نیویارک : وزن کم کرنے انوکھا نسخہ سامنے آگیا ، بٹر کافی کے نام سے مشہور یہ مشروب اس وقت نہ صرف وزن کم کرنے کے لئے مقبول ہوچکا ہے۔
بلکہ اس کا ذائقہ بھی عام کافی سے مختلف ہے، بٹر کافی کو پینے والے اسے ناشتے کے متبادل کے طور پر بھی استعمال کررہے ہیں، لوگوں کا کہنا ہے کہ اس سے ان کے جسم کی توانائی ضروریات باآسانی پوری ہو رہی ہیں۔
ایک کپ بٹر کافی میں ناشتے کی تمام توانائی موجود ہوتی ہے اور یہ کافی دوپہر کے کھانے تک تازہ دم رکھتی ہے ، چکنائی سے بھرپور اور بہت کم کاربوہائیڈرئیٹ والا یہ مشروب تیزی سے وزن بھی گھٹاتا ہے۔
برطانوی ریسٹورنٹ کے مطابق وہ گذشتہ ایک سال سے یہ کافی بیچ رہے ہیں اور دن بدن اس کی مقبولیت میں اضافہ ہورہا ہے، ان کا کہنا ہے کہ جو لوگ بھاری قسم کی ورزش کے عادی ہیں ان کے لئے بھی یہ کافی طاقتور ٹانک سے کم نہیں کیونکہ اس میں ہر قسم کی توانائی پائی جاتی ہے۔
یہ آئلی کافی اصل میں ایک امریکی کاروباری ڈیو ایسپرے کی ایجاد سمجھی جاتی ہے، جسے تبت میں چائے کے ساتھ مکھن کھلایا گیا تھا اور وہ اسے اتنا پسند آیا کہ اس نے اسے کافی کے ساتھ استعمال کرنے کی روایت متعارف کروائی۔
