Category: پاکستان

پاکستان تحریک انصاف (پی ٹی آئی) نے کل سے پارلیمنٹ ہاؤس کے باہر اسمبلی لگانے کا اعلان کردیا۔

پارلیمنٹ ہاؤس کے باہر میڈیا سے گفتگو کرتے ہوئے پی ٹی آئی چیئرمین بیرسٹر گوہر علی نے کہا کہ میاں اظہر کی خالی سیٹ پر ہم نے الیکشن لڑنے کا اعلان کیا تھا۔

انہوں نے کہا کہ ہمارے پوسٹر پھاڑ دیے گئے، ہم نے تمام کمیٹیوں سے استعفیٰ دیا، ہم نے مینڈیٹ چوری ہونے کے باوجود ڈائیلاگ کی بات کی۔

بیرسٹر گوہر نے کہا کہ طوفان آیا تو ہم نے ہر چیز سے بولاتر ہوکر کہا تنقید نہیں ہونی چاہیے۔

یہ پڑھیں: پی ٹی آئی کا قومی اسمبلی کے ضمنی انتخابات کے بعد سینیٹ الیکشن کے بائیکاٹ کا اعلان

چیئرمین پی ٹی آئی کا کہنا ہے کہ ہماری اسپیس ایوان میں بھی ختم ہورہی ہے، عوامی مینڈیٹ والوں کو بولنے نہیں دیں گے تو بناوٹی جمہوریت کا کیا کرنا ہے۔

بیرسٹر گوہر نے کہا کہ ہم پارٹی میں سب کی رائے سنتے ہیں، ہمیں اپنے ووٹر کا خیال ہے، نمائندوں کو ڈس کوالیفائی کیا گیا ہے، بانی پی ٹی آئی کا اسمبلی چھوڑنے کا حکم آیا تو ایک منٹ نہیں لگائیں گے۔

انہوں نے کہا کہ عمران خان نہ ہوتے تو مجھے گھر کے ووٹ نہ پڑتے۔

وزیراعلیٰ کےپی علی امین گنڈاپور نے کالاباغ ڈیم کی تعمیر کی ضرورت پر زور دیا ہے۔

وزیراعلیٰ نے کہا کہ افغانستان کیلئے اسٹوڈنٹ ویزا میری درخواست پر شروع کیا گیا جب کہ افغانستان کے زلزلے میں کےپی حکومت ہر قسم کی مدد کیلئے تیار ہے۔

اپنے بیان میں انہوں نے کہا کہ پورے خیبرپختونخوا میں ایک بھی اسنائپر رائفل نہیں ہے کسی تھانے اور افسر کے پاس بلٹ پروف گاڑی موجود نہیں ہمیں پولیس پر سرمایہ کاری کرنا ہو گی، 92 افسروں کی کمی ہے وفاق سے افسران دینے کا مطالبہ کیا ہے۔

علی امین گنڈاپور کا کہنا تھا کہ افغان مہاجرین کی واپسی میں سہولت میرے کہنے پر دی جا رہی ہیں، فیلڈ مارشل عاصم منیر کی مداخلت پر کےپی کو ساڑھے 5ہزار کلاشنکوف ملی ہیں۔

علاوہ ازیں وزیراعظم محمد شہباز شریف نے افغانستان میں تباہ کن زلزلے سے جانی و مالی نقصان پر اظہارِ افسوس کرتے ہوئے کہا ہے غم کی اس گھڑی میں افغان بہن بھائیوں کے ساتھ کھڑے ہیں۔

وزیراعظم نے مشرقی افغانستان میں آنے والے تباہ کن زلزلے پر شدید رنج کا اظہار کیا اور کہا کہ سینکڑوں قیمتی انسانی زندگیوں کے نقصان اور درجنوں قصبوں کی تباہی پر متاثرین سے اظہارِ ہمدردی کرتے ہیں۔

وزیراعظم محمد شہباز شریف نے کہا کہ حکومت پاکستان اور عوام کی جانب سے متاثرین کے ساتھ دلی اظہار یکجہتی کرتے ہیں۔

اتوار اور پیر کی درمیانی شب شمالی افغانستان میں 6 شدت کا خوف ناک زلزلہ آیا ہے، جس کے نتیجے میں آٹھ سو افراد جاں بحق اور ترجمان افغان وزارت داخلہ کے مطابق 2500 سے زائد شہری زخمی ہیں۔

امریکی جیولوجیکل سروے کے مطابق زلزلے کا مرکز صوبہ ننگرہار کے شہر جلال آباد کے قریب تھا اور اس کی گہرائی 8 کلو میٹر ریکارڈ کی گئی۔ زلزلے کے 20 منٹ بعد ہی 4.5 شدت کا ایک اور جھٹکا محسوس کیا گیا، جس کی گہرائی 10 کلو میٹر تھی۔