Category: صحت

Health News in Urdu

صحت سے متعلق خبریں آپ کو تازہ ترین طبی تحقیق، بیماریوں کے پھیلنے، اور صحت مند رہنے کے طریقوں کے بارے میں جاننے میں مدد کر سکتی ہیں۔

مزیدار ویجی رولز بنانے کی انتہائی آسان ترکیب

رمضان میں سحر وافطارکا اپنا ایک مخصوص مینو ہوتا ہے اورتمام گھروں میں انہی پر عمل کیا جاتاہے لیکن خواتینِ خانہ کی خواہش ہوتی ہے کہ وہ سحر وافطار میں روز کچھ ایسا تیارکریں جو کہ ان کے اہل خانہ کے لیے نیا ذائقہ لئے ہوئے ہو۔

خواتین کی اسی ضرورت کو مدنظر رکھتے ہوئے ہم آپ کے ساتھ آئے دن نت نئی ڈشزکی تراکیب شیئرکرتے رہتے ہیں۔ آج ہم لائیں ہیں آپ کے لئے مزیداراور پرذائقہ ویجی رول بنانے کی انتہائی آسان ترکیب۔

اجزا

چکن کا قیمہ ایک پاؤ باریک کٹا ہوا
رول کی پٹیاں ایک پاؤ
بند گوبھی ایک پاؤباریک کٹی ہوئی
شملہ مرچ آدھا پاؤ باریک کٹی ہوئی
اجینو موتو کھانے کا 2 چمچے
کالی مرچ کٹی ہوئی کھانے کا ایک چمچہ
سویاساس کھانے کے دو چمچے
تیل ڈیپ فرائی کے لیے آدھا کلو
نمک حسب ذائقہ

ترکیب

دیگچی میں قیمیہ ڈال کراس میں تھوڑا سا پانی اورنمک ڈالیں اوربالکل خشک کرلیں،خشک کیے ہوئے قیمے میں پہلے بند گوبھی اورشملہ مرچ ملا لیں اورمکس کرلیں اس کے بعد اس میں سویا ساس ،اجینوموتو،کالی مرچ اورحسب ذائقہ نمک ڈال کر اچھی طرح مکس کرلیں۔

اب رول کی پٹیاں لیں اورتیار کیے ہوئے آمیزے کو سلیقے سے رول کی پٹیوں میں فولڈ کر لیں اورآٹے کی لئی کی مدد سے بھرے ہوئے رولز کو بند کرلیں، رولزکو تلنے کے لیے تیل کوکڑاہی میں اچھی طرح گرم کرلیں اوردو،دو رولزکو اتنا فرائی کریں کہ ان کی رنگت سنہری ہوجائے اورتیار ویجی رولز کو مایونیز اور کیچپ کے ساتھ پیش کریں۔

یہ مزیدار رول آڈھے گھنٹے سے بھی کم وقت میں باآسانی تیار ہوجاتے ہیں لہذا اب آپ کو بازار کے غیرمعیاری رول خریدنے کوئی ضرورت نہیں ہے۔

جولائی 13, 2015
رمضان اسپشل: زعفرانی جلیبی بنائے کا طریقہ

شیرے کے اجزا
چینی ۔۔۔۔۔۔۔۔۔۔۔۔۔۔۔ ایک کلو
پانی ۔۔۔۔۔۔۔۔۔۔۔۔۔۔۔۔ 250گرام

جلیبی کے لئے
خمیر ۔۔۔۔۔۔۔۔۔۔۔۔۔۔ 100گرام
میدہ ۔۔۔۔۔۔۔۔۔۔۔۔۔۔ 200 گرام
سوڈا ۔۔۔۔۔۔۔۔۔۔۔۔۔۔ ایک چٹکی
پانی ۔۔۔۔۔۔۔۔۔۔۔۔۔۔۔ 100گرام
تیل ۔۔۔۔۔۔۔۔۔۔۔۔۔۔۔ تلنے کے لئے
زعفران ۔۔۔۔۔۔۔۔ چند ریشے
ذردہ رنگ ۔۔۔۔۔۔۔ایک چٹکی

ترکیب:۔
شیرے کے لئے ایک کلو چینی میں 250گرام پانی ملا کر پکائیں ، یہاں تک کہ اس میں ابال آجائے ۔اب اسے چولہے سے اتار لیں ۔

جلیبی بنانے کے لئے 100گرام خمیر، 200گرام میدہ،ایک چٹکی سوڈا ، ایک چٹکی ذردہ رنگ ، چند ریشے زعفران اور 100گرام پانی کو مکس کر کے پیسٹ بنا لیں ۔

اب اس مکسچر کو جلیبی کے کپڑے میں ڈال کر گرم تیل میں جلیبیاں بنائیں، پھر انہیں فرائی کریں، یہاں تک کہ وہ دونوں طرف سے براون ہو جائیں ۔اب انہیں تیار کئے ہوئے شیرے میں ڈالیں اور سرو کریں ۔

جولائی 12, 2015
رمضان اسپیشل: اوون کے بغیر پیزا بنانے کی ترکیب

پیزا

اجزا

پیزا ڈو کے اجزاء

میدہ                              چار کپ
بیکنگ پاؤڈر    ایک چائے کا چمچ
انڈا       ایک عدد
مکھن تین کھانے کے چمچ
خمیر                                                ایک کھانے کا چمچ
دودھ یا پانی                                       حسب ضرورت
نمک                                                  حسب ذائقہ

پیزا ٹاپنگ

شملہ مرچ                                         ایک عدد
پیاز ایک عدد
ٹماٹر     ایک عدد
سیاہ زیتون                                         چھ سے آٹھ عدد
ہرے زیتون                                        چھ سے آٹھ عدد
ٹماٹو پیوری                                        ڈیڑھ کپ
موزریلا چیز                                      ایک پیکٹ
اوریگانو                                           آدھا چائے کا چمچ
روز میری آدھا چائے کا چمچ
کالی مرچ                                         حسب ضرورت
سفید مرچ                                         حسب ضرورت
نمک                                               حسب ذائقہ
پارسلے                                           ایک گڈی

پیزا کے لیے

مرغی                                           دو سو گرام بغیر ہڈی
ادرک لہسن پیسٹ                          ایک کھانے کا چمچ
دہی                                                 سو گرام
پسی ہوئی لال مرچ                            ایک کھانے کا چمچ
ہلدی پاؤڈر                                       ایک چائے کا چمچ
گرم مصالحہ                                     ایک چائے کا چمچ
زیرہ پاؤڈر    ایک چائے کا چمچ
نمک                                                حسب ذائقہ
تیل                                                  حسب ضرورت

ترکیب

ڈو بنانے کا طریقہ

ایک کپ میں خمیر اور بیکنگ پاؤڈر شامل کریں اور آدھا کپ گرم پانی ملا کر مکس کر لیں۔ اسے سائیڈ میں رکھ دیں، ایک الگ باؤل میں میدہ، نمک، مکھن اور انڈا شامل کر کے ہاتھ سے اچھی طرح مکس کر لیں، پھر اس میں خمیر اور بیکنگ پاؤڈر کا جو آمیزہ بنایا تھا وہ بھی شامل کر لیں، پانی تھوڑا اور شامل کر کے گوندھیں، لیکن پانی کا استعمال احتیاط سے کریں، ذرا سا خشک آٹا بھی شامل کر کے ڈو کو اچھی طرح نرم گوندھ لیں، ڈو کو ایک گھنٹے کے لیے رکھ دیں تاکہ وہ رائیز ہوجائے ، ایک گیلے نچوڑے ہوئے کپڑے سے ڈھک دیں تاکہ ڈو خشک نہ ہو۔

چکن بنانے کا طریقہ

چکن کو چھوٹے ٹکڑوں میں کاٹ لیں، شملہ مرچ، پیاز اور ٹماٹر کو چھوٹے کیوبز کی شکل میں کاٹ لیں۔
چکن میں نمک، ہلدی، لال مرچ، گرم مصالحہ اور زیرہ پاؤڈر اور دہی شامل کر کے ایک گھنٹے کیلئے رکھ دیں، پھر ایک پین میں آئل گرم کریں، لہسن ادرک کا پیسٹ شامل کریں پھر چکن شامل کرکے درمیانی آنچ پر بھون کر پکالیں۔

ٹماٹو پیوری سوس بنانے کا طریقہ

ایک فرائنگ پین میں آئل گرم کرکے اس میں تھوڑا سا لہسن ادرک کا پیسٹ شامل کرکے پکائیں، پھر روز میری اور اوریگانو شامل کر کے مکس کریں اور ساتھ ہی ٹماٹو پیوری شامل کر دیں، دھیمی آنچ پہ ذرا سی دیر پکالیں کہ ٹماٹر کا کچا پن ختم ہو جائے اور نرم سا پیسٹ تیار ہو جائے۔

پیزا کا بیس، فلنگ اور ٹاپنگ کا طریقہ

ڈو کا پیڑا لے کر نرمی سے ہاف انچ سے ذرا کم موٹا بیل لیں اور پھر ایک پین میں خشک آٹا لے کر ذرا سا چھڑک دیں اور میں بیلی ہوئی ڈو پھیلا دیں پھر ٹماٹو پیوری سوس اچھی طرح ڈو کے اوپر پھیلا دیں۔

پھر اس کے اوپر چکن تندوری جو تیار کی تھی وہ پھیلا دیں، شملہ مرچ، پیاز، ٹماٹر، پارسلے‘ہرے زیتون اور کالے زیتون بھی اس کے اوپر پھیلا دیں۔ سب سے آخر میں گریٹڈ چیڈر چیز اچھی طرح پھیلا دیں، مزید اسپائسی کرنے کے لیے اوپر کُٹی لال مرچ بھی شامل کر سکتے ہیں۔

سب سے پہلے توا گرم کرلیں، گرم توے پر اوپر پیزا والا پین رکھ کر اوپر سے ڈھک دیں تاکہ بھاپ باہر نہ نکلے، اس کو 20 سے 25 منٹ تک پکائیں ، مزیدار پیزا تیار ہے۔ایک پلیٹر میں گرم گرم پیزا نکال کے سرو کریں۔

جولائی 11, 2015
تمباکو نوشی آپ کو دیوانہ بنا سکتی ہے: تحقیق

سائنسدانوں نے ایک تحقیق کے نتائج کی روشی میں کہا ہے کہ پاگل پن کی شروعات میں سگریٹ نوشی ایک اہم کردار ادا کر سکتی ہے۔ تاہم اس مفروضے کی مکمل سائنسی صداقت کے لیے مزید ریسرچ کی ضرورت ہے۔

اس تحقیق میں سائنسدانوں نے پندرہ ہزار تمباکونوش اور دو لاکھ 73 ہزار نان اسموکرز کا تجزیہ کیا اور یہ جاننے کی کوشش کی کہ ان دونوں گروپوں میں سے کون سے گروپ میں شیزوفرینیا یا پاگل پن میں مبتلا ہونے کے زیادہ امکانات ہیں۔

مکمل اور جامع تجزیے کے بعد سائنسدان اس نتیجے پر پہنچے کہ تمباکونوش افراد دراصل نان اسموکرز کے مقابلے میں التباسات، اوہام، وسوسوں اور غیر حقیقی خیالی تجربات کا زیادہ شکار ہو سکتے ہیں۔ گویا تمباکو نوشی شیزوفرینیا کی ان بنیادی علامات میں اضافے کا باعث بن سکتی ہیں۔

اس تحقیق کے بعد بھی محققین تمباکو نوشی اور پاگل پن کے مابین کوئی براہ راست تعلق ڈھونڈنے میں کامیاب نہیں ہو سکے ہیں تاہم انہوں نے یہ نوٹ کیا ہے کہ نان اسموکرز کے مقابلے میں سگریٹ نوش افراد میں پاگل پن کا شکار ہونے کے امکانات زیادہ ہیں۔ اس تحقیق کے نتائج کے مطابق سائیکوسس کے پہلے مرحلے کا شکار ہونے والے افراد میں ستاون فیصد اسموکرز ہی تھے۔

کنگ کالج لندن کے انسٹی ٹیوٹ آف سائیکیٹری سے وابستہ نفسیاتی امراض کے ماہر جیمزمیکابے کے بقول، ’’ تمباکو نوشی اور پاگل پن کے مابین براہ راست تعلق تلاش کرنا انتہائی مشکل ہے۔‘‘ اس تحیققی ٹیم کے سربراہ میکابے نے البتہ خبردار کیا کہ تمباکو نوشی کو سنجیدگی سے لینےکی ضرورت ہے کیونکہ ممکنہ طور پر تمباکو نوشوں میں سائیکوسس کا شکار ہونے کے زیادہ امکانات ہیں۔

سائیکوسس امراض کے ماہر میکابے کے بقول تمباکو بہت سے دیگرعوامل میں سے ایک ہے، جو انسان میں پاگل پن کی شروعات کا باعث بن سکتا ہے۔ ان کے مطابق اس کے علاوہ طرز زندگی، کھانے پینے کی عادات، مخصوص جینیات کی منتقلی اور دیگر معاشرتی اور اقتصادی عوامل بھی انشقاق ذہنی (سائیکوسس) کا سبب بن سکتے ہیں۔

شیزوفرینیا ایک شدید ذہنی مرض میں شمار کیا جاتا ہے، جس کے تقریبا 100 افراد میں سے صرف ایک کو لاحق ہونے کے امکانات ہوتے ہیں۔ یہ شدید دماغی بیماری بنیادی طورپرسن بلوغت کے ابتداء میں پیدا ہونا شروع ہوتی ہے۔ اس خطرناک بیماری کی علامات میں شدید قسم کے Delusions (التباسات) اور Hallucinations (اوہام) شامل ہوتے ہیں۔ مریض کے عمل و فکر میں تعلق ٹوٹ جاتا ہے اور وہ غیر حقیقی تجربات محسوس کرتا ہے۔ کبھی اس کو آوازیں سنائی دیتی ہیں، جو حقیقی نہیں ہوتی تو کبھی وہ خیالی مناظر کو حقیقت تصور کرتا ہے۔

جولائی 10, 2015
رمضان اسپیشل : افطاری کیلئے تربوز کا سلاد

تربوز کا سلاد

اجزاء

تربوز    ایک عدد

شہد                                           دو کھانے کے چمچ

                                    لیموں کا رس                               دو عدد

ادرک                                        حسبِ ضرورت

چینی                                       دو کھانے کے چمچ

نمک                               حسبِ ذائقہ

کالی مرچ                                حسبِ ذائقہ

پودینے کے پتے                       چند عدد

ترکیب

تربوز کے چوکور چھوٹے چھوٹے ٹکڑے کاٹ کر بیج نکال دیں، پھر ایک پیالے میں تربوز ڈال کر فریج میں رکھ دیں، تاکہ ٹھنڈا ہو جائے۔

اب فرائنگ پین میں شہد، لیموں کا رس، چینی اور حسبِ ذائقہ نمک ملاکر کریمل سوس بنائیں اور اس میں ادرک ملا دیں۔

اب اسے تربوز کے اوپر چاروں طرف ڈالیں اور کالی مرچ چھڑک دیں۔

اس کے بعد پودینے کے پتے ڈال کر سب چیزیں ملا لیں۔

آخر میں آدھے گھنٹے کے لیے فریزر میں رکھنے کے بعد سرو کریں۔

جولائی 10, 2015
مغل دور کے لذیذ اور خستہ شامی کباب بنانے کا آسان طریقہ

رمضان میں سحر وافطارکا اپنا ایک مخصوص مینو ہوتا ہے اورتمام گھروں میں انہی پر عمل کیا جاتاہے لیکن خواتینِ خانہ کی خواہش ہوتی ہے کہ وہ سحر وافطار میں روز کچھ ایسا تیارکریں جو کہ ان کے اہل خانہ کے لیے نیا ذائقہ لئے ہوئے ہو۔

خواتین کی اسی ضرورت کو مدنظر رکھتے ہوئے ہم آپ کے ساتھ آئے دن نت نئی ڈشزکی تراکیب شیئرکرتے رہتے ہیں۔ آج ہم لائیں ہیں آپ کے لئے مزیداراور پرذائقہ قدیمی شامی کباب بنانے کی انتہائی آسان ترکیب۔

اجزاء

قیمہ ایک پاوں

گھی

ہری مرچیں پانچ عدد

پودینہ ایک گڈی

ادرک ایک گھٹی

پیاز 12 جوے

لہسن آدھا پاؤ

چنے کی دال آدھا پاؤ

ٔچنے کي دال آدھا پاو

دہی آدھا پاؤ

آلو دو عدد

انڈے

سرخ مرچ اورنمک حسب ذائقہ

ترکیب

يہ کباب جس ترکيب سے تيار کئے جاتے ھيں، وہ عرب ايران اور ھندوستان کے مسلمان بادشاھوں کيلئے شاھي باورچي استعمال کرتے تھے شامي کباب تيار کرنے کي يہ بہترين ترکيب ھے۔

قيمے کو پاني ميں گلا ليجئے ، پتيلي ميں اس کے ساتہ پياز لہسن ، چنے کي دال آلو، ادرک کي آدہي گانٹہ، ساراگرم مصالحہ، لال مرچ اور نمک بھي ڈال ديجئے، پاني صرف اتنا ڈالئيے جتنا قيمے کو گلانے کے لئے کافي ھو، جب يہ پاني خشک ھوجائے تو قيمہ اور مصالحے پتيلي سے نکال کرسل پر باريک پيس ليں۔

ياد رھے کہ ان سب کو زيادھ سے زيادھ باريک پيسنا انتہائي ضروري ھے، ورنہ کبابوں کي بناوٹ ميں نفاست نھيں آئے گي،اس مرکب ميں ھري مرچيں، ھرادھنيا اور پودينہ کتر کر ملاديجئے، اس مرحلے پر کبابوں کے مرکب چکہ کر ديکھنا چاھئيے، کہ نمک مرچ کي ضرورت سے کم يا زيادھ تونھيں ھوگئے، دونوں ميں سے جو بھي خرابي ھواسے دور، کرديجئے اور اگر نمک مرچ ٹھيک ھيں تو چلنے ديجئے، پھر اس مرکب ميں دھي ڈالئيے اس کے کباب بناکر ايک برے طباق يا کسي بڑي پليٹ ميں رکہ ليجئے اب ايک پيالے ميں انڈوں کے زردي سفيدي نکالکر پھينٹ ليجئے، اور کبابوؤ کو انڈے کا ھاتہ لگا لگا کر تيل ميں تل ليجئے ، تيل يا گھي سارے کا سارا کڑاھي يا فرائي پين ميں ڈال ليجئے، اور جب تک خوب اچھي طرح کڑ کڑانے نہ لگے اس وقت تک اس ميں کباب تلنے کا عمل شروع نہ کياجائے۔

اس ميں يہ نکتہ ھے کہ يہ کباب پکائے نہيں جاتے بلکہ تلے جاتے ھيں، اس طرح ان پر ايک خستہ کور آجاتا ھے ، جو کباب کہانے ميں بڑي لذت ديتا ھے، ان کبابوں کو چيني کے ساتہ کھايا جاتا ھے، يہ ھرے دھنيے ، مرچوں ، پياز اور لال مرچ کي چٹني بھي دستر خوان کي زينت ميں اضافہ ھوگا اور کھانے والے انگلياں چاٹتے رہ جائيں گے

جولائی 9, 2015
رمضان اسپیشل : مزیدار چکن اسٹکس بنانے کی آسان ترکیب

چکن اسٹکس

اجزاء

چکن    آدھا کلو

لال مرچ                                      آدھا چائے کا چمچ

ہلدی                                           دو چائے کے چمچ

گرم مصالحہ                                ایک چائے کا چمچ

ہری مرچیں                                 چار عدد کٹی ہوئی

سرکہ                                         چوتھائی چائے کا چمچ

کریم    آدھا کپ

انڈے                                            پانچ عدد

شملہ مرچ                                     ایک کپ کیوبز بنالیں

پیاز                                             ڈیڑھ کپ کیوب بنالیں

بریڈ کرمز                                    حسبِ ضرورت

تیل                                              حسبِ ضرورت فرائی کے لئے

ترکیب

گوشت کی بوٹیاں بنالیں پھر بوٹیوں میں لال مرچ، ہلدی، گرم مصالحہ، زیرہ، ادرک، لہسن، ہری مرچیں، اور کریم ملا کر میرنیٹ کرنے کیلئے رکھ دیں، پھر اس کو اتنا پکائیں کہ گوشت گل جائے تو چولہے سے اتار لیں۔

ان اسٹک لیں، اس پر ایک بوٹی، ایک کیوب شملہ مرچ، ایک کیوب پیاز اور پھر بوٹی لگائے، اس طرح سے اپنے حساب سے اسٹکس تیار کرلیں، انڈے پھینٹ لیں پھر اسٹک لیں انڈے میں ڈیپ کریں بریڈ کرمز لگائیں تیل میں فرائی کر لیں، بہت مختلف اور مزیدار چکن اسٹکس تیار ہیں۔

جولائی 8, 2015
افطارمیں بنائیں مزیدارلاہوری بوٹی

رمضان میں سحر وافطارکا اپنا ایک مخصوص مینو ہوتا ہے اورتمام گھروں میں انہی پر عمل کیا جاتاہے لیکن خواتینِ خانہ کی خواہش ہوتی ہے کہ وہ سحر وافطار میں روز کچھ ایسا تیارکریں جو کہ ان کے اہل خانہ کے لیے نیا ذائقہ لئے ہوئے ہو۔

خواتین کی اسی ضرورت کو مدنظر رکھتے ہوئے ہم آپ کے ساتھ آئے دن نت نئی ڈشزکی تراکیب شیئرکرتے رہتے ہیں۔ آج ہم لائیں ہیں آپ کے لئے مزیداراور پرذائقہ رمضانی کوفتے بنانے کی انتہائی آسان ترکیب۔

اجزا

گوشت( مٹن یا بیف) آدھا کلو

ادرک،لہسن پیسٹ : کھانے کے دو چمچ

گرم مصالحہ: کھانے کا ایک چمچ

دھنیا ،پودینہ: کھانے کے دو چمچ

ہری مرچ: کھانے کا ایک چمچ

پیاز(باریک کٹی ہوئی) : دو عدد

نمک: حسب ذائقہ

لال مرچ: حسب ذائقہ

دہی : ایک چوتھائی پیالی

زیرہ (بھنا ہوا) : چائے کا ایک چمچ

ٹماٹر(باریک کٹے ہوئے) : دو عدد

ترکیب

گوشت کی چھوٹی بوٹیوں کو ادرک ،لہسن ،نمک اور ہری مرچ کے ساتھ ابال لیں۔ جب گوشت گل جائے تو اس میں لال مرچ، گرم مصالحہ اورزیرہ ڈال کراچھی طرح مکس کر لیں۔

سرونگ باؤل میں گوشت کو نکال کراس پر دہی،پیاز،ٹماٹر اور ہرا دھنیہ،پودینہ باریک کاٹ کر چھڑک دیں اور پھر پانچ منٹ کے لیے اسے مائکروویو اوون میں کم درجہ حرارت پررکھیں یااگر چاہیں توان تمام چیزوں کو پتیلی میں کم آئل کے ساتھ بھاپ دے لیں۔

اس کے بعد بوٹیوں اور تیار شدہ مصالحے کو اچھی طرح مکس کرکے سیخوں پربھی سینک سکتے ہیں۔

لیجیئے جناب مزیدار لاہوری بوٹی تیار ہے، رائتہ اور سلاد کے ساتھ پیش کریں اور اہل خانہ سے خوب داد سمیٹیں۔

جولائی 7, 2015
برسات میں لیموں پانی کے فوائد

موسم برسات میں فضاءمیں رطوبت کی زیادتی کی وجہ سے مضر اورخطرناک جراثیم کی نشوونما میں بڑی تیزی آ جاتی ہے جس کی وجہ سے موسمی اورمتعدی بیماریاں سراٹھا لیتی ہیں۔

رطوبت کی زیادتی کی وجہ سے انسان کے نظام انہضام میں بھی تبدیلی آتی ہے اورانسان مٹھاس کے بجائے ترش اشیاء کی طرف زیادہ راغب ہو جاتا ہے اس لئے غذا میں احتیاط ملحوظ رکھنی چاہیے۔

موسم برسات میں لیموں کا استعمال

نظامِ قدرت بھی عجیب ہے اس موسم میں لیموں پر بھی جوانی آجاتی ہے اور لیموں بازار میں سستے داموں فروخت ہونے کےلئے آجاتا ہے۔

لیموں کی سکنجبین لطف کو دوبالا کر دیتی ہے اور برسات کے موسم میں پیدا ہونے والے عوارضات سے بچانے کا قدرتی ذریعہ بھی ہے۔

جگر کی صفائی: رواں سال کلینیکل اینڈ ایکسپیریمینٹل فارماکالوجی اینڈ سائیکالوجی میں شائع ہونے والی ایک تحقیق کے مطابق لیموں میں نیرنجنین نامی مرکب پایا جاتا ہے جو جگر کی صفائی کے لئے نہایت موثر ہے۔

پوٹاشیم کا حصول کا ذریعہ: لیموں پوٹاشیم سے بھرپور ہوتا ہے، جس کی جسم میں موجودگی سے انسان نہ صرف دل اور دماغ کے مختلف امراض سے بچا رہتا ہے بلکہ یہ ہمارے اعصابی نظام کو بھی بہتر بناتا ہے۔

بلغم: لیموں میں یہ صلاحیت پائی جاتی ہے کہ اس کے استعمال سے گلے میں پھنسی بلغم رفع ہو جاتی ہے۔ نیم گرم میں پانی میں لیموں کا رس ملا کر غرارے کرنے سے گلہ کو بھی تقویت ملتی ہے۔

آرتھرائٹس: لیموں میں موجود اجزا یورک ایسڈ کو بڑھنے نہیں دیتے، جو جوڑوں میں درد کا باعث بنتا ہے۔

کمزور خلیوں کی بحالی: لیموں میں شامل اینٹی آکسائیڈینٹ الکوحل اور سگریٹ نوشی کی وجہ سے تباہ یا کمزور ہونے والے خلیوں کی فوری بحالی میں نہایت معاون ثابت ہوا ہے۔

قوت مدافعت: قوت مدافعت کی بڑھوتری کے لئے وٹامن سی ناگزیر ہے اور ایک لیموں میں 55فیصد وٹامن سی ہوتا ہے۔

جلد کی تروتازگی: لیموں کا جوس پینے جلدکی صحت پر بھی مثبت اثر ات مرتب ہوتے ہیں لیموں کو براہ راست جلد پر ملنے سے بھی اسے خوبصورت بنایا جا سکتا ہے۔

جولائی 6, 2015
افطار کے ساتھ ساتھ سحری میں بھی کھجور کا استعمال سود مند قرار

طبی ماہرین افطار کے ساتھ ساتھ سحری میں بھی کھجور کے استعمال کو سود مند قرار دیتے ہیں۔

رمضان المبارک میں افطاری میں ہم باقی لوازمات کے ساتھ کھجور کا بھی استعمال کرتے ہیں بلکہ روزہ کھجور کے ساتھ ہی افطار کرنے کو ترجیح دیتے ہیں کیونکہ یہ ہمارے پیارے نبی کا پسندیدہ پھل اور سنت ہے، کھجور رمضان المبارک میں استعمال ہونے والا سب سے پسندیدہ پھل ہے۔

کھجور قدرت کا وہ پھل ہے کہ جو اپنے اندر بے شمار افادی پہلو رکھتا ہے، جس کے ہر تین اجزاء کارآمد ہیں۔ قدرت نے ایسے غذائی اجزاء اس میں شامل کردیئے ہیں۔ جن کی ہمارے جسم کو ضرورت ہوتی ہے۔

شیریں ، خوش ذائقہ، ذود ہضم اور توانائی سے بھرپور پھل کھجور کا استعمال رمضان المبارک میں کثرت سے کیا جاتا ہے، غذائیت اور کیلوریز سے بھی بھرپور ہونے کے باعث طبی ماہرین نے افطاری کے ساتھ ساتھ سحری میں بھی کھجور کے استعمال کو انتہائی مفید قرار دیتے ہیں۔

مسلمانوں کو کھجور سے روزہ افطار کرنے کی ہدایت دی گئی ہے کیوں کہ روزہ رکھنے سے جسمانی قوت میں کمی آ جاتی ہے، قدرت نے کھجور میں اسے غذائی عمل پیدا کر دے ہیں جنکی ہمیں ضرورت ہوتی ہے کھجور پیٹ کے لئے بہت مفید ہے کھجور صرف روزہ افطار کرنے میں ہے مفید نہیں بلکہ کھجور کے اور بہت سارے فوائد ہیں غذائیت کے لحاظ سے یہ ایک بہترین غذا ہے اس میں طاقت کے خزانے پوشیدہ ہیں کھجور خون پیدا کرنے کا خزانہ ہے۔

یہ کمزور جسم کے لئے مفید ہے طاقت دیتی ہے اس کے علاوہ دماغ اعصاب کے لئے مفید ہے، جو لوگ جسمانی طور پر کمزور ہوں یا دماغی طور پر کمزور ہوں پا پھر جنہیں خون کی کمی ہو انہیں زیادہ سے زیادہ کھجور استعمال کرنی چاہیے ان کے لئے بہت ہے مفید چیز ہے، جن افراد کو آیوڈین کی کمی ہوتی ہے انہیں خاص طور پر کھجور استعمال کرنی چاہیے کھجور کے استعمال سے خون میں کولیسٹرول کی مقدار نہیں بڑھتی اور یہ بات سبھی جانتے ہیں کے خون میں کولیسٹرول کی مقدار بڑھ جائے تو دل کا دورہ بھی پڑ سکتا ہے، پس کھجور ایک مکمل غذا ہے جس میں غذائیت بھی ہے۔

ڈاکٹر فائزہ رشید غذائی ماہر ڈاکٹر خرم اکرم گھمن ڈاکٹرز کا کہنا ہے کہ سحرو افطار میں دودھ یا جوس کے ساتھ کھجور کا استعمال جہاں دل کو قوت فراہم کرتا ہے تو وہیں انسانی معدے کی کارکردگی میں بھی بہتری آتی ہے لیکن شرط ہے کہ استعمال مناسب مقدار میں ہو۔

کھجور انسان کو طاقتور اور مضبوط بناتی ہے، کھجور کھانے سے انسان دل کی بیماریوں سے بھی محفوظ رہتا ہے، کھجور سے خون بھی بڑھتا ہے اور رنگت بھی سرخ و سفید ہو جاتی ہے، اس کی گھٹلی آنتوں کے لئے بے حد مفید ہے۔اس کے علاوہ کھجور جسمانی کمزوری کو بھی دور کرتی ہے، اس میں وٹامن اے، نشاستہ ، کیلشیم، فولاد اور فاسفورس ہوتا ہے۔
،

جولائی 6, 2015