Category: خیبر پختونخواہ

لکی مروت : تحریک انصاف کی منحرف رکن قومی اسمبلی عائشہ گلالئی کے خلاف کرپشن کے ثبوت لے کر نیب جانے والے نور زمان کو قتل کردیا گیا.

تفصیلات کے مطابق نور زمان کو نامعلوم موٹر سائیکل سواروں نے اس وقت قتل کردیا جب وہ گھر سے باہر کسی کام کے لیے گئے ہوئے تھے کہ انہیں راستے میں نشانہ بنادیا گیا.

واقعہ کی اطلاع ملنے کے بعد ریسکیو اداروں نے امدادی کاموں کا آغاز کرتے ہوئے مقتول نور زمان کی لاش قریبی اسپتال منتقل کی جہاں ان کی موت کی وجہ زیادہ خون بہہ جانا اور حرکت قلب بند ہونا بتایا گیا.

پولیس نے میڈیا سے گفتگو کرتے ہوئے بتایا کہ نور زمان کو قتل کرنے کے بعد ملزمان فرار ہوگئے جنہیں عینی شاہدین کی مدد سے جلد گرفتار کیا جائے گا جس کے لیے عینی شاہدین کے بیانات قلم بند کیے جا رہے ہیں.

اسی سے متعلق : عائشہ گلالئی کے خلاف نیب خیبرپختونخوا میں ریفرنس کیلئے درخواست دائر

خیال رہے نور زمان نے تحریک انصاف کی منحرف رکن قومی اسمبلی عائشہ گلالئی پر کرپشن کے الزامات لگاتے ہوئے شواہد کے ہمراہ نیب میں درخواست بھی جمع کرائی تھی جس میں مخلتف ترقیاتی پروجیکٹس کی مد میں لی گئی رشوت کو بھی بے نقاب کیا گیا تھا.

یاد رہے نورزمان جو رکن قومی اسمبلی عائشہ گلالئی کے ذاتی معاون کے طور پر بھی کام کرتے رہے ہیں نے عائشہ گلا لئی کے تحریک انصاف چھوڑنے کے بعد ایک پریس کانفرنس میں کرپشن کے الزامات لگاتے ہوئے انکشاف کیا تھا کہ عائشہ گلالئی کونسلرکو ٹکٹ دلوانے کےلئے دس لاکھ روپے میں ڈیل کرتی تھیں اور یہ معاملات عائشہ گلالئی کے والد کروایا کرتے تھے.

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

مردان : مقامی ٹیموں کے درمیان ہونے والے فٹبال میچ میں کھلاڑی نے ریفری پر چاقو کے وار کر کے قتل کردیا۔

تفصیلاے کے مطابق قتل کی یہ واردات صوبہ خیبر پختونخواہ کے علاقے مردان میں پیش آئی جہاں دو مقامی فٹبال ٹیموں کے درمیان مقابلہ جاری تھا کہ کسی معاملے میں کھلاڑیوں اور ریفری کے درمیان جھگڑا ہوگیا۔

جھگڑے کے دوران ایک کھلاری آپے سے باہر ہوگیا اور ریفری پر چاقو کے پے در پے وار کرتے ہوئے شدید زخمی کردیا اور موقع سے فرار ہوگیا جب کہ ریفری زیادہ خون بہہ جانے اور فوری طبی امداد نہ ملنے کے باعث جاں بحق ہوگیا۔

پولیس کے مطابق اسپورٹس کمپلیکس میں فٹبال میچ کے دوران پیش آنے والے اس افسوسناک واقعہ کی ایف آئی آر درج کرلی گئی ہے اور تحقیقات کا آغاز کرتے ہوئے دیگر کھلاڑیوں کے بیان قلم بند کر لیے ہیں۔

پولیس کا کہنا ہے کہ کھلاڑی ریفری کو قتل کرنے کے بعد فرار ہوگیا ہے جس کی تلاش میں چھاپے مارے جارہے ہیں اور جلد ملزم کو حراست میں لے کر قانون کے کٹہرے میں لا کھڑا کریں گے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

پشاور : امیر جماعت اسلامی سراج الحق نے کہا ہے کہ ووٹ مانگنے والوں سے پوچھا جائے کہ بار بار حکومت ملی تو آپ نے کیا کیا مایوسی کے سوا کوئی جواب نہیں ملے گا اور اگر یہ لوگ دوبارہ منتخب ہوتے ہیں تو پھر بھی کچھ نہیں کرسکتے.

وہ پشاورمیں جلسہ عام سے خطاب کر رہے تھے، امیر جماعت اسلامی نے کہا کہ مسلم لیگی حکومت نے ختم نبوت کے قانون پرشب خون مارا ہے اور عوام کو دھوکا دینے کی کوشش کی ہے.

انہوں نے کہا کہ ختم نبوت پرکتاب لکھنے پرنہ صرف یہ کہ سید مودودی کو جیل میں ڈالا گیا بلکہ جناب مودودی کو ختم نبوت پرموت کی سزا بھی سنائی گئی تھی، جماعت اسلامی ختم نبوت کی وارث جماعت ہے.

سراج الحق نے کہا کہ مطالبہ کرتا ہوں کہ ختم نبوت پر ڈاکہ ڈالنے والوں کو سزا دی جائے اور نواز شریف یہ پارٹی فیصلہ نہیں تھا تو انہیں جماعت سے نکالا جائے گا.

امیر جماعت اسلامی نے کہا کہ ختم نبوت کے حلف نامے میں تبدیلی کوشش کر نے والے اور 20 کروڑعوام کے جذبات کو مجروح کرنے والوں کو پارٹی سے نکالا جائے اور پردوں میں چھپے ڈاکوؤں کو سزا دلائیں گے.

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔