Category: عالمی خبریں

تھائی لینڈ کے دارالحکومت بنکاک میں ایک بار پھر ہزاروں لوگوں نے وزیر اعظم ینگ لک شیناواترا کے استعفے کا مطالبہ کرنے سڑکوں پر نکل آئے۔

تھائی لینڈ میں حکومت مخالف مظاہرے زور پکڑتے جارہے ہیں، مظاہرین انتخابات کے عمل کو روکنے کا اعادہ دے چکے ہیں، مظاہرین کا کہنا ہے کہ فروری میں ہونے والے انتخابات میں شیناواترا کی حکومت دوبارہ اقتدار حاصل کرسکتی ہے۔

حکومت نے پارلیمان کو تحلیل کرکے ملک میں انتخابات کا اعلان کرچکی ہے۔ جسے مظاہرین نے مسترد کرچکے ہیں۔

بنگلہ دیش میں متنازع انتخابات کے موقع پر پرتشدد احتجاج اور مظاہروں نے اٹھارہ افراد کی جان لے لی جبکہ درجنوں زخمی ہوگئے، مشتعل افراد نے ایک سو پچیس سے زائد پولنگ اسٹیشن نذر آتش کردیئے اور ڈیڑھ سو سے زائد اسٹیشنوں میں پولنگ کا عمل متاثر رہا۔

بنگلہ دیش میں عام انتخابات کے دوران جلاؤ گھیراؤ اور پرتشدد مظاہروں نے الیکشن کو متنازع بنادیا، خالدہ ضیا کی بنگلہ دیش نیشلس پارٹی کی زیر قیادت اٹھارہ جماعتی اپوزیشن اتحاد نے عام انتخابات کا بائیکاٹ کیا، پولیس اور دیگر سکیورٹی اداروں کے اہلکاروں نے ملک بھر میں مظاہرین پر طاقت کا استعمال کیا۔

میڈیا رپورٹس کے مطابق پولیس کی فائرنگ سے تین افراد ہلاک ہوئے جبکہ مجموعی طور پر تیرہ افراد جان سے گئے، مظاہرین نے ڈھاکا سمیت ملک بھر میں ایک سو پچیس سے زائد پولنگ اسٹیشنز کو جلا کر تباہ کردیا، الیکشن کمیشن حکام کے مطابق مجموعی طور پر ایک سو انچاس پولنگ اسٹیشنز پر ووٹنگ کا عمل نہ ہوسکا۔

شہر شہر پرتشدد واقعات کے باعث عوام گھروں سے نہیں نکلے، حکومتی اعلانات کے باوجود اکثر شہروں کی سڑکیں سنسان رہیں اور پولنگ اسٹیشنز پرووٹرز کی تعداد نہ ہونے کے برابر رہی، بنگلہ دیشی حکومت کا کہنا ہے کہ ووٹنگ کے عمل کے بعد گنتی کا عمل جاری ہے۔

ماہرین کا کہنا ہے کہ اپوزیشن بائیکاٹ کے سبب شیخ حسینہ کی عوامی لیگ الیکشن تو جیت جائے گی لیکن اس کی قانونی حیثیت قانونی سوال بن جائے گی، کیونکہ انتخابات کی نگرانی کے لئے امریکہ، یورپی ممالک اور دولت مشترکہ نے اپنے مبصرین بھیجنے سے پہلے ہی انکار کردیا تھا۔

روسی صدر ولادیمرپوٹن نےسوچی شہر میں ہونے والےسرمائی اولمپکس کے موقع پر مظاہروں پر عائد پابندی میں نرمی کا اعلان کردیا ہے۔

روس میں ہونیوالےسرمائی اولمپکس کےموقع پر سوچی شہر میں مکمل طورپچھلے سال جنوری میں ہرقسم کے مظاہروں اور ریلی کا انعقاد کرنے پر پابندی لگانے کا اعلان کیا تھا جس پر انسانی حقوق کی تنظیموں کی جانب سے سخت تنقید کی گئی تھی۔

ادھر روس کے عہدیداروں کا کہنا ہےکہ مظاہرے اور ریلی نکالنے کے لئے راستوں کا تعین کرنا باقی ہے، روس میں سرمائی اولمپکس کے موقعے پر حکومت نے شدت پسندوں کےممکنہ حملوں کےخطرات کے پیش نظرسیکورٹی کے انتہائی سخت انتظامات کیے ہیں۔

سابق امریکی خاتون اول باربرا بش نمونیا کے علاج کے بعد اسپتال سے گھر منتقل ہوگئی، سابق خاتون اول باربرابش کو اکتیس دسمبر کو تشویشناک حالت میں ہوسٹن میھتوڈیسٹ اسپتال میں منتقل کیا گیا تھا جہاں انہیں انتہائی نہگداشت کے وارڈ میں رکھا گیا تھا۔اٹھاسی سالہ باربرابش چھ دن تک زیرعلاج رہی۔اسپتال سے گھرمنتقل ہونے قبل میڈیا سے بات کرتے ہوئے ۔

سابق خاتون اول کہنا تھا کہ ان کی جلد صحت یابی ڈاکٹروں اورنرسوں کی بدولت ممکن ہوسکی ہے جس پر ان کا جتنا بھی شکریہ کیا جائے کم ہے یاد رہے کہ سابق خاتون اول صدرجارج ایچ ڈبلیو بش کی اہلیہ اور سابق صدر جارج ڈبلیو بش کی والدہ ہیں۔
   

امریکی سینیٹر جان مکین نے اسرائیلی صدر شمعون پیریز سے ملاقات کی اور ان سےمشرق وسطٰی میں قیام امن کے حوالے سے تبادلہ خیال کیا۔

امریکی سینیٹرز جان مکین نے یروشلم میں اسرائیلی صدر شمعون پیریز سے اہم ملاقات کی۔ ملاقات کے دوران دونوں رہنماؤں نے مشرق وسطٰی کی صورتحال پر تبادلہ خیال کرتےہوئےاسرائیل، فلسطین کےتمام ایشوز پرامن طور حل کرنےکی حمایت کی۔

اسرائیل صدر کاکہنا تھا کہ اب وقت آ چکا ہےکہ فلسطین اور اسرائیل کو مل بیٹھ کر تمام تنازعات کو پرامن مذاکرات کےذریعےحل کرلینا چاہیے۔ انہیں مشرق وسطٰی میں قیام امن کے لیے امریکی وزیرخارجہ جان کیری کے کردار کو بھی سراہا۔
   

مغربی یمن کےصوبےامران میں دوگروپوں کےدرمیان جھڑپ میں سترہ افراد جاں بحق اور متعدد زخمی ہو گئے، سیکورٹی حکام کےمطابق یمن کی صورتحال پرفوری قابوپانےکیلئے صدر عابدمنصورہادی کیجانب سے وفد بھیجنے کی توقع کی جا رہی ہے۔

یمن میں سیکورٹی اہلکاروں کے خلاف حملے خاص کر ملک کے جنوب اور مشرق میں گذشتہ کئی ماہ جاری ہیں۔یمن میں جاری پرتشددکارروائیوں کی وجہ سے حالیہ واقعات پرعالمی طاقتوں نے تشویش کا اظہار کیا ہے یمن کا شمار عرب دنیا کے انتہائی غریب ملک میں ہوتا ہے۔ یمنی کے عوام کی چالیس فیصد دو امریکی ڈالرکماتے ہیں۔
   

عراقی صوبے الانبار میں گھمسان کا رن، باغیوں نے فلوجہ شہر پر کنٹرول حاصل کر لیا۔ آٹھ ہلاک اور درجنوں زخمی ہوگئے۔

غیر ملکی خبر ر ساں ادارے کے مطابق رمادی اور دیگر شہروں میں باغیوں اور سیکورٹی فورسز میں شدید لڑائی جاری ہے۔ آٹھ افراد کے ہلاک اور تیس سے زائد افراد کے زخمی ہونے کی اطلاعات ہیں۔

عراقی شہر رمادی میں لڑائی اس وقت شروع ہوئی جب سیکیورٹی فورسز نے حکومت کے خلاف قائم احتجاجی کیمپوں پر دھاوا بول کر کئی افراد کو قتل اور متعددمظاہرین کو گرفتار کرلیا تھا۔

دوسری طرف اقوام متحدہ نے اپنی رپورٹ میں کہاہے کہ عراق میںگزشتہ سال کے دورانسات ہزار اآتھ سو زائد عام شہری پرتشدد واقعات میں مارے گئےہیں۔

کمبوڈیا میں حکومت کے خلاف مطاہرے خون ریز تصادم میں تبدیل ہوگئے، پولیس سے تصادم میں تین افراد ہلاک متعدد زخمی ہو گئے۔

غیر ملکی میڈیا کے مطابق کمبوڈیا میں فیکٹری ملازمین کا تنخوا ہ بڑھانے کے لئے کیاجانے والا احتجاج اس وقت خونریز تصادم میں تبدیل ہوگیا، جب ملٹری پولیس نے مظاہرین پر فائر کھول دیا جس سے کم از کم تین افراد ہلاک اور کئی زخمی ہوگئے۔

جس کے جواب میں مظاہرین نے پتھروں، بوتلوں اور دیگر چیزوں سے سیکیورٹی اہلکاروں پر حملہ کیا۔ کمبوڈیاکی اپوزیشن جماعت نےپرامن مظاہرین پر حملہ کرنے والوں کے تعین کے لیے انکوائری کمیٹی کی تشکیل کا مطالبہ کر دیا۔
   

ترکی کے وزیر اعظم طیب اردگان نے عدلیہ پر الزام عائد کرتے ہوئے کہا ہے کہ عدلیہ بدعنوانی میں نامزد کرنے اورحکومت کے خلاف سازشوں میں ملوث ہے۔

ترک وزیراعظم طیب اردغان نے میڈیا کوبیان دیتے ہوئے کہا کہ عدلیہ حکومت اور عوام کی خودمختاری کے خلاف سازشوں میں ملک دشنموں کا ساتھ دے رہی ہے۔

ان کا کہنا تھا کہ انہیں ان کے اہم مخالف فتح اللہ کی جانب سے مفاہمت کرنے کا خط موصول ہوا ہے ۔طیب اردگان نے فتح اللہ کو امریکی کٹھ پتلی قرار دیتے ہوئے کہا کہ فتح اللہ اور عدلیہ مل کر ملک میں عدم استحکام پیداکرنے کی کوشش کررہی ہیں، یاد رہے کہ بدعنوانی کے الزام میں وفاقی وزرا کے ملوث ہونے کے بعد طیب اردگان کو مشکلات کا سامنا ہے۔