Category: سعودی عرب

سعودی عرب سے آنے والی تازہ ترین خبریں اور معلومات۔ سعودی عرب اردو نیوز

سعودی عرب کی وزارت محنت کے مطابق، 2023 میں سعودی عرب میں 1.5 ملین سے زیادہ پاکستانیوں کو ورک ویزا جاری کیا گیا تھا۔

یہ اعداد و شمار بتاتے ہیں کہ سعودی عرب میں پاکستانیوں کی تعداد لاکھوں میں ہے۔ وہ سعودی معیشت میں ایک اہم کردار ادا کرتے ہیں

سعودی عرب سے آنے والی تازہ ترین خبریں اور معلومات۔ سعودی عرب اردو نیوز

  • حوثی بغاوت سے متاثرہ ملک یمن کے لیے سعودی عرب نے سب سے بڑی امداد دے دی

    حوثی بغاوت سے متاثرہ ملک یمن کے لیے سعودی عرب نے سب سے بڑی امداد دے دی

    ریاض: سعودی عرب اقوام متحدہ کی اپیل پر حوثی بغاوت سے شدید متاثرہ ملک یمن کے لیے سب سے زیادہ انسانی امداد دینے والا ملک بن گیا۔

    تفصیلات کے مطابق سعودی عرب نے یمن کے لیے اقوام متحدہ کے ’’انسانی امداد ردعمل منصوبے‘‘ کے تحت 53 کروڑ چار لاکھ ڈالرز عطیہ کے طور پر دیے ہیں۔

    خانہ جنگی کے شکار عرب ملک یمن کے شہری شدید مشکلات کا شکار ہیں، ملک کے ایک حصے پر حوثی باغیوں کا قبضہ ہے جن کے ساتھ جنگ میں یمنی شہری جاں بحق اور زخمی ہو رہے ہیں۔

    انسانی امور سے متعلق اقوام متحدہ کے رابطہ کاری دفتر کی ایک رپورٹ کے مطابق یمن کی مدد کے لیے مختلف ممالک نے مجموعی طور پر ایک ارب 54 کروڑ ڈالرز کی امداد دی ہے جس میں سعودی عرب کی امداد سب سے زیادہ ہے۔

    رپورٹ میں کہا گیا ہے کہ امدادی رقوم کو یمن میں خوراک، پانی، صحت، تعلیم، شیلٹر اور صفائی ستھرائی سمیت دیگر عوامی ضروریات پر خرچ کیا جائے گا۔

    یمن: سعودی اتحادی افواج کا آپریشن، 145 حوثی باغی ہلاک


    واضح رہے کہ یہ اقوام متحدہ کے تحت یمن کے لیے عمل میں لایا جانے والا سب سے بڑا امدادی منصوبہ ہے، جس کا مقصد انسانی زندگیوں کو بچانا ہے۔

    اقوام متحدہ کا کہنا ہے کہ وہ اس منصوبے کے تحت شہریوں کو تحفظ فراہم کرنا اور سب کو برابر برابر امداد کی ترسیل کرنا چاہتی ہے، نیز وہ تنظیمیں جو اس کارِ خیر میں پیش پیش رہتی ہیں، ان کی کوششوں کو تسلسل حاصل ہونے میں مدد ملے۔

    واضح رہے کہ تین دن قبل یمن میں سعودی عرب کے اتحادی افواج کی جانب سے جاری آپریشن میں 145 حوثی باغی ہلاک جب کہ متعدد گرفتار کیے گئے، یمن کی مرکزی بندرگاہ الحدیدہ میں سعودی اتحادی افواج کی جانب سے حوثی باغیوں کے انخلا کے لیے بڑا آپریشن جاری ہے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سعودی افواج نے جازان شہر پر داغا گیا میزائل فضا میں ہی تباہ کردیا

    سعودی افواج نے جازان شہر پر داغا گیا میزائل فضا میں ہی تباہ کردیا

    ریاض : سعودی عرب کے سرحدی شہر جازان پر یمن میں برسرپیکار حوثی جنگجوؤں کی جانب سے گذشتہ شام داغا گیا بیلسٹک میزائل سعودی فورسز نے فضا میں ہی تباہ کردیا۔

    تفصیلات کے مطابق سعودی کے شہر جازان پر یمن میں برسرپیکار حوثی جنگجوؤں کی جانب جمعے کی شام داغا جانے والا بیلسٹک میزائل سعودی عرب کی اتحادی افواج نے سرحد پر ہی مار گرایا ہے۔

    عربی خبر رساں ادارے کا کہنا تھا کہ ایرانی حمایت یافتہ حوثی جنگجوؤں کی جانب سے فائر کیا جانے والا بیلسٹک میزائل گذشتہ روز شام 7 بج کر 17 منٹ پر سعودی عرب کے سرحدی شہر جازان پر داغا گیا تھا۔

    عرب خبر رساں ادارے سے گفتگو کرتے ہوئے عرب اتحادی افواج کے ترجمان کرنل ترکی المالکی کا کہنا تھا کہ سعودی عرب کی جانب سے یمن میں آئینی حکومت کی معاونت کے لیے اتحاد بنایا گیا تھا، اس لیے حوثی جنگجو سعودی عرب کی شہری آبادی کو جان بوجھ پر ہدف بناتے ہیں۔

    کرنل ترکی المالکی کا کہنا تھا کہ حوثی جنگجوؤں کو ایران کی مدد حاصل ہے، اس لیے وہ آئے روز سعودی عرب کی شہری آبادی کو نشانہ بنانے کی کوشش کرتے رہتے ہیں، حوثی جنگجو شہری آبادی پر میزائل حملے کرکے اقوام متحدہ کے قوانین کی خلاف ورزی کررہے ہیں۔

    سعودی عرب کی اتحادی افواج کے ترجمان کا کہنا تھا کہ گذشتہ روز پیش آنے والے واقعے میں کسی کے زخمی ہونے کی اطلاعات موصول نہیں ہوئی ہیں۔

    خیال رہے کہ حوثی جنگجوؤں کی جانب سے گذشتہ کئی ماہ سے سعودی عرب کی شہری آبادی کو نشانہ بنانے کےلیے کوششیں کررہا ہے اور اب تک 100 سے زائد بیلسٹک میزائل حملے کرچکا ہے جسے سعودی فضائی افواج فضا میں ہی تباہ کردیا تھا۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • دریائے شکوپی میں دو سعودی طلباء ڈوب کر جاں بحق

    دریائے شکوپی میں دو سعودی طلباء ڈوب کر جاں بحق

    نیویارک: امریکی ریاست میسا چوسٹس میں دو مقامی بچوں کو ڈوبنے سے بچانے کی کوشش کرنے والے دو سعودی طلباء دریائے شکوپی میں ڈوب کر جاں بحق ہوگئے۔

    غیر ملکی خبررساں ادارے کے مطابق یہ افسوسناک واقعہ جمعہ کے روز پیش آیا جاں بحق ہونے والے دونوں طلباء کی شناخت جاسر اور ذیب کے نام سے ہوئی ہے۔

    جاسر کے بھائی اور ذیب کے کزن نے میڈیا سے گفتگو کرتے ہوئے کہا کہ دونوں نوجوان گزشتہ پانچ برس سے اسکالر شپ پر سول انجینئرنگ کی تعلیم حاصل کررہے تھے اور آئندہ دو ہفتوں کے دوران ان کی تعلیم مکمل ہونے والی تھی۔

    دونوں طلباء فارغ التحصیل ہونے اور وطن واپس لوٹنے کے انتظار کے سبب گزشتہ تین برس سے اپنے گھر والوں سے نہیں مل سکے تھے البتہ جاسر اور ذیب کا اپنے گھر والوں سے آخری رابطہ ان کی انتقال سے دو روز قبل ہوا تھا۔

    دونوں متوفی نوجوانوں نے جاسر کے ایک بھائی کو بھی اپنے ساتھ چلنے کے لیے کہا تھا تاہم وہ دوسری ریاست میں ہونے کے سبب اپنے دوستوں کے ساتھ خوشیاں منانے کے سبب نہیں جاسکا تھا۔

    ذیب کے کزن عوض نے کہا کہ میتوں کی حوالگی کے حوالے سے ابھی تک امریکی حکام کی جانب سے انتظامات مکمل نہیں ہوسکے ہیں، ہم چاہتے ہیں کہ سعودی سفارت خانے کی جانب سے انتظامات مکمل کرکے دونوں افراد کی میتیں سعودی عرب کے جنوبی صوبے نجران پہنچائی جائیں۔

    عینی شاہدین کے مطابق ریڈ برج روڈ کے نزدیک دریا کے حصے دو امریکی بچوں کو پانی کی طاقت ور لہروں کے سبب شدید مشکلات درپیش تھیں اس دوران بہت سے لوگوں نے ان کو بچانے کی کوشش کی تاہم سعودی نوجوانوں کو دریا کی موجیں دور لے گئیں۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سعودی عرب: کھانا ضائع کرنے پر ایک ہزار ریال جرمانے کا امکان

    سعودی عرب: کھانا ضائع کرنے پر ایک ہزار ریال جرمانے کا امکان

    ریاض: سعودی عرب کے غذائی بینک نے مملکت میں کھانا ضائع کرنے پر ایک ہزار ریال جرمانے کی تجویز پیش کردی، 40 فیصد کھانا کوڑے دان کی نذر ہوجاتا ہے۔

    عرب میڈیا کے مطابق سعودی وزارت ماحولیات پانی و زراعت کی جانب سے پیش کردہ اندازے کے مطابق ملک میں تقریباً 40 فیصد کھانا کوڑے دان کی نذر ہوجاتا ہے۔

    [bs-quote quote=”کھانا ضائع کرنے پر جرمانہ عائد کرنے کی تجویز میں سفارش کی گئی ہے کہ ایک کلو گرام کھانا ضائع کرنے پر ایک ہزار ریال جرمانہ عائد کیا جائے۔” style=”style-2″ align=”left”][/bs-quote]

    اقوام متحدہ کی فوڈ اینڈ ایگری کلچر آرگنائزیشن نے اپنی رپورٹ میں کھانا ضائع کرنے والوں کی فہرست میں سعودی عرب کو پہلے نمبر پر شمار کیا ہے۔

    اس مسئلے پر قابو پانے کے لیے سعودی فوڈ بینک نے کھانا ضائع کرنے والے پر جرمانے کی تجویز پیش کی ہے تاکہ بچ جانے والے کھانے کو ضائع ہونے سے بچایا جاسکے اور اس ضمن میں شہریوں میں آگاہی مہم بھی چلائی جائے گی۔

    کھانا ضائع کرنے پر جرمانہ عائد کرنے کی تجویز میں سفارش کی گئی ہے کہ ایک کلو گرام کھانا ضائع کرنے پر ایک ہزار ریال جرمانہ عائد کیا جائے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • بینائی سے محروم سعودی بچے نے کمپیوٹر میں مہارت حاصل کرلی

    بینائی سے محروم سعودی بچے نے کمپیوٹر میں مہارت حاصل کرلی

    ریاض : سعودی عرب کے 12 سالہ نایبنا بچے نے کمپیوٹر اور اسمارٹ ڈیوائسز میں مہارت کرنے کے ساتھ قرآن کریم حفظ کرنے میں بھی اپنی صلاحیتوں کا لوہا منوایا ہے۔

    تفصیلات کے مطابق سعودی عرب کے بینائی سے محروم بچے نے اپنے بلند حوصلے اور مسلسل محنت کے باعث کمپیوٹر اور اسمارٹ دیوائسز کی ٹیکنالوجی میں تربیت لینے کے ساتھ ساتھ ونڈوز اور میکنٹوش سسٹمز میں بھی مہارت حاصل کرلی ہے۔

    پیدائشی طور پر بینائی کی نعمت سے محروم بارہ سالہ سعودی شہری کہنا تھا کہ ’میری معذوری کبھی کامیابی کی راہوں میں رکاوٹ نہیں بن سکتی، کیوں کہ میں ہر مشکل کو چیلنج کرنے کی صلاحیت رکھتا ہوں، اس لیے جدید پروگرامنگ لیگنویج سیکھنے کا بھی خواہاں ہوں۔

    سعودی خبر رساں ادارے کا کہنا تھا کہ مازن الحربی نامی نابینا بچہ مستبل میں کمپیوٹر یا انگریزی کے شعبے میں اعلیٰ تعلیم حاصل کرنے کا خواہاں ہے، مازن کے اعلیٰ تعلیم حاصل کرنے کے جذبے کو دیکھتے ہوئے اس کے بھائی اور دیگر عزیز ع اقارب اس کا حوصلہ بڑھا رہے ہیں۔

    عربی خبر رساں ادارے سے گفتگو کرتے ہوئے 12 سالہ سعودی شہری کے والد کا کہنا تھا کہ ’ہمارا بیٹا قدرتی طور پر نابینا ہے، جس کے باعث اہل خانہ اس کے مستقبل کے حوالے سے کافی پریشان تھے، لیکن مازن نے 12 برس کی عمر میں کمپیوٹر اور اسمارٹ ڈیوائسز میں مہارت حاصل کرکے اپنی صلاحیتوں کو ثابت کردیا ہے‘۔

    مازن کے والد ابراہیم الحربی کا کہنا تھا کہ ’اسمارٹ ڈیوائسز کی تربیت حاصل کرنے کے ساتھ ساتھ مازن نے قرآن پاک حفظ کرنے میں بھی اپنی صلاحیتوں کا لوہا منوایا ہے‘۔

    ابراہیم الحربی نے کہا کہ ہمارے بیٹے کو بینائی سے محروم افراد کی سوسائٹی بریدہ کا بھی بھرور تعاون حاصل ہے، انہوں نے ہی مازن کو اسمارٹ ڈیوائسز کی تربیت دی ہے۔

    نابینا سعودی بچے کے والد کا مزید کہنا تھا کہ ’مازن کی صلاحیتوں اور حوصلے کو دیکھتے ہوئے جامعہ القصیم کے سربراہ نے بینائی سے محروم کے استعمال کرنے والا موبائل بھی مازن کو تحفے میں دیا ہے۔ مازن اپنی مہارت سے عزیز و اقارب کے کمپیوٹر گھر میں ٹھیک کردیتا ہے‘۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • یمن: سعودی اتحادی افواج کا آپریشن، 145 حوثی باغی ہلاک

    یمن: سعودی اتحادی افواج کا آپریشن، 145 حوثی باغی ہلاک

    صنعا: یمن میں سعودی عرب کے اتحادی افواج کی جانب سے جاری آپریشن میں اب تک 145 حوثی باغی ہلاک جبکہ متعدد گرفتار ہوچکے ہیں۔

    تفصیلات کے مطابق یمن کی مرکزی بندرگاہ الحدیدہ میں سعودی اتحادی افواج کی جانب حوثی باغیوں کے انخلا کے لیے بڑا آپریشن جاری ہے، اس غیر معمولی فوجی آپریشن میں یمن کی سرکاری فوج کا بھی تعاون حاصل ہے۔

    عرب میڈیا کا کہنا ہے کہ 145 حوثی باغی بندرگارہی شہر الحدیدہ کے مختلف علاقوں میں سعودی اتحادی افواج اور یمنی سرکاری فوج سے لڑتے ہوئے ہلاک ہوئے ہیں جن کی لاشیں مقامی اسپتال کے سرد خانے میں موجود ہیں۔

    یمن کی الحدیدہ بندرگاہ پر سعودی اتحادی افواج کی جانب سے حوثی باغیوں کے انخلا کے لیے میگا آپریشن جاری ہے، جبکہ اس حوالے سے اقوام متحدہ کو شدید تشویش لاحق ہے۔


    یمن: سعودی اتحادی افواج نے حبل بندرگاہ پر کنٹرول سنبھال لیا، متعدد حوثی باغی گرفتار


    علاوہ ازیں یمن میں امدادی سرگرمیاں انجام دینے والی ایجنسیوں نے شہر پر حملے کی صورت میں ڈھائی لاکھ افراد کی زندگی ضائع ہونے کا خدشہ ظاہر کیا ہے، امدادی ٹیموں نے کہا ہے کہ سعودی افواج کی شہر پر کارروائی بڑی تباہی کا باعث بن سکتی ہے۔

    یاد رہے کہ یمن کی سرکاری فوج نے سعودی اتحادی افواج کے تعاون سے گذشتہ روز حبل بندرگاہ پر اہم کارروائی کی تھی جس کے باعث ایران نواز باغی بندرگاہ چھوڑ کر فرار ہوگئے تھے جبکہ متعدد کو گرفتار بھی کیا گیا تھا۔


    یمن: سعودی اتحادی افواج کا آپریشن، ایئرپورٹ کے داخلی راستے پر کنٹرول سنبھال لیا


    بعد ازاں یمنی فوج کی جانب سے جاری کردہ بیان میں کہا گیا تھا کہ حبل بندرگاہ کا کنٹرول حاصل کرنے کے لیے فورسز کو عرب اتحادی فوج کی فضائیہ کی مدد حاصل تھی، سرکاری فوج نے ایران نواز حوثیوں کے ساتھ لڑائی کے بعد حوثی باغیوں کے زیر انتظام حبل بندرگاہ کا کنٹرول حاصل کیا۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سعودی عرب کا تیل کی اضافی پیداواری صلاحیت استعمال کرنے پر غور

    سعودی عرب کا تیل کی اضافی پیداواری صلاحیت استعمال کرنے پر غور

    ریاض: سعودی عرب نے تیل کی عالمی مارکیٹ میں توازن اور استحکام کو برقرار رکھنے کے لیے تیل کی اضافی پیداواری صلاحیت کو بروئے کار لانے پر آمادگی ظاہر کردی ہے۔

    سعودی فرماں روا شاہ سلمان بن عبدالعزیز کی زیر صدارت وزارتی کونسل کا اجلاس سلامہ محل میں جدہ میں ہوا، اجلاس میں تیل کی عالمی مارکیٹ کی مجموعی صورت حال اور تیل کی طلب اور رسد پر غور کیا گیا۔

    کابینہ نے اس کی بات کی توثیق کی کہ سعودی عرب مستقبل میں تیل کی رسد اور طلب میں پیدا ہونے والی تبدیلیوں سے نمٹنے کے لیے وقت ضرورت اپنی تیل کی اضافی پیداوار کو استعمال میں لانے کے لیے تیار ہے مگر وہ یہ فیصلہ تیل پیدا کرنے والے دوسرے ممالک کے ساتھ مشاورت کے بعد کرے گا۔

    شاہ سلمان نے کابینہ کو امریکی صدر ڈونلڈ ٹرمپ سے ٹیلیفونک گفتگو کے بارے میں آگاہ کیا، اس میں دونوں لیڈروں نے تیل کی عالمی مارکیٹ میں استحکام اور عالمی معیشت کی نمو کو برقرار رکھنے کے لیے کوششیں بروئے کار لانے کی ضرورت پر زور دیا تھا۔

    سعودی میڈیا کے مطابق کابینہ نے اس بات پر زور دیا کہ مملکت کی پیٹرولیم پالیسی کا ایک اہم مقصد ہمیشہ عالمی مارکیٹ میں توازن اور استحکام کا حصول رہا ہے۔

    سعودی کابینہ نے تیل پیدا کرنے والے اوپیک اور غیر اوپیک ممالک کے درمیان تعمیری تعاون کو سراہا جس کے نتیجے میں مارکیٹ کی موجودہ صورتحال سے نمٹنے کے لیے پچیس ممالک کے درمیان تیل کی رسد بڑھانے کا سمجھوتا طے پایا تھا۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

  • ایران نے تیل کے معاملے پر سعودی عرب کو بالواسطہ دھمکی دے دی

    ایران نے تیل کے معاملے پر سعودی عرب کو بالواسطہ دھمکی دے دی

    تہران: ایران نے تیل کے معاملے پر سعودی عرب کو بالواسطہ دھمکی دے دی، تیل کی عالمی منڈی میں ایران کی جگہ لینے کو دغا بازی قرار دے دیا۔

    تفصیلات کے مطابق ایران پر امریکی پابندیوں کے بعد ایران کو تیل کی عالمی مارکیٹ میں اپنے حصے کے ہاتھ سے نکلنے کی فکر ستانے لگی۔

    ایران کے نائب صدر اسحاق جہانگیری کا کہنا تھا کہ ایران کو اپنا تیل فروخت کرنے میں کسی مشکل کا سامنا نہیں ہوگا، عالمی تیل کی منڈی میں ان کی جگہ نہیں لی جاسکتی۔

    انھوں نے سعودی عرب کا نام لیے بغیر کہا کہ تیل کی جنگ میں اگر کوئی ملک عالمی مارکیٹ میں ایران کی جگہ لینے کی خواہش رکھتا ہے تو وہ جان لے کہ یہ ایرانی عوام سے دغا بازی ہوگی۔

    اسحاق جہانگیری کا کہنا تھا کہ تیل کی بین الاقوامی مارکیٹ میں ایران کی جگہ لینے والا دغا بازی کا مرتکب ہوگا اور اسے اس دغا بازی کی قیمت چکانے پڑے گی۔

    سعودی عرب سے تیل کی پیداوار بڑھانے کی درخواست کی ہے: امریکی صدر


    خیال رہے کہ گزشتہ روز امریکی صدر ٹرمپ نے ٹوئٹ کے ذریعے کہا تھا کہ انھوں نے سعودی شاہ سلمان سے کہا ہے کہ وہ تیل کی پیداوار میں بیس لاکھ بیرل کا اضافہ کریں تاکہ عالمی مارکیٹ میں تیل کی قیمتوں میں ہونے والے اضافے کو قابو کیا جاسکے۔

    ایرانی نائب صدر نے یہ بھی کہا کہ تیل کے ساتھ ساتھ امریکا دیگر ایرانی برآمدات اور کرنسی کی ترسیل کو بھی متاثر کرنا چاہتا ہے، بعض علاقائی ممالک بھی اس معاملے کو ہوا دے رہے ہیں۔

    واضح رہے کہ ایران پر پھر سے امریکی پابندیاں لگائے جانے کا معاملہ عالمی مارکیٹ میں تیل کی قیمتوں پر بری طرح اثر انداز ہوا ہے، جس کے حل کے لیے صدر ٹرمپ نے سعودی عرب کا رخ کر لیا ہے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سعودی عرب: خواتین وکلاء کی تعداد میں 240 فیصد اضافہ

    سعودی عرب: خواتین وکلاء کی تعداد میں 240 فیصد اضافہ

    ریاض: سعودی عرب کی وزارت انصاف نے گزشتہ تین سال کے دوران میں خواتین وکلاء کو ریکارڈ تعداد میں لائسنس جاری کیے ہیں اور لائسنس حاصل کرنے والی خواتین کی تعداد میں 240 فیصد اضافہ ہوا ہے۔

    عرب میڈیا کے مطابق وزارت انصاف کی جانب سے لائسنس کے اجرا کے آغاز کے بعد پہلے سال خواتین کو دس لائسنس جاری کرنے کی منظوری دی گئی تھی تاہم رواں سال اب تک 95 لائسنس جاری کیے جاچکے ہیں۔

    ایک معروف سعودی وکیل راندہ حسین عارف نے کہا ہے کہ زیر تربیت خواتین وکلاء کی پیشہ ورانہ اہلیت میں اضافہ ہوا ہے سعودی خواتین مسلسل مختلف شعبوں میں نمایاں کارکردگی کا مظاہرہ کررہی ہیں۔

    راندہ عارف کے مطابق خواتین کی عدالتوں اور لاء دفاتر میں موجودگی سے نمایاں تبدیلی دیکھنے میں آئی ہے، خواتین کی بڑی تعداد اب قانون کے موضوعات پر مضامین بھی لکھ رہی ہے۔

    سعودی وزیر انصاف اور سپریم جوڈیشل کونسل کے صدر نے کہا ہے کہ سعودی خواتین کو بااختیار بنانے میں اہم اقدامات کیے ہیں، انہوں نے خواتین کو وکالت کے مصدقہ لائسنس کے حصول کے لیے ہدایات جاری کی تھیں۔

    واضح رہے کہ سعودی ویژن 2030ء کے تحت خواتین کے لیے ملازمتوں کے بھی نئے نئے مواقع پیدا ہورہے ہیں اور انہیں مختلف شعبوں میں نمائندگی دی جارہی ہے۔

    خواتین پر 24 جون سے ڈرائیونگ کی پابندی کے بعد ان کے لیے روزگار کے مواقع پیدا ہوں گے اور توقع کی جارہی ہے کہ 2020ء تک بیس لاکھ خواتین سعودی سڑکوں پر کاریں چلا رہی ہوں گی۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • یمن: سعودی اتحادی افواج نے حبل بندرگاہ پر کنٹرول سنبھال لیا، متعدد حوثی باغی گرفتار

    یمن: سعودی اتحادی افواج نے حبل بندرگاہ پر کنٹرول سنبھال لیا، متعدد حوثی باغی گرفتار

    صنعا: یمن میں سرکاری فوج اور سعودی اتحادی افواج نے بڑی کارروائی کرتے ہوئے حبل بندرگارہ پر کنٹرل سنبھال لیا، اس دوران متعدد حوثی باغیوں کو بھی گرفتار کیا گیا۔

    تفصیلات کے مطابق یمنی فوج اور سعودی اتحادی افواج کی جانب سے مشترکہ کارروائی کے بعد حبل بندرگاہ پر کنٹرول سنبھالا گیا، اس اہم کارروائی کے دوران حوثی باغی بندرگاہ چھوڑ کر فرار ہوگئے جبکہ متعدد کو گرفتار بھی کیا گیا ہے۔

    یمنی فوج کی جانب سے جاری کردہ بیان میں کہا گیا ہے کہ حبل بندرگاہ کا کنٹرول حاصل کرنے کے لیے فورسز کو عرب اتحادی فوج کی فضائیہ کی مدد حاصل تھی، سرکاری فوج نے ایران نواز حوثیوں کے ساتھ لڑائی کے بعد حوثی باغیوں کے زیر انتظام حبل بندرگاہ کا کنٹرول حاصل کیا۔


    یمن: سعودی اتحادی افواج کا آپریشن، ایئرپورٹ کے داخلی راستے پر کنٹرول سنبھال لیا


    فوج کے بیان میں مزید کہا گیا تھا کہ آپریشن میں حوثی باغیوں کی بڑی تعداد فرار ہوگئی جب کہ متعدد جنگجوؤں کو گرفتار کیا گیا ہے، باغیوں کے خلاف کارروائیاں جاری رکھیں گے۔

    دوسری جانب یمن کی الحدیدہ بندرگاہ پر سعودی اتحادی افواج کی جانب سے حوثی باغیوں کے انخلا کے لیے میگا آپریشن جاری ہے، جبکہ اس حوالے سے اقوام متحدہ کو شدید تشویش لاحق ہے۔


    سعودی اتحادی افواج کی یمن میں کارروائی، اقوام متحدہ کا اظہار تشویش


    علاوہ ازیں یمن میں امدادی سرگرمیاں انجام دینے والی ایجنسیوں نے شہر پر حملے کی صورت میں ڈھائی لاکھ افراد کی زندگی ضائع ہونے کا خدشہ ظاہر کیا ہے، امدادی ٹیموں نے کہا ہے کہ سعودی افواج کی شہر پر کارروائی بڑی تباہی کا باعث بن سکتی ہے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔