Category: کھیل

بنگلادیش نے عالمی چیمپئن انگلینڈ کے خلاف تین ٹی ٹوئنٹی میچوں کی سیریز میں کلین سوئپ کر لیا۔

انگلینڈ کو آخری ٹی ٹوئنٹی میں 16 رنز سے شکست دے کر بنگلا دیش نے سیریز میں 3-0 سے کلین سویپ کیا ہے۔
159 رنز کے تعاقب میں انگلینڈ کی ٹیم مقررہ اوورز میں 6 وکٹوں پر 142 رنز تک محدود رہی۔

اوپنر ڈیوڈ ملان کے 53 اور جوز بٹلر کے 40 رنز بھی ٹیم کے کام نہ آئے۔ ان کے سوا کوئی اور بلے باز زیادہ مزاحمت نہ کر سکا۔ ٹم سالٹ صفر، بین ڈکٹ 11، معین علی 9 اور سیم کرن 4 رنز بنا کر آؤٹ ہوئے۔

بنگلہ دیش نے اوپنر لٹن داس کے 57 گیندوں پر 73 اور نجم الحسین شانتو کے 36 میں ناٹ آؤٹ 47 رنز کی بدولت 158 رنز کا ٹوٹل بنایا تھا۔

سیم کرن اور کرس جارڈن نے آخری پانچ اوورز میں صرف 27 رنز دے کر بنگلا دیش کے اسکور کو محدود کیا۔

پی ایس ایل 8 میں لاہور قلندرز کے خلاف میچ میں پشاور زلمی کے بیٹر محمد حارث کے بیٹ ٹوٹنے کی ممکنہ وجہ سامنے آگئی۔

پی ایس ایل 8 کے اہم میچ میں قلندرز کے فاسٹ بولر شاہین شاہ آفریدی کی گیند پر اوپنر بیٹر محمد حارث کا بیٹ ٹوٹ گیا تھا جس کے بعد اگلی ہی گیند پر وہ بولڈ ہوگئے تھے۔

اے آر وائی ڈیجیٹل کے پروگرام ’دی فورتھ امپائر ایکسپریس‘ میں سابق کپتان اظہر علی نے حارث کے بیٹ ٹوٹنے کی وجہ بیان کردی ہے۔

فہد مصطفیٰ نے اظہر علی سے پوچھا کہ ’شاہین کی گیند اتنی تیز تھی کہ بلا ٹوٹ گیا یا بیٹ کے ٹوٹنے سے تو بیٹر کا مورال وہی ختم ہوجاتا ہے۔

اظہر علی نے بتایا کہ ’یہ بیٹ بہت ڈرائی ہوگیا ہوگا یا پھر اس کے اندر ہلکا سا کریک ہوگا جس کا حارث کو علم نہیں ہوگا۔‘

سابق کپتان نے بتایا کہ ’بیٹر کو بیٹ کا بیلنس اتنا پسند ہوتا ہے کہ جب کسی وجہ سے دوسرا بیٹ منگوانا پڑے تو اسے ایسا لگتا ہے کہ عجیب سا بیٹ تھام لیا ہے۔‘

اظہر علی نے کہا کہ ’سارے بیٹ سے کھیلنا چاہیے کہ اگر کوئی بیٹ ٹوٹ جائے تو دوسرے بیٹ کی بھی عادت ہوجائے۔‘

انہوں نے مزید کہا کہ ’میرے خیال میں پہلے سے ہی بیٹ میں کریک آیا ہوا تھا تبھی ایسا ہوا ہے۔‘

قومی ٹیم کے سابق کپتان شعیب ملک نے سعید اجمل کے مشہور ڈراپ کیچ کا قصہ سنا دیا۔

اے اسپورٹس کے پروگرام میں سابق کپتان شعیب ملک میزبانی کے فرائض انجام دے رہے ہیں جبکہ محمد عامر اور عماد وسیم بطور مہمان شریک ہوئے۔

محمد عامر نے بتایا کہ چیمپئنز ٹرافی کا جب فائنل جیتے تھے تو آپ ویرات کوہلی، یووراج سنگھ، اظہر علی اور میں کھڑے تھے آپ سعید اجمل کا وہ کیچ بتارہے تھے وہ دوبارہ بتائیں۔

شعیب ملک نے مزاحیہ انداز میں بتایا کہ ’وہ کیچ ڈراپ ہونا ایسا تھا جب بھی اس پر بات کریں تو بڑا مزہ آتا ہے۔

انہوں نے کہا کہ کیچ آرہا تھا اور سعید اجمل ہاتھوں سے پھول بنا کر بیٹھے تھے جب انہوں نے پھول بنایا تو میں نے کہا کہ کیچ یہ کرلیں گے۔‘

شعیب ملک نے کہا کہ میری غلطی یہ تھی کہ میں نے کیچ کی کال نہیں تھی کی اور وہ اس وجہ سے نہیں کی کہ سعید اجمل کا وہ پھول دیکھ لیا تھا میں نے کہا کہ بہت آسان کیچ ہے سعید اجمل کرلیں گے۔‘

انہوں نے کہا کہ سعید اجمل کے پھول سے گیند آگے گری، میں نے کہا کہ آپ نے کیچ نہیں کیا۔‘

شعیب ملک کا کہنا تھا کہ ’سعید اجمل کہنے لگے کہ میں نے ہاتھ اس لیے اس طرح کیے کہ آپ چھوڑیں گے تو میں کیچ کرلوں گا، میں نے کہا میں نے تو چھوڑ دیا تھا۔‘

سابق کرکٹر شاہد آفریدی نے شاداب خان کی حمایت کی ہے جنہیں آئندہ افغانستان سیریز کے لیے کپتان بنانے کا اعلان کیا گیا ہے۔

چیف سلیکٹر ہارون رشید نے پیر کو افغانستان کے خلاف تین ٹی ٹوئنٹی میچوں کی سیریز کے لیے اسکواڈ کا اعلان کیا۔ سیریز کا آغاز 24 مارچ بروز جمعہ سے ہوگا۔

پاکستان کے کپتان بابر اعظم کے ساتھ فخر زمان، حارث رؤف، محمد رضوان اور شاہین شاہ آفریدی کو سیریز میں آرام دیا گیا ہے۔

کپتانی کی تبدیلی کے حوالے سے شاہد نے اپنا موقف واضح کیا کہ انہوں نے شاہین کو کپتان بنانے کے لیے کبھی لابنگ نہیں کی۔

https://urdu.arynews.tv/shahid-afridis-reaction-to-making-shadab-khan-the-captain/

ایک کرکٹ شو میں گفتگو کرتے ہوئے انہوں نے کہا کہ میرا کرکٹ بورڈ سے دور کا بھی تعلق نہیں، میں نے شاہین کو مشورہ دیا کہ وہ پی ایس ایل میں فرنچائز کی کپتانی نہ کریں، قومی ٹیم کی کپتانی کی بات تو چھوڑ دیں۔

انہوں نے کہا کہ بورڈ کی طرف سے لیا گیا فیصلہ دانشمندانہ ہے اور سنیارٹی کے مطابق مناسب ہے، بابر کی غیر موجودگی میں، یہ کردار مناسب طور پر شاداب کو جاتا ہے، کیونکہ وہ کافی عرصے سے نائب کپتان کے طور پر خدمات انجام دے رہے ہیں۔ میں اس فیصلے سے بہت خوش ہوں۔

اس سے قبل پاکستان کرکٹ ٹیم کے سابق کپتان آل راؤنڈر شاہد آفریدی نے شاداب خان کو پاکستان ٹیم کا کپتان بنائے جانے پر خوشی کا اظہار کرتے ہوئے ٹوئٹ میں لکھا کہ تھا سینئر کھلاڑیوں کو آرام دینے اور شاداب جیسے باصلاحیت نوجوان کو موقع دینے کا پی سی بی کا دانشمندانہ فیصلہ ہے۔

پاک افغان ٹی ٹوئنٹی سیریز کے لئے کوچنگ اسٹاف کا اعلان کر دیا گیا۔

پی سی بی منیجمنٹ کمیٹی کے چیئرمین نجم سیٹھی نےٹوئٹ کرکے کوچز کے ناموں کا اعلان کیا ہے۔ خیبرپختونخوا ٹیم کی کوچنگ کرنے والے عبدالرحمان کو پاکستان ٹیم کا عبوری ہیڈکوچ مقرر کیا گیا ہے۔

سابق فاسٹ بولرعمرگل بولنگ کوچ کی زمہ داریاں انجام دیں گے جب کہ سابق کپتان محمد یوسف ٹیم کے بیٹنگ کوچ ہوں گے۔

@TheRealPCB announces Support Personnel for Sharjah T20Is. Abdul Rehman, Head Coach; Umar Gul, Bowling Coach; M Yousuf, Batting Coach; A Majeed, Fielding Coach; Drikus Simon, Trainer; Cliffe Deacon, Physio; Talha Ijaz, Analyst; Mansoor Rana, Manager; Ahsan Nagi, Media. #PAKvAFG

— Najam Sethi (@najamsethi) March 14, 2023

عبدالمجید ٹی ٹوئنٹی سیریز میں ٹیم کےفیلڈنگ کوچ ہوں گے۔

آل راؤنڈر شاداب خان افغانستان کیخلاف سیریز میں پاکستان ٹیم کے کپتان ہونگے۔ چیئرمین نجم سیٹھی نے کہا کہ میں نے بابر اعظم ، محمد رضوان، شاہین اور فخر سے بات کرلی ہے، ان کی جگہ ٹیم میں پکی ہے۔

نجم سیٹھی کا کہنا تھا کہ بابر ہمارا بہترین کپتان ہے، وہ ٹیم کےکپتان برقرار ہیں، جس دن وہ کہیں گے اس پر ان کی کپتانی کا فیصلہ کریں گے، ہمارے سینئرز کھلاڑیوں کو کوئی خطرہ نہیں ان کی جگہ پکی ہے، نئے کھلاڑیوں کو ٹیسٹ کررہے ہیں۔

چیئرمین پی سی بی نے اعلان کیا ہےکہ پاک افغان ٹی ٹوئنٹی سیریز کے لیے شاداب خان کو کپتان بنانے کا فیصلہ کیا ہے۔

ٹی ٹوئنٹی ایشیا کپ میں ناخوشگوار واقعے کے بعد رواں ماہ پاک افغان سیریز میں دونوں ممالک کے تماشائیوں کو اسٹیڈیم میں الگ الگ بٹھانے پر غور کیا جا رہا ہے۔

پی سی بی منیجمنٹ کمیٹی کے سربراہ نجم سیٹھی نے کہا ہے کہ پاک افغان ٹی ٹوئنٹی سیریز کے دوران کسی بھی قسم کے ناخوشگوار واقعے سے بچنے کے لیے سخت سیکیورٹی اقدامات کیے ہیں۔

نجم سیٹھی کا کہنا ہے کہ دبئی میں افغان حکام کے ساتھ بات ہوئی تھی کی آپ کے کھلاڑیوں اور کراؤڈ کو کون سنبھالے گا اور ان کی کیا گارنٹی ہے؟ کیونکہ ماضی کا تجربہ اتنا اچھا نہیں رہا۔

چیئرمین پی سی بی نے بتایا کہ افغان حکام کی جانب سے دو ضمانتیں دی گئیں جن میں ایک تو یو اے ای کی انتظامیہ نے اب کوئی نیا انتظام کیا ہے جس میں ان کی کوشش ہو گی کہ پاکستان اور افغانستان کے سپورٹرز ایک جگہ نہ بیٹھیں۔ دوسری ضمانت یہ ہے کہ قوانین کی خلاف ورزی کرنے والوں کے خلاف بڑی سختی سے ایکشن لیا جائے گا۔

ان کا کہنا تھا کہ ویسے بھی یہ افغانستان اور ہمارا ایشو نہیں ہے۔ سیریز کی میزبانی شارجہ کر رہا ہے اور اس حوالے سے شارجہ کی انتظامیہ نے پہلے سے ہی فیصلہ کر رکھا ہے۔

نجم سیٹھی نے بتایا کہ میری افغان کرکٹ بورڈ کے حکام کے ساتھ یہ بات بھی ہوئی تھی کہ برائے مہربانی آپ اپنے کھلاڑیوں کو سمجھا لیں کہ ہار جیت ہوتی ہے، ہمیں ہار جیت کا کافی تجربہ ہے اس لیے ہم اپنے جذبات کو کنٹرول کر لیتے ہیں مگر آپ نئے نئے آئے ہیں اس لیے ذرا خیال رکھیے گا۔

واضح رہے کہ گزشتہ سال ٹی ٹوئنٹی ایشیا کپ کے دوران پاکستان سے میچ ہارنے پر افغان تماشائیوں نے پاکستانی تماشائیوں پر کرسیاں پھینکی تھیں اور مغلظات بکی تھیں جس پر یو اے ای انتظامیہ نے ایکشن بھی لیا تھا۔

پاکستان اور افغانستان کے درمیان تین ٹی ٹوئنٹی میچز کی سیریز 24 سے 27 مارچ تک شارجہ میں کھیلی جائے گی۔