پاکستان سپر لیگ 8 میں پشاور زلمی کے غیر ملکی کھلاڑی مغلیہ ڈش کے دیوانے ہوگئے اور دم پُخت کو چٹخارے لے لے کر کھایا۔

ایچ پی ایل پاکستان سپر لیگ کے آٹھویں سیزن میں جہاں شائقین کرکٹ کو سنسنی خیز اور اعصاب شکن میچز دیکھنے کو مل رہے ہیں وہیں اس ایونٹ سے جڑی دلچسپ اور چٹ پٹی خبریں بھی سننے اور دیکھنے کو مل رہی ہیں۔

پاکستان کا دورہ کرنے والے غیر ملکی کھلاڑی پاکستانی کھانوں کے دیوانے تو ہو ہی جاتے ہیں لیکن اس بار پشاور زلمی کے غیر ملکی کھلاڑیوں کو مغلئی ڈش نے اپنا دیوانہ بنا لیا ہے۔ دم پُخت انہیں ایسا من بھایا کہ وہ اسے چٹخارے لے لے کر مزے سے کھاتے رہے۔

سماجی رابطوں کی ویب سائٹ ٹوئٹر پر پشاور زلمی کے مالک جاوید آفریدی نے ایک دلچسپ ویڈیو شیئر کی ہے جس میں ٹیم کے کھلاڑیوں کی تواضع مغل حکمرانوں کے دستر خوانوں کی زینت بننے والی مرغوب کھانے دم پُخت سے کی گئی ہے۔

ویڈیو میں زلمی کے ڈیرن سیمی، کیوی آل راؤنڈر جمی نیشم، ٹام کوہلر کیڈمور اور دیگر کھلاڑی مزے سے چٹخارے لے لے کر دم پُخت کھا رہے ہیں۔

غیر ملکی کھلاڑیوں کو اس کا ذائقہ ایسا من بھایا کہ جمی نیشم نے جاوید آفریدی کی ٹویٹ کو اپنے اکاؤنٹ پر شیئر کرتے ہوئے لکھا کہ ’’بہت مزیدار ہے۔‘‘

واضح رہے کہ ایچ بی ایل پی ایس ایل 8 میں پشاور زلمی نے کوالیفائر مرحلے کے لیے کوالیفائی کر لیا ہے۔

زلمی کے غیر ملکی کھلاڑیوں کی چٹخارے لیتی یہ ویڈیو سوشل میڈیا پر وائرل ہونے کے بعد لاکھوں صارفین اس کو دیکھ اور پسندیدگی کا اظہار کرچکے ہیں۔

Delicious! https://t.co/uTnIBzUdpl

— Jimmy Neesham (@JimmyNeesh) March 12, 2023

 

کرکٹ میں بعض اوقات ایسی صورتحال پیش آتی ہے کہ دیکھنے والے قہقہے لگانے پر مجبور ہوجاتے ہیں۔

ایسی ہی ایک ویڈیو سوشل میڈیا پر وائرل ہورہی ہے جس میں فیلڈر ہر ممکن کوشش کے باوجود بھی باؤنڈری نہیں روک سکا ویڈیو دیکھ کر لوگ بے ساختہ مسکرانے پر مجبور ہوگئے۔

بھارت میں ٹینس کرکٹ میچ کے دوران کھلاڑی سلپ میں فیلڈنگ کررہا ہوتا ہے اور اسی دوران ایج لگ کر گیند اس کی جانب سے جاتی ہے۔

ویڈیو میں دیکھا جاسکتا ہے کہ کھلاڑی گر کر گیند کو تو روک لیتا ہے لیکن تھرو کرتے وقت اس کے پاؤں سے گیند ٹکرا کار باؤنڈری لائن پار کر جاتی ہے۔

کھلاڑی کی یہ دلچسپ ویڈیو سوشل میڈیا کے مختلف پلیٹ فارمز پر دیکھی جارہی ہے اور لوگ اس پر مزاحیہ تبصرے بھی کررہے ہیں۔

بہت کم لوگ جانتے ہیں کہ ایک کرکٹر نے پاکستان اور بھارت دونوں ٹیموں کی جانب سے کھیلا ہے۔

اے آر وائی ڈیجیٹل کے پروگرام ’دی فورتھ امپائر ایکسپریس‘ میں ڈائریکٹر نبیل قریشی اور ندیم بیگ شریک ہوئے جہاں ان سے سابق کپتان اظہر علی نے سوالات کیے۔

نبیل قریشی اور ندیم بیگ سے پوچھا کہ وہ کونسا کرکٹر ہے جس نے پاکستان اور بھارت دونوں ٹیموں سے کھیلا ہے۔

فیضان شیخ نے مزاحیہ انداز میں کہا کہ ’ہمایوں سعید‘ ہوں گے۔

ڈائریکٹر کی جانب سے اندازہ لگایا کہ ہوسکتا ہے کسی لیگ میں کھیلا ہو جس پر فہد مصطفیٰ نے کہا کہ نہیں یہ پاکستان بننے سے پہلے کھیلے ہوں گے۔

بعدازاں مہمانوں کی جانب سے بتایا گیا کہ ’عبدالحفیط کاردار‘ ہیں جو دونوں ٹیموں سے کھیلے ہیں۔

واضح رہے کہ عبدالحفیظ کاردار نے 22 جون 1946 میں بھارت کی جانب سے انگلینڈ کے خلاف ڈیبیو کیا تھا جبکہ انہوں نے اپنا آخری ٹیسٹ 26 مارچ 1958 پاکستان کی نمائندگی کرتے ہوئے ویسٹ انڈیز کے خلاف کھیلا تھا۔

ایچ بی ایل پاکستان سپر لیگ 8 کا پہلا مرحلہ اختتام پذیر ہوگیا۔ اس مرحلے میں بیٹنگ اور بولنگ میں پاکستانی کھلاڑی ہی سب سے آگے رہے۔

دنیا کی مقبول ترین لیگز میں شامل پاکستان سپر لیگ سیزن 8 کے پہلے مرحلے کا اختتام ہوگیا۔ 30 میچوں پر مشتمل اس مرحلے میں شائقین کرکٹ کو کئی سنسنی خیز، دل کی دھڑکنیں تیز کرنے والے اعصاب شکن اور دلچسپ میچز دیکھنے کو ملے۔

پی ایس ایل میں دنیا بھر سے کرکٹ کے بڑے بڑے کھلاڑی شریک ہیں تاہم پہلے مرحلے کے اختتام پر بیٹنگ اور بولنگ کے شعبے میں پاکستانی کھلاڑی ہی سر فہرست نظر آ رہے ہیں۔

محمد رضوان

بیٹنگ کی بات کی جائے تو ملتان سلطانز کے کپتان محمد رضوان سب سے آگے نظر آتے ہیں جو رواں ایونٹ میں 10 میچز کھیل کر 60.37 کی اوسط سے 483 رنز بنائے ہیں۔

محمد رضوان نے ایک سنچری اور اور 4 نصف سنچریاں جڑی ہیں۔ کراچی کنگز کے خلاف صرف 64 گیندوں پر 110 کی ناقابل شکست اننگ ان کی ایونٹ میں ناقابل فراموش کارکردگی ہے۔

بابر اعظم

قومی ٹیم کے ساتھ پشاور زلمی کی قیادت کرنے والے بابر اعظم پی ایس ایل 8 کے بلے بازوں کی ٹاپ فہرست میں دوسرے نمبر پر ہیں۔ انہوں نے 9 میچز کی 9 اننگز میں 52 کی اوسط سے 416 رنز بنا رکھے ہیں۔

بابر اعظم نے بھی ایک سنچری اور 4 نصف سنچریاں جڑی ہیں۔ کوئٹہ گلیڈیئٹرز کے خلاف 65 رنز پر ان کے جارحانہ 115 رنز پی ایس ایل کی یادگار اننگز میں سے ایک ہے۔

عماد وسیم

کراچی کنگز پی ایس ایل کے پلے آف مرحلے میں تو کوالیفائی نہیں کرسکی تاہم اس کے کپتان عماد وسیم نے ایونٹ میں اپنے بلے اور گیند دونوں سے جادو جگایا اسی بدولت وہ ٹاپ بلے بازوں کی فہرست میں تیسرے نمبر پر ہیں جنہوں نے 404 رنز بنائے۔

عماد وسیم کی بیٹنگ کی خاص بات یہ ہے کہ وہ 10 اننگز میں 7 بار ناقابل شکست رہے اور ان کا بیٹنگ ایوریج سب سے زیادہ 134.66 رہا ہے۔ انہوں نے تین نصف سنچریاں بنائیں۔

بولنگ کے شعبے میں بھی پاکستانی بولرز ہی چھائے رہے۔

عباس آفریدی

ملتان سلطانز کے رائٹ آرم میڈیم فاسٹ بولر عباس آفریدی کا نام ٹاپ بولرز کی فہرست میں سب سے پہلے جگمگا رہا ہے جنہوں نے ایونٹ کے پہلے مرحلے میں 10 میچز کھیل کر 14.95 کی اوسط سے 22 وکٹیں حاصل کرکے قومی ٹیم میں سلیکشن کے لیے سلیکٹرز کی نظریں خود پر مرکوز کرالی ہیں۔

کوئٹہ گلیڈیئٹرز کے خلاف 47 رنز کے عوض 5 وکٹوں کی کارکردگی سے ان کا نام کرکٹ کے حلقوں میں گونجا جب کہ اسی ایونٹ میں وہ دو بار چار وکٹیں لینے کا کارنامہ بھی انجام دے چکے ہیں۔

احسان اللہ

اس فہرست میں دوسرے نمبر پر موجود احسان اللہ کا تعلق بھی ملتان سلطانز سے ہے جنہوں نے 20 وکٹیں حاصل کر رکھی ہیں۔ ان کی بہترین کارکردگی گلیڈیئٹرز کے خلاف رہی جس میں انہوں نے صرف 12 رنز کے عوض 5 وکٹیں حاصل کرکے کوئٹہ کی بیٹنگ کو تہس نہس کردیا تھا۔

احسان اللہ رواں ماہ افغانستان کے خلاف شارجہ میں کھیلی جا رہی ٹی ٹوئنٹی سیریز میں قومی ٹیم میں جگہ پاکر اپنی اس بے مثال کارکردگی کا صلہ پا چکے ہیں۔

راشد خان

افغانستان کے مایہ ناز آل راؤنڈر جو پی ایس ایل 8 میں لاہور قلندرز کی نمائندگی کر رہے ہیں۔ 8 میچز میں 15 وکٹیں حاصل کرکے تیسرے نمبر پر ہیں۔