Category: میگزین

ممبئی (13 اگست 2025): بھارت کی پہلی مس یونیورس کا اعزاز رکھنے والی نامور اداکارہ سشمیتا سین کے امریکی صدر ڈونلڈ ٹرمپ سے متعلق دعوے نے سب کو حیران کر دیا۔

سشمیتا سین نے 2010 سے 2012 تک مس انڈیا یونیورس فرنچائز کا انتظام سنبھالنے کے اپنے تجربے کے بارے میں بتایا جب موجودہ امریکی صدر ڈونلڈ ٹرمپ اس کے مالک تھے۔

انڈین میڈیا کے مطابق حال میں دیے گئے انٹرویو میں سشمیتا سین نے فرنچائز کا انتظام سنبھالنے کی آفر ملنے اور اس میں ڈونلڈ ٹرمپ کی شمولیت کے ساتھ آنے والے چیلنجز پر خیالات کا اظہار کیا۔

معروف بھارتی اداکارہ نے کہا کہ مس یونیورس آرگنائزیشن نے مجھے بلایا اور کہا کہ کیا آپ فرنچائز لینا چاہیں گی؟ میں کافی حیران ہوئی اور اسے ایک خواب سمجھا، جب ذمہ داری سنبھالی تو ایک معاہدے پر دستخط کیے، اس کے مالک ڈونلڈ ٹرمپ تھے۔

انٹرویو میں انہوں نے واضح کیا کہ امریکی صدر ان کے براہ راست باس نہیں تھے۔

اگرچہ فرنچائز کنکشن کی وجہ سے ان کی ملاقات ڈونلڈ ٹرمپ سے ہوئی لیکن سشمیتا سین نے ان سے مزید بات کرنے سے انکار کر دیا۔

وہ کہتی ہیں کہ کچھ لوگ ایسے ہوتے ہیں جو ملاقات پر مثبت تاثر چھوڑ جاتے ہیں۔

ڈونلڈ ٹرمپ 1996 سے 2015 تک مس یونیورس آرگنائزیشن کے مالک رہے، وہ سیاست میں آنے سے پہلے ایک معروف بزنس مین بھی تھے۔

سشمیتا سین نے 1994 میں تاریخ رقم کی جب وہ مس یونیورس کا ٹائٹل جیتنے والی پہلی بھارتی خاتون بن گئیں۔ ان کی جیت ایک قابل فخر لمحہ تھا اور اس نے اداکاری اور ماڈلنگ میں ان کیلیے بہت سے دروازے کھولے۔

اداکارہ نازلی نصر نے انکشاف کیا ہے کہ وہ پی ٹی وی کے مقبول ڈرامے ’دھواں‘ میں نبیل کی موت کا منظر دیکھ کر بہت روئی تھیں۔

نازلی نصر ایک ورسٹائل اور باصلاحیت پاکستانی ٹیلی ویژن اداکارہ ہیں جنہوں نے اپنے کیریئر کا آغاز پی ٹی وی سے کیا۔ انہیں پی ٹی وی کے مقبول ترین ڈراموں میں سے ایک دھواں سے شہرت ملی۔

ڈرامے میں نازلی نصر نے ایک جاسوس افسر کا کردار ادا کیا تھا جو کہ دوسرے اہم کردار سے منشیات اور دوسرے غیر قانونی کاموں کے خلاف آپریشن پر مامور افسر سے خفیہ معلومات حاصل کرکے وفاقی دارالحکومت اسلام آباد بھجواتی تھیں۔

اداکارہ نے ٹیلی ویژن کے ڈائریکٹر محسن مرزا سے دوسری شادی کی ہے۔ ان کی شادی پہلے حسن سومرو سے ہوئی تھی، جن سے ان کے دو بچے ہیں۔

یہ پڑھیں: شوہر سے نہیں بن رہی تو زبردستی وقت نہ گزاریں، نازلی نصر

حالیہ انٹرویو میں انہوں نے پی ٹی وی کے کامیاب ڈرامے دھواں کے بارے میں دلچسپ تفصیلات بتائیں۔

نازلی نصر نے کہا کہ دھوان پرجوش اور مہم جوئی سے بھرپور ڈرامہ تھا، ہم نے زیادہ تر آؤٹ ڈور شوٹ کیے، اور کوئٹہ میں شدید سردی تھی، درجہ حرارت صفر سے نیچے تھا۔ میں نے سادہ شلوار قمیض پہنی ہوئی تھی اور اغوا کے منظر کے دوران کئی بار گر پڑی تھی، لیکن شوٹنگ کا مزہ آیا، ہم نے بہت لطف اٹھایا۔

اداکارہ نے کہا کہ میں عید کرنے کے لیے گھر آگئی تھی تو مجھے اختتام کا اتنا آئیڈیا نہیں تھا، میں ٹی وی پر نبیل کی موت کا منظر دیکھ کر بہت روئی تھی۔

نازلی نصر نے بتایا کہ ڈرامے کے زیادہ تر اداکاروں کو اختتام تک نبیل ظفر کے قتل سے متعلق علم نہیں تھا لیکن جو اداکار اختتام تک شوٹنگ کرواتے رہے، انہیں معلوم ہوچکا تھا کہ نبیل کے کردار کا قتل کیا جائے گا۔

شوبز انڈسٹری کی سینئر اداکارہ پروین اکبر نے بیٹی رابعہ کلثوم کو منفی کردار نہ کرنے کا مشورہ دے دیا۔

اداکارہ پروین اکبر نے حال ہی میں نجی ٹی وی کے پروگرام میں شرکت کی جہاں میزبان نے انہیں اداکاروں کو مشورہ دینے کا کہا۔

بیٹی کی تصویر پر اداکارہ نے کہا کہ میں مشورہ دوں گی کہ کم کام کرے اور ٹی وی پر ایک کے بعد دوسرے ڈرامے میں نظر نہ آئے اور اب منفی کردار نہ کرے۔

انہوں نے کہا کہ اداکاروں کو اسکرپٹ دیکھنا چاہیے پیسے کے پیچھے نہ بھاگیں، یہ دیکھیں کہ آپ سے کام کیا لیا جارہا ہے۔

یہ پڑھیں: رابعہ کلثوم کے شوبز میں آنے کے خلاف کیوں تھیں؟ پروین اکبر نے بتا دیا

ایک سوال کے جواب میں پروین اکبر نے کہا کہ الزام لگانے والوں کو کہوں گی کہ خوش رہیں اس کی کوئی پرواہ نہیں ہے۔

ہارون شاہد کو مشورہ دیتے ہوئے پروین اکبر نے کہا کہ اچھا اداکار ہے لیکن کھل کر نہیں بولتا، بعض ڈائیلاگ سمجھ نہیں آتے کیا بول رہے ہیں۔

کومل میر سے متعلق اداکارہ نے کہا کہ اچھی ہے لیکن ابھی بڑا اداکار بننے میں انہیں وقت لگے گا۔سجل علی کو انہوں نے اپنی پسندیدہ اداکارہ قرار دیا اور کہا کہ بہت ڈاؤن ٹو ارتھ ہے۔

معروف گلوکار حسن رحیم رشتہ ازدواج میں منسلک ہوگئے جس کی تصاویر سوشل میڈیا پر وائرل ہوگئیں۔

حسن رحیم کا شمار موجودہ نسل کے مقبول ترین گلوکاروں اور موسیقاروں میں ہوتا ہے۔ وہ اپنے انوکھے گانوں کی وجہ سے مقبول ہیں۔ وہ کبھی کسی بڑے تنازع میں نہیں رہے اور انہوں نے اپنے وقت کے بہت سے باصلاحیت فنکاروں کے ساتھ کام کیا ہے۔

حسن رحیم نے حال ہی میں ایک گانا ریلیز کیا اور ایک تصویر شیئر کی جس میں وہ بظاہر شادی کر رہے تھے۔ مداحوں کا خیال تھا کہ وہ واقعی شادی شدہ ہیں اور یہ خبر وائرل ہوگئی۔

 آخر میں یہ کوئی حقیقی شادی نہیں تھی بلکہ ان کے آنے والے گانے کا ٹیزر تھا اس طرح ان کے بہت سے مداحوں کو مایوسی ہوئی۔

تاہم شوبز ویب سائٹس کی رپورٹ کے مطابق اب گلوکار نے واقعی میں شادی کے بندھن میں بندھ گئے ہیں۔ ان کا تعلق چترال سے ہے اور وہ روایتی لباس میں خوبصورت لگ رہے تھے۔ ان کی دلہن نے نیلے رنگ کے لہنگا زیب تن کیا۔ جوڑے خوش نظر آرہے تھے جب وہ اپنے پیاروں سے گھرے ہوئے شادی کے بندھن میں بندھے ہوئے تھے۔

 

View this post on Instagram

 

A post shared by (@kapturezzz)

منجو قمر ایک شاعر، ڈراما نگار، مصنّف، ہدایت کار اور موسیقار کی حیثیت سے مشہور تھے جنھوں نے موسیقی میں نت نئی دھنیں بھی ایجاد کی تھیں۔ وہ حیدرآباد دکن کی ایک ہمہ جہت شخصیت تھے جن کو بچپن ہی سے فنونِ لطیفہ میں دل چسپی رہی اور کم عمری میں‌ انھوں نے اپنی خداداد صلاحیتوں کا اظہار شروع کردیا تھا۔

منجو قمر کا اصل نام سید نجی اللہ یداللہی تھا جو 7 نومبر 1908 کو میسور میں‌ پیدا ہوئے۔ انھوں نے دکن میں‌ 8 اگست 1983 کو وفات پائی۔ منجو قمر کے نام سے فن و ادب کی دنیا میں نام و مقام بنانے والے اس باکمال نے اردو ادب میں ایک نئی صنف "عکسانہ” کو بھی متعارف کروایا تھا۔ اس صنف میں ان کی تصنیف کردہ سات کتابوں‌ میں سے آخری کتاب "امیر علی ٹھگ” بہت مقبول ہوئی تھی۔

منجو قمر کو بحیثیت ادیب سامنے لانے والے نواب بہادر یار جنگ تھے جو اپنے وقت کے شعلہ بیاں‌ خطیب اور تحریکِ آزادی کے عظیم قائدین میں سے تھے۔ واقعہ یہ ہے کہ محمد علی جناح نے نواب بہادر یار جنگ سے کہا کہ مجھے ایک اچھا پرسنل اسسٹنٹ (پی۔اے) چاہیے، تو نواب صاحب نے منجو قمر کو محمد علی جناح کے سامنے یہ کہہ کر پیش کیا کہ یہ ‘حیدر آباد کا کوہِ نور’ ہے۔

ڈاکٹر حبیب نثار منجو قمر کے بارے میں‌ لکھتے ہیں کہ انھوں نے اپنی زندگی کا پہلا مشاعرہ 1932 میں پڑھا جس کی صدارت علامہ نظم طباطبائی نے کی تھی۔ یہ مشاعرہ نظام کالج کے سالانہ جلسہ کا ایک جزو تھا۔ غزل کا مطلع پڑھا اور منجو قمر نے سارا مشاعرہ لوٹ لیا۔

کعبہ جانا نہ تیرے گھر کو کلیسا جانا
پھر ترے جاننے والے نے تجھے کیا جانا

منجو قمر کے طبع شدہ سبھی ڈرامے، تجلیات قمر اور "رنگ و رباب” کا شعری مجموعہ اس بات کے غماز ہیں کہ منجو قمر کی شاعری میں شاعرانہ کمال بہت ہی نکھار کے ساتھ ملتا ہے۔ شاعر نے ہر صنف سخن میں طبع آزمائی کی ہے۔ حمد نعت، منقبت، غزل، گیت، مخمس، ٹھمری، بھجن یا رقص کے بول (Notation) سبھی اصناف سخن آپ کے کلام میں موجود ہیں۔ روانی، سلاست آپ کے کلام کا خاصہ ہے۔

منجو قمر نے سات عکسانے تحریر کیے جن میں نیل کی ناگن، جلتی جوانی، ڈھلتا سورج، بڑھتا سایہ، کچی کلی تیز کرن، ایک دھماکہ دھیمی آگ، سستا جوبن مہنگا ساز اور امیر علی ٹھگ شامل ہیں۔

حیدرآباد دکن کے آخری نظام میر عثمان علی خان ان کے ڈرامے میں ایک مہمان کے طور پر شریک ہوئے تھے اور ان کی کاوش کو سراہا تھا۔ منجو قمر کے ڈرامے عوام میں بھی کافی مقبول ہوئے اور اس وقت ریڈیو پر بھی پیش کیے گئے تھے۔