Category: پاکستان

کراچی: یوم دفاع کی مناسبت سے ایک تقریب کے موقع پرڈی جی رینجرز سندھ محمد سعید نے فٹ پاتھ اسکول سے بچے کو گود لے لیا اور بچے کے والدین کو رینجرز کی جانب سے گھر فراہم کیا جائے گا.

تفصیلات کے مطابق یومِ دفاع کے موقع پر ڈی جی رینجرز سندھ محمد سعید نے بے آسرا اور بے گھر بچوں کے فٹ پاتھ اسکول سے 4 سالہ بچے غلام مصطفیٰ کو گود لیتے ہوئے بچے اور اس کے اہل خانہ کی کفالت کا ذمہ لیا ہے.

اے آر وائی نیوز کے رپورٹر عاجز جمالی کے مطابق ڈی جی رینجرز سندھ نے بچے اور والدین کو رینجرز کی جانب سے گھر فراہم کرنے اور بچے کے والد کو سندھ رینجرز میں ملازمت دینے کا بھی وعدہ کیا ہے.

اوشین ویلفیئر آرگنائیزیشن کی صدر انفاس علی شاہ بتایا کہ سندھ رینجرز کے ونگ کمانڈرعمر کلفٹن فلائی اوور کے نیچے موجود فٹ پاتھ اسکول پہنچے وہاں باقاعدہ چھوٹی تقریب کا انعقاد کیا گیا اور بچے کو رینجرز حکام کے حوالے کیا گیا۔

اس موقع پر 4 سالہ غلام مصطفیٰ کے والدین نے خوشی کا اظہار کرتے ہوئے ڈی جی رینجرز میجرجنرل محمد سعید کا شکریہ ادا کیا جنہوں نے بے گھر خاندان کو گھر دینے اور بچے کی تمام کفالت اور تعلیم کے اخراجات برداشت کرنے کا اعلان کیا.

کراچی : خواجہ اظہار پر حملے اور پولیس اہلکاروں کے قتل میں ملوث دہشت گرد تنظیم انصار الشریعہ کا گرفتار سربراہ عبداللہ ہاشمی افغانستان سے تربیت یافتہ نکلا۔

تفصیلات کے مطابق گزشتہ شب حراست میں لیے گئے انصار الشریعہ کے سربراہ عبداللہ ہاشمی نے تحقیقاتی ٹیم کے سامنے ہولناک انکشافات کرتے ہوئے بتایا ہے کہ ایک سال قبل انصار الشریعہ نامی جماعت کی داغ بیل ڈالی اور دہشت گردی کی کارروائیوں کی منصوبہ بندی بھی میں خود کیا کرتا تھا۔

ذرائع کے مطابق عبداللہ ہاشمی 6 سے 8 رکنی گروہ کا سرغنہ اور ترجمان بھی تھا جس نے انصار الشریعہ نامی دہشت گرد تنظیم ایک سال پہلے بنائی تھی جن میں سے 4 سے 5 لڑکے عسکری کارروائیاں کیا کرتے تھے جس کے احکامات خود عبداللہ ہاشمی دیا کرتا تھا۔

ذرائع کا کہنا ہے کہ ڈاکٹرعبداللہ ہاشمی افغانستان میں دہشت گردی کی تربیت حاصل کر کے پاکستان آیا جب کہ 4 سے 5 دہشت گردوں کو تربیت بلوچستان کے کسی نامعلوم مقام پردلوائی۔

کسی بھی کارروائی کا فیصلہ اور منصوبہ بندی عبداللہ کیا کرتا تھا جس کے لیے ریکی بھی خود عبداللہ ہاشمی دیا کرتا تھا اور قتل کرنے کے احکامات دیتا تھا جس کی تعمیل کے لیے سروش، مزمل اور حسان پر مشتمل ٹارگٹ کلنگ گروپ کیا کرتا تھا جب کہ تنظیم کے فیس بک اور ٹوئٹر اکاؤنٹ عبداللہ اور سروش خود آپریٹ کیا کرتے تھے۔

  خواجہ اظہار قاتلانہ حملے کے مرکزی ملزم سروش سے متعلق اہم معلومات* 

ذرائع کا کہنا ہے کہ انصار الشریعہ نے اپنے امیر عبداللہ ہاشمی سے ناروا سلوک کے باعث پولیس کو ٹارگٹ کرنا شروع کیا اور انتقاماً کئی پولیس والوں کو نشانہ بنایا اور بعد ازاں اگلے مرحلے میں سیکیورٹی فورسز کو ٹارگٹ کرنے جا رہے تھے جس کے لیے رینجرزکی ایک چوکی کی ریکی بھی کر رکھی تھی۔

سندھ اسمبلی میں اپوزیشن لیڈر خواجہ اظہار کو ٹارگٹ کرنے کا مقصد ان کی مغربی تعلقات اور روشن خیالی تھی جس کے باعث انہیں نشانہ بنانے کے لیے باقاعدہ ریکی کی گئی اور سروش صدیقی، مزمل اور حسان نے مسجد سے باہر انہیں نشانہ بنایا تاہم وہ خوش قسمتی سے محفوظ رہے۔

ذرائع کے مطابق انصار الشریعہ کے تمام دہشت گرد خوشحال گھرانوں سے تعلق رکھتے ہیں جو فنڈز کا بندوبست اپنے ہی خاندان کے لوگوں سے کیا کرتے تھے اور اپنے اہل خانہ سے غریبوں کی مدد کے نام پر زکوۃ، قربانی کی کھالیں اور دیگرفنڈز اکٹھا کیا کرتے تھے جس کی مدد سے اپنی کارروائیاں کرتے تھے۔

 خواجہ اظہار الحسن پر قاتلانہ حملہ کرنے والے مرکزی ملزم کے گھر چھاپا*

ذرائع کے مطابق سروش صدیقی نے نارتھ کراچی کے ایک اسکول سے میٹرک کیا اور سرسید یونیورسٹی سے ڈپلومہ کرنے کے بعد جامعہ کراچی کے اپلائیڈ فزکس ڈپارٹمنٹ میں داخلہ لیا۔

سروش صدیقی انصارالشریعہ کے سوشل میڈیا اکاؤنٹس چلانے کے علاوہ تنظیم کا تمام اسلحہ رکھنے کا بھی ذمہ دارتھا اور ہتھیار واردات سے پہلے اور بعد میں سروش کے پاس ہی جمع ہوتا تھا، ملزمان سے مزید تحقیقات کا عمل جاری ہے۔

کراچی : رینجرز نے مختلف علاقوں میں کارروائی کرتے ہوئے ایم کیو ایم لندن کے عسکری ونگ سے تعلق رکھنے والے 2 کارندوں سمیت 10 ملزمان کو حراست میں لے لیا۔

تفصیلات کے مطابق سندھ رینجرز نے مختلف علاقوں میں چھاپہ مار کارروائی کرتے ہوئے دہشت گردی، ڈکیتی اور اسٹریٹ کرائمز میں ملوث 10 ملزمان کو گرفتار کر کے نامعلوم مقام پر منتقل کردیا۔

ترجمان رینجرز کا کہنا ہے کہ 10 ملزمان میں سے سعود آباد اور درخشاں سے عاطف عرف ببلی اور عامرعلی عرف باہے کو حراست میں لے لیا گیا ہے، دونوں ملزمان کا تعلق ایم کیوایم لندن کے عسکری ونگ سے ہے جو وال چاکنگ سمیت جرائم کی متعدد وارداتوں میں ملوث ہیں۔

علاوہ ازیں کراچی کے علاقے پریڈی اور عزیز بھٹی کے علاقوں سے 2 ڈکیت، سرسید کے علاقے سے 2 اسٹریٹ کرمنلز اور شاہ لطیف، ایئرپورٹ ٹاؤن اور بغدادی سے 4جرائم پیشہ ملزمان کو بھی گرفتار کیا گیا ہے جنہیں ابتدائی تفتیش کے بعد علاقہ پولیس کے حوالے کردیا جائے گا۔

خیال رہے کہ سال 2013 سے جاری رینجرز آپریشن کے نتیجے میں کراچی میں امن و امان کی صورت حال کافی بہتر ہوئی ہے اور دہشت گردی کے ستائے ہوئے شہریوں نے سُکھ کا سانس لیتے ہوئے قانون نافذ کرنے والے اداروں کی کارکردگی کو سراہا ہے۔

کراچی : آئی جی سندھ اے ڈی خواجہ نے کہا ہے کہ مدرسے کے قیام سے قبل حکومت کی اجازت لازمی لینا ہوگی اور مدرسہ کے نصاب، اساتذہ، معلمین، طلبہ اور اسٹاف کی تفصیلات فراہم کرنا ضروری ہوگا.

تفصیلات کے مطابق آئی جی سندھ اے ڈی خواجہ کی زیرصدارت ہونے والے اہم اجلاس میں دینی مدارس میں اصلاحات متعارف کرانے سے متعلق امورکا جائزہ لیا گیا اور اصلاحاتی سفارشات پر مبنی مسودہ ترتیب دینے کا فیصلہ کیا گیا جسے منظوری لیے حکام بالا کے پاس بھیجا جائے گا.

آئی جی سندھ کا کہنا تھا کہ دینی مدارس میں اصلاحات کے لیے جو سفارشات دی گئی ہیں اُس کے تحت سرکاری اراضی پر مدرسے کا قیام حکومت کی اجازت سے مشروط ہوگا اور مدارس کی رجسٹریشن کے لیے اجازت نامہ رجسٹرار ڈویڑنل کمشنر جاری کرے گا اور اس کی تصدیق متعلقہ ڈپٹی کمشنر کی ذمہ داری ہوگی.

آئی جی سندھ اے ڈی خواجہ نے کہا کہ مدرسے کے قیام کے اجازت نامے سے پہلے ذرائع آمدن اور مالی امداد کرنے والوں کی تفصیل دینا لازمی ہوگی جب کہ مہتمم مدرسے کے قومی شناختی کارڈ کی تصدیق شدہ کاپی، رابطہ نمبر، مدرسے کا نصاب، اساتذہ، معلمین،طلبہ اور اسٹاف کےکوائف بھی لازماً جمع کرانا ہوں گے.

آئی جی سندھ اے ڈی خواجہ کا کہنا تھا کہ مدارس میں ہونے والی سرگرمیوں کو بھی مانیٹر کیا جائے گا اور واچ لسٹ اقدامات کی ذمہ داری ضلعی ایس ایس پی کی ہوگی جو بذات خود مدارس کی کڑی نگرانی کوغیرمعمولی بنائے گا اور ان اقدامات کو عملہ جامہ پہنانے کا ذمہ دار ہوگا.