Category: خیبر پختونخواہ

پشاور میں انتخابات کے لئے بائیو میٹرک سسٹم کا تجرباتی ٹیسٹ کرلیا گیا۔ الیکشن کمیشن کے مطابق سسٹم دس سے تیرہ سیکنڈ میں ووٹ کی تصدیق کرے گا۔

خیبرپختونخوا حکومت نے انتخابات میں دھاندلی کے الزامات سے چھٹکارا پانے کے لئےعملی اقدامات مکمل کرلئے، پشاور بائیو میٹک سسٹم کے تحت تجرباتی طور پر پولنگ آج ہوئی۔

صوبائی الیکشن کمیشن کے مطابق پولنگ اسٹیشن میں چارہزار دوسو پچیس ووٹرز حق رائے دہی کا استعمال کرینگے، ڈپٹی کمشنرالیکشن کمیشن ظہیراسلام نے بتایا کے سسٹم کے شفاف انتخابات کا انعقاد ممکن ہے، مشینوں کے لئے دوارب کی رقم صوبائی حکومت فراہم کرے گی۔

ظہیراسلام نے بتایا کہ صوبے میں حلقہ بندیوں کو کام آخری مراحل میں ہے، جس کے بعد بلدیاتی انتخاب کی تاریخ کا اعلان کیا جائے گا، الیکشن کمیشن کے مطابق بائیو میٹک سسٹم کو ایک ووٹ کے تصدیق کے لئے دس سے تیرہ سیکنڈ درکارہوں گے۔

انتخابات کے دوران ہرپولنگ بوتھ میں ایک بائیو میٹک آلہ موجود رہے گا، جبکہ تجرباتی طورپر پولنگ شام پانچ بجے تک جاری رہے گی۔

خیبرپختونخوا حکومت نے وفاق سے وزیراعظم کے صوابدیدی فنڈز کا حساب مانگتے ہوئے وفاقی بجٹ میں بھی صوبے کو حصہ دینے کا مطالبہ کیا ہے۔

پشاور میں سابق وزراء خزانہ کے مشاورتی اجلاس کے بعد میڈیا کو بریفنگ کے دوران خیبرپختونخوا کے وزیرخزانہ سراج الحق کا کہنا تھا کہ آئین کے آرٹیکل ایک سو باسٹھ (ٹو) کے تحت پن بجلی کے خالص منافع کی باقاعدگی کے ساتھ ادائیگی صوبے کا حق ہے۔

ان کا کہنا تھا کہ ثالثی ٹریبونل کے فیصلے کی رو سے صوبے کا سالانہ منافع پنتالیس ارب روپے بنتا ہے مگر وفاق اس کی ادائیگی میں ٹال مٹول سے کام لے رہا ہے سراج الحق کا کہنا تھا کہ ہم وفاق سے خیرات نہیں بلکہ اپنا حق مانگتے ہیں اور اس کے حصول کے لئے سیاسی وابستگی سے بالاتر ہوکر جدوجہد کرینگے۔

تحریک انصاف اورجماعت اسلامی نے خیبر پختون خوا کے بلدیاتی انتخابات میں اتحاد کا فیصلہ کیا ہے ، پاکستان تحریک انصاف پشاور کے صدر یاسین خان نے پشاور میں پریس کانفرنس سے خطاب میں کہا کہ بلدیاتی انتخابات میں دونوں جماعتیں مشترکہ امیدوار نامزد کریں گی ۔

ان کا کہنا تھا کہ پاکستان تحریک انصاف کے دروازے قومی وطن پارٹی کے لئے بھی کھلے ہیں، اس موقع پر جماعت اسلامی کے ضلعی امیرکاکہنا تھا پی ٹی آئی اور جماعت اسلامی کے اتحاد میں دیگرجماعتیں بھی شامل ہوسکتی ہیں۔
 

ضلع نوشہرہ کے علاقہ اکبر پورہ میں پولیس اور کالعدم تنظیم کے ارکان کے ساتھ مقابلے کے بعد دو ملزموں کو گرفتار کرلیا ہے جبکہ باقی افراد فرار ہونے میں کامیاب ہوگئے۔

ملزموں کے قبضے سے خطرناک اسلحہ اور 3گرنیڈ بھی قبضے میں لے لیے گئے، دونوں گرفتار افراد کو تفتیش کیلئے نامعلوم مقام پر منتقل کردیا گیا ہے، پولیس کے مطابق کالعدم تنظیم کے ارکان علاقے میں کسی بڑی واردات کیلئے موجود تھے، فرار ہونے والے افراد کی گرفتاری کیلئے علاقے میں سرچ آپریشن شروع کردیا گیا ہے۔

   اے این پی کے رہنما اسفند یار ولی خان نے کہا ہے کہ پختونوں کی سرزمین تقسیم ہونے کے لیے تیار نہیں ، عمران خان کو پشاور میں بھی مہنگائی کی فکر کرنی چاہیے۔

اے این پی کے رہنما بشیر احمد بلور کی برسی پر خطاب میں اسفند یار ولی خان کا کہنا تھا کہ عمران خان کے جلسے پر اسفندیار ولی خان کا کہنا تھاکہ گراں فروشوں کے خلاف کپتان لاہور میں بیٹھ کر آواز اٹھا رہا ہے۔

کپتان ڈرون حملوں کے خلاف آواز اٹھا رہا ہے مگر غیر ملکیوں کی موجودگی سے متعلق چپ ہے، انہوں نے کہا کہ ڈرون حملوں میں کتنے مارے جاتے ہیں اور خود کش حملوں میں کتنے شہید ہوتے ہیں ،اس بات کا فیصلہ عوام کریں گے، اسفند یار ولی نےکہا کہ پی ٹی آئی رہنما ڈر کی وجہ سے جنازوں میں بھی شرکت نہیں کر سکتے ۔