بالی ووڈ کے سپر اسٹار عامر خان نے اپنی فلم ’ستارے زمین پر‘ کا پریمیئر او ٹی ٹی کے بجائے یوٹیوب پر کرنے کا اعلان کیا ہے۔

اداکار عامر خان کی فلم 2007 کی ’تارے زمین پر‘ کا سیکوئل ہے اور فلم 20 جون کو سنیما گھروں کی زینت بنی تاہم اب اداکار نے فلم کی او ٹی ٹی ریلیز کے لیے یوٹیوب کا انتخاب کرنے کی تصدیق کی ہے۔

عامر خان کا کہنا ہے کہ ’ستارے زمین پر‘ یکم اگست سے خصوصی طور پر یوٹیوب موویز آن ڈیمانڈ پر نمائش کے لیے پیش کی جائے گی۔

یہ فلم امریکا، برطانیہ، کینیڈا، آسٹریلیا، جرمنی اور سنگاپور سمیت 38 ممالک میں بھی دستیاب ہوگی۔

عامر خان نے فلم کی او ٹی ٹی ریلیز کے لیے یوٹیوب کا انتخاب کرنے کے اپنے فیصلے پر بات کرتے ہوئے کہا کہ ’’تقریباً 15 سال پہلے میں نے محسوس کیا تھا کہ ہماری سب سے کامیاب فلمیں جیسے ’3 ایڈیٹس‘ یا ’دنگل، تھیٹروں میں دیکھنے والے لوگوں کے اعداد و شمار تقریباً 2-3 فیصد ہے۔

بالی ووڈ اداکار نے کہا کہ تو اگلا خیال جو میرے پاس آیا وہ یہ ہے کہ ہم باقی 97-98 فیصد تک کیسے پہنچیں گے؟ میں اس سہولت کو ہر بھارتی شہری کے لیے قابل رسائی بنانا چاہتا ہوں۔

واضح رہے کہ شائقین یہ الزام لگاتے رہے ہیں کہ ’ستارے زمین پر‘ ’چیمپیئنز‘ کا ریمیک ہے۔

2023 کی ہالی ووڈ فلم، جس میں ووڈی ہیرلسن نے مرکزی کردار ادا کیا تھا، کا پلاٹ لائن ایک ہی تھا، اور دونوں فلموں میں بھی کئی ایک جیسے مناظر ہیں۔

اداکارہ مریم نفیس کا کہنا ہے کہ دو بچے کافی ہیں، شوہر بھی بچہ ہوتا ہے جسے آپ پال رہے ہوتے ہیں۔

شوبز انڈسٹری کی معروف اداکارہ مریم نفیس نے حال ہی میں نجی ٹی وی کے پروگرام میں شرکت کی اور مختلف موضوعات پر اظہار خیال کیا۔

مریم نفیس نے کہا کہ ایک بیٹا اور ایک بیٹی بہت ہیں، ٹوٹل دو ہوتے ہیں، آپ اپنے شوہر کو بھی پال رہے ہوتے ہیں ایک بچہ تو وہ ہوتا ہی ہے۔

اس سے قبل انٹرویو میں اداکارہ نے کہا تھا کہ انہیں کبھی گھر والوں نے جلد شادی کرنے کا نہیں کہا جب کہ ماضی میں وہ خود بتا چکی ہیں کہ ان کی والدہ چاہتی تھیں کہ وہ 19 برس کی عمر میں رشتہ ازدواج میں بندھ جائیں۔

یہ پڑھیں: اعظم خان میرا منہ بولا بیٹا ہے: مریم نفیس

اداکارہ کا کہنا تھا کہ انہوں نے 30 سال عمر ہونے پر اس وقت شادی کی جب انہیں اپنی پسند کا اچھا لڑکا ملا۔

مریم نفیس کا مزید کہنا تھا کہ ان میں اور ان کے شوہر کی عمر میں 13 سال کا فرق ہے جو کہ اچھا خاصا فرق ہے۔

اداکارہ کے مطابق ان کے شوہر ہمیشہ ہر جگہ ہر کسی کو یہی بولتے ہیں کہ مریم نفیس بڑی اور میچور ہیں۔

ان کا کہنا تھا کہ شوہر کی جانب سے ایسا کہنے پر وہ بھی ہر جگہ بولتی ہیں کہ ہاں ان کے شوہر صحیح کہ رہے ہیں، وہ ایک بچے کو پال رہی ہیں، وہ شوہر کا بچے کی طرح خیال رکھتی ہیں۔

خیال رہے کہ مریم نفیس نے ہدایت کار امان احمد سے اکتوبر 2022 میں شادی کی تھی، اس وقت اداکارہ کی عمر 30 سال تھی۔

عندلیب شادانی اردو کے معروف شاعر، افسانہ نگار، نقّاد، محقّق اور مترجم تھے جن کی غزل کے یہ دو شعر بہت مشہور ہیں اور آپ نے بھی سنے ہوں گے۔

دیر لگی آنے میں تم کو شکر ہے پھر بھی آئے تو
آس نے دل کا ساتھ نہ چھوڑا ویسے ہم گھبرائے تو
جھوٹ ہے سب تاریخ ہمیشہ اپنے کو دہراتی ہے
اچھا میرا خوابِ جوانی تھوڑا سا دہرائے تو

ڈاکٹر عندلیب شادانی نے اپنی زندگی کا طویل حصہ مشرقی پاکستان (بنگلہ دیش) کے دارالحکومت ڈھاکہ میں اردو اور فارسی ادب کی خدمت کرتے ہوئے گزارا۔ تعلیم و تدریس ان کا پیشہ تھا اور وہ ڈھاکہ یونیورسٹی کے فیکلٹی آف آرٹس کے ڈین رہے۔ کئی پاکستانی جامعات کی کمیٹیوں کے ممبران میں ان کا نام سر فہرست رہتا تھا۔ اردو اور فارسی کے علاوہ انگریزی زبان پر بھی عندلیب شادانی کو غیر معمولی قدرت و استعداد حاصل تھی۔ لندن سے پی ایچ ڈی کی ڈگری حاصل کرنے والے شادانی صاحب کی تصانیف اور تالیفات کی تعداد 16 کے قریب ہے۔ ان کی شاعری کا مجموعہ ’’نشاطِ رفتہ‘‘ کے نام سے شایع ہوا جب کہ ’’پریم پجاری‘‘ کے عنوان سے سچی کہانیوں نے عندلیب شادانی کو بہت شہرت دی۔ ان کی تنقید پر مبنی کتاب ’’دورِ حاضر اور اردو غزل گوئی‘‘ کو ادبی دنیا میں بہت اہمیت حاصل ہوئی تھی۔

عندلیب شادانی 29 جولائی 1969 کو وفات پاگئے تھے۔ بدقسمتی سے ڈاکٹر شادانی کو آج ادبی دنیا تقریباً فراموش کر چکی ہے اور نئے لکھنے والوں کی اکثریت ان کے نام اور کام سے واقف نہیں ہے۔

ڈاکٹر عندلیب شادانی کا اصل نام وجاہت حسین صدیقی اور عندلیب ان کا تخلص تھا۔ان کا آبائی وطن سنبھل، ضلع مراد آباد (یوپی) تھا جہاں وہ یکم دسمبر 1896 کو پیدا ہوئے۔ وہ شروع ہی سے شاعری کی طرف مائل تھے اور شعر کہنے کی صلاحیت رکھتے تھے۔ عندلیب شادانی نے رام پور میں تحصیلِ تعلیم کے دوران اپنے استاد، شاداں بلگرامی سے عقیدت کی بنا پر اپنے نام کے ساتھ شادانی کا لفظ جوڑا تھا۔

عندلیب شادانی نے اپنے ایک انٹرویو میں بتایا تھا کہ: ’’شاعری سے ذوق چھوٹی عمر میں پیدا ہو گیا تھا، جس میں اپنے وطن کے ماحول کو بڑا دخل تھا۔ اس زمانے میں سنبھل، ضلع مراد آباد میں اکثر طرحی مشاعرے ہوا کرتے تھے، میں بھی ان مشاعروں میں شرکت کرتا تھا۔ کم عمری میں اس طرح کے ایک طرحی مشاعرے میں چند اشعار بھی کہے تھے جو محفوظ نہ رہ سکے۔ پھر ریاست رام پور کے زمانہ طلب علمی میں بھی یہ شغل جاری رہا۔ اس وقت باقاعدہ شاعری تو نہ کرتا تھا مگر اس زمانے کے اشعار سے اتنا اندازہ ضرور ہو گیا کہ شاعری کے لئے طبیعت موزوں پائی ہے۔‘‘ غرض بچپن سے ان کی طبیعت شعر و شاعری کی طرف مائل تھی۔ مگر باقاعدہ شاعری کی ابتدا 1924ء سے ہوئی، جب وہ لاہور میں زیر تعلیم تھے۔ وہ اس بارے میں لکھتے ہیں: میری شاعری کی ابتدا نظم سے ہوئی اور ’’تصویرِ بہار‘‘ میری پہلی نظم ہے جو دیال سنگھ کالج، لاہور کی بزمِ ادب کے ایک جلسے میں 29 جون 1924ء کو پڑھی گئی۔ سامعین کی بے اختیار داد و تحسین نے دل بڑھایا اور میری دوسری نظم ’’شالامار‘‘ وجود میں آئی۔ اس نظم نے ایک نووارد کو لاہور کے ادبی حلقوں میں اچھی طرح روشناس کرا دیا۔‘‘

حکومتِ پاکستان نے عندلیب شادانی کی علمی و ادبی خدمات کے اعتراف کے طور پر انھیں ستارۂ امتیاز عطا کیا تھا۔