Category: پاکستان

نیویارک : اقوام متحدہ میں پاکستان کی مستقل مندوب ملیحہ لودھی نے کہا ہے کہ مسئلہ کشمیر کو حل کیے بغیر خطے میں پائیدار امن کا خواب شرمندہ تعبیر ہونا ممکن نہیں.

اقوام متحدہ میں پاکستان کی مستقل مندوب ملیحہ لودھی جنرل اسمبلی میں خطاب کررہی تھیں انہوں نے کہا کہ پاکستان خطے میں امن کو خواہاں ہے اور اس کے لیے اپنا کردار ادا کررہا ہے.

انہوں نے مطالبہ کیا کہ عالمی برادری کشمیری عوام کی صورت حال پر ہنگامی ایکشن لے اور بھارت کو انسانیت سوز مظالم کرنے سے باز رکھے اور پلیٹ گنز کے استعمال پر پابندی عائد کی جائے.

ملیحہ لودھی کا کہنا تھا کہ سیاسی تنازعات حل کیے بغیردنیا میں دیرپا امن ممکن نہیں ہے اس لیے عالمی برادری کو مسئلہ کشمیر کا حل اقوام متحدہ کی قراردادوں کے مابق حل کیا جائے اور کشمیریوں حق خو د ارادیت دیا جائے.

انہوں نے مزید کہا کہ اسلام فوبیا اور تعصب کے گرد دیوار کھڑی کرنے کی ضرورت ہے ،عالمی برادری کشمیر، فلسطین کے عوام سے تاریخی ناانصافی دور کرنے میں مدد کرے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

راولپنڈی : ڈی جی آئی ایس پی آر میجر جنرل آصف غفور نے کہا ہے کہ پاک افواج کے شہداء اور غازیوں سے اظہار یکجہتی کرنے پر اور اس مناسبت سے منعقد کیے گئے مرکزی پروگرام میں قومی ہیروز کی شرکت پر تہہ دل سے شکریہ ادا کرتا ہوں.

سماجی رابطے کی ویب سائٹ ٹوئٹر پر اپنے ایک پیغام میں ڈی جی آئی ایس پی آر میجر جنرل آصف غفور نے قومی ہیروز، ادیبوں، کھلاڑیوں اور فنکاروں کا یوم دفاع کی مناسبت سے ترتیب دی گئی تقریب میں شکریہ اد اکیا ہے.

ڈی جی آئی ایس پی آر نے یوم دفاع اور یوم شہداء کی تقریب کی انتظامی ٹیم کا بھی شکریہ ادا کیا جنہوں نے اپنی ذمہ داریاں منظم طریقے سے نبھائیں اور اس دن کو یاد گار بنایا.

ڈی جی آئی ایس پی آر نے یوم دفاع اور یوم شہداء کی مناسبت سے منعقد کردہ تقریب میں شہداء اورغازیوں سے اظہار یکجہتی کرنے پر تقریب کے شرکاء کا بھی شکریہ ادا کیا.

خیال رہے یوم دفاع کی مناسبت سے گزشتہ روز جی ایچ کیو میں یادگار شہداء پر پُر وقار تقریب کا انعقاد کیا گیا تھا جس کے مہمان خصوصی آرمی چیف جنرل قمر باجوہ تھے جب کہ وفاقی وزراء اور اعلیٰ فوجی حکام کے علاوہ سابق آرمی چیف راحیل شریف سمیت سویلین کی کثیر تعداد نے شرکت تھی.

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔