعوں میں شاعر اپنی بات کہتا ہے۔ اس صنف کا پہلا اور تیسرا مصرع ہم وزن جب کہ درمیانی مصرع کے دو حروف پہلے اور آخری مصرع کے مقابلے میں کم ہوتے ہیں۔ پنجاب کی اس مقبول صنف نے اردو زبان اور شعرا کو بھی متاثر کیا اور فلموں اور ریڈیو میں اردو ماہیے کا سلسلہ شروع ہوا۔ یہ بنیادی طور پر گائی جانے والی صنف ہے اور یہی وجہ ہے کہ اس کے لیے دُھن، ردھم اور آوازوں کو اہمیت دی گئی۔

ماہیے میں خطۂ پنجاب کی خوب صورتی، دل کشی، یہاں کی تہذیب و اقدار اور ثقافت کو مدنظر رکھا گیا، مگر اردو شعرا نے بھی اس طرف توجہ دی۔ یہ کہنا غلط نہ ہو گا کہ اردو زبان کے تخلیق کاروں نے اسے مقامی ادب سے نکال کراس کی اہمیت بڑھا دی۔ اردو زبان میں اسی طرح تین مصرعوں کی ہائیکو اور ثلاثی جیسی اصناف بھی موجود ہیں جن کے شعری لوازم جدا ہیں۔

ماہیے کے حوالے سے اردو شعرا کا نام لیا جائے تو قمر جلال آبادی اور ساحر لدھیانوی سے پہلے ہمت رائے شرما اور قتیل شفائی کے ماہیے فلموں میں گائے گئے۔ اس حوالے اختر شیرانی، چراغ حسن حسرت جیسے مشہور شعرا کا نام بھی لیا جاتا ہے۔

ماہیا پنجاب کی مقبول صنفِ سخن ہے اور ادبی محافل اور خاص تقاریب میں ضرور سنے جاتے ہیں اور سب ان سے لطف اندوز ہوتے ہیں۔ اس کی ایک وجہ یہ ہے کہ اس میں پنجاب کے دیہات کی خوب صورت زندگی اور دل رُبا داستانوں سے لازوال کرداروں کو سمیٹا گیا ہے۔ اردو زبان میں اس صنفِ سخن میں یہ مشہور گیت پیشِ خدمت ہے۔

ساون میں پڑے جھولے
تم بھول گئے ہم کو
ہم تم کو نہیں بھولے

کراچی: ملک بھر میں آج جشن عیدمیلاد النبی ﷺ کو مذہبی جوش و خروش سے منایا گیا، ہر شخص نے پرمسرت دن کو اپنے انداز سے منایا اور دوستوں کو مبارک باد کے پیغامات بھیجے۔

پاکستانی اداکار اور معروف شخصیات نے بھی مذہبی عقیدت و احترام کے ساتھ محسنِ انسانیت حضور اقدس ﷺ کے ولادت کے دن کو منایا اور مبارک باد پیش کی۔ پاکستانی گلوکار اور اداکار علی ظفر نے سماجی رابطے کی ویب سائٹ پر اپنے نئے کلام کی ویڈیو شیئر کی اور لکھا کہ ’’آج وہ دن ہے کہ جب حضور اکرم ﷺ تمام انسانوں کے لیے رحمت بن کر دنیا میں تشریف لائے، یہ کلام میری طرف سے اُس ہستی کے لیے چھوٹا سا ہدیہ ہے، اللہ ہم سب پر اپنی سلامتی قائم رکھے‘‘۔

Today is the day our beloved Prophet Mohammad (P.B.U.H) came into this world as a blessing for all mankind. This remains my humble expression of love for Him. May peace and blessings be upon him and all of us. #ProphetMuhammad #EidMiladUnNabi pic.twitter.com/yDCJh8mX8B

— Ali Zafar (@AliZafarsays) November 10, 2019

اداکارہ مہوش حیات نے نعتِ رسول مقبول ﷺ کا شعر لکھا ’دعا جو نکِلی تھی دل سے آخر، پلٹ کے مقبول ہو کے آئی، وہ جذبہ جس میں تڑپ تھی سچی، وہ جذبہ آخر کو کام آیا!! زہے مقدر حضورِ حق سے سلام آیا پیام آیا!‘

دعا جو نکِلی تھی دل سے آخر، پلٹ کے مقبول ہو کے آئ۔۔
وہ جذبہ جس میں تڑپ تھی سچی، وہ جذبہ آخر کو کام آیا۔۔۔
زہے مقدر حضورِ حق سے
سلام آیا پیام آیا!
❤️#EidMiladUnNabi #EidMiladunNabiMubarak

— Mehwish Hayat TI (@MehwishHayat) November 10, 2019

اداکار ہمایوں سعید نے عید میلاد النبی کی مبارک باد پیش کرتے ہوئے لکھا کہ ’’اللہ ہم سب کو  نبی ﷺ کی سیرتِ طیبہ اور تعلیمات پر عمل کرنے کی توفیق عطا فرمائے تاکہ ہم اچھے انسان بن سکیں‘‘۔

Eid Milad-un-Nabi Mubarak! May we all become better at following the teachings and emulating the life of our beloved Prophet Mohammad Sallallaahu Alaihi Wasallam #EidMiladunNabiMubarak pic.twitter.com/y82lt2Acui

— Humayun Saeed (@iamhumayunsaeed) November 10, 2019

پاکستانی گلوکار و اداکار فخر عالم نے بھی ٹویٹ‌ کیا۔

The best way to celebrate our beloved Prophet Mohammed (p.b.u.h) is to follow his teachings. pic.twitter.com/Bm2Bo51zfX

— Fakhr-e-Alam (@falamb3) November 10, 2019

یاد رہے کہ جشن عید میلاد النبی ﷺ کے سلسلے میں کراچی سمیت ملک کے طول عرض میں عمارتوں کو برقی قمقموں سے سجایا گیا جبکہ ہر سو درودو سلام کی صدائیں بلند ہو رہی ہیں۔

ویڈیو دیکھیں: سرفراز احمد کی خوبصورت آواز میں‌ نعتِ‌ رسول ﷺ ، ویڈیو دیکھیں

جشن عید میلادالنبی کے سلسلے میں عاشقان رسول ﷺ نے خانہ کعبہ اور مسجد نبوی کے حوبصورت ماڈلز بنا کر سرور کائنات سے اظہار عقیدت کیا، رسول کریم ﷺ محبت کا تقاضا ہے کہ مسلمان متحد ہو کر معاشرے میں امن و آشتی قائم کریں کیونکہ آپ ﷺ نے امن و محبت، بھائی چارگی اور احترام انسانیت کا ہی درس دیا جو رہتی دنیا تک قائم رہے گا۔