ARYNews.tv | Urdu – Har Lamha Bakhabar

Category: کھیل

پاکستان اور دنیا بھر سے کھیل کی تازہ ترین خبریں اور معلومات۔ کرکٹ، ہاکی، فٹ بال، پی ایس ایل کی خبریں

کھیلوں کی خبریں آپ کو اپنے پسندیدہ کھلاڑیوں اور ٹیموں کی کارکردگی کے بارے میں جاننے میں مدد کر سکتی ہیں۔

Sports News In Urdu

Cricket News in Urdu

  • پاکستان شاہینز کا سیمی فائنل میں‌ مقابلہ پرتھ اسکارچرز سے ہوگا

    پاکستان شاہینز کا سیمی فائنل میں‌ مقابلہ پرتھ اسکارچرز سے ہوگا

    ٹاپ اینڈ ٹی 20 سیریز کی سیمی فائنل لائن اپ مکمل ہوگئی ہے۔

    پاکستان شاہینز سیمی فائنل میں پرتھ اسکارچرز کے مدمقابل آئیں گے، پہلا سیمی فائنل شکاگو کنگزمین اور ایڈیلیڈ اسٹرائیکرز کے درمیان کھیلا جائے گا۔

    دونوں سیمی فائنل اتوار کی صبح کھیلےجائیں گے۔ پاکستان شاہینز نے چھے گروپ میچز میں سے چار میں کامیابی سمیٹی تھی۔

    واضح رہے کہ پاکستان شاہینز نے گزشتہ روز نیپال کو دلچسپ مقابلے کے بعد ایک رن سے ہرایا تھا۔

    یہ پڑھیں: پاکستان شاہینز نے ایڈیلیڈ اسٹرائیکرز کو 107 رنز سے شکست دے دی

    ڈارون میں جاری ایونٹ کے چھٹے میچ میں پاکستان شاہینز نے پہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر 144رنز اسکور کیے تھے۔

    کپتان عرفان خان نے 42، عبدالصمد نے 26 اور وسیم جونیئر نے 23 رنز بنائے، سومپال کامی نے 3 وکٹیں حاصل کیں۔

    جواب میں نیپال کی ٹیم 20 اوورز میں 7 و کٹ پر 143 رنز تک پہنچ سکی، نیپال کو آخری اوور میں جیت کے لیے 8 رنز درکار تھے، جو اُس کے بیٹر حاصل نہ کرسکے۔

    اس جیت کے نتیجے میں پاکستان شاہینز نے ایونٹ کے سیمی فائنل کےلیے کوالیفائی کرلیا ہے۔

  • بابر اعظم نے ایشیا کپ سے ڈراپ ہونے کے بعد دوبارہ ٹریننگ شروع کردی

    بابر اعظم نے ایشیا کپ سے ڈراپ ہونے کے بعد دوبارہ ٹریننگ شروع کردی

    پاکستان ٹیم کے سابق کپتان بابر اعظم نے امریکا میں مختصر قیام کے بعد لاہور پہنچ کر دوبارہ ٹریننگ شروع کردی ہے۔

    کرکٹ ویب سائٹ کی رپورٹ کے مطابق بابر نے جمعہ کو ایک مقامی کرکٹ انسٹی ٹیوٹ میں بیٹنگ پریکٹس شروع کی اور نوجوان کھلاڑیوں کے ساتھ بیٹنگ کی مشقیں کیں۔

    ذرائع کے مطابق وہ انسٹی ٹیوٹ کے زیر اہتمام مقامی ٹورنامنٹ میں حصہ لے سکتے ہیں۔

    ویسٹ انڈیز کے خلاف سیریز میں بابر نے تین میچوں میں صرف 56 رنز بنائے اور ان کا سب سے زیادہ اسکور 47 رنز تھا۔

    بابر اعظم کو ایشیا کپ کے لیے پاکستان کے ٹی 20 اسکواڈ میں شامل نہیں کیا گیا جبکہ ان کا سینٹرل کنٹریکٹ بھی اے سے بی کیٹگری کردیا گیا ہے۔

    واضح رہے کہ پی سی بی نے گزشتہ ہفتے 30 کرکٹرز کے سینٹرل کنٹریکٹ کا اعلان کیا تھا، اس سال کوئی بھی کھلاڑی اے کیٹیگری میں شامل نہیں ہے۔

    پچھلے ایڈیشنز کے برعکس دس کھلاڑیوں کو بی، سی اور ڈی کیٹیگریز میں رکھا گیا ہے۔

    کنٹریکٹ یافتہ کھلاڑیوں کا پول بھی 27 سے بڑھا کر 30 کر دیا گیا ہے، 12 نئے نام کمانے والے کھلاڑیوں میں احمد دانیال، فہیم اشرف، حسن علی، حسن نواز، حسین طلعت، خوشدل شاہ، محمد عباس، محمد حارث، محمد نواز، صاحبزادہ فرحان، سلمان مرزا، اور سفیان مقیم شامل ہیں۔

    ابرار احمد، حارث رؤف، صائم ایوب، سلمان علی آغا، اور شاداب خان کو حالیہ شاندار کارکردگی کی وجہ سے کیٹیگری سی سے بی میں ترقی دی گئی ہے۔

  • بھارت کے ساتھ بات چیت کے لیے بھیک مانگنے کا وقت گزر گیا، محسن نقوی

    بھارت کے ساتھ بات چیت کے لیے بھیک مانگنے کا وقت گزر گیا، محسن نقوی

    چیئرمین پی سی بی محسن نقوی کا کہنا ہے کہ بھارت کے ساتھ بات چیت کے لیے بھیک مانگنے کا وقت گزر گیا۔

    لاہور میں میڈیا سے گفتگو کرتے ہوئے چیئرمین پی سی بی محسن نقوی نے کہا کہ بھارت کے ساتھ جب بھی بات ہوگی برابری کی بنیاد پر ہوگی، بھارت سے بات چیت کے لیے بھیک مانگنے کا وقت گزر گیا، اب ان کی ٹیم سیاست سے نکلی ہے امید ہے بہتری آئے گی۔

    انہوں نے کہا کہ ٹیم میں کس کو شامل کرنا ہے کس کو نہیں یہ کام سلیکشن کمیٹی کا ہے، ہماری ٹیم ایشیا کپ میں اچھا پرفارم کرے گی۔

    محسن نقوی  نے کہا کہ ٹیم پر تنقید کم کردیں ایک میچ ہوتا نہیں اور رگڑا لگادیتے ہیں، ٹیم نے محنت کرنی ہے ہم سب نے ان کے پیچھے کھڑے ہونا ہے۔

    علاوہ ازیں چیئرمین پی سی بی کی زیر صدارت بورڈ آف گورنرز کا اجلاس ہوا جس میں کرکٹ کا معیار بہتر بنانے کے اقدامات پر غور کیا گیا۔

    خواتین کرکٹ کے فروغ کے لیے گراس روٹ لیول اقدامات اور ڈومیسٹک کرکٹ، نوجوان ٹیلنٹ لانے پر بریفنگ دی گئی۔

    پی سی بی کے اپ ڈیٹڈ فنانشل رولز کی منظوری اور رواں مالی سال کے آڈیٹرز کے تقرر کی بھی منظوری دی گئی۔

  • روہت اور کوہلی کی ون ڈے سے ریٹائرمنٹ ؟ بی سی سی آئی نے خاموشی توڑ دی

    روہت اور کوہلی کی ون ڈے سے ریٹائرمنٹ ؟ بی سی سی آئی نے خاموشی توڑ دی

    بھارتی کرکٹ ٹیم کے مایہ ناز بلے باز ویرات کوہلی اور روہت شرما نے انڈین پریمیئر لیگ (آئی پی ایل) 2025 کے دوران ٹیسٹ کرکٹ کو الوداع کہہ کر سب کو حیران کردیا تھا، اب دونوں کھلاڑیوں کے ون ڈے میچوں سے بھی ریٹائرمنٹ کی خبریں سامنے آرہی ہیں، ایسے میں بی سی سی آئی کا موقف سامنے آگیا ہے۔

    بھارتی میڈیا رپورٹس کے مطابق ویرات کوہلی اور روہت شرما کے فینس کی دل کی دھڑکنیں تیز ہو گئی ہیں۔ انہیں یہ اندیشہ ہو رہا ہے کہ کہیں اب وہ اپنے ان پسندیدہ کھلاڑیوں کو عالمی کرکٹ میں جلوہ دکھاتے ہوئے دوبارہ نہ دیکھ سکیں گے۔ اس درمیان ہندوستانی کرکٹ کنٹرول بورڈ (بی سی سی آئی) نے لب کشائی کی ہے۔

    رپورٹس کے مطابق بی سی سی آئی کے نائب صدر راجیو شکلا کا کہنا تھا کہ ویرات کوہلی اور روہت شرما ابھی ریٹائرمنٹ لینے نہیں جا رہے ہیں۔ وہ ٹیم انڈیا کی طرف سے کھیلتے ہوئے نظر آئیں گے۔ ان دونوں کا یک روزہ کرکٹ میں کافی شاندار ریکارڈ رہا ہے۔

    راجیو شکلا کا یوپی ٹی-20 لیگ کے دوران ایک ’ٹاک شوک‘ میں کوہلی اور روہت کے یک روزہ کرکٹ کو خیرباد کہنے کی خبروں کو رد کرتے ہوئے کہنا تھا کہ دونوں ابھی کرکٹ کے اس فارمیٹ میں موجود رہیں گے۔

    شکلا سے سوال کیا گیا کہ کیا کوہلی اور روہت کو ٹندولکر کی طرح وعداعی ملے گی؟ اس پر بی سی سی آئی کے نائب صدر نے سوال کیا کہ لوگ دونوں کھلاڑیوں کو لے کر اتنے فکرمند کیوں ہیں؟ جبکہ وہ ابھی ونڈے کھیل رہے ہیں۔

    شکلا کا کہنا تھا کہ روہت اور کوہلی دونوں ابھی بھی ونڈے ٹیم میں موجود ہیں، تو اگر وہ ابھی کھیل رہے ہیں تو وداعی کی بات کیوں ہو رہی ہے؟ آپ لوگ ابھی سے اتنے فکر مند کیوں ہیں؟

    شکلا نے آگے کہا کہ ”ہماری پالیسی بالکل واضح ہے۔ بورڈ کبھی کسی کھلاڑی کو ریٹائرمنٹ لینے کے لیے نہیں کہتا، اسے اپنا فیصلہ خود لینا ہوتا ہے۔“

    قومی ٹیم سے ڈراپ بابر اعظم نے بیٹنگ پریکٹس کا آغاز کردیا

    شکلا کا مزید کہنا تھا کہ کوہلی ابھی بھی سب سے فٹ کھلاڑیوں میں سے ایک ہیں اور روہت شرما ایک بہترین ونڈے کرکٹر ہیں، انہوں نے فینس سے کہا کہ وہ ان دونوں کھلاڑیوں کی وداعی کے بارے میں فکر نہ کریں۔ جب وہ وقت آئے گا تو ہم آپ کو بتائیں گے کہ یہ کیسے کرنا ہے؟

  • فیفا ورلڈ کپ 2026: وائٹ ہاؤس میں ٹرمپ سے فیفا کے صدر کی اہم ملاقات، میڈیا کی تنقید

    فیفا ورلڈ کپ 2026: وائٹ ہاؤس میں ٹرمپ سے فیفا کے صدر کی اہم ملاقات، میڈیا کی تنقید

    واشنگٹن (23 اگست 2025): فیفا ورلڈ کپ 2026 کے سلسلے میں وائٹ ہاؤس میں ڈونلڈ ٹرمپ اور فیفا کے صدر کی اہم ملاقات ہوئی ہے۔

    تفصیلات کے مطابق فیفا کے صدر جیانی انفنٹینو نے امریکی صدر ٹرمپ سے وائٹ ہاؤس میں ملاقات کی ہے، جس کے بعد انھوں نے انکشاف کیا کہ 2026 کے ورلڈ کپ کی قرعہ اندازی اس دسمبر میں واشنگٹن میں ہوگی۔

    ٹرمپ نے اعلان کیا کہ فیفا ورلڈ کپ کے لیے ٹیموں کے ڈراز 5 دسمبر کو کینیڈی سینٹر میں ہوں گے، اور عالمی فٹبال ایونٹ کا واشنگٹن سے نیا تاریخی آغاز ہوگا، کینیڈی سینٹر اس ایونٹ کا شان دار آغاز کرے گا۔

    امریکی صدر کا کہنا تھا کہ امریکی ٹیم بھی اس ایونٹ میں حصہ لے گی، فیفا ورلڈ کپ 2026 تاریخ کا سب سے بڑا ایونٹ ہوگا۔ ملاقات کے موقع پر فیفا کے صدر نے امریکی صدر ٹرمپ کو ان کے نام کی ٹی شرٹ بھی پیش کی۔

    واضح رہے کہ فیفا ورلڈ کپ 2026 تین ملکوں میں مشترکہ طور پر منعقد ہوگا، امریکا، کینیڈا اور میکسیکو فٹبال ورلڈ کپ کی میزبانی کریں گے، میگا ایونٹ کے 13،13 میچز میکسیکو اور کینیڈا میں ہوں گے، جب کہ بقیہ میچز امریکا کے 11 شہروں میں ہوں گے۔

    دوسری طرف امریکی اخبارات نے فیفا کے صدر کی اس طرح ڈونلڈ ٹرمپ سے ملاقات پر شدید تنقید کی ہے، اور کہا ہے کہ وہ آمر حکمرانوں اور انسانی حقوق کی پامالی کرنے والوں کی چاپلوسی کر رہے ہیں۔ یو ایس ٹوڈے نے لکھا کہ جیانی انفنٹینو کی خوشامدانہ روش اب فیفا ورلڈ کپ کو بھی داغدار کر رہی ہے۔

    اخبار نے لکھا کہ اگلے سال ہونے والا مردوں کا ورلڈ کپ، شمالی کوریا کے طرز کا ریاستی پروپیگنڈا ایونٹ بنتا جا رہا ہے، اور انفنٹینو بخوشی اس کا حصہ بن رہے ہیں، اور ایک ایسے موقع پر جس میں محض یہ اعلان ہونا تھا کہ قرعہ اندازی کینیڈی سینٹر میں ہوگی، وہ 45 منٹ تک ٹرمپ کے پہلو میں کھڑے ہنستے رہے جیسے وہ بھی کابینہ کے کوئی رکن ہوں۔

    یہاں تک کہ انفنٹینو اُس وقت بھی خاموش کھڑے رہے جب ٹرمپ نے یہ تجویز دی کہ شاید ولادیمیر پیوٹن بھی اس ٹورنامنٹ میں شریک ہوں، حالاں کہ 2022 میں یوکرین پر حملے کے بعد روس پر فیفا کے مقابلوں میں شرکت پر پابندی عائد ہے۔

  • پی سی بی کا پی ایس ایل کے 10 سالوں پر ڈاکومنٹری بنانے کا فیصلہ

    پی سی بی کا پی ایس ایل کے 10 سالوں پر ڈاکومنٹری بنانے کا فیصلہ

    لاہور (23 اگست 2025): پاکستان کرکٹ بورڈ (پی سی بی) نے پاکستان سپر لیگ (پی ایس ایل) کے 10 سالوں پر ڈاکومنٹری بنانے کا فیصلہ کیا ہے۔

    ذرائع کا اس حوالے سے کہنا ہے کہ پی ایس ایل کے 10 سالوں پر جدید عالمی معیار کی دستاویزی فلم بنائی جائے گی، یہ دستاویزی فلم پاکستان سپر لیگ پی ایس ایل کے 2016ء سے 2025ء تک کے سفر کے اتار چڑھاؤ اور کامیابیوں پر مبنی ہو گی۔

    دستاویزی فلم میں پی ایس ایل کی دبئی سے پاکستان منتقلی اور غیر ملکی کھلاڑیوں کو لانے جیسے چیلنجز پر روشنی ڈالی جائے گی جبکہ کووڈ کے ایام میں پی ایس ایل کو درپیش چیلنجز اور ان مقابلوں کا بھی خصوصی ذکر کیا جائے گا۔

    رپورٹس کے مطابق دستاویزی فلم میں پی ایس ایل دنیا کی بڑی لیگوں میں ٹاپ پر کیسے آئی اس کا سارا خلاصہ کیا جائے گا۔

    پاکستان سپر لیگ پی سی بی کا ڈاکومنٹری کے لیے خواہشمند افراد اور کمپنیوں سے اگلے ہفتے پیش کش طلب کرنے کا امکان ہے۔ پی سی بی شہرت یافتہ اور ماہر کمپنیوں کی خدمات حاصل کرنے کا خواہشمند مند ہے۔

    دوسری جانب راشد لطیف نے بابر اعظم اور محمد رضوان کے ایشیا کپ اسکواڈ سے اخراج کو اندرونی سیاست کا شاخسانہ قرار دیا ہے۔

    اگلے ماہ یو اے ای میں ہونے والے ایشیا کپ کے لیے قومی اسکواڈ میں پاکستان کے سابق کپتان اور ریکارڈ ساز بلے باز بابر اعظم اور محمد رضوان کو ڈراپ کیا گیا ہے، جس پر مختلف حلقے تعجب کا اظہار اور سلیکشن کمیٹی کے فیصلے پر تنقید کر رہے ہیں۔ اب پاکستان ٹیم کے سابق کپتان اور بے لاگ اپنا موقف پیش کرنے والے راشد لطیف بھی اس پر بول پڑے ہیں۔

    راشد لطیف نے خلیج ٹائمز کو دیے گئے ایک انٹرویو میں بابر اعظم اور محمد رضوان کے ٹیم سے اخراج کو اندرونی سیاست کا شاخسانہ قرار دیتے ہوئے کہا ہے کہ دونوں کی حالیہ کارکردگی میں کمی ضرور آئی ہے، لیکن انہیں صرف کرکٹنگ وجوہات نہیں بلکہ سیاست کی بنا پر ایشیا کپ کے اسکواڈ سے باہر کیا گیا ہے۔

    قومی ٹیم سے ڈراپ بابر اعظم نے بیٹنگ پریکٹس کا آغاز کردیا

    سابق کپتان کا کہنا تھا کہ پاکستان اس وقت آئی سی سی ٹی 20 رینکنگ میں آٹھویں نمبر پر ہے۔ ایسے وقت میں بابر اور رضوان جیسے کھلاڑیوں کو نظر انداز کرنا سمجھ سے بالاتر ہے، کیونکہ ہمارے پاس کوئی ڈان بریڈ مین جیسا بلے باز تو ہے نہیں۔

  • قومی ٹیم سے ڈراپ بابر اعظم نے بیٹنگ پریکٹس کا آغاز کردیا

    قومی ٹیم سے ڈراپ بابر اعظم نے بیٹنگ پریکٹس کا آغاز کردیا

    لاہور (23 اگست 2025): پاکستان کی قومی کرکٹ ٹیم کے سابق کپتان بابر اعظم نے لاہور کے مقامی انسٹیٹیوٹ میں بیٹنگ پریکٹس کا آغاز کردیا۔

    تفصیلات کے مطابق بابر اعظم نے نوجوان کرکٹرز کے ساتھ بیٹنگ پریکٹس کی، ان کا مقامی انسٹیٹیوٹ کے ٹورنامنٹ میں کھیلنے کا بھی امکان ہے۔

    واضح رہے کہ بابر ایک بار پھر قومی ٹی 20 اسکواڈ میں شامل نہیں کیے گئے ہیں جبکہ ان کا سینٹرل کنٹریکٹس بھی اے سے بی کٹییگری کردیا گیا ہے۔

    دوسری جانب راشد لطیف نے بابر اعظم اور محمد رضوان کے ایشیا کپ اسکواڈ سے اخراج کو اندرونی سیاست کا شاخسانہ قرار دیا ہے۔

    اگلے ماہ یو اے ای میں ہونے والے ایشیا کپ کے لیے قومی اسکواڈ میں پاکستان کے سابق کپتان اور ریکارڈ ساز بلے باز بابر اعظم اور محمد رضوان کو ڈراپ کیا گیا ہے، جس پر مختلف حلقے تعجب کا اظہار اور سلیکشن کمیٹی کے فیصلے پر تنقید کر رہے ہیں۔ اب پاکستان ٹیم کے سابق کپتان اور بے لاگ اپنا موقف پیش کرنے والے راشد لطیف بھی اس پر بول پڑے ہیں۔

    راشد لطیف نے خلیج ٹائمز کو دیے گئے ایک انٹرویو میں بابر اعظم اور محمد رضوان کے ٹیم سے اخراج کو اندرونی سیاست کا شاخسانہ قرار دیتے ہوئے کہا ہے کہ دونوں کی حالیہ کارکردگی میں کمی ضرور آئی ہے، لیکن انہیں صرف کرکٹنگ وجوہات نہیں بلکہ سیاست کی بنا پر ایشیا کپ کے اسکواڈ سے باہر کیا گیا ہے۔

    سابق کپتان کا کہنا تھا کہ پاکستان اس وقت آئی سی سی ٹی 20 رینکنگ میں آٹھویں نمبر پر ہے۔ ایسے وقت میں بابر اور رضوان جیسے کھلاڑیوں کو نظر انداز کرنا سمجھ سے بالاتر ہے، کیونکہ ہمارے پاس کوئی ڈان بریڈ مین جیسا بلے باز تو ہے نہیں۔

    راشد لطیف نے ایک بار پھر اپنا موقف دہراتے ہوئے کہا کہ پی سی بی میں جاری کھینچا تانی اور باہمی سیاست نے ملک کے دو بہترین کھلاڑیوں کو ذہنی طور پر نقصان پہنچایا، جس نے ان کی کارکردگی کا گراف بھی گرایا۔

    عمر اکمل کے لیے نیشنل کرکٹ اکیڈمی کے دروازے کھل گئے

    انہوں نے بابر اعظم کے اسٹرائیک ریٹ پر سوال اٹھانا بھی ناانصافی ہے کیونکہ کرکٹ میں محض اسٹرائیک ریٹ سب کچھ نہیں ہوتا، کھیل کی سمجھ سب سے اہم ہے۔

  • عمر اکمل کے لیے نیشنل کرکٹ اکیڈمی کے دروازے کھل گئے

    عمر اکمل کے لیے نیشنل کرکٹ اکیڈمی کے دروازے کھل گئے

    قومی ٹیم کے مڈل آرڈر بیٹر عمر اکمل کے لیے نیشنل کرکٹ اکیڈمی (این سی اے) کے دروازے کھل گئے۔

    سماجی رابطے کی ویب سائٹ ’ایکس‘ پر عمر اکمل نے نیشنل کرکٹ اکیڈمی میں ٹریننگ کی ویڈیو شیئر کردی۔

    انہوں نے کیپشن میں ڈائریکٹر ہائی پرفارمنس سینٹر عاقب جاوید کا شکریہ ادا کیا۔

    اس سے قبل نجی ٹی وی سے گفتگو کرتے ہوئے کرکٹر عمر اکمل نے کہا تھا کہ میں نہیں چاہتا کہ بیٹا پاکستان کی طرف سے کھیلے کیونکہ جو میرے ساتھ ہوا ہے نہیں چاہتا کہ وہ میرے بیٹے کے ساتھ بھی ہو۔

    ان کا کہنا تھا کہ میں نہیں چاہتا کہ یہ کرکٹر بنے لیکن اس کا یہ شوق ہے.

    یہ پڑھیں: عمر اکمل کو نہیں کھلانا، کس کا فون آتا تھا؟

    ایک دوسرے انٹرویو میں قومی کرکٹر عمر اکمل نے دعویٰ کیا تھا کہ انھیں پاکستان ٹیم میں نہ کھلانے کےلیے فون کالز آتی تھی اور کھلانے کےلیے منع کیا جاتا تھا۔

    عمر اکمل نے بتایا تھا کہ ایک کپتان تھا رضا علی ڈار، میں آپ کو اسکا نمبر بھی دے سکتا ہوں اور آپ خود کال کرکے تصدیق کرسکتے ہیں، انہیں کرکٹ بورڈ سے اوپر سے کال آتی تھی کہ عمر اکمل کو نہیں کھلانا ہے۔

    ان کا کہنا تھا کہ تاہم اس کپتان نے میرے لیے اسٹینڈ لیا کہ میں اسے کیسے نہ کھلائوں، عمر اکمل جیسا بیٹر میں کیسے باہر بٹھاؤں۔

  • بنگلادیش کا ایشیا کپ کے لیے اسکواڈ کا اعلان

    بنگلادیش کا ایشیا کپ کے لیے اسکواڈ کا اعلان

    بنگلادیش کرکٹ بورڈ نے ایشیا کپ کے لیے 16 رکنی اسکواڈکا اعلان کردیا۔

    بنگلادیش بورڈ کی جانب سے جاری کردہ اسکواڈ کے مطابق لٹن داس ایشیا کپ میں ٹیم کی قیادت کریں گے، قاضی نور الحسن کی تین سال بعد ٹیم میں واپسی ہوئی ہے۔

    اسکواڈ میں پرویز حسین، توحید ریدوئے، جاکیر علی، شمیم حسین، مہدی حسن، رشاد حسین، ناسوم احمد، مستفیض الرحمان شامل ہیں۔

    بنگلادیش ٹیم میں تسکین احمد، تنظیم حسن، شریف الاسلام اور سیف الدین بھی موجود ہیں۔

    واضح رہے کہ ایشیا کپ 2025 ٹی 20 فارمیٹ میں 9 سے 28 ستمبر تک متحدہ عرب امارات میں کھیلا جائے گا۔

    بائیں ہاتھ کے اوپنر محمد نعیم شیخ بنگلا دیش اسکواڈ میں اپنی جگہ برقرار رکھنے میں ناکام رہے ہیں۔

    26 سالہ نوجوان بیٹر اس وقت آسٹریلیا کے شہر ڈارون میں ٹاپ اینڈ ٹی 20 سیریز میں بنگلادیش اے کی نمائندگی کررہے ہیں۔

    گروپ بی میں شامل بنگلا دیش اپنی ایشیا کپ 2025 مہم کا آغاز 11 ستمبر کو ہانگ کانگ کے خلاف کرے گا اور اس کے بعد وہ بالترتیب 13 اور 16 ستمبر کو سری لنکا اور افغانستان سے مقابلہ کرے گا۔

    بنگلہ دیش اسکواڈ:

     لٹن داس (کپتان) ہیں دیگر کھلاڑیوں میں  تنزید حسن، پرویز حسین ایمون، سیف حسن، توحید ہردوئے، جیکر علی انیک، شمیم ​​حسین، قاضی نورالحسن سوہن، شک مہدی حسن، رشاد حسین، نسیم احمد، مستفیض الرحمان، تنظم حسن، حسن الدین اور محمد حسن شامل ہیں۔

  • ’بابر اور رضوان اندرونی سیاست کا شکار ہوئے‘

    ’بابر اور رضوان اندرونی سیاست کا شکار ہوئے‘

    (20 اگست 2025): راشد لطیف نے بابر اعظم اور محمد رضوان کے ایشیا کپ اسکواڈ سے اخراج کو اندرونی سیاست کا شاخسانہ قرار دیا ہے۔

    اگلے ماہ یو اے ای میں ہونے والے ایشیا کپ کے لیے قومی اسکواڈ میں پاکستان کے سابق کپتان اور ریکارڈ ساز بلے باز بابر اعظم اور محمد رضوان کو ڈراپ کیا گیا ہے، جس پر مختلف حلقے تعجب کا اظہار اور سلیکشن کمیٹی کے فیصلے پر تنقید کر رہے ہیں۔ اب پاکستان ٹیم کے سابق کپتان اور بے لاگ اپنا موقف پیش کرنے والے راشد لطیف بھی اس پر بول پڑے ہیں۔

    راشد لطیف نے خلیج ٹائمز کو دیے گئے ایک انٹرویو میں بابر اعظم اور محمد رضوان کے ٹیم سے اخراج کو اندرونی سیاست کا شاخسانہ قرار دیتے ہوئے کہا ہے کہ دونوں کی حالیہ کارکردگی میں کمی ضرور آئی ہے، لیکن انہیں صرف کرکٹنگ وجوہات نہیں بلکہ سیاست کی بنا پر ایشیا کپ کے اسکواڈ سے باہر کیا گیا ہے۔

    سابق کپتان کا کہنا تھا کہ پاکستان اس وقت آئی سی سی ٹی 20 رینکنگ میں آٹھویں نمبر پر ہے۔ ایسے وقت میں بابر اور رضوان جیسے کھلاڑیوں کو نظر انداز کرنا سمجھ سے بالاتر ہے، کیونکہ ہمارے پاس کوئی ڈان بریڈ مین جیسا بلے باز تو ہے نہیں۔

    راشد لطیف نے ایک بار پھر اپنا موقف دہراتے ہوئے کہا کہ پی سی بی میں جاری کھینچا تانی اور باہمی سیاست نے ملک کے دو بہترین کھلاڑیوں کو ذہنی طور پر نقصان پہنچایا، جس نے ان کی کارکردگی کا گراف بھی گرایا۔

    انہوں نے بابر اعظم کے اسٹرائیک ریٹ پر سوال اٹھانا بھی ناانصافی ہے کیونکہ کرکٹ میں محض اسٹرائیک ریٹ سب کچھ نہیں ہوتا، کھیل کی سمجھ سب سے اہم ہے۔

    ساتھ ہی امید ظاہر کی کہ بابر اپنے مسائل پر قابو پاتے ہوئے جلد دوبارہ وہی بیٹر بنیں گے جو دنیا کے بہترین کھلاڑیوں کی فہرست میں شامل تھا۔ لیکن یہ تب ہی ممکن ہے کہ انہیں سیاست اور غیر ضروری دباؤ سے آزاد کیا جائے۔

    سابق کپتان نے ٹی 20 ورلڈ کپ 2024 کے لیے دوبارہ ٹیم کی قیادت قبول کرنے کو بابر اعظم کی سب سے بڑی غلطی قرار دیتے ہوئے کہا کہ ان کے اس فیصلے نے ان کی بیٹنگ فارم کو بری طرح متاثر کیا۔