Category: میگزین

سوشل میڈیا انفلوئنسر اور اداکارہ ربیکا خان ’سیارا‘ گانا گنگنا کر تنقید کا نشانہ بن گئیں۔

ربیکا خان تمام سوشل اور ڈیجیٹل میڈیا پلیٹ فارمز بشمول ٹک ٹاک، انسٹاگرام اور یوٹیوب پر سرگرم ہیں۔ ان کے انسٹاگرام پر 6.2 ملین فالوورز ہیں۔

ربیکا خان نے حال ہی میں اپنے منگیتر حسین ترین کے ساتھ شادی کی ہے۔ مداحوں کو ان کے وائرل ہونے والے نکاح کی ویڈیوز بہت پسند آئیں اور انہوں  نے اپنے عمرہ کے سفر کی تصاویر بھی شیئر کیں۔

تاہم انہوں نے حال ہی میں بالی ووڈ کا مشہور گانا سیارا اپنی آواز میں گایا ہے۔ ویڈیو میں دیکھا جاسکتا ہے کہ ربیکا گاڑی میں بیٹھی گانا گنگنا رہی ہیں۔

 

View this post on Instagram

 

A post shared by Dump Songs (@songs_videosdump)

ربیکا کی آواز میں گانا سوشل میڈیا صارفین کو ایک آنکھ نہ بھایا اور وہ ٹرول ہوگئیں۔

ایک صارف نے ان کی آواز کا مذاق اڑاتے ہوئے کہا کہ انہیں اپنی آواز کو مزید بہتر بنانے کے لیے غرارے کرنے کی ضرورت ہے۔

دوسرے نے لکھا کہ حتیٰ کہ آٹو ٹیون بھی اس کی مدد نہیں کر رہی ہے۔

تیسرے صارف نے لکھا کہ ’ربیکا کی آواز میں گانا سن کر شریا بھی رو رہی ہوگی۔‘ چوتھے صارف کا کہنا تھا کہ ’ہر چیز میں کودنے کی ضرورت نہیں ہوتی۔‘

اداکار قیصر نظامانی نے اہلیہ فضیلہ قاضی کے لیے دل چھو لینے والا پیغام شیئر کردیا۔

سینئر اداکارہ فضیلہ قاضی کو فنکارانہ خدمات پر حکومت کی جانب سے ستارہ امتیاز دینے کا اعلان کیا گیا ہے جو وہ 23 مارچ 2026 کو وصول کریں گی۔

قیصر نظامانی نے لکھا کہ آج آپ کو آپ کا حق مل گیا۔ آپ صرف میری بیوی نہیں، بلکہ ایک سپراسٹار ہیں۔

اداکار نے کہا کہ یہ اعزاز قوم کے لیے باعث فخر سہی لیکن میرے لیے یہ ایک جدوجہد کی کہانی ہے۔

ادکار نے مزید لکھا کہ میں فضیلہ کے کیریئر کے دوران انتھک محنت اور اپنے کام سے والہانہ لگاؤ کا عینی شاہد ہوں۔

یہ پڑھیں: ایوارڈ نہ ملنے کا شکوہ کرنے والی فضیلہ قاضی کو بھی سول اعزاز دینے کا اعلان

انہوں نے مزید لکھا کہ یہی وجہ ہے کہ میں اس ایوارڈ کی اہمیت سب سے زیادہ جانتا ہوں اور اپنی بیوی فضیلہ قاضی کو بہت بہت مبارک باد پیش کرتا ہوں۔

واضح رہے کہ حکومت کی جانب سے فضیلہ قاضی، سویرا ندیم، حدیقہ کیانی سمیت دیگر چند اداکاراؤں کو ستارہ امتیاز دینے کا اعلان کیا ہے۔

شوبز انڈسٹری کے سینئر اداکار محسن گیلانی نے ساس، بہو کی لڑائی کی اہم وجہ بیان کردی۔

اے آر وائی ڈیجیٹل کے پروگرام ’گڈ مارننگ پاکستان‘ میں سینئر اداکار محسن گیلانی نے شرکت کی اس دوران انہوں نے ساس، بہو کے رشتے سے متعلق اپنی رائے کا اظہار کیا۔

اداکار نے کہا کہ زیادہ تر ایسے واقعات مڈل کلاس طبقے میں ہوتے ہیں، ایسے موقع پر سسر اپنا کردار ادا کرتے ہیں اور انہیں کرنا بھی چاہیے، وہ ہمیشہ بہو کے ساتھ ہوتے ہیں، بیوی کو سمجھاتا ہے کہ اس طرح نہ کرو۔

محسن گیلانی نے کہا کہ یہ معاملہ صرف اس وجہ سے حل ہوسکتا ہے جب بہو کو بیٹی سمجھا جائے، اگر بیٹی بن کر بہو خدمت کرتے رہے تو وہ آہستہ آہستہ جگہ بنالیتی ہے۔

انہوں نے کہا کہ سب سے بڑا رشتہ احترام کا ہے اگر دونوں ایک دوسرے کے احترام کررہے ہیں تو جھگڑے کی وجہ ہی نہیں ہوگی۔

اداکار نے کہا کہ مائیں اپنے بیٹوں کی شادی کرنے میں جلدی نہ کریں، جب شادی ہوکر بہو آتی ہے تو ساس کو لگتا ہے میرا بیٹا مجھے سے چھن گیا ہے، دوسری جانب بیٹی کی ماں سے کہتی ہے کہ کوشش کرنا الگ گھر لے لینا اور جب بیٹی الگ گھر کی سوچ لے کر جاتی ہے تو پھر مسائل پیدا ہونا شروع ہوجاتے ہیں۔

انہوں نے مزید کہا کہ جب بیٹا اپنی بیوی کو زیادہ وقت دیتا ہے تو بیٹے کی ماں کو لگتا ہے اس کا بیٹا اس سے دور ہوگیا ہے تو اس طرح کی سوچ بھی لڑائی کی وجہ بن جاتی ہے۔

شوبز انڈسٹری کے معروف اداکار فیصل قریشی نے بتایا کہ ہے انہوں نے ثنا سے شادی کے لیے سسر کو کیسے راضی کیا تھا۔

اداکار فیصل قریشی نے اہلیہ ثنا فیصل کے ساتھ گزشتہ روز نجی ٹی وی کے مزاحیہ پروگرام میں شرکت کی اور اس دوران مختلف موضوعات پر اظہار خیال کیا۔

انہوں نے بتایا کہ ثنا نے کہا کہ آپ والد سے بات کرلیں، وہ آکر پھر سامنے بیٹھ گئے، وہ سسر کے کردار میں ڈھلے ہوئے ہیں، انہوں نے انٹرویو کیا تو جو سچ تھا وہ میں نے بتادیا۔

فیصل قریشی کا کہنا تھا کہ میں نے کہا کہ میں گھر بسانا چاہتا ہوں میرے پاس زندگی کو انجوائے کرنے کے آپشن کم نہیں لیکن میں زندگی کو ٹھہراؤ میں لانا چاہتا ہوں۔

یہ پڑھیں: فیصل قریشی اور اہلیہ ثنا کی دلچسپ ویڈیو وائرل

اداکار نے بتایا کہ سسر کو میری بات سمجھ میں آگئی اور ایک ہفتے میں شادی ہوگئی۔

ایک سوال کے جواب میں فیصل قریشی نے بتایا کہ سسر ٹی وی نہیں دیکھتے تو وہ مجھے جانتے بھی نہیں تھے۔

ثنا فیصل نے بتایا کہ جب والد کو پتا چلا کہ ان کا تعلق شوبز سے ہے تو پنجاب میں ایک کلچر ہے کہ یہاں شادی نہیں کرنی، وہ ایک مسئلہ ہوگیا تھا، مجھے ان پر اور ابا دونوں پر یقین نہیں تھا، یہ سوچ رہی تھی کہ دیکھتے ہیں اب کہاں جاکر پھنسنا ہے۔

فیصل قریشی نے کہا کہ یہاں تک کہ لوگ شوبز والوں کو گھر کرائے پر نہیں دیتے ہیں، میرے ساتھ تو ایسا بہت ہوا ہے بلکہ لوگ رشتے بھی نہیں دیتے ہیں۔

شوبز انڈسٹری کی ابھرتی ہوئی اداکارہ طوبیٰ انور کا کہنا ہے کہ میں اپنی ذاتی زندگی پر تنقید کا جواب نہیں دینا چاہتی۔

اداکارہ طوبیٰ انور ان دنوں اے آر وائی ڈیجیٹل کے ڈرامہ سیریل ’پل دو پل‘ میں اداکاری کے جوہر دکھا رہی ہیں، اداکارہ نے حالیہ پوڈ کاسٹ میں اپنی نجی زندگی پر کی جانے والی تنقید سے متعلق اظہار خیال کیا۔

انہوں نے کہا کہ میں نے کبھی اپنی ذاتی زندگی پر تنقید کا جواب نہیں دیا کیونکہ میں اس پر بات نہیں کرنا چاہتی، یہ نجی ہے میں اسے اپنے اور اپنے خاندان کے اندر ہی رکھتی ہوں۔

اداکارہ نے کہا کہ وہ لوگوں کو نجی زندگی سے متعلق جوابات دے کر گھر کی باتیں باہر نہیں لانا چاہتیں، اس لیے انہوں نے کبھی کسی کو جواب نہیں دیا۔

یہ پڑھیں: اداکار بھی انسان ہیں کوئی ’پنچنگ بیگ‘ نہیں، طوبیٰ انور

طوبیٰ انور کے مطابق ان کے اہل خانہ ان کی زندگی اور حقائق سے واقف ہیں، اس لیے انہیں دوسروں کو حقائق سے آگاہ کرنے کی ضرورت ہی نہیں۔

انہوں  نے کہا کہ میں ان معاملات پر بات کرتی ہوں جس سے دوسروں کو فائدہ پہنچے جیسے ڈپریشن اور دماغی صحت کے بارے میں آواز اٹھانا ہے۔

اداکارہ نے کہا کہ میں نے بہت منفی کردار کیے ہیں لیکن حقیقی زندگی میں منفی انسان نہیں ہوں، اس لیے میں اپنے ڈرموں میں منفی شخص بننے کا شوق پورا کرتی ہوں، مجھے اپنے کرداروں کے ذریعے زندگی میں بہت مسالا ملتا ہے۔

ممبئی (16 اگست 2025): بالی وڈ اداکارہ مرونل ٹھاکر نے فلم انڈسٹری کی مقبول ایکٹریس بپاشا باسو کے بارے میں اپنے الفاظ پر معافی مانگ لی۔

انڈین میڈیا کے مطابق مرونل ٹھاکر کو پرانے انٹرویو میں بپاشا باسو کے بارے میں بات کرنے کی ویڈیو وائرل ہونے کی وجہ سے تنقید کا سامنا کرنا پڑا۔

مرونل ٹھاکر کا مذکورہ انٹرویو اُس وقت کا ہے جب وہ فلم انڈسٹری میں قدم رکھنے کی جدوجہد کر ہی تھیں۔ اس میں انہوں نے دعویٰ کیا تھا کہ وہ بپاشا باسو سے بہتر ہیں۔

یہ بھی پڑھیں: بپاشا باسو شادی کے 6 سال بعد ماں بن گئیں

مذکورہ ویڈیو حال ہی میں سوشل میڈیا پر دوبارہ وائرل ہوئی اور انہیں تنقید کا سامنا کرنا پڑا۔ گزشتہ روز انہوں نے اپنے الفاظ پر معافی نامہ جاری کیا۔

مرونل ٹھاکر نے انسٹاگرام اسٹوری پر ایک نوٹ شیئر کیا جس میں ان کا کہنا تھا کہ وہ کبھی بھی کسی کو شرمندہ کرنے کا ارادہ نہیں رکھتیں۔

اداکارہ نے لکھا کہ میں نے 19 سال کی عمر میں بہت احمقانہ باتیں کی تھیں، معلوم نہیں تھا میری الفاظ کسی کو تکلیف پہنچا سکتے ہیں اس کیلیے دل سے معذرت خواہ ہوں، میرا مقصد کبھی بھی کسی کو شرمندہ کرنا نہیں۔

انہوں نے کہا کہ یہ انٹرویو کے دوران مذاق تھا جو بہت پرانا ہے لیکن اب میرے پاس زیادہ تجربہ ہے۔

واضح رہے کہ ویڈیو وائرل ہونے کے بعد بپاشا باسو نے مرونل ٹھاکر کا نام لیے بغیر انسٹاگرام اسٹوری پر لکھا کہ مضبوط خواتین ایک دوسرے کو اوپر اٹھائیں ہمیں مضبوط ہونا چاہیے۔ پرانی سوچ کو ختم کریں۔