Category: میگزین

میگزین یعنی انٹرٹینمنٹ- بالی وڈ، ہالی وڈ، لالی وڈ، نیٹ فلکس، پاکستان ڈرامہ انڈسٹری کی خبریں

دلچسپ خبریں اور مضامین

Magazine- Entertainment, Bollywood, Hollywood, Lollywood, Pakistani Drama Industry News in Urdu

میگزین انٹرٹینمنٹ

ریو اولمپکس میں کامیابی حاصل کرنے والی مسلمان خواتین

ریو ڈی جنیرو: ریو اولمپکس 2016 میں جہاں کئی ریکارڈز بنے وہاں خواتین نے بھی بے شمار ریکارڈز قائم کیے۔ رواں برس اولمپکس میں 14 مسلمان خواتین ایسی ہیں جنہوں نے میڈلز جیت کر اپنے ملک کا نام روشن کیا۔

:زازیرا زپرکل، قازقستان

قازقستان کی 22 سالہ زازیرا نے 69 کے جی مقابلوں میں چاندی کا تمغہ حاصل کیا۔

:کیمیا علی زادہ، ایران

اولمپکس میں میڈل جیتنے والی ایران کی پہلی خاتون کھلاڑی کیمیا علی زادہ نے تائی کوانڈو کے مقابلہ میں کانسی کا تمغہ جیتا۔ وہ کہتی ہیں کہ میری کامیابی ایرانی خواتین کے حوصلے کو مہمیز کرے گی اور امید ہے کہ اگلے اولمپکس میں ہم گولڈ میڈل جیتیں گے۔

:دلیلہ محمد، امریکا

امریکن ایتھلیٹ دلیلہ محمد نے ریو 2016 میں 400 میٹر کی ریس میں سونے کا تمغہ حاصل کیا۔

:ابتہاج محمد، امریکا

امریکن کھلاڑی 30 سالہ ابتہاج محمد نے شمشیر زنی کے مقابلہ میں کانسی کا تمغہ حاصل کیا۔ جیتنے کے بعد ان کا کہنا تھا کہ وہ امریکن دستہ میں ایک اقلیتی کھلاڑی کی حیثیت سے شریک ہونے کے باعث بہت پرجوش تھیں۔ ان کی یہ کامیابی دیگر مسلمان نوجوانوں کو بھی اپنے خوابوں کی تعبیر حاصل کرنے کی طرف مائل کرے گی۔

:سارہ احمد، مصر

مصر کی ویٹ لفٹر سارہ احمد نے ویٹ لفٹنگ کے مقابلوں میں کانسی کا تمغہ حاصل کیا۔ وہ مصر کی جانب سے میڈل جیتنے والی پہلی کھلاڑی اور عرب ممالک کی پہلی خاتون ہیں جنہوں نے ویٹ لفٹنگ میں کوئی اولمپک تمغہ جیتا ہے۔

:ہادیہ وہبہ، مصر

مصر کی ایک اور خاتون کھلاڑی 23 سالہ ہادیہ وہبہ ہیں جنہوں نے 57 کے جی کے مقابلوں میں کانسی کا تمغہ جیتا۔

:مجلندا کلمندی، کوسوو

مجلندا کلمندی جوڈو مقابلوں میں فتح حاصل کر کے اپنے ملک کی پہلی گولڈ میڈل جیتنے والی کھلاڑی بن گئیں۔

:ماریہ سٹیڈنک، آذر بائیجان

آذر بائیجان سے تعلق رکھنے والی 28 سالہ ماریہ نے فری اسٹائل 48 کے جی کے مقابلہ میں چاندی کا تمغہ حاصل کیا۔

:پاٹیمٹ ابکرووا، آذر بائیجان

آذر بائیجان کی 21 سالہ پاٹیمٹ ابکرووا نے وومینز تائی کوانڈو میں کانسی کا تمغہ حاصل کیا۔

:نور تاتار، ترکی

ترکی کی 24 سالہ نور تاتار نے تائی کوانڈو کے مقابلوں میں کانسی کا تمغہ حاصل کیا۔

:عالیہ مصطفینہ، روس

جمناسٹک کے مقابلوں کی کھلاڑی 21 سالہ مصطفینہ نے ریو اولمپکس میں برانز، سلور اور گولڈ کے تمغہ حاصل کیے۔

:انس بوبکر، تیونس

تیونس کی کھلاڑی انس نے شمشیر زنی کے مقابلوں میں کانسی کا تمغہ حاصل کیا۔ اپنی فتح کو انہوں نے تمام عرب خواتین کے نام کردیا۔

:مروا امری، تیونس

تیونس کی ایک اور کھلاڑی مروا عمری نے ریسلنگ کےمقابلوں میں کانسی کا تمغہ جیتا۔

:سری وہیونی اگستنی، انڈونیشیا

انڈونیشیا کی 22 سالہ اگستنی نے ویٹ لفٹنگ کے مقابلوں میں چاندی کا تمغہ حاصل کیا۔

اگست 22, 2016
دوحہ میں بریسٹ کینسر کی تشخیص کے لیے موبائل یونٹ کا قیام

دوحہ: قطر کے دارالحکومت دوحہ میں ایک موبائل بریسٹ اسکریننگ یونٹ لانچ کیا گیا ہے تاکہ خواتین میں بریسٹ کینسر کی اسکریننگ کو فروغ دیا جاسکے۔

یہ اسکریننگ یونٹ قطر کے اس قومی پروگرام کا حصہ ہے جس کے تحت شہریوں پر مختلف اقسام کے کینسر کے ٹیسٹ کروانے پر زور دیا جارہا ہے تاکہ ان امراض کی ابتدائی مرحلہ میں ہی تشخیص کی جاسکے۔

کافی کینسر کا سبب بن سکتی ہے؟ *

یہ اسکریننگ یونٹ شہر کے مختلف علاقوں کا دورہ کرے گا اور ان خواتین کی میمو گرافی کرے گا جنہوں نے پہلے ہی اس سروس کے ذریعہ میمو گرافی کا وقت لیا ہے۔

ڈاکٹرز کا کہنا ہے کہ ابتدائی تشخیص ہی اس مرض کو شکست دے سکتی ہے۔

واضح رہے کہ قطر میں بریسٹ کینسر کی شرح بہت زیادہ ہے۔ اس مرض سے خواتین کی کل آبادی کا 31 فیصد حصہ متاثر ہے۔

کینسر کو شکست دینے والی ماڈل *

قطر میں ہر ایک لاکھ خواتین میں سے 56 خواتین بریسٹ کینسر کا شکار ہیں اور یہ شرح مشرق وسطیٰ اور شمالی افریقہ سے بھی زیادہ ہے جہاں ایک لاکھ کی آبادی میں سے 43 خواتین اس مرض سے متاثر ہیں۔

اگست 22, 2016
ریو اولمپکس میں شریک پہلی بلوچ خاتون ایتھلیٹ

ریو ڈی جنیرو: برازیل کے شہر ریو ڈی جنیرو میں ہونے والے اولمپکس مقابلوں میں یوں تو کئی پاکستانی کھلاڑی شریک ہیں لیکن ایک پاکستانی کھلاڑی ایسی بھی ہے جو پاکستانی دستہ میں شامل نہیں۔

یہ کھلاڑی مادیہ غفور ہے جو پاکستانی نژاد ہے۔ وہ نیدر لینڈز کے دارالحکومت ایمسٹرڈیم میں پیدا ہوئی اور وہیں پلی بڑھی۔ مادیہ کے والدین کا تعلق کراچی کے شہر لیاری سے ہے اور وہ لیاری کے ایک سیاسی کارکن لعل بخش رند مرحوم کی پوتی ہے۔

ریو اولمپکس 2016 میں 23 سالہ مادیہ نیدر لینڈز کی نمائندگی کر رہی ہے۔ وہ پہلی بلوچ خاتون ہے جو کسی اولمپک کے مقابلوں میں شرکت کر رہی ہے۔

مادیہ اپنے اس ریکارڈ کے بارے میں بے خبر تھی۔ وہ کہتی ہے، ’جب مجھے پتہ چلا کہ میں اولمپک کھیلوں میں حصہ لینے والی پہلی بلوچ لڑکی ہوں تو میرے جوش و جذبہ اور خوشی میں اضافہ ہوگیا۔ میرا اس مقام تک پہنچنا بلوچ نوجوانوں کو اپنے خوابوں کی تعبیر حاصل کرنے پر مہمیز کرے گا‘۔

مادیہ 13 سال کی عمر سے دوڑ کے مقابلوں میں حصہ لے رہی ہے۔ وہ اس سے قبل ایسٹونیا میں ہونے والی یورپین ایتھلیٹکس جونیئر چیمپئن شپ میں برانز میڈل حاصل کر چکی ہے جہاں وہ 400 میٹر ریس کی دوڑ میں تیسرے نمبر پر آئی۔

مادیہ ہفتہ کے 6 دن ٹریننگ کرتی ہیں جبکہ ساتواں دن 2 بار جم میں گزارتی ہے۔

نوجوانوں کے لیے اس کا پیغام ہے، ’اپنے خوابوں پر کبھی سمجھوتہ نہ کرو‘۔

اگست 18, 2016
دنیا کی پہلی مسلم خاتون پائلٹ ۔ حجاب امتیاز علی

کراچی: ایمیلیا ایئرہارٹ نامی پہلی خاتون ہوا باز کے نام سے تو سب ہی واقف ہوں گے لیکن کیا آپ جانتے ہیں کہ دنیا کی پہلی مسلم خاتون ہوا بازکون تھیں۔

آئیے آج ہم آپ کا تعارف کراتے ہیں حجاب امتیازعلی سے جو کہ دنیا کی پہلی ہوا باز خاتون اورپاکستان کی صفِ اول کی مصنفہ ہیں۔

حجاب امتیاز نے ہوا بازی کا آغاز انگلینڈ میں کیا اوراکتوبر1936 میں انہوں نے باضابطہ ہوا بازی کا لائسنس بھی حاصل کیا۔

حجاب نے 1930 کے اوائل میں نامور صحافی اورافسانہ نگار امتیاز علی تاج سے شادی کی۔

امتیاز علی تاج ہی کی طرح حجاب عباسی کا شماربھی پاکستان کی صفِ اول کے مصنفین میں ہوتا ہے۔

حجاب ہوا بازی کی شوقین تھی اوروہ اکثرلاہورفلائنگ کلب میں ہونے والے مقابلوں میں حصہ لیتی رہیں تھیں۔

یہ تصویر 1936 میں انقلاب نامی اخبار نے شائع کی تھی

ایک نامور مصنف نے اپنی سرنوشت میں لکھا ہے کہ ’’ایک مرتبہ وہ امتیاز علی تاج کے گھر کے لان میں تشریف فرما تھے کہ حجاب تشریف لائیں اور کہا کہ وہ تھوڑی دیر میں آتی ہیں، تھوڑی دیر بعد ایک چھوٹا جہاز ان کے لان کے اوپر چکر لگانے لگا اور حجاب اس سے ہاتھ باہر نکال کر ہوا میں اپنا رومال لہرا رہیں تھیں‘‘۔

حجاب امتیاز نے فنِ تحریر کی دنیا میں قدم رکھا تو آپ کے ناول شہرت کی بلندیوں کو چھونے لگے جن میں لیل ونہار، صنوبر کے سائے میں، تصویرِ بتاں اورمیری ناتمام محبت شامل ہیں۔

حجاب عباسی لاہور کے علاقے ماڈل ٹاؤن میں اپنے بچوں کے ساتھ مقیم تھیں۔ 1999 میں آپ لاہورمیں انتقال کرگئیں۔

اگست 17, 2016
کینسر کو شکست دینے والی ماڈل

کینسر ایک جان لیوا مرض ہے اور بہت کم باہمت افراد ایسے ہوتے ہیں جو اس خطرناک مرض سے لڑ پاتے ہیں۔ لیکن اس مرض سے جیتنے کے بعد وہ اپنی بے شمار جسمانی صلاحیتیں اور خوبصورتی کھو بیٹھتے ہیں۔

امریکی ریاست ٹیکساس میں ایسی ہی ایک 17 طالبہ اینڈریا سیریا کینسر کے مرض کا شکار ہو کر اپنی زلفوں کو کھو بیٹھی۔

خوش قسمتی سے جلد ہی اس کے کینسر کی تشخیص ہوگئی اور علاج کے لیے اس کی کیمو تھراپی شروع کردی گئی۔ کیمو تھراپی کے بعد اس کے بال جھڑنا شروع ہوگئے۔

وہ بتاتی ہے، ’جب میرے بال جھڑنا شروع ہوئے تو مجھے لگا کہ میری ساری خود اعتمادی ختم ہوگئی۔ میں سوچتی تھی کہ اب میں دنیا کا سامنا کیسے کروں گی‘۔

لیکن اس نے شکست ماننے سے انکار کردیا۔ اس نے بالوں کے بغیر ہی ایک فیشن شوٹ کروانے کا ارادہ کیا تاکہ خود کو یقین دلا سکے کہ وہ اب بھی خوبصورت ہے۔

اس کا فیشن شوٹ کرنے والے فوٹوگرافر کا کہنا ہے کہ جب اینڈریا اس کے سامنے یہ آئیڈیا لے کر آئی تو وہ بہت حیران ہوا۔ لیکن جب نتیجہ سامنے آیا تو وہ خود بھی دنگ رہ گیا۔

آئیے آپ بھی یہ خوبصورت تصاویر دیکھیئے۔

اگست 17, 2016
بالی ووڈ اداکارہ منیشا کوئرالا نے زندگی کی 46 بہاریں دیکھ لیں

ممبئی : بالی ووڈ کی دلکش اور نوے کی دہائی کی معروف اداکارہ منیشا کوئرالا نے زندگی 46 بہاریں دیکھ لیں۔

نوے کی دہائی میں شہرت پانے والی بالی ووڈ ادکارہ منیشا کوئرالا 16 اگست 1970 کو نیپال میں پیدا ہوئیں ،وہ بیشتر ہندی فلموں کے ساتھ ساتھ کئی نیپالی ، تامل تیلگو اور مالیالم فلموں میں جلوہ گر ہوئیں۔

منیشا کوئرالا نے 1989 میں نیپالی فلم سے فلمی سفر کا آغاز کیا، جبکہ بالی ووڈ میں ان کی پہلی فلم سوداگر سن 1991 میں ریلیز ہوئی ، بعد ازاں انہوں نے اپنی اداکاری کے باعث نوئے کی دہائی میں انہیں معروف و دلکش اداکارہ کے طور پر پہچانا جانے لگا ۔

ان کی کامیاب ترین فلموں میں لو اسٹوری ، اگنی ساکشی ، گپت ، اور من فلم شامل ہے، تاہم منیشا کے اداکاری کی صلاحیتیں فلم بومبے ، اکیلے ہم اکیلے تم ، خاموشی ، دل سے ، لجا اور کمپنی میں بھی نظر آئی ۔

منیشا نے نیپال کے ایک کاروباری شخص سے شادی کی تھی ، لیکن ان کا یہ رشتہ زیادہ دن تک نہیں چل پایا اور دونوں الگ ہو گئے، بالی ووڈ کو کئی سپر ہٹ فلمیں دینے والی ادکارہ منیشا کوئرالا 2012 میں کینسر کے مرض میں مبتلا ہوگئیں تھیں ۔

اس خطرناک بیماری میں مبتلا ہونے کے بعد انہوں نے ہمت نہیں ہاری اور ڈیڑھ برس تک امریکا میں کینسرکا علاج کرایا، بالی ووڈ ادکارہ نے کینسرکے خلاف انتہائی مشکل جنگ لڑتے ہوئے اپنی بیماری کو شکست دی۔

اگست 16, 2016
نوجوان ہی ملک کو آگے لے کر جائیں‌گے، گورنر سندھ

کراچی: گورنر سندھ ڈاکٹر عشرت العباد خان نے کہا ہے کہ قائد اعظم نے قوم کو پیغام دیا ہے کہ کڑے وقت میں بھی سرنگوں نہ ہوا جائے، نوجوان اس ملک کا اثاثہ ہیں اور نوجوان ہی اس ملک کو آگے لے کر جائیں‌ گے۔

مقامی ہوٹل میں‌ منعقدہ یوتھ پارلیمنٹ کی تقریب سے خطاب کرتے ہوئے گورنر سندھ نے قوم کو جشن آزادی کی مبارک باد دی اور کہا کہ ہمارے بزرگوں نے جو ہمیں سکھایا اور بانی پاکستان قائد اعظم محمد علی جناح نے ہمیں اتحاد، تنظیم اور یقین محکم کی صورت میں یہی پیغام دیا ہے کہ کڑے سے کڑے وقت میں بھی ہمیں سرنگوں نہیں ہونا بلکہ یکجہتی کے ساتھ اس کا مقابلہ کرنا چاہیے۔

گورنر نے یوتھ پارلیمنٹ کی کوششوں کو سراہتے ہوئے کہا کہ نوجواں کو ہی اس ملک کو آگے لے کر جانا ہے، حقیقت کو تسلیم کرنا ہوگا، پاکستان کو آگے جانا ہے پاکستان کو ترقی دینی ہے جس کے لیے ہم سب کوشاں ہیں۔

خراب حالات کے سبب کے فور واٹر پروجیکٹ میں تاخیر ہوئی

کے فور واٹر پراجیکٹ کے حوالے سے ان کا کہنا تھا کہ ہمارے سامنے سب سے پہلے کراچی کے حالات کو درست کرنے کا چیلنج تھا جس کے باعث اس منصوبے کو شروع کرنے میں ہمیں 5 سے چھ سال لگے لیکن ہم نے ایف ڈبلیو او کو کہا ہے کہ اس منصوبے کو دو سال عرصے میں مکمل کیا جائے، پچھلے چند برس سے موازنہ کریں تو آج کراچی کے حالات بہت بہتر ہیں اور اسے بہتر کرنے کے لیے ہماری کوششیں جاری ہیں۔

لیاری ایکسپریس وے اگلے مارچ میں مکمل ہوجائے گا

ترقیاتی منصوبوں کے حوالے سے گورنر سندھ نے کہا کہ لیاری ایکسپریس وے کو اگلے برس ستمبر کے بجائے مارچ 2017 میں مکمل کرلیں گے، ماس ٹرانزٹ سسٹم کا اہم جز گرین لائن کا اسٹرکچر بھی مارچ 2017 تک مکمل کرلیا جائے گا، سپر ہائی وے کی خستہ حالت کے باعث کراچی سے حیدر آباد تک راستہ ستمبر 2017 تک مکمل کرلیں گے تاخیر ہونے والے منصوبے جلد شروع ہوں‌گے اور مکمل بھی ہوں‌گے ، ان پروجیکٹس میں سندھ حکومت اور وفاقی حکومت کا اہم تعاون شامل ہے۔

نوجوانوں کو پیغام دیتے ہوئے انہوں نے کہا کہ پاکستان میں اللہ تعالیٰ بہت سی نعمت دے ہیں کسی کو الزام نہیں دینا چاہیے ہمیشہ مثبت سوچ کو اہمیت دینی چاہیے۔

قبل ازیں یوتھ پارلیمنٹ کے بانی چیئرمین رضوان جعفر نے خطاب کرتے ہوئے کہا کہ ہمیں‌ پاکستان کو آگے لے کر جانے کے لیے جدوجہد کرنی ہوگی اور یہ سوچنا ہوگا کہ ہمیں‌آنے والی نسلوں کو کیسا پاکستان دینا ہے۔

گورنر سندھ نے تقریب میں منعقدہ تقریری مقابلے کے فاتح مقررین کو انعامی شیلڈ بھی دیں‌ اور جشن آزادی کا کیک بھی کاٹا ، تقریب میں‌ پیپلز پارٹی کی رہنما اور ممبر سندھ اسمبلی خیر النسا مغل نے بھی شرکت کی۔

اگست 14, 2016
اینی میٹڈ فلم تین بہادر ریوینج آف بابا بالم کا ٹیزر ٹریلر ریلیز

کراچی : وادی اینیمیشن اور اے آر وائی فلمز کی مشترکہ پیشکش اینی میٹڈ فلم تین بہادر ریوینج آف بابا بالم کا ٹیزر ٹریلر ریلیز کردیا گیا ہے۔

بچوں میں اچھائی کی امنگ جگانے،ہمت بڑھانے اور دنیا کو بچانے ایک بار پھر تین بہادر آرہے ہیں، وادی اینی میشن اور اے آر وائی فلمز کی مشترکہ پیشکش تین بہادر ریوینج آف بابا بالم کا ٹیزر ٹریلر جاری کردیا گیا ہے، فلم کی کریٹو ڈائریکٹر اکیڈمی ایوارڈ یافتہ شرمین عبید چنائے ہیں ۔

تین بہادر کے سیکوئل میں اداکار بہروز سبزواری ،اداکارہ سروت گیلانی ، احمد علی بٹ ، زیبا شہناز ، علی گل پیر اور معروف اداکار اور جیتو پاکستان کے میزبان فہد مصطفی صداکاری کریں گے جبکہ موسیقی گلوکار شیراز اپل نے ترتیب دی ہے۔

تین بہادر ایسے باہمت تین بچوں کی کہانی ہے جو ایک ایسے محلے میں رہتے ہیں جو کہ جرائم کا گڑھ ہے، ناقابل یقین سپر پاورز کی مدد سے یہ تین بچے اپنے معاشرے کو جرائم پیشہ عناصر کے شر سے نجات دلاتے ہیں۔

فلم کے کرداروں میں سعد، کامل اور آمنہ کیساتھ مٹھو ہے جو دوستوں کیساتھ مل کر ہر مشکل کا سامنا کرے گا، اینیمیٹڈ فلم تین بہادر ریوینج آف بابا بالم رواں سال اے آر وائی فلمز کے بینر تلے ریلیز کی جائے گی۔

واضح رہے کہ شرمین عبید چنائے کی ہدایت کاری میں بننے والی فلم ’تین بہادر‘ پاکستان کی پہلی اینیمیٹد فلم تھی جسے ملک بھر میں نہ صرف بچوں بلکہ بڑوں میں بھی بھرپور پذیرائی ملی۔

اگست 3, 2016
بھارت میں حاملہ خواتین کے لیے خصوصی بائیک ایمبولینس

نئی دہلی: بھارت کے صوبے اتر پردیش میں ایک گاؤں نارائن پور میں حاملہ خواتین کے لیے خصوصی بائیک ایمبولینس تیار کی گئی ہیں جس کے بعد حاملہ خواتین کی بحفاظت اسپتال روانگی آسان ہوگئی ہے۔

نارائن پور اتر پردیش کا ایک غیر ترقی یافتہ گاؤں ہے جو جنگل اور اونچے نیچے راستوں سے گھرا ہوا ہے۔ یہاں طبی سہولیات اور اسپتال موجود نہیں جس کے باعث کسی بیماری کی صورت میں مریض کو قریب واقع شہر منتقل کرنا پڑتا ہے۔

مزید پڑھیں: مودی کی حاملہ خواتین کے مفت علاج کی ہدایت

گاؤں میں حاملہ خواتین کی زچگی کے لیے اسپتال منتقلی ایک بڑا مسئلہ تھی کیونکہ سواری کے نام پر گاؤں والوں کے پاس صرف موٹر سائیکلیں تھیں۔

ان موٹر سائیکلوں کو ان اونچے نیچے راستوں پر لے جانے سے حاملہ خواتین کو سخت مشکل اور تکلیف سے گزرنا پڑتا تھا جس کا حل گاؤں والوں نے یوں نکالا کہ بائیک پر ایمبولینس میں استعمال کیا جانے والا بیڈ نصب کر کے ایک بائیک ایمبولینس تشکیل دے دی گئی۔

مزید پڑھیں: کوریا کی بسوں میں حاملہ خواتین کے لیے خصوصی الارم نصب

اس بائیک ایمبولینس کے ذریعے اس گاؤں کی حاملہ خواتین کی زندگی آسان ہوگئی ہے۔

گاؤں والوں کی اس کاوش کا اقوام متحدہ کے ذیلی ادارے یونیسف نے بھی اعتراف کیا اور اسے خواتین اور چھوٹے بچوں کی زندگی بچانے والا عمل قرار دیا۔

یہ منصوبہ ایک غیر سرکاری تنظیم نے گاؤں والوں کی مدد سے شروع کیا ہے۔ کچھ افراد نے اس مقصد کے لیے رضا کارانہ طور پر اپنی موٹر سائیکلیں فراہم کیں۔ تنظیم کے ایک عہدیدار کے مطابق ایک موٹر سائیکل کو ایمبولینس میں تبدیل کرنے پر 1 لاکھ 70 ہزار کے قریب خرچہ آتا ہے۔

اس بائیک ایمبولینس میں ایک بیڈ اور پردے آویزاں کیے گئے ہیں اور اس کے باعث حاملہ خواتین اور چھوٹے بچوں کو فوری طور پر اسپتال منتقل کرنے میں آسانی ہوگئی ہے۔

مزید پڑھیں: سمندر کنارے واقع گاؤں، غربت اور خواتین

تنظیم کے مطابق یہ منصوبہ کامیابی سے جاری ہے اور وہ اسے بھارت کے دیگر دیہاتوں تک پھیلانے کا ارادہ رکھتے ہیں۔

اگست 3, 2016
ٹوکیو کی ماحول دوست پہلی خاتون گورنر

ٹوکیو: جاپانی دارالحکومت ٹوکیو کی عوام نے اپنی پہلی خاتون گورنر کا انتخاب کرلیا۔ یوریکو کوئیکے ایک سابق ٹی وی اینکر ہیں جبکہ وہ وزیر برائے دفاع بھی رہ چکی ہیں۔

یوریکو تحفظ ماحول کی ایک سرگرم کارکن بھی ہیں۔ وہ ٹوکیو کی پہلی خاتون گورنر ہیں جبکہ بطور وزیر دفاع بھی وہ پہلی خاتون ہیں جو اس عہدے پر فائز رہیں۔

یوریکو نے وزیر اعظم شنزو ایبے کے حمایت یافتہ امیدوار ہیرویا ماسودا کو شکست دے کر فتح حاصل کی۔ انہوں نے آزاد امیدوار کی حیثیت سے انتخاب لڑا اور 2.9 ووٹ حاصل کیے۔

واضح رہے کہ ان کی حکومت کا سب سے بڑا چیلنج 2020 کے ٹوکیو اولمپکس کی تیاریاں ہوں گی جو کہ پہلے ہی تاخیر کا شکار ہیں۔ اولمپکس کی تیاریوں کے اخراجات میں بھی مسلسل اضافہ ہورہا ہے جس کے باعث شنزو ایبے اور ان کی حکومت سخت تنقید کی زد میں ہے۔

اہم عہدوں کی دوڑ میں خواتین نے مردوں کو پیچھے چھوڑ دیا *

یوریکو 2003 سے 2005 کے دوران جاپان کی وزیر ماحولیات بھی رہ چکی ہیں اور انہوں نے اپنی انتخابی مہم کے دوران حامیوں سے اپیل کی تھی کہ وہ سبز کپڑے اور بینڈز پہن کر تحفظ ماحول کے لیے اپنی حمایت ظاہر کریں۔

اپنے دور حکومت میں انہوں نے کئی ماحول دوست اقدامات متعارف کروائے جس میں سب سے اہم ’کیوٹو پروٹوکول‘ کی تکمیل کے لیے کاربن ٹیکس کا نفاذ تھا۔

کیوٹو پروٹوکول 1997 میں اقوام متحدہ کی جانب سے متعارف کروایا جانے والا ایک معاہدہ تھا جس کے تحت وہ ممالک جو کاربن کے اخراج میں حصہ دار ہیں، ان غریب ممالک کو ہرجانہ ادا کریں گے جو ان کاربن گیسوں کی وجہ سے نقصانات اٹھا رہے ہیں۔

یوریکو کا متعارف کروایا جانے والا کاربن ٹیکس مختلف اقسام کے فیول کے استعمال پر لاگو کیا گیا تھا جو بڑی بڑی فیکٹریوں اور صنعتوں کو ادا کرنا تھا۔

برطانیہ میں پلاسٹک بیگ کا استعمال ختم کرنے کے لیے انوکھا قانون *

سال 2005 میں یوریکو نے ایک پروگرام بھی شروع کیا جس کے تحت دفاتر میں کام کرنے والے مرد ملازمین سے کہا گیا کہ وہ گرمیوں میں کوٹ پہننے سے گریز کریں تاکہ ایئر کنڈیشنرز کا استعمال کم ہوسکے۔

یوریکو نے عوام پر ماحول کے لیے نقصان دہ پلاسٹگ بیگز کی جگہ ’فروشکی‘ استعمال کرنے پر زور دیا۔ فروشکی روایتی جاپانی کپڑے کے تھیلے ہیں جو مختلف چیزیں لانے اور لے جانے کے لیے استعمال کیے جاتے ہیں۔

نو منتخب گورنر یوریکو نے قاہرہ یونیورسٹی سے گریجویشن کیا ہے اور وہ روانی کے ساتھ عربی زبان بول سکتی ہیں۔ ان کا عزم ہے کہ وہ ٹوکیو میں خواتین دوست پالیسیاں متعارف کروائیں گی۔

اگست 1, 2016