Category: سعودی عرب

مناسک حج کا آغاز کل سے ہو رہا ہے اور سعودی حکومت عازمین کے تحفظ کے لیے حج کے دوران پہلی بار فائر فائٹنگ اور ریسکیو ڈرون کا استعمال کرے گی۔

دنیا بھر سے لاکھوں عازمین حج منیٰ پہنچنا شروع ہوگئے ہیں جہاں مناسک حج کا کل سے باضابطہ آغاز ہو جائے گا۔ عازمین منیٰ میں ایک رات قیام کے بعد میدان عرفات کا رخ کریں گے جہاں جمعرات 7 جون 9 ذی الحج کو حج کا رکن اعظم وقوف عرفات ادا کیا جائے گا۔

سعودی حکومت عازمین حج کے لیے ہر سال خدمات وسیع کر رہی ہے اور اس سال پہلی مرتبہ حج کے دوران آگ بجھانے اور ریسکیو آپریشن کے لیے فالکن نامی ڈرون استعمال کیا جائے گا۔

عرب نیوز نے سعودی سول ڈیفنس کی جنرل ڈائریکٹوریٹ کے حوالے سے اعلان کیا ہے کہ مصنوعی ذہانت سے لیس اس ڈرون کو خاص طور پر ایسے بلند مقامات پر لوگوں کو بچانے اور آگ بجھانے کے لیے بنایا گیا ہے جہاں تک عام انسان کا جانا مشکل ہوتا ہے۔

یہ ڈرون 12 گھنٹے تک بلندی پر رہ کر پرواز کرتے ہوئے اپنا کام کر سکتا ہے۔ اس ڈرون پر 40 کلو گرام تک کا وزن لادا جا سکتا ہے۔

ڈرون میں آگ بجھانے کے لیے کثیرالمقاصد نظام نصب ہے۔ اس میں لگے تھرمل کیمرے حرارت سے منظر کشی کرنے کے ساتھ کسی بھی مقام سے لائیو فوٹیج نشر کرسکتے ہیں جب کہ اس کا براہ راست مواصلاتی رابطہ کمانڈ اینڈ کنٹرول نظام سے ہوگا۔

یہ جدید ڈرون اونچی عمارتوں، صنعتی سائٹس، وہ مقام جہاں خطرناک مواد موجود ہو، ہجوم والی جگہوں اور جنگلوں میں لگنے والی آگ، سب کے ساتھ آسانی سے نمٹ سکنے کے صلاحیت رکھتا ہے۔

سول ڈیفنس کے ڈائریکٹر جنرل میجر جنرل حمود بن سلیمان الفراج نے حج سیکیورٹی فورسز کی مشترکہ پریس بریفنگ میں اس ڈرون کے بارے میں تفصیلات سے آگاہ کیا۔

واضح رہے کہ ماضی میں حج کے دوران متعدد بار آتشزدگی کے سنگین واقعات رونما ہو چکے ہیں اور ان میں درجنوں عازمین جاں بحق ہو چکے ہیں۔

https://urdu.arynews.tv/hajj-sermon-will-be-available-to-listen-to-live-in-35-languages/

سعودی عرب میں حج 2025 کی تیاریاں مکمل کرلی گئی ہیں سیکیورٹی انتظامات کا جائزہ لینے کے لیے مکہ مکرمہ میں شاندار ملٹری پریڈ ہوئی۔

مناسک حج کا آغاز بدھ 4 جون سے ہو رہا ہے اور دنیا بھر سے آنے والے لاکھوں عازمین جمعرات 5 جون کو حج کا رکن اعظم وقوف عرفات ادا کریں گے۔

عرب میڈیا کے مطابق سعودی عرب میں حج کی تیاریاں مکمل کر لی گئی ہیں۔ سیکیورٹی کے لیے 40 ہزار سیکیورٹی فورسز کو تعینات کیا گیا ہے۔

رپورٹ کے مطابق گزشتہ روز مکہ مکرمہ میں شاندار ملٹری پریڈ ہوئی جس میں حج کے دوران سیکیورٹی برقرار رکھنے کے لیے فورسز نے عملی مظاہرہ کیا۔

سعودی وزیر داخلہ شہزادہ عبد العزیز بن سعود کے زیر نگرانی ہائی پروفائل ڈسپلے میں ہزاروں فوجی ، ہیلی کاپٹروں کے ذریعہ فضائی فلائی اوور ، اور اشرافیہ کے سیکیورٹی یونٹوں کے ذریعہ حکمت عملی کے مظاہرے شامل تھے۔

ان کا کہنا تھا کہ پریڈ کا مقصد مکہ مکرمہ اور مدینہ منورہ میں عازمین حج کی حفاظت کرنا اور مناسک حج کی ادائیگی کے لیے پرسکون ماحوال فراہم کرنا ہے۔

اس سال حج کے دوران سیکیورٹی کے لیے مصنوعی ذہانت (اے آئی) ٹولز اور دیگر ڈیجیٹل ایپس کو بھی استعمال کیا جائے گا۔

https://urdu.arynews.tv/pias-pre-hajj-operation-complete/