ریاض/اوٹاوا : کینیڈا نے سعودی عرب کے ساتھ سفارت تنازعے کو ختم کرنے کے لیے اتحادی ممالک کے ساتھ رابطے شروع کر دیئے ہیں، تاہم سعودی عرب نےکینیڈا کے ساتھ اسکالر شپ پرواگرامز سمیت تمام معاہدوں کو منسوخ کردیا۔
تفصیلات کے مطابق سعودی عرب اور براعظم امریکا کے ملک کینیڈا میں جاری کشیدگی کو ختم کرنے کے لیے کینیڈین حکومت نے اتحادی ممالک سے رابطے شروع کردیئے ہیں اور تعاون کی درخواست کی ہے۔
غیر ملکی خبر رساں ادارے کا کہنا تھا کہ کینیڈین حکومت کی جانب سے سعودی عرب کے ساتھ جاری سفارتی تعلقات میں تنازعے کے حل کے لیے متحدہ عرب امارت اور برطانوی حکومت سے رابطہ کیا گیا ہے تاکہ وہ سعودی عرب کے ساتھ جاری سفارتی تنازعہ کو دوستی میں بدلنے کے لیے کردار ادا کرے۔
غیر ملکی خبر رساں ادارے کا کہنا تھا کہ سعودی عرب سے جاری سفارتی تنازعہ میں کمی لانے کے لیے کینیڈا کے صدر جسٹن ٹوراڈو خود متحدہ عرب امارات سے رابطے میں ہیں۔
العربیہ ڈاٹ نیٹ کے مطابق کینیڈین صدر جسٹن ٹروڈو نے اپنے ایک بیان میں کہا تھا کہ متحدہ عرب امارات سمیت دیگر اتحادی ممالک ریاست سعودی عرب کے ساتھ جاری تنازعے کو حل کرنے میں اہم کردار ادا کرسکتی ہیں۔
دوسری جانب سے سعودی عرب نے کینیڈا کے ساتھ گندم اور چاول کی خریداری پر بھی پابندی عائد کردی گئی ہے اور کینیڈا جانے والی تمام پروازیں منسوخ کرتے ہوئے کینیڈا میں زیر تعلیم طلبہ کی اسکالر شپ پروگرامز کو ختم کرتے ہوئے سعودی طلبہ کو دیگر ممالک میں منتقل کرنے کا عندیہ دیا ہے۔
غیر ملکی خبر رساں ادارے کا کہنا تھا کہ سعودی عرب نے اگر کینیڈا سے تمام معاہدے ختم کردیئے تو کینیڈا کو ایک بڑے معاشی بحران کا سامانہ کرنا پڑسکتا ہے۔
عرب میڈیا کے مطابق کینیڈین وزیر خارجہ فری لینڈ کا کہنا تھا کہ ’کینیڈا ہمیشہ انسانی حقوق اور خواتین کی آزادی کے لیے آواز اٹھاتا رہے گا۔
غیر ملکی خبر رساں ادارے کا کہنا تھا کہ کینیڈین وزیر خارجہ کا بیان ایسے وقت میں سامنے آیا ہے جب سعودی حکام نے کینیڈا کے سفیر کو ملک سے بے دخل کرنے کا حکم دیا اور ساتھ ساتھ تمام معاہدے ختم کرنے کا بھی اعلان کردیا۔
