ARYNews.tv | Urdu – Har Lamha Bakhabar

Category: میگزین

میگزین یعنی انٹرٹینمنٹ- بالی وڈ، ہالی وڈ، لالی وڈ، نیٹ فلکس، پاکستان ڈرامہ انڈسٹری کی خبریں

دلچسپ خبریں اور مضامین

Magazine- Entertainment, Bollywood, Hollywood, Lollywood, Pakistani Drama Industry News in Urdu

میگزین انٹرٹینمنٹ

  • افغانستان کا خواتین عملے پر مشتمل ٹی وی چینل

    افغانستان کا خواتین عملے پر مشتمل ٹی وی چینل

    کابل: افغانستان میں خواتین عملے کی بڑی تعداد پر مشتمل نیا ٹی وی چینل آئندہ ہفتے لانچ کیا جا رہا ہے جو افغانستان میں معاشرتی تبدیلی کا مثبت اشارہ ہے۔

    تفصیلات کے مطابق افغان دارالحکومت کابل میں نیا ٹی وی چینل کھولا جارہا ہے جس کا زیادہ تر عملہ خواتین پر مشتمل ہے۔

    زن (خواتین) ٹی وی افغان معاشرے کی روایتی سوچ کے برعکس صرف خواتین کے لیے قائم کیا گیا ہے۔

    یہاں آنے والی خواتین زیادہ تر طالبات ہیں جو مختلف تعلیمی اداروں میں زیر تعلیم ہیں۔

    چینل کے مارننگ شو کی میزبانی کرنے والی 22 سالہ اینکر شمائلہ رسول نے بتایا کہ جب اس نے میڈیا انڈسٹری جوائن کرنے کا فیصلہ کیا تھا تو اس کے خاندان اور تمام افراد نے اس کی مخالفت کی۔

    حتیٰ کہ شمائلہ کو جان سے مارنے کی دھمکیاں بھی دی گئیں تاہم وہ اپنے مقصد سے پیچھے نہیں ہٹی۔

    کامیابی کا یقین نہیں

    چینل کے بانی صفی کا کہنا ہے کہ انہوں نے یہ چینل ان افغان خواتین کے لیے کھولا ہے جو میڈیا میں کام کرنا چاہتی ہیں، تاہم ان کے پاس مواقعوں کی کمی ہے اور وہ خاندان اور معاشرے کے جبر کا شکار ہیں۔

    وہ تذبذب کا شکار ہیں کہ آیا ان کا یہ پروجیکٹ کامیاب ہوسکے گا یا نہیں، تاہم انہیں یقین ہے کہ انہیں ان کی نیک نیتی اور خلوص کا صلہ ضرور ملے گا۔

    کابل میں بہت جلد فعال کیے جانے والے کم بجٹ کے اس پروجیکٹ میں اب تک 54 خواتین کو نوکری دی گئی ہے۔

    کیمرہ، ایڈیٹنگ اور گرافکس ورک کے لیے 16 مرد حضرات چینل کا حصہ ہیں تاہم تکنیکی تربیت کے بعد ان پوسٹس پر بھی جلد ہی خواتین ملازمین دکھائی دیں گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نامور خواتین کا روپ دھارنے والی حیرت انگیز بچی

    نامور خواتین کا روپ دھارنے والی حیرت انگیز بچی

    فلوریڈا: چھوٹے بچے بڑوں کی نقل کرنا پسند کرتے ہیں لیکن  تین سالہ اساٹ لارسن نے دنیا کی نامور خواتین کی زیبائش کاپی کرکے سب کو حیران کردیا۔

    امریکی ریاست فلوریڈا سے تعلق رکھنے والی اس چھوٹی بچی کی والدہ ایشلے نے معروف شخصیات کے ملبوسات پہنا کراس کی تصاویرانسٹا گرام پرشیئر کی ہیں جنہیں بے حد سراہا جارہا ہے۔

     اس ننھی پری نے ملالہ یوسفزئی، ٹیلر سوئفٹ، ایما واٹسن، سلینا گومز سمیت متعدد مشہور شخصیات کے ملبوسات پہن رکھے ہیں۔

    اسکاٹ لارسن کی والدہ کے مطابق ان کی ننھی پری ہمیشہ سے نت نئے ملبوسات پہننا پسند کرتی ہے اورفوٹو سیشن کرانے میں دلچسپی رکھتی ہے۔

    ان کا کہنا تھا کہ انسٹا گرام پرتصاویر شیئر کرنے کا خیال اس وقت آیا جب اسکاٹ کی نانی کینسر جیسے موذی مرض میں مبتلا ہوئیں۔

    Nothing says #girlpower quite like Frida Kahlo. #scoutstolemystyle

    A post shared by Scout Penelope (@hello.scout) on

    ایشلے کے مطابق انہوں نے اپنی بیٹی کی تصاویر لینے کا سلسلہ اپنے آپ کو مصروف رکھنے کے لیے کیا تاکہ وہ اس مشکل وقت کا سامنا کرسکوں، ان کا کہنا ہے کہ میں اسکاٹ کو بتانا چاہتی ہوں کہ خواہ کیسے بھی حالات ہوں خواتین بہت مضبوط ہوتی ہیں بالکل اس کی نانی کی طرح۔

    ایشلے اپنی بیٹی کی ہر پسند کا خیال رکھتی ہیں اور معروف شخصیات کے برانڈ اپنی بیٹی کو لا کر دیتی رہتی ہیں۔ ایشلے کے مطابق کبھی پیسے نہیں ہوتے تو بیٹی کے لیے ادھار بھی چیزیں خریدنا پڑ جاتی ہیں۔

    تین سالہ ننھی پری کے چہرے پر مسکراہٹ ہر وقت عیاں رہتی ہے اور اسے دوست بنانا بہت پسند ہے کہیں باہر جاتی ہے تو اجنبیوں سے گھل مل جاتی ہے۔

    اسکاٹ کی والدہ کا کہنا تھا کہ انہیں اپنی بیٹی کے گالوں پر ہنستے وقت جو گڑھے پڑتے ہیں وہ بہت اچھے لگتے ہیں۔

  • اٹہتر سالہ خاتون نے ساڑھی میں پش اپس لگا کر سب کو حیران کردیا

    اٹہتر سالہ خاتون نے ساڑھی میں پش اپس لگا کر سب کو حیران کردیا

    ممبئی: ساڑھی باندھنا بھی ایک مشکل سا کام ہے بہت کم خاتون ایسی ہوتی ہیں جو ساڑھی باآسانی باندھ سکتی ہیں، تاہم بھارتی اداکار ملند سومن کی 78 سالہ والدہ نے اسی سیکنڈ میں ساڑھی باندھی اور1 منٹ 20 سیکنڈر تک پش اپس لگا کر سب کو حیران کردیا۔

    تفصیلات کے مطابق بھارتی اداکار ملند سومن کی والدہ اوشا سومن نے ساڑھی پہنے پش اپس لگا کر سب کو حیران کردیا۔ یہ کارنامہ اوشا سومن نے ماؤں کے عالمی دن کے موقع پر انجام دیا تھا۔

    اداکار ملند سومن نے سوشل میڈیا ویب سائٹ انسٹا گرام پر تصویر اور ویڈیو شیئر کی جسے بے حد پسند کیا جارہا ہے، تقریبا 11 ہزار لوگ اس ویڈیو پر اپنی رائے کا اظہار کرچکے ہیں۔

    کا ہیش ٹیگ بھی استعمال کیا ہے۔ #Nextpushups ملند سومن نے ویڈیو کو شیئر کرتے وقت

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • افغان لڑکی تنہا دنیا کا فضائی چکرلگانے نکل پڑی

    افغان لڑکی تنہا دنیا کا فضائی چکرلگانے نکل پڑی

    افغانستان سے تعلق رکھنے والی نوجوان خاتون پائلٹ تنہا دنیا کا چکر لگا کر ایک تاریخ ساز ریکارڈ قائم کرنے جارہی ہیں‘ 25 ہزار کلومیٹر کا سفر تنہا انجام دیں گی۔

    تفصیلات کے مطابق 29 سالہ شائستہ واعض سویت افغان جنگ کے اختتام کے دنوں میں ایک مہاجر کیمپ میں پیدا ہوئی تھیں‘ 1987 میں وہ امریکہ ہجرت کرگئیں تھیں۔

    shaista-post-1

    امریکہ میں قیام کے دوران انہوں نے محسوس کیا کہ وہ ہوا بازی میں دلچسپی رکھتی ہیں اوراپنے اسی شوق کی تکمیل کے لیے انہوں نے پائلٹ کا لائسنس حاصل کیااورافغانستان سے تعلق رکھنے والی کم عمر ترین سویلین خاتون پائلٹ کا اعزاز حاصل کرلیا۔

    افغان فضائیہ کی پہلی خاتون پائلٹ پناہ کی تلاش میں

     شائستہ کے نزدیک ہوا بازی ایک انتہائی دلچسپ اور دل پذیرتجربہ ہے جسے وہ دنیا کی دوسری نوجوان خواتین کے ساتھ شیئر کرنا چاہتی ہیں۔ ان کا کہنا ہےکہ ’’ سب سے اہم آپ کا شوق ہوتا ہے اور اس کی تکمیل کے لیے کی جانے والی جدوجہد‘‘۔ جب میں نے ہوا بازی شروع کی میں نے دنیا کو اور آسمان کو ایک بالکل الگ نظر سے دیکھنا شروع کردیا۔

    shaista-post-2

    شائستہ نے ہفتے کے روز ڈیٹونا بیچ فلوریڈا سے اپنے بونانزا اے 36 ایئر کرافٹ میں سفر شروع کیا ہے اور اس سفر میں وہ لگ بھگ 25،800 کلومیٹر کا فیصلہ تنِ تنہا طے کریں گی اور اٹھارہ سے زائد ممالک سے گزریں گی جن میں اسپین‘ مصر‘ بھارت‘ سنگاپور اور آسٹریلیا بھی شامل ہیں۔ ان کا یہ سفر اگست میں اختتام پذیر ہوگا۔

    ان کے اس سفر میں 30 اسٹاپس ہیں جہاں سول ایوی ایشن آرگنائزیشن جو کہ اس سفر کے اخراجات برداشت کررہی ہے اسکول کے بچوں میں دلچسپی پیدا کرنے کے لیے مختلف ایونٹس رکھوائے گی۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔ 

  • کیا آپ کو ’عینک والا جن‘ کے عمران اور معطر یاد ہیں؟

    کیا آپ کو ’عینک والا جن‘ کے عمران اور معطر یاد ہیں؟

    پاکستان میں 90 کی دہائی میں ایسا کوئی بچہ نہیں ہوگا جس نے مشہور ڈرامہ ’عینک والا جن‘ نہ دیکھا ہوگا۔

    ایک عرصے تک پاکستانی بچوں کو اپنا دیوانہ بنائے رکھنے والے اس ڈرامے کا شمار ہر دور کے کلاسکز میں ہوتا ہے۔ لیکن کیا آپ جانتے ہیں کہ اس ڈرامے میں مختلف کردار ادا کرنے والے فنکار اب کہاں ہیں اور کیسی زندگی بسر کر رہے ہیں؟

    اس ڈرامے میں اداکاری کرنے والے بچے عمران اور معطر تو سب ہی کو یاد ہوں گے، اور اگر کسی کو یاد نہ بھی ہوئے تو ان کی تصاویر دیکھ کر ضرور یاد آجائیں گے۔

    کیا آپ جانتے ہیں یہ دونوں بچے بڑے ہونے کے بعد اب کیسے دکھائی دیتے ہیں؟

    خود ہی دیکھ لیں۔

    عینک والا جن کا عمران جس کا اصل نام سید اجلال بخاری ہے اب ایک فیس بک صفحے کے ذریعے ڈرامے کے ان اداکاروں کی مدد کے لیے کوشاں ہے جو اب کسمپرسی کی زندگی گزار رہے ہیں۔

    مزید پڑھیں: بل بتوڑی حکومتی امداد کی منتظر

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پاکستانی خاتون برطانوی ماسٹر شیف بن گئیں

    پاکستانی خاتون برطانوی ماسٹر شیف بن گئیں

    لندن: پاکستانی نژاد خاتون ڈاکٹر صالحہ محمود نے برطانوی ماسٹر شیف کا اعزاز اپنے نام کرلیا۔ ان کا انعام یافتہ مینیو مغربی اور مشرقی کھانوں کی آمیزش پر مبنی تھا۔

    برطانیہ کے شہر ویٹ فورڈ سے تعلق رکھنے والی صالحہ محمود پیشے کے لحاظ سے ایک ڈاکٹر ہیں۔

    ان کا کہنا ہے کہ چونکہ وہ طب کے پیشے سے منسلک ہیں لہٰذا وہ کھانا پکانے کے فن کو ایسا بنانا چاہتی ہیں جو حفظان صحت کے اصولوں پر پورا اترے۔

    uk-2

    صالحہ کو ہمیشہ سے نت نئے پکوان بنانے کا شوق تھا۔

    ماسٹر شیف کا اعزاز جیتنے کے بعد انہوں نے خوشی کا اظہار کرتے ہوئے کہا، ’یہ میری زندگی کا سب سے بہترین کام ہے‘۔

    انہوں نے بتایا، ’مجھے اس مقابلے میں آگے رہنے کے لیے سخت محنت کرنی پڑی۔ اسپتال میں 13 گھنٹوں کی شفٹس کے بعد راتوں کو دیر تک جاگ کر پکانا، پھر علیٰ الصبح اٹھ جانا، اس دوران کوئی وقفہ، کوئی چھٹی نہیں، لیکن اب ان سب کا صلہ مل گیا‘۔

    صالحہ نے بتایا کہ ان کی دادی اور والدہ پاکستان کے روایتی کھانے نہایت لذیذ بناتی تھیں۔ ’ہمیں لوگوں کو کھلانا اچھا لگتا ہے، یہ گویا ہماری جینز میں شامل ہوچکا ہے‘۔

    uk-3

    مقابلے میں فاتح کا انتخاب کرنے والے ججز کا کہنا ہے، ’صالحہ نے اپنے روایتی کھانوں کو نہایت جدید اور بہترین انداز میں پیش کیا‘۔

    صالحہ کا عزم ہے کہ وہ کھانا پکانے کے حوالے سے کتابیں لکھیں اور خصوصاً موٹاپے پر قابو پانے کے بارے میں بتا سکیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بالی ووڈ اداکار منیبہ مزاری سے متاثر

    بالی ووڈ اداکار منیبہ مزاری سے متاثر

    معروف مصورہ اور اقوام متحدہ پاکستان کی خیر سگالی سفیر منیبہ مزاری ایک جانی پہچانی شخصیت ہیں۔ معذوری کے باوجود بلند اور قد آور شخصیت کی مالک اس خوبصورت فنکارہ نے بالی ووڈ اداکار وویک اوبرائے سے ملاقات کی اور انہیں اپنی ذہانت اور حوصلے سے بے حد متاثر کیا۔

    منیبہ اور وویک اوبرائے کی یہ ملاقات ملائیشیا میں ہوئی جہاں منیبہ ایک بین الاقومی کانفرنس میں بطور مقررہ شریک تھیں۔

    تصاویر میں دیکھا جا سکتا ہے کہ وویک اوبرائے منیبہ سے مل کر بے حد خوش اور ان کے صلاحیتوں سے متاثر ہوئے۔

    #Repost @munibamazari.official with @repostapp ・・・ Such a pleasure meeting you @vivekoberoi!

    A post shared by Vivek Oberoi (@vivekoberoi) on

    منیبہ اس سے قبل بھی کئی بین الاقوامی کانفرنسوں میں بطور مقررہ شریک ہو کر معذوری کے خلاف اپنی جدوجہد سے آگاہ کرچکی ہیں۔

    وہ 7 سال قبل ایک کار حادثے کا شکار ہوگئی تھیں۔ حادثے میں ان کی اسپائنل کورڈ کو نقصان پہنچا تھا جس کے سبب وہ کئی سال سے وہیل چیئر پر ہیں۔

    اس کے باوجود ان کے عزم اور حوصلے میں کمی نہیں آئی، اور معذوری کے بعد بھی وہ نہ صرف مصوری جاری رکھے ہوئے ہیں بلکہ پاکستان میں صنفی مساوات کے لیے بھی کام کر رہی ہیں۔

    سنہ 2015 میں ان کی ہمت اور بہادری کو دیکھتے ہوئے اقوام متحدہ پاکستان کی جانب سے انہیں خیر سگالی سفیر برائے خواتین بھی مقرر کیا گیا تھا۔

    اقوام متحدہ کے مطابق منیبہ کی کہانی دنیا بھر کے معذور افراد کے لیے ایک مثال ہے جنہوں نے معذوری کو اپنی راہ میں رکاوٹ نہیں بننے دیا اور اپنے خوابوں کی تعبیر حاصل کی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پناہ گزینوں کی جان بچانے والی یسریٰ اقوام متحدہ کی سفیر مقرر

    پناہ گزینوں کی جان بچانے والی یسریٰ اقوام متحدہ کی سفیر مقرر

    جنیوا: شام سے ہجرت کے دوران اپنی جان جوکھم میں ڈال کر دیگر افراد کی جان بچانے والی 19 سالہ یسریٰ ماردینی کو اقوام متحدہ کا خیر سگالی سفیر مقرر کردیا گیا۔

    یسریٰ اقوام متحدہ کی کم عمر ترین سفیر ہیں اور انہیں اقوام متحدہ کے ہائی کمیشن برائے پناہ گزین یو این ایچ سی آر کی خیر سگالی سفیر مقرر کیا گیا ہے۔

    سنہ 2015 میں جب یسریٰ شام کے جنگ زدہ علاقے سے جان بچا کر اپنے خاندان اور دیگر افراد کے ساتھ یورپ کی طرف نکلیں تو سمندر میں ان کی کشتی حادثے کا شکار ہوگئی۔

    ان کی کشتی ٹوٹ گئی تھی اور قریب تھا کہ کشتی میں سوار تمام افراد ڈوب جاتے لیکن یسریٰ اور ان کی بہن سارہ سمندر میں کود گئیں اور اس کے بعد کئی گھنٹوں کی طویل جدوجہد کے بعد کشتی کو کھینچ کر ترکی کے ساحل تک لے آئیں۔

    بعد ازاں یسریٰ نے مہاجرین کی ٹیم میں شامل ہو کر ریو اولمپکس میں تیراکی کے مقابلوں میں بھی حصہ لیا۔

    یسریٰ کے تقرر کے بعد یو این ایچ سی آر کی ڈپٹی ہائی کمشنر کیلی ٹی کلمنٹس کا کہنا تھا، ’آج کا دن اقوام متحدہ اور دنیا بھر کے پناہ گزینوں کے لیے شاندار دن ہے‘۔

    انہوں نے کم عمری میں بہادری کا مظاہرہ کرنے والی یسریٰ کی ہمت اور جرات کو سلام پیش کیا۔

    دوسری جانب یسریٰ بھی اقوام متحدہ کا باقاعدہ حصہ بننے پر بہت خوش ہیں۔ وہ کہتی ہیں، ’میں جہاں سے تعلق رکھتی ہوں وہ ایک زرخیز علاقہ تھا۔ لیکن جنگ نے اس علاقے کو فاقہ زدہ بنا دیا۔ پناہ گزین ہونے کے ناطے میں بھوک اور پیاس سے واقف ہوں، اور چھت، خوراک، پانی اور تحفظ کی قدر و قیمت جانتی ہوں‘۔

    وہ کہتی ہے، ’جسم کو غذا پہنچانے سے زیادہ ضروری ہے، خوابوں کو غذا پہنچائی جائے اور انہیں اتنا طاقت ور بنایا جائے کہ وہ حقیقت کا روپ دھار لیں‘۔

    سفیر مقرر کیے جانے کے بعد یسریٰ نے کہا، ’میں دنیا کی توجہ اس طرف دلانا چاہتی ہوں کہ پناہ گزین بھی انسان اور عام افراد ہیں‘۔

    یسریٰ کو ان کی حوصلہ مندی اور بہادری کے مظاہرے پر گزشتہ سال اقوام متحدہ کی جانب سے ’دا گرل ایوارڈ‘ سے بھی نوازا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • گھریلو تشدد کے خلاف آگاہی کے لیے بنگلہ دیشی اشتہار وائرل

    گھریلو تشدد کے خلاف آگاہی کے لیے بنگلہ دیشی اشتہار وائرل

    ڈھاکہ: دنیا بھر میں مختلف تنظیمیں، ادارے اور افراد خواتین پر گھریلو تشدد کے خلاف آگاہی اور ان کے خاتمے کے لیے مختلف اقدامات میں مصروف ہیں، تاہم اس سلسلے میں بنگلہ دیش میں بنایا جانے والا ایک آگہی اشتہار سوشل میڈیا پر وائرل ہوگیا۔

    اشتہار کا آغاز ایک دلہن سے ہوتا ہے جس میں اسے شادی کی تقریب کے لیے تیار ہو کر جاتا ہوا دکھایا گیا ہے۔

    اگلے منظر میں وہی خاتون اپنے بال کٹوانے کے لیے سیلون میں موجود ہیں۔

    ہیئر ڈریسر اس کی زلفیں دیکھ کر ان کی تعریف کرتی ہے مگر وہ اپنے بال چھوٹے اور مزید چھوٹے کروانے کے لیے اصرار کرتی ہے جس پر ہیئر ڈریسر ناگواری کا اظہار بھی کرتی ہے۔

    آخر میں جب وہ خاتون اپنے بال چھوٹے کرنے کی وجہ بتاتی ہے تو وہاں موجود تمام افراد کی سانسیں رک جاتی ہیں۔ وہ خاتون کہتی ہے، ’ان بالوں کو مزید کاٹ دو تاکہ دوبارہ کوئی انہیں جکڑ نہ سکے‘۔

    مزید پڑھیں: پاکستان میں 80 فیصد خواتین تشدد کا شکار

    اس اشتہار کا مقصد بنگلہ دیش میں گھریلو تشدد کے اذیت ناک مسئلے کی طرف توجہ دلانا ہے۔ اشتہار کے آخر میں دکھایا گیا ہے، ’زلفیں ایک عورت کا فخر ہیں، اس فخر کو اس کی کمزوری مت بنائیں‘۔

    بالوں کی آرائشی مصنوعات کی ایک کمپنی کی جانب سے بنائے جانے والے اس اشتہار کو 35 لاکھ افراد نے دیکھا۔

    ایک بین الاقوامی ادارے کی جانب سے کی جانے والی تحقیق کے مطابق بنگلہ دیش کی 87 فیصد خواتین گھریلو تشدد کا شکار ہیں۔

    اقوام متحدہ کا کہنا ہے کہ خواتین پر تشدد سے زیادہ تشویش ناک بات یہ ہے کہ اس تشدد کو ایک معمول کا عمل سمجھا جاتا ہے۔

    مزید پڑھیں: عورت کے اندرونی کرب کے عکاس فن پارے

    ادارے کی رپورٹس کے مطابق ترقی پذیر اور کم تعلیم یافتہ ممالک، شہروں اور معاشروں میں گھریلو تشدد ایک عام بات ہے۔ خود خواتین بھی اس کو اپنی زندگی اور قسمت کا ایک حصہ سمجھ کر قبول کرلیتی ہیں اور اسی کے ساتھ اپنی ساری زندگی بسر کرتی ہیں۔

    اقوام متحدہ کے مطابق خواتین پر تشدد ان میں جسمانی، دماغی اور نفسیاتی بیماریوں کا سبب بنتا ہے جبکہ ان میں ایڈز کا شکار ہونے کے امکانات بھی بڑھ جاتے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بھارت میں شوہروں کی پٹائی کے لیے دلہنوں کو بیٹ کا تحفہ

    بھارت میں شوہروں کی پٹائی کے لیے دلہنوں کو بیٹ کا تحفہ

    نئی دہلی : بھارتی شوہروں کے لئے خطرے کی گھنٹی بج گئی، بھارتی ریاست مدھیہ پردیش میں اجتماعی شادی میں دلہنوں کو بیٹ بطور تحفہ میں دیا گیا تاکہ شوہر اگر تشدد کر ے تو وہ ڈٹ کر مقابلہ کریں۔

    بھارتی ریاست مدھیہ پردیش میں اجتماعی شادی کے دوران سات سو دلہنوں کو تحفے میں لکڑی کا بیٹ دیا گیا، 15 انچ کے اس بیٹ کو ‘مگدر’ کہا جاتا ہے اور اس کا استعمال کپڑے دھونے کے لیے کیا جاتا ہے۔

    دلہنوں سے کہا گیا ہے کہ شوہر کی جانب سے تشدد کی صورت میں وہ اسے بطور ہتھیار استعمال کریں۔

    تحفے میں دیے جانے والے بیٹ پر شرابیوں کی اصلاح کے لیے ہدیہ’ لکھا ہوا ہے کہ ’شرابیوں کی دھلائی کے لئے ہیں اور پولیس بھی مداخلت نہیں کرے گی۔

    ریاست کے وزیر گوپال بھارگو نے کہا کہ وہ اس کے ذریعے گھریلو تشدد کے مسئلے کو سامنے لانا چاہتے تھے، انھں نے عورتوں کو تصیحت کی کہ مگدر استعمال کرنے سے پہلے وہ اپنے شوہروں کو سمجھانے کی کوشش ضرور کریں۔

    مزید پڑھیں : بھارت میں گوشت کی ڈش نہ ہونے پر دلہا کا شادی سے انکار

    یاد رہے 2 روز قبل بھارتی ریاست اتر پردیش میں ایک دلہا نے اس وقت شادی سے انکار کردیا جب اسے علم ہوا کہ شادی کے کھانے میں تمام ڈشز سبزی کی ہیں اور ان میں گوشت شامل نہیں۔

    بھارتی میڈیا کے مطابق دلہن کا خاندان گوشت کی قیمت ادا کرنے کی سکت نہیں رکھتا تھا چنانچہ انہوں نے شادی میں سبزی سے بنی ہوئی ڈشز پیش کرنے کا فیصلہ کیا اور نتیجہ یہ نکلا کہ دلہا نے شادی سے ہی انکار کردیا تاہم اسی وقت مہمانوں میں شامل ایک شخص نے آگے بڑھ کر دلہن سے شادی کی پیشکش کر ڈالی جسے فوری طور پر منظور کرلیا گیا۔