International News عالمی خبریں
دنیا بھر سے اہم خبریں اردو زبان میں پڑھنے کے لئے یہاں کلک کریں
چلی کے مختلف شہروں میں خشک سالی لوگوں کی زندگی اجیرن نقل مکانی پر مجبور ہوگئے۔
چلی کے شہر سان تیاگو اور رنگیو کے مختلف علاقوں میں گزشتہ چار سال جاری قحط سالی سے لوگ پریشان ہوکر دوسرے شہروں کی جانب نقل مکانی کررہے ہیں۔
کسانوں کا کہنا ہے کہ خشک سالی کی وجہ انہیں قحط کا سامنا کرنا پڑرہا ہے اور ان کی زمینیں بنجر اور فصلیں تباہ ہوکر رہ گئیں ہیں جبکہ محکمہ موسمیات کہنا ہے کہ رنگیو اور سان تیاگو میں انیس سو اٹھاونیں سے بارشیں بہت کم ہوئی ہے جو قابل تشویشناک امر اور خشک سالی کا سبب ہے۔
دنیا کی سب سے بڑی تھوک مچھلی مارکیٹ میں سال کی پہلی ٹونا مچھلی کی نیلامی گذشتہ دنوں ٹوکیو میں منعقد کی گئی، جس میں پورے جاپان سے لائی گئی مختلف اقسام کی ٹونا مچھلیوں کی نیلامی کی گئی۔
تھوک مارکیٹ میں سال کی پہلی ٹونا مچھلی کی نیلامی کی خاص بات شمالی مشرقی جاپان سے لائی جانے والی دو سو تیس کلو گرام بلیو فن ٹونا مچھلی تھی،جس کی نیلامی سات اعشاریہ تین ملین ین یا ستر ہزار ڈالر میں ہوئی۔
تسوکجی مارکیٹ میں نیلامی کےدوران چین سمیت جاپان بھر سے نیلامی میں حصہ لینے کے لیے مچھلی کی خرید و فروخت کرنے والے افراد کی بڑی تعداد شریک ہوئی۔
فرانسیسی شہزادی کرسٹینا نے ٹیکس چوری اور منی لانڈرنگ کے الزامات لگنے پر کورٹ سے رجوع کرلیا۔
شہزادی کرسٹینا کے وکیل نے میڈرڈ کی مقامی عدالت میں شہزادی کے اوپر حزب اختلاف کی جماعتوں کی جانب سے لگنے والے ٹیکس چوری اور منی لاڈرنگ کے الزامات کے خلاف عدالت میں درخواست دائر کردی ہے۔
شہزادی کے وکیل نے درخواست میں موقف اختیار کیا ہے کہ ان کی موکل کا تعلق رایل فیملی سے ہے اور اس طرح کے الزامات مخالف جماعتیں اپنی سیاست چماکانے کے لیے لگا رہی ہیں۔
امریکی سینیٹ نے جینیٹ یلین کو مخصوص نشست پر فیڈرل ریزرو بینک کی سربراہ مقرر کر دیا۔
امریکہ کی طاقتور اقتصادی ماہر جینیٹ یلین کو امریکہ کی بدحال معیشت سدھارنے کی ذمہ داری تفویض کر دی گئی، سڑسٹھ سالہ جینٹ یلین اہم ترین سینٹرل بینک فیڈرل ریزرو بینک کی پہلی خاتون چیف ہیں۔
یلین اس سے قبل سن دو ہزار دس سے مذکورہ بینک کی نائب گورنر کے فرائض دے رہی ہیں، موجودہ گورنر بن برنانکی کے عہدے کی میعاد جنوری کے آخر میں پوری ہو رہی ہے۔
جینیٹ فروری میں اپنے فرائض سنبھالیں گی، اپنی تقرری کے بعد جینیٹ کا کہنا تھا کہ ان کی ترجیحات میں کساد بازاری کا مقابلہ کرنے کے لیے وصولیوں کے نظام کو زیادہ بہتر اور آسان بنانا سرفہرست ہوگا۔
امریکہ میں برفباری کا سلسلہ جاری درجہ حرارت منفی سینتالیس سینٹی گریڈ تک گر گیا، ریاست الینوائے کے گورنر نے آفت زدہ قرار دے دیا۔
امریکا خون جما دینے والی سردی اور انتہائی سرد برفانی ہواؤں کا شکار ہے۔ گذشتہ دو دہائیوں میں سب سے زیادہ سرد موسم نے معمول کی زندگی کو منجمد کردیا ہے، سڑکوں پر کئی فٹ برف سے ٹریفک معطل ہوا تو دوسری جانب طوفانی ہواؤں کی وجہ سے چار ہزار سے زائد پروازیں بھی منسوخ کردی گئیں۔
متعدد ریاستوں میں تعلیمی ادارے اور دفاتر بند کردئیے گئے ہیں اورحکام نے لوگوں کو گھروں میں رہنے کی ہدایت کی ہے، مونٹانا سے میری لینڈ کی ریاستوں تک ملک کی تقریباً نصف آبادی کے لیے انتہائی سرد ہواؤں کی وارننگ جاری کی گئی ہے اورعوام کو خبردار کیا گیا ہے کہ اگر وہ باہر نکلے تو ان کی جلد جم سکتی ہے۔
نیویارک اور واشنگٹن میں درجہ حرارت میں پینتالیس ڈگری تک کمی کا خدشہ ہے، شکاگو میں سرد موسم کی شدت اتنی زیادہ تھی کہ کہ شہر کے چڑیا گھر میں موجود قطبی برفانی ریچھوں کو بھی باہر نکلنے نہیں دیا گیا، کینیڈا اور جنوب مشرقی امریکہ میں دو فٹ تک برفباری ریکارڈ کی گئی۔
ریاست الی نوائے میں شدید برفباری کے باعث گورنر نے آفت زدہ قرار دیتے ہوئے ایمرجنسی بنیاد پرنیشنل گارڈز کو امداد فراہم کرنے کا حکم دیا ہے۔
امریکا خون جما دینے والی سردی اور انتہائی سرد برفانی ہواؤں کا شکار ہے۔ گذشتہ دو دہائیوں میں سب سے زیادہ سرد موسم نے معمول کی زندگی کو منجمد کردیا ہے۔ سڑکوں پر کئی فٹ برف سے ٹریفک معطل ہوا تو دوسری جانب طوفانی ہواؤں کی وجہ سے چار ہزار سے زائد پروازیں بھی منسوخ کردی گئیں۔متعدد ریاستوں میں تعلیمی ادارے اور دفاتر بند کردئیے گئے ہیں اورحکام نے لوگوں کو گھروں میں رہنے کی ہدایت کی ہے۔ مونٹانا سے میری لینڈ کی ریاستوں تک ملک کی تقریباً نصف آبادی کے لیے انتہائی سرد ہواؤں کی وارننگ جاری کی گئی ہے اورعوام کو خبردار کیا گیا ہے کہ اگر وہ باہر نکلے تو ان کی جلد جم سکتی ہے۔ نیویارک اور واشنگٹن میں درجۂ حرارت میں پینتالیس ڈگری تک کمی کا خدشہ ہے۔ شکاگو میں سرد موسم کی شدت اتنی زیادہ تھی کہ کہ شہر کے چڑیا گھر میں موجود قطبی برفانی ریچھوں کو بھی باہر نکلنے نہیں دیا گیا۔
وسطی نائیجیریا میں مسلح افراد نے گاؤں پر دھاوا بول دیا، اندھا دھند فائرنگ کے نتیجے میں تیس افراد موقع پر ہی قتل کر دیئے گئے، مسلح افراد نے املاک کو نذر آتش جبکہ جانوروں کو بھی زندہ جلا دیا۔
غیر ملکی خبر ایجنسی کی رپورٹ کے مطابق مسلح افراد نے وسطی نائیجیریا کے گائوں میں گھس کر اندھا دھند فائرنگ کردی جبکہ وہاں کے رہائشیوں کی املاک اور جانوروں کو زندہ جلادیا۔
میڈیا رپورٹس کے مطابق فوج کے مقامی ترجمان نے واقعہ کی تصدیق کرتے ہوئے بتایا ہے کہ ہلاکتوں میں اضافے کا خدشہ ہے، یاد رہے کہ نائیجیریا میں فرقہ ورانہ اور نسلی فسادات کا سلسلہ جاری ہے اور ان میں اب تک ہزاروں افراد لقمہ اجل بن چکے ہیں۔
شام میں باغی گروپوں کے درمیان جھڑپیں کا دائرہ دیگر شہروں تک پھیل گیا۔
خانہ جنگی کے شکار ملک شام میں اسد حکومت کے خلاف برسرپیکار باغیوں میں اختلافات شدت اختیار کرتے جا رہے ہیں اور مختلف انتہا پسند گروپ اب ایک دوسرے کے خلاف مسلح کاروائیوں پر اتر آئے ہیں۔
شمالی شام کے مختلف علاقوں میں شامی باغیوں کو القاعدہ سے وابستگی رکھنے والے جہادی جنگجوؤں کی مسلح مزاحمت کا سامنا ہے، شامی شہر حلب میں ڈاکٹر حسین سلیمان کو ہلاک کئے جانے کے بعد سے باغی گروپ آپس میں لر پڑے تھے، جس کے بعد کئی شہروں میں شدید لڑائی کی اطلاعات ہیں۔
جمہوریہ وسطی افریقی ملک میں حالیہ پرتشدد واقعات کے نتیجے میں نو لاکھ پینتیس ہزار افراد بے گھر ہوگئے۔
اقوام متحدہ کی کمیشن برائے مہاجرین کی ایک رپورٹ میں بتایا گیا ہے کہ وسطی جمہوریہ افریقہ میں ہلاک ہونے والوں کی تعداد ان کے اندازوں سے دگنی ہے۔
باغیوں نے دو دنوں کے دوران خواتین اور بچوں سمیت ایک ہزار سے زائد شہریوں کا قتل عام کیا جبکہ لاکھوں شہری بے گھر ہوئے، جنہوں نے گرجا گھروں اور اسکولوں میں پناہ حاصل کی۔
اقوامِ متحدہ کی جانب سے علاقے میں امن بحال کرنے کی کوششوں کے سلسلے میں فرانس کے سینکڑوں فوجی اہلکار بنگوئی پہنچ چکے ہیں، فرانس کے صدر فرانسوا اولاند نے کہا تھا کہ ساڑھے چھے سو فوجی فوری طور پر علاقے میں روانہ کیے گئے۔
بنگلہ دیش کی حزب اختلاف کی جماعتوں نے ملک کی تاریخ کے پر تشدد ترین انتخابات کو مسترد کردیا ہے، اپوزیشن رہنما خالدہ ضیا نے غیر جانبدار اورغیر سیاسی انتظامیہ کے تحت نئے انتخابات کروانے کا مطالبہ کردیا ہے۔
بنگلہ دیش کی حکمراں جماعت عوامی لیگ نےعام انتخابات میں کامیابی حاصل کرلی ہے لیکن یہ نتائج کسی سے پوشیدہ نہیں تھے کیونکہ خالدہ ضیا کی بنگلہ دیش نیشنلسٹ پارٹی کی زیر قیادت اٹھارہ جماعتی اپوزیشن اتحاد نے الیکشن کا بائیکاٹ کیا، جس کے باعث حکمراں جماعت کے ایک سو تریپن امیدوار تو پہلے ہی بلامقابلہ منتخب ہوچکے تھے۔
پولنگ کے دوران پورے ملک میں شدید ہنگامہ آرائی ہوئی، پولیس کے مطابق انتخابات کے دوران پر تشدد واقعات میں بیس سے زائد افراد ہلاک ہوئے اور نامعلوم افراد کی جانب سے دو سو سے زائد پولنگ اسٹیشن نذر آتش کر دیئے گئے، اطلاعات کے مطابق تقریباً بیس فیصد ہی ووٹ ڈالے گئے، جس پر اپوزیشن رہنما خالدہ نے غیر جانبدار اور غیر سیاسی انتظامیہ کے تحت نئے انتخابات کا مطالبہ کردیا ہے۔
ان کا کہنا ہے کہ عوام نے یک طرفہ انتخابات کو مسترد کردیا ہے، بنگلہ دیشی وزیراعظم شیخ حسینہ واجد نے بھی اپوزیشن کا پرتشدد مظاہرے ختم کرنے پر نئے انتخابات کرانے پر غور کی تجویز دی ہے۔
امریکہ نے افغانستان پر سیکورٹی معاہدہ طے کرنے پر ڈباؤ بڑھا دیا، وائٹ ہاؤس کے ترجمان جے کارنی کا کہنا ہے کہ معاہدے کو مہینوں نہیں ہفتے میں حتمی شکل دی جائے۔
وائٹ ہاؤس کے ترجمان جے کارنی نے پریس کانفرس کرتے ہوئے کہا کہ افغانستان سے سیکیورٹی معاہدے پر اتفاق رائے نہ ہوسکا تو امریکہ دو ہزار چودہ کے بعد اپنی مرضی کے مطابق منصوبہ بندی پر مجبور ہو جائے گا۔
ان کا کہنا تھا کہ معاہدے کو حتمی شکل دینے میں طویل وقت صرف کرنے سے منفی نتائج مرتب ہونگے، امریکہ اور افغانستان میں سیکیورٹی معاہدے کے حوالے سے مذاکرات کے باوجود اتفاق رائے پیدا نہیں ہوسکا ہے۔
معاہدے کے تحت آٹھ ہزار امریکی فوجی کو رواں سال افغانستان میں تعینات رہیں گے۔