Category: عالمی خبریں

عراقی صوبہ الانبار میں امن وامان کی صورتحال ابتر ہوگئی، مسلح افراد نے الرمادی میں چار پولیس اسٹیشنوں کو نذرآتش کردیا، چودہ افراد مارے گئے جبکہ کئی قیدی فرار ہوگئے۔

عراقی صوبے انبار میں گزشتہ دو روز سے صورتحال انتہائی کشیدہ ہے، صوبائی دارالحکومت رمادی میں مشتعل افراد نے چار تھانوں کے علاوہ دو فوجی گاڑیوں کو بھی آگ لگا دی ہے۔

سکیورٹی فورسز اور مسلح افراد کے درمیان جھڑپوں میں چودہ افراد مارے گئے ہیں، نذر آتش کی گئی پولیس کی گاڑیوں سے زیرحراست افراد کے فرار ہونے کی اطلاعات بھی ہیں۔

یاد رہےگزشتہ روز ایک گروہ کے احتجاجی کیمپ کو اکھاڑے جانے کے بعد سے شہر میں صورتحال ابتر ہے۔
   

جمہوریہ چیک کے دارالحکومت پراگ میں متعین فلسطینی سفیر اپنے قیام گاہ پر پراسرار دھماکے سے سفیر جاں بحق ہوگئے۔

پراگ پولیس کے ترجمان کے مطابق دھماکا اس وقت ہوا، جب سفیر جمال الجمال اپنی تجوری کھول رہے تھے، ترجمان کا کہنا تھا کہ بظاہر دھماکا کسی حملے کا نتیجہ نہیں تاہم اس حوالے سے تحقیقات جاری ہیں۔

چھپن سالہ مقتول جمال الجمال کو اکتوبر دو ہزار تیرہ میں پراگ میں فلسطینی سفیر مقرر کیا گیا تھا۔
    
   

انڈونیشیا میں پولیس نے ایک چھاپے کے دوران چھ مشتبہ افراد کو پولیس مقابلے کے بعد ہلاک کردیا۔

مقامی میڈیا کے مطابق انڈونیشیا کے صوبے بینٹن میں مختلف سرگرمیوں میں ملوث افراد کے خلاف ایک کاروائی کے دوران پولیس نے ڈکییتوں اور دیگر سرگرمیوں میں ملوث مشتبہ افراد کے خلاف چھاپے کے دوران چھ مشتبہ افراد کو ہلاک کردیا۔

پولیس کا کہنا ہے کہ یہ چھ افراد ایک سونے کی دکان سے لوٹ مار اورحال ہی میں ایک بینک سے تقربیا اکتالیس ہزار ڈالرز کی ایک ڈکیتی میں ملوث تھے، کاروائی کے بعد ان افراد کی جانب سے نقد، پستول گولہ بارود اور مواد ملا ہے۔

ہانگ کانگ میں جمہوری نظام کے تحفظ کے لیے ہزاروں شہری سڑکوں نکل آئے، مظاہرین کا مطالبہ تھا کہ چینی حکومت انتخابات پر اثر انداز ہونے کی کوشش نہ کرے۔

مظاہرین کا کہنا تھا کہ حکومت دو ہزار سترہ میں ہونے والے انتخابات کے نتائج پراثرانداز ہوسکتی ہے، جمہوریت ریلی میں بڑی تعداد میں شریک مظاہرین نے ہاتھوں میں پلے کارڈز اور بینرز اٹھا رکھے تھے۔

جس میں ہانگ کانگ میں جمہوری نظام کی پاسداری کیلئے نعرے درج تھے، ریلی میں شریک مظاہرین کا کہنا تھا کہ وہ ہانگ کانگ میں مکمل طور پر جمہوری نظام کا نفاذ چاہتے ہیں۔

مظاہرین نے چین کی جانب سے دو ہزار سترہ کے انتخابات میں امیدواروں کے تعین کے فیصلے کومسترد کر دیا، واضح رہے کہ چینی حکومت نے ہانگ کانگ میں دو ہزار سترہ میں انتخابات کرانے کا اعلان کر رکھا ہے۔

فلسطینی مہاجر کیمپ صابرہ، شتیلا میں فلسطینی مہاجروں کے خون سے ہولی کھیلنے والے سابق اسرائیلی وزیراعظم اور اس وقت کے وزیر دفاع ایریل شیرون کی حالت تشویشناک ہوگئی، ڈاکٹروں نے اگلے چوبیس گھنٹے اہم قرار دے دیئے۔

قصاب کے نام سے معروف سابق اسرائیلی وزیراعظم ایریل شیرون گذشتہ آٹھ سال سے برین ہیمرج کے باعث کوما میں ہیں، دو ہزار چھ میں شیرون کے دماغ کی شریان پھٹ گئی تھی، جس کے بعد سے وہ کوما میں چلے گئے تھے۔

اسرائیلی قصاب کے نام سے مشہور ایریل شیرون کو گذشتہ آٹھ سال سے مصنوعی تنفس دیا جارہا ہے، اسرائیلی میڈیا کے مطابق ایریل شیرون کی حالت مزید بگڑ گئی ہے۔

ڈاکٹروں کے مطابق اگلے چوبیس گھنٹے انتہائی اہم قرار دیئے جا رہے ہیں، شیرون نے انیس سو بیاسی میں لبنان کے صابرہ اورشتیلا مہاجر کیمپوں میں فلسطینوں کا قتل عام کیا تھا، جس کے بعد انھیں قصاب کا لقب عطا کیا گیا تھا۔

امریکہ کی مختلف ریاستوں میں خراب موسم اور شدید برفباری کے باعث اسکولوں میں جمعہ تک عام تعطیلات کا اعلان کردیا ہے۔

امریکی ریاست کے مختلف شہر آجکل سخت سردی اور برفباری کی لپیٹ میں ہیں، موسم کی شدت کے پیش نظر نیویارک اور بوسٹن میں حکام نے اسکولوں میں آئندہ جمعہ تک عام تعطیلات کا اعلان کردیا ہے۔

امریکہ کا شمالی اور مغربی حصہ ان دنوں شدید برفباری اور خراب موسم کی لپیٹ میں ہیں، جس سے ہزاروں پروازیں معطل، کاروباری سرگرمیاں معدوم اور ہزاروں افراد متاثر ہورہے ہیں۔

محکمہ موسمیات نے آئندہ چند دنوں میں نیویارک ،پین سلوینیا ،نیوجرسی اور بوسٹن میں چھ سے بارہ انچ تک برفباری کی پیشن گوئی کی ہے۔
   

امریکہ میں دو جڑواں بہن بھائی نے ایک ماں کے بطن سے جنم لیا مگر علیحدہ علیحدہ سال میں پیدا ہوئے، اس انوکھے واقعے نے ان کی ولادت کو دنیا کی انوکھی خبر بنایا۔

واشنگٹن سے تعلق رکھنے والی خاتون یلنی سینٹو نے اکتیس دسمبر دو ہزار تیرہ میں گیارہ بج کر اٹھاون منٹ ایک بچی کو جنم دیا جبکہ تھوڑی ہی دیر بعد یکم جنوری دوہزار چودہ میں بارہ بج کر ایک منٹ پر دوسرے بچے کو جنم دیا۔

دوسری جانب ٹورنٹو کے نجی اسپتال میں لنڈسے نامی خاتون کے یہاں بھی علیحدہ علیحدہ سالوں میں جڑواں بچوں کی پیدائش ہوئی، پہلی بچی اکتیس دسمبر دوہزار تیرا میں رات گیارہ بج کر باون منٹ جبکہ دوسری بچی کی پیدائش یکم جنوری دوہزار چودہ رات بارہ بج کر اڑتیس سیکنڈ میں ہوئی۔

جڑواں بچوں کے والدین کہنا تھا کہ ان کے لیے گزشتہ سال کا اختتام خوش آئند اور نئے سال کا آغاز خوشیوں سے شروع ہوا۔
   

نیپال میں پانچ دن تک جاری رہنے والا ہاتھیوں کا انوکھا مقابلہ حسن اور ریس،  ہینڈلر نامی ہاتھی کی مسلسل تیسری فتح پر اختتام پذیر ہوگیا۔

پانچ روزہ میلےمیں ہاتھیوں کےمقابلہ حسن اور انوکھی ریس شامل تھی، نیل پالش لگائےہاتھیوں کودلکش اوردیدہ زیب نقش ونگار سے سجایا گیا تھا۔

میلے میں ہاتھیوں نے فٹ بال کھیلنے کے علاوہ کرتب بھی پیش کیے جب کہ اس موقع پر ہاتھیوں کی دوڑ بھی منعقد ہوئی، گذشتہ سالوں کی طرح اس سال بھی میلہ کا گھا چوہدری کےہاتھی ہینڈلرنے لوٹ لیا۔کاگھا کے مطابق ہاتھیوں کی ریس دراصل جوکی کی ہوتی ہے کہ وہ کس طرح ہاتھی کوگرفت میں رکھتا ہے۔

سالانہ میلے کا مقصد سیاحت کا فروغ اور دنیا کی توجہ نیپال میں ہاتھیوں کے تحفظ کی کوششوں کی جانب مبذول کرانا ہے، سالانہ میلے کو دیکھنے کیلئے مقامی افراد کے ساتھ دنیا بھر سے سیاحوں نےنیپال کارخ کیا، خبررساں ادارےکے مطابق مقامی آبادی کےدس ہزارکے لگ بھگ افراد کا روزگار ہاتھیوں اور سیاحت سےمنسلک ہے۔
       

نیپال میں پانچ دن تک جاری رہنے والا ہاتھیوں کا انوکھا مقابلہ حسن اور ریس ہینڈلر نامی ہاتھی کی مسلسل تیسری فتح پر اختتام پذیر ہوگیا۔

پانچ روزہ میلے میں ہاتھیوں کے مقابلہ حسن اور انوکھی ریس شامل تھی، نیل پالش لگائے ہاتھیوں کو دلکش اوردیدہ زیب نقش ونگار سے سجایا گیا تھا، میلے میں ہاتھیوں نے فٹ بال کھیلنے کے علاوہ کرتب بھی پیش کیے جب کہ اس موقع پر ہاتھیوں کی دوڑ بھی منعقد ہوئی۔

گذشتہ سالوں کی طرح اس سال بھی میلہ کاگھا چوہدری کے ہاتھی ہینڈلر نے لوٹ لیا، کاگھا کے مطابق ہاتھیوں کی ریس دراصل جوکی کی ہوتی ہے کہ وہ کس طرح ہاتھی کو گرفت میں رکھتا ہے، سالانہ میلے کا مقصد سیاحت کا فروغ اور دنیا کی توجہ نیپال میں ہاتھیوں کے تحفظ کی کوششوں کی جانب مبذول کرانا ہے۔

سالانہ میلے کو دیکھنے کیلئے مقامی افراد کے ساتھ دنیا بھرسے سیاحوں نے نیپال کا رخ کیا، خبررساں ادارے کے مطابق مقامی آبادی کے دس ہزارکے لگ بھگ افراد کا روزگار ہاتھیوں اور سیاحت سے منسلک ہے۔