اسلام آباد : پاکستان اور امریکا کے تعلقات میں بڑھتی گرمجوشی پر فیلڈ مارشل سید عاصم منیر کی قیادت عالمی موضوع بن گیا۔

پاکستان اور امریکا کے تعلقات میں نمایاں بہتری دیکھنے میں آ رہی ہے اور اس پیش رفت کا مرکز فیلڈ مارشل سید عاصم منیر کی قیادت کو قرار دیا جا رہا ہے۔

فیلڈ مارشل سید عاصم منیر کی سفارتی لیڈرشپ صلاحیتوں پر تجزیے اور تبصرے فارن پالیسی ایکسپرٹس اور عالمی جریدے پاک امریکہ تعلقات پر مسلسل آرٹیکلز لکھنے لگے ہیں۔

امریکی میگزین ’ دی نیشنل انٹرسٹ‘ میں ، ماہر عالمی امور ایلدار میمدوف نے لکھا کہ پاکستان نے امریکا میں اپنی پوزیشن بہتر بنائی، ڈونلڈ ٹرمپ کی قربت حاصل کی اور واشنگٹن میں پاکستان کے نئے حامی سامنے آئے ۔

بھارت کے خلاف حالیہ کشیدگی میں پاکستان کی حکمتِ عملی اور ٹرمپ کی مداخلت نے چار روزہ جنگ کو ختم کرنے میں اہم کردار ادا کیا، پاکستان نے ٹرمپ کی ثالثی کو سراہا اور نوبل انعام کیلئےنامزدگی تک دی جبکہ نریندر مودی نے ڈونلڈ ٹرمپ کی ثالثی اور امن کیلئے کردارکو مسترد کردیا، مودی امریکی صدر کی دعوت کے باوجود واشنگٹن نہیں گئے اور مودی کے رویے نے ٹرمپ کو مشتعل کیا۔

میڈیا رپورٹس امریکی صدر نے وائٹ ہاؤس میں فیلڈ مارشل سید عاصم منیر کو مدعو کی، جس کے بعد دونوں رہنماؤں کے تعلقات دوستی کی صورت اختیار کر گئے، امریکی صدر نے پاکستان کے ساتھ بڑے معاشی معاہدوں کا اعلان بھی کیا، جبکہ بھارت پر اضافی ٹیرف عائد کرکے نئی دہلی کو بیجنگ اور ماسکو کے قریب جانے پر مجبور کردیا اور مودی سات سال بعد پہلی بار بیجنگ کے دورے پر جانے پر مجبور ہوئے۔

امریکی اخبار واشنگٹن ٹائمز نے فیلڈ مارشل عاصم منیر کو "مرد آہن” قرار دیا اور انہیں جنوبی ایشیا کی سلامتی کے لیے سب سے بااثر شخصیت قرار دیا۔

رپورٹ کے مطابق عاصم منیر نظم و ضبط کے پابند، خودنمائی اور سیاست سے دور رہنے والے ایسے فوجی سربراہ ہیں جنہوں نے پاکستان کی عوامی مقبولیت میں بھی اضافہ کیا اور صدر ٹرمپ کے "فطری پارٹنر” کے طور پر ابھرے۔

اخبار کا کہنا تھا کہ پاک امریکا تعلقات انسداد دہشت گردی میں تعاون کے تناظر میں مزید مضبوط ہوئے ہیں۔ پاکستان نے کابل ایئرپورٹ حملے کے ماسٹر مائنڈ کو گرفتار کرکے امریکا کے حوالے کیا، جس پر صدر ٹرمپ نے پاکستان کی کاوشوں کو سراہا۔ فیلڈ مارشل نے افغانستان اور ایران سے لاحق خطرات کے مقابلے کے لیے بھی کلیدی کردار ادا کیا اور دہشت گرد تنظیموں کے خلاف بھرپور کارروائی کی۔

عالمی ماہرین کے مطابق فیلڈ مارشل سید عاصم منیر کی قائدانہ صلاحیتیں اور متوازن رویہ ملٹری ڈپلومیسی کی شاندار مثال ہیں اور انہیں امریکا میں جنوبی ایشیا کی سلامتی کے لیے ایک اہم اسٹریٹجک پارٹنر کے طور پر دیکھا جا رہا ہے۔

اسلام آباد: بھارت کے سب سے بڑے بٹ کوائن انفلوئنسر بٹ کوائن والا نے بلال بن ثاقب کو خراج تحسین پیش کیا اور کہا کاش بھارت میں بھی بلاک چین کا ایسا لیڈر ہوتا جیسا پاکستان کے بلال بن ثاقب ہیں۔

تفصیلات کے مطابق وزارتِ خزانہ کی جانب سے اعلامیے میں کہا گیا کہ پاکستان کے وزیر برائے کرپٹو اور بلاک چین، بلال بن ثاقب نے ایشیا بٹ کوائن کانفرنس میں پاکستان کی نمائندگی کی جہاں انہیں بھارتی کرپٹو ماہرین اور عالمی ریگولیٹرز کی جانب سے بھرپور پذیرائی ملی۔

اعلامیے میں کہا گیا بھارت کے سب سے بڑے بٹ کوائن انفلوئنسر "بٹ کوائن والا” نے بلال بن ثاقب کو خراجِ تحسین پیش کرتے ہوئے کہا کہ "کاش بھارت میں بھی بلاک چین کا ایسا لیڈر ہوتا جیسا پاکستان کے پاس بلال بن ثاقب ہے، ہمیں بھارت میں بھی ان جیسے رہنما کی ضرورت ہے”

بھارتی بٹ کوائن کمیونٹی نے اس موقع پر تسلیم کیا کہ بلال بن ثاقب نے پاکستان کی عالمی شناخت کو کرپٹو اور بلاک چین کے ذریعے نئی جہت دی ہے۔

اپنے خطاب میں بلال بن ثاقب نے پاکستان ورچوئل ایسیٹس ریگولیٹری اتھارٹی کے قیام کو اجاگر کرتے ہوئے کہا کہ یہ ادارہ خطے میں اپنی نوعیت کا پہلا اور آزاد ریگولیٹری ادارہ ہے جو دنیا بھر کی توجہ کا مرکز بنا ہوا ہے۔

کانفرنس میں امریکی صدر کے صاحبزادے ایرک ٹرمپ سمیت کئی عالمی رہنماؤں نے بھی بطور اسپیکر شرکت کی، جہاں پاکستان کے وزیر کو بھارتی ماہرین سے داد ملنا ایک اہم پیشرفت قرار دیا گیا۔

وزارت خزانہ کے اعلامیے میں کہا گیا ہے کہ پاکستان ورچوئل ایسیٹس ریگولیٹری اتھارٹی کا قیام ظاہر کرتا ہے کہ دنیا کی نظریں پاکستان پر جمی ہوئی ہیں ، یہ ایک حقیقت ہے کہ بھارت آج بھی کرپٹو کے معاملے میں الجھن اور خوف میں پھنسا ہوا ہے اور پاکستان بھارت سے کئی قدم آگے نکل چکا ہے، دنیا بھر کے ریگولیٹرز، حکومتیں اور ادارے پاکستان سے رابطہ کر رہے ہیں جو پاکستان کی بڑھتی ہوئی عالمی اہمیت کا ثبوت ہے۔

اسلام آباد : نادرا نے خاموشی سے پاک آئی ڈی ایپ سے ’سیلف رپورٹ ڈیتھ‘ فیچر ہٹا دیا، یہ غیرمعمولی فیچر سوشل میڈیا پر وائرل ہوا اور نادرا کو تنقید کا سامنا کرنا پڑا۔

تفصیلات ک نادرا نے اپنے پاک آئی ڈی موبائل ایپ سے متنازع فیچر ہٹا دیا، ’سیلف رپورٹ ڈیتھ پر سوشل میڈیا پر شدید تنقید اور طنز کیا گیا تھا۔

ایپ کے "Cancel Identity Due to Death” آپشن میں صارفین کو دو انتخاب دیے گئے تھے، ایک رشتہ دار کے لیے اور دوسرا ’’Myself‘‘ یعنی خود کے لیے۔ اس آپشن کے تحت صارف کو چہرے کی شناخت کے ذریعے لائیونیس چیک مکمل کرنا لازمی تھا، جس پر یہ سوال اٹھا کہ کوئی فوت شدہ شخص اپنی موت کی تصدیق کیسے کر سکتا ہے؟

یہ غیرمعمولی فیچر سوشل میڈیا پر وائرل ہوا اور نادرا کو تنقید کا سامنا کرنا پڑا تاہم معاملے پر میڈیا رپورٹس اور عوامی ردعمل کے بعد نادرا نے فوری طور پر یہ آپشن ہٹا کر فیچر کو اپ ڈیٹ کر دیا۔

اب صرف رشتہ دار ہی مرحوم کا شناختی کارڈ کینسل کرا سکیں گے، جبکہ اس کے لیے رشتے کی تصدیق اور فیملی ٹری فیچر شامل کر دیا گیا ہے تاکہ کسی قسم کا ابہام نہ رہے۔

نادرا ترجمان کے مطابق ’’Myself‘‘ آپشن ایک کنفیوزن کی وجہ سے شامل ہوا تھا اور یہ سہولت ہمیشہ سے رشتہ داروں کے لیے ہی متعین تھی۔

مزید پڑھیں : نادرا مراکز کی عارضی بندش کا اعلان

خیال رہے ادارے نے حال ہی میں "پاک آئی ڈی” کا نیا اور جدید ورژن متعارف کرایا ہے، جس میں متعدد نئی سہولیات اور فیچرز شامل کیے گئے ہیں تاکہ شہری زیادہ آسانی کے ساتھ آن لائن شناختی خدمات تک رسائی حاصل کر سکیں۔

والدین 3 سال سے کم عمر بچوں کا ب فارم یا شناختی کارڈ بنوانے کےلیے موبائل گیلری سے تصویر اپ لوڈ کرسکیں گے۔

اس کے علاوہ اپنی دی ہوئی تصویر شناختی دستاویز پر پرنٹ کرانے، خاندان کے رہ جانے والے افراد کا ریکارڈ اپ ڈیٹ کرانے کےلیے بھی سہولت فراہم کی گئی ہے۔

فنگرپرنٹ یا چہرے کی تصدیق کے بغیر درخواست دینے کی سہولیات اور اردو میں زیادہ وضاحت کے ساتھ معلومات فراہم کرنے کا آپشن بھی نئے ورثن میں موجود ہے۔