Category: عالمی خبریں

فلسطینی صدر محمود عباس نے قاہرہ میں اسرائیل اور فلسطین کے درمیان امن مذاکرات کے سلسلے میں قاہرہ میں عرب لیگ کے سربراہ نبیل عرابی کے ساتھ ایک ہنگامی اجلاس میں شرکت کی، جس میں اسرائیل اور فلسطین کے درمیان مذاکرات آئندہ برس اپریل میں شروع ہونے والے مذاکرات کے تمام پہلو کا جائزہ لیا گیا۔

امریکہ کی کوششوں سے دونوں ممالک کے درمیان مذاکرات کو کامیاب بنانے کے لئے امریکی وزیرِ خارجہ جان کیری اسرائیل اور فلسطین کے درمیان مذاکرات میں تیزی لانے کے لیے دونوں ممالک کے رہنماؤں سے ملاقاتوں کے کئی دورکرچکے ہیں،اسرائیل اور فلسطین کے درمیان امن مذاکرات سے دو سال قبل نئی یہودی بستیوں کے معاملے پر مذاکرات التوا کے شکار ہوگئے تھے۔
   

یوکرائن میں ایک ماہ سے جاری مظاہروں کا سلسلہ روکنے میں نہیں آرہا ہے، صدر وکٹر یانوکووچ کے اقدامات کے خلاف مظاہروں کوجاری رکھا ہوا ہے۔

یوکرائن میں حکومت مخالف مظاہروں کا سلسلہ جاری ہے، یوکرائن کے شہریوں کی ایک بڑی تعداد کیف میں صدر وکٹر یانوکووچ کے اقدامات کے خلاف مظاہرروں کو جاری رکھا ہوا ہے، یوکرائن کی حکومت کی جانب سے یورپی یونین سے تجارتی معاہدہ نہ کرنے اور روس کے ساتھ معاہدہ کرنے کے خلاف کئے جا رہے ہیں۔

تمام سیاسی جماعتوں نے صدر وکٹر یانوکووچ سے مطالبہ کیا ہے کہ فوری طوری حکومت سے مستعفی ہوجائیں، یوکرائن میں مظاہروں کا یہ سلسلہ گذشتہ ماہ اس وقت شروع ہوا تھا، کسی بھی واقعے سے نمٹنے کے لئے پولیس کی بھاری نفری جمع ہیں۔
    
   

کینیڈین بحریہ نے بحیرہ عرب میں کاروائی کرتے ہوئے منشیات کی اسمگلنگ ناکام بنا دی، پانچ سو اڑتیس کلو ہیروئین سے بھرے پانچ سو چھ بیگ قبضے میں لے لئے گئے۔

کینیڈین بحریہ کے ترجمان جنرل ٹام لاسن کے مطابق بحریہ نے مشترکہ آپریشن میں تاریخ کی سب سے بڑی ہیروئن کی اسمگلنگ ناکام بنائی، کینیڈین بحریہ کی جانب سے بدھ کے روز فلمائی گئی ایک ویڈیو ٹیپ میں دکھایا گیا ہے کہ نیوی اہلکار منشیات سے بھرے بیگوں میں سے ہیروئن کے پیکٹ نکال رہے ہیں اور انہیں گنتی کے بعد پیکٹ کھول کر سمندر برد کیا جارہا ہے۔

اس سے پہلے رواں برس اکتوبر میں بھی کینیڈین نیوی کی جانب سے ایک سو اسی کلو گرام جبکہ مارچ میں پانچ سو کلو گرام منشیات قبضے میں لے کر تلف کیا گیا تھا۔
   

دنیا میں کرسمس کے قریب آتے ہی نت نئے طریقے ایجاد ہو رہے ہیں، برازیل میں  ایسی کرسمس بس سجائی گئی، جس نے بچوں سمیت سب کو نہال کیا۔

 دنیا بھرمیں جوں جوں کرسمس کا تہوار قریب آتا جارہا ہے اس کو منانے کے لئے نئے طریقے تلاش کئے جارہے ہیں، برازیل کے ایک چھوٹے شہرسینٹو آندری میں کرسمس کا تہوار منانے کے لئے بس میں بچوں سمیت تمام عمر کے لوگ سفر کے لیے نکلے، جن کے چہروں پر مسکراہٹ اور زبانوں پر خوشی کے گیت تھے۔

مسافروں کا کہنا تھا کہ دوہزار چودہ پر کرسمس کا یہ پیغام ہے کہ ہم سب مل کر امن خوشی اور پیار کی شمع جلائیں۔

پیرو حکام کے مطابق دارالحکومت لیما کے پہاڑی علاقے میں ایک بس کھائی میں جاگری، حادثے کے نتیجے میں پندرہ افراد ہلاک اور اٹھاون زخمی ہوگئے۔

غیر ملکی خبر رساں ادارے کے مطابق بس تیز رفتاری کے باعث دوسومیٹر گہری کھائی میں گری، ریسکیو ذرائع کا کہنا ہے کہ بس موڑ کھاتے ہوئے پہاڑ سے نیچے گری، جس کے نتیجے میں ہلاکتیں زیادہ ہوئیں۔

زخمیوں کو مقامی اسپتال پہنچایا گیا، حادثے کی وجوہات کا تاحال علم نہیں ہوسکا، تاہم بچ جانے والے مسافروں نے بس ڈرائیور کی لاپرواہی اور تیزرفتاری کواس حادثے کا ذمہ دار قرار دیا۔

آسٹریلیا کے شہر سڈنی میں بم کی اطلاع کے بعد پارلیمنٹ آنے جانے والے تمام راستے سیل کردئیے گئے۔

غیرملکی میڈیا رپورٹس کے مطابق نیوساؤتھ ویلزمیں بم کی اطلاع پر پارلیمنٹ کو بند کرکے پولیس نے سرچ آپریشن شروع کردیا ہے جبکہ اطلاعات کے مطابق سرچ آپریشن کے باعث پارلیمنٹ ہائوس کی عمارت خالی کرالی گئی اور لوگوں کو کسی بھی قسم کی نقل و حرکت سے روک دیا گیا ہے۔

آخری اطلاعات آنے تک پولیس اور بم ڈسپوزل اسکواڈ کا عملہ بم کی تلاش میں مصروف تھے۔

لندن میں اپولوتھیٹر کی عمارت کا ایک حصہ دوران شو گرنے سے نوے سے زائد افراد زخمی ہوگئے، جن میں سے گیارہ کی حالت تشویشناک ہے۔

برطانوی میڈیا کے مطابق لندن کے اپولو تھیٹر کی عمارت کا حصہ شو کے دوران گرنے سے کئی افراد ملبے تلے دب گئے، جب تھیٹر کی چھت گری تو اس وقت وہاں شو جاری تھا اور لوگوں کی ایک بڑی تعداد موجود تھی۔

تھیٹر میں موجود لوگوں نے سوشل میڈیا کے ذریعے پولیس کو اطلاع دی، پولیس اور امدادی ٹیموں نے موقع پر پہنچ کرملبے تلے دبے افراد کو قریبی اسپتال منتقل کیا، حادثے کے وقت تھیٹر میں تقریبا سات سو بیس افراد موجود تھے۔

پولیس ذرائع کے مطابق سرچ اور ریسکیو آپریشن مکمل کرکے تھیٹر کو سیل کردیا گیا ہے، لندن میٹرو پولیٹن پولیس کے مطابق حادثے میں نوے سے زائد افراد زخمی ہیں، جن میں سے گیارہ کی حالت تشویشناک ہے۔

میڈیا کو بریفنگ دیتے ہوئے فائر بریگیڈ کے ترجمان کا کہنا تھا کہ ان کے اہلکار تھیٹر کی چھت کا معائنہ کر رہے ہیں اور ابھی تک چھت گرنے کی وجہ معلوم نہیں ہوسکی۔
    
   

بنگلہ دیش میں اپوزیشن جماعتوں کیجانب سے عام انتخابات کا بائیکاٹ اور احتجاجی مظاہرے جاری ہیں، حکومت نے کریک ڈاؤن کے دوران ایک سو اٹھارہ افراد کو گرفتار کرلیا۔

بنگلہ دیش میں پانچ جنوری کو ہونے والے عام انتخابات میں اختلاف رائے کے بعد ملک کی اہم سیاسی جماعت بنگلہ دیش عوامی پارٹی اور اتحادی جماعت اسلامی نے انتخابات کا بائیکاٹ کیا ہے۔

اپوزیشن جماعتوں کی جانب سے مظاہروں کے باعث حکومت نے ملک بھر میں کریک ڈاؤن کے دوران بڑی تعداد میں مظاہرین کو گرفتار کرلیا ہے، اپوزیشن جماعتوں نے احتجاج کے دوران وزیراعظم حسینہ واجد سے مطالبہ کیا کہ انتخابی عمل غیر جانبدار نگران حکومت کی سرپرستی میں کرائے جائیں،تاہم وزیراعظم حسینہ واجد نے اپوزیشن کے مطالبات کو مسترد کردیا ہے۔
   

عراق کے دارالحکومت بغداد میں خود کش بم دھماکوں میں تقریبا چھتیس افراد ہلاک اور درجنوں زخمی ہوگئے۔

ذرائع کے مطابق ذیادہ ہلاکتیں بغداد کے جنوبی ضلع دورہ میں ہوئیں، جہاں ایک خود کش بمبار نے ایک مذہبی اجتماع میں اپنے آپ کو دھماکے سے اڑا دیا، جس کے نتیجے میں چودہ افراد جاں بحق اور اٹھائیس زخمی ہوگئے۔

دوسرا واقعہ بغداد کے جنوب مغرب یوسفیہ میں پیش آیا، جہاں دھماکے سے تقریبا دس افراد جاں بحق ہوئے اور متعدد زخمی ہوئے، اس علاوہ عراق کے دیگر حصوں سے بھی عراقی شہریوں کی ہلاکتوں کی اطلاعات موصول ہوئیں ہیں،عراقی حکومت کے اعداد و شمار کے مطابق سینکڑوں افراد گزشتہ ماہ جاں بحق ہوچکے ہیں۔
   

جنوبی سوڈان میں امن فوجیوں کے بیس پر باغیوں کے حملے میں اقوام متحدہ کے تین اہلکار مارے گئے۔

اقوام متحدہ کےنائب ترجمان فرحان حق کے مطابق جنوبی سوڈانی ریاست جونگلی میں باغیوں نے امن فوجیوں کے بیس کیمپ پر حملہ کردیا، حملے کے وقت بیس میں فوجیوں کے ساتھ پناہ لینے والے عام شہریوں کی بھی بڑی تعداد موجود تھی۔

اقوام متحدہ کے ترجمان کے مطابق جونگلی کی صورت حال انتہائی تشویش ناک ہے، باغیوں نے پناہ گزین افراد کو نشانہ بنانے کے لیے آپریٹینگ بیس پر حملہ کیا، اقوام متحدہ کے ترجمان کا کہنا ہے کہ غیر مسلح امن فوجیوں کو نکالنے کی کوشش کی جائے گی جبکہ مالاکل سے اضافی فوج طلب کرلی ہے۔