ARYNews.tv | Urdu – Har Lamha Bakhabar

Category: پاکستان

پاکستان اردو نیوز

ملک پاکستان میں اے آر وائی نیوز کی جانب سے آنے والی تازہ ترین خبریں

Pakistan Urdu News- Daily Pak Urdu News

  • دوہزار تیس تک پاکستان کا شماردنیا کی 21 اہم ترین معیشتوں میں ہوگا، برطانوی جریدے

    دوہزار تیس تک پاکستان کا شماردنیا کی 21 اہم ترین معیشتوں میں ہوگا، برطانوی جریدے

    لندن : برطانوی جریدے کا کہنا ہے کہ آئندہ تیرہ سال میں پاکستان کا شمار دنیا کی 21 اہم معیشتوں میں ہوگا۔

    تفصیلات کے مطابق برطانوی جریدے انڈیپنڈینٹ کے مطابق دوہزار تیس تک پاکستان کا شماردنیا کی اکیس اہم ترین معیشتوں میں ہوگا، اکیس ممالک کی اس فہرست میں پاکستان کا نمبر بیسواں ہے۔

    برطانوی جریدے کی رپورٹ کے مطابق پاکستانی معشیت کا حجم ایک اعشاریہ آٹھ آٹھ ٹریلین ڈالر ہوجائے گا، یہ فہرست ان ممالک میں صارفین کی قوت خرید کو مد نظر رکھتےہوئے ترتیب دی گئی ہے۔

    مزید پڑھیں : 2050 تک پاکستانی معیشت کینیڈا اور اٹلی کو پیچھے چھوڑ دے گی

    رپورٹ کے مطابق آئندہ تیرہ سال میں دنیا کی اکیس بڑی معیشتوں میں مصر ، ایران، سعودی عرب ، انڈو نیشیا اور نائیجیریا جیسی بڑی مارکیٹیں شامل ہوں گی ۔

    فہرست کے مطابق دوہزار تیس تک پاکستان کا نمبر بیس جبکہ دوہزار پچاس تک سولہواں ہوجائے گا اور دوہزار پچاس میں اٹلی ، اسپین ، تھائی لینڈ اسٹریلیا جیسے ممالک کو پیچھے چھوڑ دے گا۔

    انڈیپینڈنٹ کے مطابق دوہزار تیس میں چین پہلے نمبر ر پر جبکہ امریکہ دوسرے نمبر کی معشیت بن جائے گی جبکہ برازیل بھارت اور ترکی کی رینکنگ میں بھی ترقی کی توقع ہے ۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بلوچستان : سیکیورٹی فورسزکے قافلے پرحملہ، کرنل سمیت تین اہلکارشہید

    بلوچستان : سیکیورٹی فورسزکے قافلے پرحملہ، کرنل سمیت تین اہلکارشہید

    پنجگور : دہشت گردوں نے سیکیورٹی فورسز کے قافلے پر حملہ کر کے ایف سی کے کرنل سمیت تین اہلکارشہید تین کو زخمی کردیا، وزیراعظم، وزیر داخلہ اور وزیر اعلیٰ بلوچستان نےحملے کی شدید مذمت کی ہے، وزیر اعظم نے زخمیوں کو بہترین طبی سہولت فراہم کرنیکی ہدایت کردی۔

    تفصیلات کے مطابق دہشت گردوں نے بلوچستان کے ضلع واشک کے علاقے مرغاب کور میں بزدلانہ کارروائی کر کے ایف سی قافلے پر حملہ کیا، سیکیورٹی ذرائع کےمطابق حملے کے نتیجے میں ایف سی کے کرنل سمیت تین اہلکارشہید اور تین زخمی ہوگئے، شہید اور زخمی اہلکاروں کو ہیڈ کوارٹر ز پنجگور منتقل کردیا گیا۔

    حکام کا کہنا ہے کہ سیکورٹی فورسز کے اہلکار گچک کے علاقے سے واپس جارہے تھے کہ پہلے سے گھات لگا کر بیٹھے نامعلوم مسلح افراد نے فائرنگ کردی، واقعے کے فوری بعد سکیورٹی فورسز نےعلاقے کو گھیرےمیں لے کرسرچ آپریشن کیا۔

    وزیراعظم شاہد خاقان عباسی نے سکیورٹی اہلکاروں کی شہادت پر اپنے گہرے دکھ اور افسوس کا اظہار کیا ہے، وزیر اعظم نے بزدلانہ حملے کی شدید مذمت کرتے ہوئے زخمیوں کے بہترین علاج کی ہدایت کی ہے۔

    وفاقی وزیر داخلہ احسن اقبال نے بھی حملےکی مذمت کرتے ہوئے کہا ہے کہ سی پیک کےاثرات سے ملک دشمن قوتیں خوف زدہ ہیں۔

    وزیر اعلیٰ بلوچستان ثناءاللہ زہری نے بھی حملے پر اپنےرنج و غم کا اظہار کیا ہے، اپنے بیان میں انہوں نے کہا کہ امن دشمن عناصر اپنے مذموم مقاصد کے لیے سیکورٹی فورسز کو نشانہ بنارہے ہیں۔

    ان کا کہنا تھا کہ امن دشمن سیکورٹی فورسز کی کامیاب کارروائیوں سے بوکھلاہٹ کا شکار ہوکر چھپ کر حملے کررہے ہیں۔ شہداء کی قربانیاں رائیگاں نہیں جائیں گی۔

     

  • فیصل آباد : پتنگ لوٹنے پرگارڈ نے بچے کو گولی مارکرقتل کردیا

    فیصل آباد : پتنگ لوٹنے پرگارڈ نے بچے کو گولی مارکرقتل کردیا

    فیصل آباد : کمسن بچے کو پتنگ لوٹنے کی سزا میں موت دے دی گئی، شاپنگ مال کے سیکیورٹی گارڈ نے بارہ سال کے بچے کو گولی ماردی، پولیس نے ملزم کو گرفتار کرلیا۔

    تفصیلات کے مطابق فیصل آباد میں شاپنگ مال کے سیکیورٹی گارڈ نے پتنگ لوٹنے والے بچے کو گولی ماردی، بارہ سالہ ثقلین پتنگ لوٹنے کیلئے بغیر اجازت شاپنگ مال کے احاطے میں داخل ہوگیا تھا جس پر طیش میں آکر وہاں موجود سیکیورٹی گارڈ نے بچے پر اپنی گن تان لی۔

    مقتول ثقلین کےکزن نے میڈیا کوبتایا کہ وہ پتنگ لوٹنے شاپنگ مال کے احاطے میں گئے تھے سیکیورٹی گارڈ نے پہلے ڈانٹا اور پھر ثقلین کے سینے میں گولی ماردی۔

    مزید پڑھیں: سیکیورٹی گارڈ کی فائرنگ سے راہ گیر جاں بحق

    واقعے کے بعد ملزم جائے وقعہ سے فرار ہوگیا تھا، ثقلین کے اہل خانہ غم سے نڈھال اور اپنے بچے کی موت کا بدلہ مانگ رہے ہیں اہل خانہ اور علاقہ مکینوں نے واقعے کے خلاف احتجاج بھی کیا۔

    مزید پڑھیں: گارڈ نے ’ماسک‘ سے خوفزدہ ہوکربچے کوگولی ماردی

    پولیس کا کہنا ہے کہ فائرنگ کر کے فرار ہونے والے گارڈ کو گرفتار کر کے اس کیخلاف مقدمہ درج کر لیا گیا ہے۔ بعد ازاں اطلاع ملنے پر وزیراعلیٰ پنجاب شہباز شریف نے واقعے کا نوٹس لیتے ہوئے متعلقہ پولیس حکام سے رپورٹ طلب کرلی ہے۔

    مزید پڑھیں: سیکیورٹی گارڈسے اتفاقیہ گولی چل گئی، خاتون کیشئرجاں بحق

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

     

  • ورلڈ الیون سیریز، کاؤنٹر پر ٹکٹوں کی فروخت کل سے ہوگی

    ورلڈ الیون سیریز، کاؤنٹر پر ٹکٹوں کی فروخت کل سے ہوگی

    لاہور : ورلڈ الیون کے خلاف سیریز کے لئے ٹکٹوں کی آن لائن فروخت جاری ہے۔ کاؤنٹر پر ٹکٹوں کی فروخت کل سے شروع ہوگی، سیکیورٹی انتظامات کا جائزہ لینےآئی سی سی کی ٹیم بھی لاہور پہنچ گئی۔

    تفصیلات کے مطابق شائقین کرکٹ کیلئےاچھی خبر آگئی، ورلڈ الیون کیخلاف سیریز کے ٹکٹوں کی فروخت شروع کردی گئی، پی سی بی نے ٹکٹوں کی فروخت کے بوتھ بنانے کا فیصلہ کرلیا۔

    کاؤنٹر پر ٹکٹوں کی فروخت عید کی چھٹیوں کے بعد شروع ہوگی۔ انڈیپنڈنس کپ کے ٹکٹوں کی آن لائن فروخت کا سلسلہ جاری ہے۔ ٹکٹوں کی قیمت پانچ سو سے 8 ہزار روپے رکھی گئی ہے۔ وسیم اکرم اور وقار یونس انکلوژرز کو وی وی آئی پی کا درجہ دیا گیا ہے۔

    جنرل اسٹینڈ کا ٹکٹ پانچ سو روپے کا رکھا گیا ہے۔ چیئرمین پی سی بی نے اپنے ٹوئٹ میں کہا ہے کہ پہلے ٹکٹس آئیں اور پہلے پائیں کی بنیاد پر ملیں گے۔

    علاوہ ازیں ورلڈ الیون ٹیم کے سیکیورٹی معاملات کا جائزہ لینے کیلئے آئی سی سی کی دو رکنی سیکیورٹی ٹیم کے اہلکار لاہور پہنچ چکے ہیں۔

    غیر ملکی سیکیورٹی ٹیم کو مختلف شعبوں اور اداروں کی جانب سے بریفنگ دی جائےگی، اس کے علاوہ آئی سی سی سکیورٹی ٹیم کو سیف سٹی پراجیکٹ کا دورہ بھی کرایا جائے گا۔

  • دوستوں سے دریاعبورکرنے کی شرط، نوجوان بے رحم موجوں کا شکار ہو گیا

    دوستوں سے دریاعبورکرنے کی شرط، نوجوان بے رحم موجوں کا شکار ہو گیا

    نیلم : آزاد کشمیر کے علاقے کوہالہ کے پکنک پوائنٹ پر دوستوں سے شرط لگا کر دریا کو تیر کرعبور کرنے والا نوجون بھپری لہروں کا لقمہ بن گیا ایک دن گذ جانے کے باوجود لاش برآمد نہیں ہوسکی پولیس نے نوجوان کو اکسانے کے جرم میں پانچوں دوستوں کو حراست میں لے لیا.

    تفصیلات کے مطابق یہ اندوہناک واقعہ کوہالہ کے پکنک پوائنٹ پر پیش آیا جب ایک انیس سالہ نوجوان نے دوستوں سے موبائل اور15 ہزار روپے کی شرظ کے عوض دریا میں چھلانگ لگادی تاکہ تیر کر دریا کے اُس پار جا سکے تاہم وہ اس کوشش مین اپنی جان کی بازی ہار گیا.

    بے رحم موجوں کے کی نظرھونے والا 19 سالہ علی ابرار کی لاش ابھی تک نہیں مل سکی ھے جب کہ یہ خبر اہل خانہ پر بجلی بن کے ٹوٹی ہے اور والدین غم سے نڈھال ہیں دوسری جانب پولیس نے شرط لگانے والے دوستوں اسامہ، طلحہ، زیشان، شعیب اور راحت کوحراست میں لی لیا ہے۔

    پولیس ڈوبنے والے نوجوان کے پانچوں دوستوں کے خلاف دفعہ 322 کے تحت مقدمہ درج کرلیا ہے پولیس کے مطابق دوستوں نے دریا عبور کرنے پر15 ہزار روپے اورگلیکسی موبائل کی شرط رکھ کر نوجوان کو اکسایا جس پر نوجوان چھلانگ لگانے پرمجبور ہوا.

    واضح رہے کہ کوہالہ پکنک پوائنٹ پراب تک درجنوں قیمتی جانیں دریا برد ہو چکی ہیں اس کے باوجود یہاں کسی قسم کے حفاظتی اقدامات نہیں کیئےگئے ہیں جب کہ ویک اینڈ کے موقع پرآج بھی نیلم پکنک پوائنٹ پرسیاحوں کا رش ہے۔

  • شکارپور: دوگروپوں میں مسلح تصادم، ہلاک افراد کی تعداد 13ہوگئی

    شکارپور: دوگروپوں میں مسلح تصادم، ہلاک افراد کی تعداد 13ہوگئی

    شکارپور: تحصیل خانپور کے قریب گاؤں 10 میل میں جتوئی قبائل کے بڈانی اور سعد خانانی گروپوں میں ہلاک ہونے والوں کی تعداد 13ہوگئی، وزیر داخلہ سندھ سہیل انور سیال نے واقعے کا سختی سے نوٹس لیتے ہوئے پولیس حکام سے رپورٹ طلب کرلی۔

    تفصیلات کے مطابق شکارپور کی تحصیل خان پور کے قریب گاوٴں 10 میل میں جتوئی قبا ئل کے بڈانی اورسعد خانانی گروپوں میں دیرینہ دشمنی پرتصادم ہوا جس کے نتیجے میں 13افراد کشمیرجتوئی ، نازل جتوئی ، کانڈیرو جتوئی ، سرور جتوئی ، ہزارو جتوئی ، اور متارو جتوئی اور راہگیر بچی نائلہ سمیت دیگر ہلاک ہوگئے ہیں۔

    علاقہ نوگو ایریا بن چکا ہے اور پولیس جائے وقوعہ پر تاحال نہیں پہنچ سکی ہے، علاقے میں اب تک کشیدگی برقرار ہے دونوں گروپ مورچہ بند ہیں اور وقفے وقفے سے فائرنگ کا سلسلہ جاری ہے، دونوں گروپس ایک دوسرے پر جدید اسلحے سے فائرنگ کررہے ہیں۔

    دونوں جانب سے مورچہ بند افراد ایک دوسرے پر راکٹ لانچرز اور ایل ایم جی جیسے خطرناک ہتھیاروں سے حملے کر رہے ہیں۔ اطلاعات ہیں کہ علاقے میں داخل ہونے کی کوشش کے دوران پولیس پر بھی حملہ کیا گیا، مزید نفری اور بکتر بند گاڑیاں طلب کر لی گئیں۔

     واضح رہے کہ اس سے قبل ہونے والے قبائلی تصادم میں اب تک دونوں گروپوں کے 20 افراد ہلاک ہوچکے ہیں۔

    دریں اثناء ڈی آئی جی عبداللہ شیخ نے ایس ایس پی قمبرساجد کو شکارپور کا اضافی چارج دیدیا ہے، انہوں نے بتایا کہ شکارپورمیں صورتحال کو معمول پر لانے کیلئے اضافی نفری اور کمانڈوز بھجوادیئے گئے ہیں۔

  • کوئٹہ:جناح چیک پوسٹ کےقریب دھماکہ‘13 افرادجاں بحق

    کوئٹہ:جناح چیک پوسٹ کےقریب دھماکہ‘13 افرادجاں بحق

    کوئٹہ : صوبہ بلوچستان کے دارالحکومت کوئٹہ میں آئی جی آفس کے سامنے شہدا چوک پر زور دار دھماکے کے نتیجے میں 13افراد جاں بحق 12زخمی ہوگئے۔

    تفصیلات کےمطابق کوئٹہ کے آئی جی آفس کے سامنے شہدا چوک پر زور دار دھماکے کے نتیجے میں 13 افراد جان کی بازی ہار گئے جبکہ 12زخمی ہیں۔

    ذرائع کے مطابق دھماکہ اس قدر شدید تھا کہ اس کی دور دور تک سنی گئی۔ امدادی ٹیمیں دھماکے کی جگہ روانہ کر دی گئی ہیں اورزخمیوں کو اسپتال منتقل کردیاگیا ہے ۔

    پولیس اور سیکورٹی فورسز نے علاقے کو گھیرے میں لےکر تحقیقات شروع کردی ہیں، دھماکے کے نتیجے میں اب تک 7 پولیس اہلکاروں سمیت 13 افراد جان کی بازی ہار چکے ہیں۔

    دوسری جانب بلوچستان حکومت کےترجمان انوارالحق کاکڑکےمطابق دھماکے میں پولیس اہلکاروں کو نشانہ بنایاگیا ہے۔انہوں نے کہاکہ دھماکے میں زخمی ہونے والے افراد کو قریبی اسپتال منتقل کردیا گیا ہے۔

    انوارالحق کاکڑ کا کہناہےکہ دشمنوں کو جہاں موقع ملتا ہےوہ کارروائی کرتے ہیں جبکہ انہوں نے کہاکہ ایسے واقعات کی اطلاعات تھی،سیکورٹی ادارے الرٹ تھے۔

    ادھر ایم ایس سول اسپتال کوئٹہ کےمطابق دھماکےکے نتیجے میں11افراد جاں بحق جبکہ 12ز خمی ہیں۔

    صدر اوروزیراعظم کی کوئٹہ دھماکے کی مذمت

    صدر پاکستان اور وزیراعظم نوازشریف نے کوئٹہ دھماکے کی شدید مذمت کرتے ہوئے کہاہےکہ بزدلانہ حملےدہشت گردوں کی بڑھتی ہوئی بدحواسی کی علامت ہیں۔

    وزیراعظم نوازشریف نے دھماکے میں جاں بحق ہونے والے افراد کے درجات کی بلندی کے لیے دعا کی ہےاورصوبائی حکومت کو زخمیوں کو بہترین طبی سہولت فراہم کرنے کی ہدایت کی ہے۔

    کوئٹہ دھماکہ‘ وزیرداخلہ چوہدری نثار کی مذمت

    وزیرداخلہ چوہدری نثار نے کوئٹہ دھماکے کی شدید مذمت کرتے ہوئے جاں بحق افراد کے خاندانوں سے ہمدردی کا اظہار کیا ہے۔وزیرداخلہ نے کوئٹہ دھماکے کی رپورٹ طلب کرلی۔

    کوئٹہ دھماکہ ‘ وزیراعلیٰ پنجاب کی مذمت

    وزیراعلیٰ پنجاب شہبازشریف نے کوئٹہ دھماکے کی مذمت کی ہے اور قیمتی انسانی جانوں کےضیاع پردکھ کا اظہار کیاہے۔

    ڈی آئی جی کوئٹہ کا کہناہےکہ ابتدائی معلومات کےمطابق گاڑی کو پولیس نے روکا اور پولیس کے روکتے ہی گاڑی میں دھماکہ ہوگیا۔انہوں نےکہاکہ سی سی ٹی وی کیمروں کی مدد حاصل کی جارہی ہے۔

    انہوں نےکہاکہ تعین کیا جارہاہےکہ دہشت گرد گاڑی کھڑی کرکے گیاتھا یا نہیں یہ تحقیقات سے پتہ چلےگا کہ دہشت گرد کا ٹارگٹ کیاتھا۔

    بلوچستان: شرپسندوں کا نیوی کی گاڑی پرحملہ، 2اہلکار شہید 3 زخمی

    واضح رہےکہ رواں ہفتے بلوچستان کے ساحلی شہرجیونی میں نامعلوم شرپسندوں نے پاک بحریہ کی گاڑی پراندھا دھند فائرنگ کردی تھی جس کے نتیجے میں گاڑی میں موجود دو اہلکاروں نے موقع پر جان دے دی تھی۔

  • دانیال عزیز کے خلاف توہین عدالت کیس کی سماعت 13 جون تک ملتوی

    دانیال عزیز کے خلاف توہین عدالت کیس کی سماعت 13 جون تک ملتوی

    اسلام آباد: الیکشن کمیشن نے توہین عدالت کیس میں مسلم لیگ ن کے رہنما دانیال عزیز کو 13 جون تک جواب جمع کرانے کی مہلت دے دی۔

    تفصیلات کےمطابق الیکشن کمیشن آف پاکستان میں مسلم لیگ ن کے رہنما دانیال عزیزکے خلاف توہین عدالت کیس کی سماعت ہوئی،اس دوران چیف الیکشن کمشنر نے دانیال عزیز سے استفسار کیا کہ کیا آپ اپنا جواب جمع کرائیں گے۔

    چیف الیکشن کمشنر کے استفسارپر دانیال عزیز نےکہاکہ الیکشن کمیشن میں میرے خلاف توہین عدالت کی درخواست پردکھ ہوا ہے۔انہوں نےکہا کہ میں وہ شخص ہوں جس نے عدلیہ کی خدمت کی ہے،میں نے تو کہا تھا کہ الیکشن کمیشن ہی سماعت کا اختیار رکھتا ہے۔

    مسلم لیگ ن کے رکن قومی اسمبلی دانیال عزیز کا کہناتھاکہ میرے بیان کو توڑموڑ کرپیش کیا گیا، میں اس درخواست کا جواب دینا چاہتا ہوں،اس لیے وقت دیا جائے۔

    الیکشن کمیشن کے باہر میڈیا سے گفتگوکرتے ہوئے دانیال عزیز کا کہناتھاکہ مجھےالیکشن کمیشن سے کل شام نوٹس ملااورآج حاضرہوگیا۔انہوں نےکہاکہ مجھےراہ سےہٹانےکےلیےوزیربنانےکی مہم شروع کی گئی۔

    تاثر دیا جارہا ہے کہ ن لیگ اداروں کی تذلیل کررہی ہے جبکہ تذلیل اوروں نے کی

    واضح رہےکہ گزشتہ ہفتے دانیال عزیزکا کہنا تھا کہ یہ تاثر دیا جارہا ہے کہ ن لیگ اداروں کی تذلیل کررہی ہے حکومتی اداروں کی تذلیل اوروں نے کی ہے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • کرم ایجنسی دھماکا: 13 افراد جاں بحق، جماعت الاحرار نے ذمہ داری قبول کرلی

    کرم ایجنسی دھماکا: 13 افراد جاں بحق، جماعت الاحرار نے ذمہ داری قبول کرلی

    کرم ایجنسی : خیبر ایجنسی کے علاقے وسطی کرم میں سڑک کنارے ہونے والے دھماکے کے نتیجے میں جاں بحق افراد کی تعداد 13 ہوگئی، دھماکے کی ذمہ داری جماعت الاحرار نے قبول کرلی۔

    تفصیلات کے مطابق وسطی کرم کے علاقے گاؤدر میں صبح سویرے سڑک کنارے نصب بارودی سرنگ کے دھماکے میں مسافر پک اپ گاڑی نشانہ بنی۔ دھماکے میں 10 افراد جان کی بازی ہارگئے۔

    اطلاعات ہیں کہ زخمیوں کی تعداد دس ہے جس میں ایک عورت اور بچہ بھی شامل ہیں جب کہ دھماکے کی نوعیت سے متعلق ابھی تک متضاد اطلاعات ہیں کہ دھماکا ریموٹ کنٹرول ڈیوائس سے کیا گیا یا پھر بارودی سرنگ کا تھا۔

    خیبر ایجنسی کے علاقے وسطی کرم میں دھماکے میں زخمی ہونے والے افراد کو تحصیل ہیڈکوارٹر اسپتال منتقل کردیا گیا۔

    وزیراعلیٰ پنجاب شہباز شریف اور وزیرداخلہ چوہدری نثارعلی خان نےوسطی کرم میں بارودی سرنگ کے دھماکے میں قیمتی جانوں کے ضیاع پر گہرے رنج و غم کا اظہارکیاہے۔

    شوال میں بارودی سرنگ کا دھماکہ‘ 2اہلکار زخمی

    خیال رہےکہ رواں ماہ 2اپریل کو وفاق کے زیرانتظام جنوبی وزیرستان کے علاقے شوال میں سڑک کنارے بارودی سرنگ کے دھماکے میں 2 سیکورٹی اہلکار زخمی ہوگئے تھے۔

    پارہ چنار دھماکا‘ 24 افراد شہید‘ متعدد زخمی

    یاد رہےکہ گزشتہ ماہ کرم ایجنسی کے صدر مقام، پارہ چنار میں ہونے والے بم دھماکے میں 24افراد جاں بحق جبکہ درجنوں افراد زخمی ہوگئے تھے۔

    مزید پڑھیں:جنوبی وزیرستان میں بارودی سرنگ کا دھماکہ‘3اہلکارشہید

    واضح رہےکہ رواں سال فروری میں جنوبی وزیرستان کےضلع وانا میں بارودی سرنگ کےدھماکے کےنتیجے میں سیکیورٹی فورسز کے 3اہلکار شہید ہوگئےتھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • کیا 3 اور 13 منحوس اعداد ہیں؟ ان تاریخوں میں شادی کرنی چاہیے؟

    کیا 3 اور 13 منحوس اعداد ہیں؟ ان تاریخوں میں شادی کرنی چاہیے؟

    لوگوں میں طرح طرح کے توہمات عام ہیں اور شادی کے حوالے سے تو بہت زیادہ ہیں، ابھی شادی ہوتی ہی نہیں اس سے پہلے ہی طرح طرح کی من گھڑت ممنوعات سامنے آجاتی ہیں، ایسا ہی ایک مسئلہ کچھ ان پڑھ یا کم معلومات کے حامل حلقوں میں عام ہے کہ کچھ دن منحوس ہوتے ہیں جن میں شادی کرنا درست نہیں، کچھ لوگوں کے نزدیک یہ تین اور تیرہ کی تاریخیں ہیں۔

    اسی حوالے سے اے آر وائی کیو ٹی وی کے پروگرام ’’آپ کے مسائل کا حل ‘‘میں مفتی ابوبکر نے ایک سائل کا جواب دیتے ہوئے کہا کہ کوئی دن نحوست کا حامل نہیں ہوتا اور نہ ہی کسی تاریخ میں کوئی نقص یا نقصان ہے لہذا کسی بھی دن یا تاریخ کو اپنے اہم امور جیسے شادی بیاہ سر انجام دیے جاسکتے ہیں۔

    ایک خاتون نے مفتی صاحب سے سوال کیا کہ ان کی بیٹی کی شادی کی تاریخ رکھی جا رہی ہے تو کیا 03 یا 13 تاریخ رکھنے پر کسی قسم کی نحوست یا بد شگونی کا احتمال رہتا ہے؟

    اسلام میں کوئی دن اور تاریخ نحوست کا حامل نہیں

    مفتی ابو بکر نے سائل خاتون کا جواب دیتے ہوئے کہا کہ اسلام میں کوئی بھی دن اور تاریخ نحوست کی حامل نہیں اور نہ ہی کوئی برا یا اچھا دن ہوتا ہے اس حوالے سے مشہور تمام باتیں بے بنیاد اور تمام قصے من گھڑت ہیں جن کا اسلام سے کوئی تعلق نہیں۔

    تین یا تیرہ کا منحوس ہونا غیر مسلموں کے عقائد ہیں

    مفتی ابوبکر نے مزید وضاحت دیتے ہوئے کہا کہ 03 یا 13 تاریخ کو منحوس یا بد شگون تصور کرنا غیر مسلموں کی روایت ہو سکتی ہے مسلمانوں کی نہیں۔

    کئی عمارات میں تیرہویں منزل نہیں ہوتی

    انہوں نے کہا کہ 13 کے عدد کے حوالے سے تو یہ بات بھی مشہور ہے کہ انگریز اس عدد کو منحوس قرار دے کر کسی بھی اچھے کام کی شروعات اس تاریخ نہیں کرتے نہیں حتی کہ کئی پلازا ایسے ہیں جن میں 13 ویں منزل ہی نہیں بلکہ 12 کے بعد 14 ویں منزل آجاتی ہے۔

    انہوں نے کہا کہ 03 اور 13 کو منحوس قرار دینے والے انہی تہذیبوں سے مرعوب ہوتے ہیں یا کم علمی کے باعث ایسا کر گذرتے ہیں اس لیے تمام مسلمانوں کو یہ جان لینا ضروری ہے کہ اسلام میں کوئی دن یا تاریخ منحوس نہیں ہے البتہ کچھ دن اور راتیں افضل ضرور ہیں جیسے جمعہ کا دن اور شب قدر کی راتیں نہایت متبرک ہیں تواگراپنے اہم اور اچھے کاموں کا آغاز ان دنوں میں کیا جائے تو برکت کے حصول کا باعث ہوسکتا ہے۔


    Shadi Kay Liye Mkhsos Tareekh Rakhnay Ki Haqeeqat by aryqtv

    نوٹ : ایسے دیگر مسائل سے آگاہی حاصل کرنے کے لیے* فیس بک پر ہمارے صفحے اے آر وائی کیو ٹی وی کو لائیک کیجیے

    جب کہ اپنے سوالات براہ راست بھیجنے کے لیے یہاں کلک کیجیے۔