Category: عالمی خبریں

یورپی ممالک میں دریاؤں کی سطح میں اضافے کے باعث شدید سیلاب لاکھوں افراد متاثرہونے سے ہنگامی صورتحال،حکام نے ریڈ الرٹ جاری کردیا۔

بیلجئیم، برطانیہ اور برٹنی کے ساحلی علاقوں میں سیلاب کے نتیجے املاک کوبڑےپیمانے پر نقصان پہنچا ہے۔

حکام کا کہنا ہےکہ نقصان کا تخمینہ لگانے میں ایک ہفتہ لگ سکتا ہے جبکہ سیلابی علاقوں میں پھنسے ہزاروں افراد بجلی سے تاحال محروم ہیں۔

حالیہ بارشوں کے باعث دریاؤں کی سطح میں اضافہ اور طوفانی ہوائیں سیلاب کا باعث بنی ہیں۔

برطانوی حکومت کی جانب سے پندرہ سو امدادی رضا کاروں کو معطل کیا گیا تھا جس کے باعث امدادی کارروائیوں میں تاخیر ہونے کی وجہ سے حکومت کو تنقید کا نشانہ بنایا جارہا ہے۔

یورپی ممالک میں دریاؤں کی سطح میں اضافے کے باعث شدید سیلاب لاکھوں افراد متاثرہونے سے ہنگامی صورتحال،حکام نے ریڈ الرٹ جاری کردیا۔.

بیلجئیم، برطانیہ اور برٹنی کے ساحلی علاقوں میں سیلاب کے نتیجے املاک کوبڑےپیمانے پر نقصان پہنچا ہے۔ حکام کا کہنا ہےکہ نقصان کا تخمینہ لگانے میں ایک ہفتہ لگ سکتا ہے جبکہ سیلابی علاقوں میں پھنسے ہزاروں افراد بجلی سے تاحال محروم ہیں۔

حالیہ بارشوں کے باعث دریاؤں کی سطح میں اضافہ اور طوفانی ہوائیں سیلاب کا باعث بنی ہیں۔ برطانوی حکومت کی جانب سے پندرہ سو امدادی رضا کاروں کو معطل کیا گیا تھا جس کے باعث امدادی کارروائیوں میں تاخیر ہونے کی وجہ سے حکومت کو تنقید کا نشانہ بنایا جارہا ہے۔

بنگلہ دیش میں آج عام انتخابات سے پہلے فسادات کے دوران ڈھاکا سمیت اٹھائیس اضلاع میں اڑتیس پولنگ اسٹیشنز جلادیئے گئے۔۔ جبکہ تین افراد ہلاک ہوچکے ہیں۔۔ ملک بھر میں امن و امان کی صورتحال حکومت کیلئے چیلنج بن گئی ہے۔

بنگلہ دیش میں دسویں عام انتخابات پانچ جنوری کو ہونے ہیں لیکن اٹھارہ جماعتی اپوزیشن کے بائیکاٹ نے ان پر سوالیہ نشان لگا دیا۔۔ ملک بھر میں انتخابات کیخلاف ہڑتالیں کی جارہی ہیں۔۔ عوام سڑکوں پر ہیں، املاک جل رہی ہیں۔ پرتشدد مظاہروں کے دوران مشتعل افراد دارالحکومت ڈھاکا، سلہٹ، راج شاہی، فینی، کشور گنی ،نرسنگدی سمیت اٹھائیس اضلاع میں متعدد پولنگ اسٹیشنز کو جلا کر راکھ کردیا۔

مظاہرین نے کئی بسوں، گاڑیوں اور املاک کو بھی نذر آتش کیا۔۔ پولیس نے ہنگامہ آرائی اور جلاؤ گھیراؤ کے الزامات میں اپوزیشن کے سیکروں کارکنوں کو بھی گرفتار کیا ہے۔۔ اپوزیشن کا مطالبہ ہے کہ ملک میں عام انتخابات غیر جانبدار نگراں حکومت کے تحت کرائے جائین لیکن شیخ حسینہ حکومت نے مطالبات مسترد کردیئے ہیں۔

اٹھارہ جماعتی اپوزیشن اتحاد نے الزام عائد کیا ہے کہ حکومت نے بی این پی کی سربراہ خالدہ ضیا کو ایک ہفتے سے ڈھاکا میں ان کے گھر مین نظر بند کرکھا ہے۔۔ امریکہ، یورپی یونین اور دولتِ مشترکہ نے عام انتخابات کیلئے اپنے مبصرین بھیجنے سے انکار کر دیا ہے جس کے بعد بنگلہ دیشی حزبِ مخالف کا کہنا ہے کہ یہ انتخابات قابلِ اعتبار نہیں رہے۔
   

بنگلہ دیش میں اپوزیشن جماعتوں کی جانب سے عام انتخابات کے بائیکاٹ اور پرتشدد واقعات کے باوجود پولنگ کا عمل جاری ہے۔ میڈیا رپورٹس کے مطابق عام انتخابات کے موقع پرسیکیورٹی کے انتہائی سخت انتظامات کئے گئے ہیں جبکہ ملک بھر میں پولنگ اسٹیشنوں کی سیکیورٹی پر پچاس ہزار سےزائدفوجی جوان تعینات کردیئےگئے ہیں۔

پولنگ کاعمل بنگلہ دیشی وقت کےمطابق صبح آٹھ بجےشروع کیاگیا جوکہ آٹھ گھنٹےتک جاری رہےگا۔ پارلیمانی انتخابات کےدوران تین سو سے نصف نشستوں پرپولنگ جاری ہےجبکہ بقیہ نشستوں پرپہلے ہی حکمران اور اتحادی جماعتیں کامیاب ہوچکی ہیں۔
 

امریکہ میں برفانی طوفان کا سلسلہ جاری ہے، شدید سردی کے باعث تیرہ افراد ہلاک جبکہ نظام زندگی مفلوج ہوکر رہ گیا۔

امریکہ میں نئے سال کے آغاز پر برفانی طوفان کا سلسلہ تھم نہ سکا، فلاڈیلفیا، مشرقی نیویارک اور بوسٹن سمیت کئی ریاستیں شدید طوفان کی لپیٹ میں ہیں۔

حکام کی جانب سے تعلیمی اورمتعدد سرکاری ادارے بند رکھنے کا حکم دیا گیا ہے، دشوار موسم کے باعث بائیس سو پروازیں منسوخ کردی گئیں، جس سے عوام کو شدید مشکلات کا سامنا ہے جبکہ نیویارک میں ہائی وے کو جزوی طور پر بحال کیا گیا ہے۔

محکمہ موسمیات کی جانب سے سرد ہواؤں کے ساتھ درجہ حرارت مزید کم ہونے کا امکان ہے۔

مصر میں اخوان المسلمین کے حکومت مخالف مظاہرے جاری ہیں، پرتشدد احتجاج میں انیس افراد ہلاک چالیس سے زائد زخمی ہوگئے جبکہ ایک سو بائیس افراد کو حراست میں لے لیا گیا۔

مصر کے دارلحکومت قاہرہ میں اخوان المسلمین کے ہزاروں کارکنوں نے فوجی حکومت کے خلاف مظاہرہ کیا، مظاہرین نے پولیس پر آتش گیر مادے اور پٹرول بموں کا استعمال کیا۔

پولیس نے شدید رد عمل ظاہر کرتے ہوئے فائرنگ کی، جس کے نتیجے میں انیس افراد ہلاک ہوئے، مصر میں فوجی حکومت کی جانب سے اخوان المسلمین کو دہشت گرد تنظیم قرار دئیے جانے اور مظاہروں کے خلاف سخت قانون کے باوجود حکومت مخالف مظاہرے جاری ہیں۔

مظاہرین کا کہنا ہے کہ نا انصافی اور فوجی قوانین قبول نہیں کرتے، حقوق کی جنگ کے لیے مظاہرے جاری رہیں گے۔
   

بنگلہ دیش میں کل ہونے والے انتخابات سے قبل اپوزیشن جماعتوں نے الیکشن کا بائیکاٹ کردیا جبکہ پارٹی رہنما کی نظر بندی کے خلاف ہڑتال کا اعلان کردیا۔

حکومت کی جانب سے اپوزیشن رہنما بیگم خالدہ ضیا کو نظر بند کیا ہے، خالدہ ضیا کی ووٹرز سے انتخابات کے بائیکاٹ کی اپیل کے بعد اڑتالیس گھنٹے کی ہڑتال کا نفاذ کیا گیا ہے۔

ہڑتال کے پیش نظرکل کے انتخابات میں صورتحال سنگین ہونے کا خدشہ ہے، بنگلہ دیش میں کل ہونے والے انتخابات میں کسی نامناسب صورتحال سے نپٹنے کے لیے بیس ہزار فوجی دستے تعینات کئے گئے ہیں۔

اہم اپوزیشن جماعت بنگہ دیش نیشنل پارٹی سمیت بیس سیاسی جماعتوں نے انتخابات کا بائیکاٹ کیا ہے، اپوزیشن جماعتوں کے مظاہروں اور حکام سے جھڑپوں میں ڈیڑھ سو زائد افراد ہلاک ہوچکے ہیں۔
   

بحرین کے دارالحکومت منامہ میں حکومت مخالف مظاہروں میں شدت آگئی ہزاروں افراد سڑکوں پر نکل آئے۔

رپورٹس کے مطابق مظاہرین نے بحرین کے جھنڈے اور قیدیوں کی تصاویر اٹھا رکھے تھے اور اس موقع پر وہ حکومت کیخلاف سخت نعرے بازی کررہے تھے۔

دوسری جانب بحرینی حکومت کی جانب سے مظاہرین سے سختی سے نمٹنے کا عندیہ دے دیا گیا ہے، یاد رہے کہ حکومت نے بحرین میں گزشتہ ماہ سے ملک بھرمیں مظاہرے اور ریلیاں نکالنے پر پابندی عائد کر رکھی ہے۔

ترکی میں جاری گزشتہ سال حکومت مخالف مظاہروں کے الزام میں چھاتیس افراد کے خلاف الزام عائد کردیا ہے۔

ترکی میں پراسیکیوٹرز کے فیصلے کے خلاف مظاہرین نے سخت احتجاج کیا، مظاہرین کو منتشرکرنے کے لئے پولیس کی بھاری تعداد موجود تھی، پولیس نے مظاہرین کو منتشرکرنے کے لئے کاروائی کی تو مظاہرین اور پولیس کے درمیان جڑپیں شروع ہوگئیں، پولیس نے مظاہرین کےخلاف آنسو گیس کا سخت استعمال کیا۔
   
    
   

عراق میں پرتشدد کاروائیاں جاری ہیں، تازہ واقعے میں باسٹھ افراد جاں بحق اور متعدد افراد زخمی ہوگئے۔

مقامی پولیس ذرائع کے مطابق ذیادہ ہلاکتیں عراق کے مغربی حصے رمادی میں ہوئیں، جہاں مقامی قبائلیوں اورعراقی فورسز کے ساتھ جھڑپوں میں تقریبا چھیالیس افراد جاں بحق ہوگئے۔

الخالدیہ میں پیش آنے والے دوسرے واقعہ میں سولہ افراد جاں بحق ہوئے ہیں، اعداد وشمار کے مطابق سال دو ہزارتیرہ میں تقریبا آٹھ ہزار سے زائد افراد پرتشدد کاروائیوں میں جاں بحق ہوگئے تھے، تاہم گزشتہ روز سے تشدد کے واقعات میں مزید تیزی آگئی ہے۔