پشاور: غداری کے مقدمے میں اسیر ڈاکٹرشکیل آفریدی کو وفاق کے حوالے کرنے کے لیے خیبرپختونخوا حکومت نے ایک اور مراسلہ لکھ دیا۔

تفصیلات کے مطابق جعلی پولیو مہم کی آڑ میں القاعدہ کے سربراہ اسامہ بن لادن کے خاندان کی نشاندہی کرنے والے ڈاکٹر شکیل آفریدی غداری کے مقدمے میں اِس وقت سینٹرل جیل پشاورمیں قید ہیں۔

اس حوالے سے صوبائی انتظامیہ نے موقف اختیار کیا ہے کہ ملزم ڈاکٹر شکیل آفریدی وفاق کے خلاف مقدمہ وفاق کے زیر انتظام چل رہا ہے اس لیے ملزم کو کسی وفاقی ادارے یا مقام پر قید ہوجانا چاہیے۔

سپرنٹنڈنٹ سینٹرل جیل پشاور کہتے ہیں کہ ڈاکٹر شکیل آفریدی وفاق کا قیدی ہے جسے صوبائی حکومت کی جیل میں رکھا گیا ہے چنانچہ وفاق کو چاہیے کہ ملزم کی منتقلی کے انتظام کرے۔

انہوں نے کہا کہ وفاق حکومت کو آٹھ مراسلے ارسال کیے لیکن وفاق نے کسی ایک کا جواب بھی نہیں دیا اب چونکہ دوبارہ سے یہ معاملہ اٹھ رہا ہے اس لیے وفاق کو ایک بار پھر خط لکھا ہے۔

یاد رہے ڈاکٹرشکیل آفریدی کو مئی دو ہزار گیارہ میں ایبٹ آباد میں امریکی آپریشن میں اسامہ بن لادن کی ہلاکت کے بعد حراست میں لے لیا گیا تھا اور ان پر الزام تھا کہ جعلی پولیو مہم کے بہانے اسامہ بن لادن کے اہل خانہ کے خون کے نمونے جمع کیے اور امریکہ کو مطلع کیا تھا۔

شانگلہ : تحریک انصاف کے جلسے کے دوران تیز ہواﺅں کی وجہ سے شامیانہ گرنے کے باعث 4 کارکنان زخمی ہو گئے ہیں جنہیں طبی امداد فراہم کردی گئی۔

تفصیلات کے مطابق شانگلہ میں تحریک انصاف کے جلسے میں شامیانہ اس وقت گر گیا جب پرویز خٹک سامعین سے خطاب کررہے تھے جس کے باعث چار کارکنان زخمی ہو گئے جنہیں امدادی کیمپ میں طبی امداد فراہم کر کے روانہ کردیا گیا۔

شامیانہ گرنے کے واقعے سے وزیراعلیٰ خیبر پختونخواہ طیش میں آگئے اور منتظمین کو حکم دیا کہ وہ ٹینٹ سروس کے مالک کو شامیانے کا کرایہ ادا نہ کریں بلکہ اس پر بھاری جرمانہ عائد کریں۔

ذرائع کا کہنا ہے کہ بشام سٹی کے ڈی پی گراونڈ میں تحریک انصاف کے جلسہ عام کے لیے لگایا جانے والا شامیانہ شرکاء پر ہی آن گرا جے بعد میں ٹھیک کرلیا گیا۔

تاہم وزیراعلیٰ خیبر پختونخوا پرویز خٹک جیسے ہی تقریر کرنے کے لیے اسٹیج پر کھڑے ہوئے تو یہی شامیانہ دوبادہ گر گیا جسے ایک مرتبہ پھر ٹھیک کر کے اپنی جبکہ پر کھڑا کر دیا گیا لیکن کچھ ہی دیر میں یہ تیسری بار گر گیا۔

پشاور : پی ٹی آئی کی رکن قومی اسمبلی عائشہ گلالئی اور امین گنڈا پور کی قیادت میں کارکنان نے واپڈا ہاؤس کا گھیراؤ کیا اور حکومت مخالف نعرے لگاتے رہے۔

تفصیلات کے مطابق لوڈ شیڈنگ سے پریشان رکن قومی اسمبلی عائشہ گلالئی اور امین گنڈا پورکی قیادت میں تحریک انصاف کے کارکنان نے پیسکو کے سامنے مظاہرہ کیا اور حکومت مخالف نعرے لگائے مظاہرین نےحکومت کیخلاف نعرے لگائے۔

پی ٹی آئی کے مشتعل کارکن پہلا گیٹ توڑ کر اندر داخل ہوئے جب کہ دوسرا گیٹ کھولنے کی کوشش کرتے رہے جب کہ واپڈا ملازمین کو ان کے دفاتر میں محصور کردیا گیا۔

عائشہ گلالئی نے کارکنوں کو ہدایت دیتے ہوئے کہا کہ پیسکو افسران اور ملازمین کو چھٹی کے بعد باہر نہ جانے دیا جائے، مطالبات کی منظوری تک دھرنا جاری رکھیں گے۔

*لوڈ شیڈنگ: ایم این اے عائشہ گلالئی کا گدھا گاڑی پر احتجاج

یاد رہے کہ رکن قومی اسمبلی نے عائشہ گلالئی نے لوڈ شیڈنگ کے خاتمے کے لیے چار روز کی ڈیڈ لائن دی تھی لیکن ڈیڈ لائن مکمل ہونے کے بعد لوڈشیڈنگ میں کسی قسم کی کمی نہیں آسکی جس کے مشتعل مظاہرین نے واپڈا دفتر کا گھیراؤ کیا گیا۔

پی ٹی آئی کے احتجاج کی وجہ سے کسی ناخوشگوار واقعے سے نمٹنے کے لیے واپڈا ہاؤس کے اطراف پولیس کی بھاری نفری تعینات کردی گئی تھی۔

پشاور : صدر پاکستان پیپلز پارٹی پارلیمنٹیرین آصف علی زرداری نے کہا ہے کہ اپنے دور صدارت میں سی پیک کا خواب میں نے آپ لوگوں کے لیے دیکھا اور اس پہ کام بھی شروع کیا لیکن اس پروجیکٹ کو ہائی جیک کر کے اسلام آباد لے گئے۔

خیبر پختونخوا میں پیپلز پارٹی کی مجلس عامہ کے اجلاس کے بعد میڈیا سے بات کرتے ہوئے سابق صدر آصف زرداری کا کہنا تھا کہ عالمی ہو یا ملکی ہمیں سیاست بڑھ چڑھ کر کرنی ہے جس کے لیے بھٹوصاحب نےطاقت دی کہ آنکھوں میں آنکھیں ڈال کر دیکھ سکیں کیوں کہ پاکستان میں جینا ہے تو ڈر کر نہیں جیت سکتے۔

مغل بادشاہت قائم نہیں رہے گی

انہوں نے وزیراعظم نواز شریف کو تنقید کا نشانہ بناتے ہوئے کہا کہ پنجاب میں کام کرنےسے یہ سمجھتے ہیں کہ انھیں سیٹیں مل جائیں گی اور مغل بادشاہت قائم رہے گی لیکن یہ لوگ اب عوام کو زیادہ عرصے تک بے وقوف نہیں بنا سکتے۔

آصف علی زرداری نے کہا کہ جو کہتے تھے 6 ماہ میں بجلی نہیں لائے تو نام بدل دیں گے اب ہم سوچ رہے ہیں ان کا کیام نام رکھیں اور اسی شخص کی حکومت میں پاکستانیوں سے پوچھا جارہا ہے کہ پنجاب اور اسلام آبادمیں کیوں گھوم رہے ہو۔

کم عقل سیاست دان کو پتہ نہیں کہ خیبر پختونخوا میں آگ لگی ہے

آصف زرداری نے عمران خان کا نام لیے بغیر کہا کہ کم عقل سیاستدان کو نہیں معلوم کہ کے پی کے میں آگ لگی ہے اور ہر طرف افراتفری ہے دوسری جانب ہم نے پختونوں کو سندھ میں خوش آمدید کہا اور کراچی اس وقت پختونوں کا سب سے بڑا شہر ہے۔

انہوں نے کہا کہ فاٹا کے عوام کو دیگر صوبوں کی طرح حقوق ملنے چاہیئے اور ارادہ کرلیا ہے کہ فاٹا کو خیبرپختونخوا میں ضم کرانا ہے جب کہ ماضی میں بھی بینظیر انکم سپورٹ کارڈ کے پی کے میں سب سے زیادہ دیا گیا تھا اور اللہ نےموقع دیا تو بینظیر انکم سپورٹ کارڈ کو ڈبل کریں گے۔

پیپلز پارٹی نے این ایف سی ایوارڈ دیا

آصف زرداری نے کہا کہ مجھے فخر ہے کہ تاریخ میں پیپلزپارٹی کا نام آئےگا کیوں کہ پیپلز پارٹی نے ہی عوام کوحقوق دیے اور صوبوں کو خود مختار کیا جب اللہ نے ہمیں موقع دیا تو پی پی نے این ایف سی ایوارڈ دیا جو کہ آپ کا حق تھا ایسا کر کے کسی پر احسان نہیں کیا۔

کمانڈو ایک دھمکی سے گھبرا گیا

انہوں نے کہا کہ ایک دھمکی سےکمانڈوگھبرا کر بیٹھ گیا جسے ہم نے ہی صدر ہاؤس سے باہر کیا تھا اور اب وہ عدالت کا سامنے کرنے سے کترا رہا ہے اور مختلف حیلے بہانے بنا کر ملک سے مفرور ہے۔