ARYNews.tv | Urdu – Har Lamha Bakhabar

Category: کھیل

پاکستان اور دنیا بھر سے کھیل کی تازہ ترین خبریں اور معلومات۔ کرکٹ، ہاکی، فٹ بال، پی ایس ایل کی خبریں

کھیلوں کی خبریں آپ کو اپنے پسندیدہ کھلاڑیوں اور ٹیموں کی کارکردگی کے بارے میں جاننے میں مدد کر سکتی ہیں۔

Sports News In Urdu

Cricket News in Urdu

  • بنگال ٹائیگرز کے ہاتھوں بھارت کی شکست پر دلچسپ میمز کی بھرمار

    بنگال ٹائیگرز کے ہاتھوں بھارت کی شکست پر دلچسپ میمز کی بھرمار

    بنگلہ دیش نے سنسنی خیز مقابلے کے بعد بھارت کو دوسرے ون ڈے میں بھی شکست دے کر سیریز 2-0 سے اپنے نام کرلی، مہدی حسن مراز کو آل راؤنڈ کارکردگی پر میچ کا بہترین کھلاڑی قرار دیا گیا۔

    میرپور کے شیر بنگلہ نیشنل اسٹیڈیم میں جاری سیریز کے دوسرے ون ڈے میں بنگلہ دیش نے بھارت کو 272 رنز کا ہدف دیا جس کے تعاقب میں مہمان ٹیم 9 وکٹوں کے نقصان پر 266 رنز بناسکی، روہت شرما کی 51 رنز کی اننگ بھی بھارت کو شکست سے نہ بچاسکی۔

    آخری اوور میں بھارت کو جیت کے لیے 20 رنز درکار تھے، فاسٹ بولر مستفیض الرحمان نے شاندار بولنگ کرتے ہوئے 20 رنز نہ بننے دیے اور روہت شرما کو روکے رکھا، انہوں نے مقررہ اوورز میں 43 رنز دے کر ایک وکٹ حاصل کی۔

    بنگلہ دیش سے شکست کے بعد جہاں سوشل میڈیا صارفین کی جانب سے انجرڈ ہونے کے باوجود شاندار بیٹنگ کرنے والے کپتان روہت شرما کی بیٹنگ کی تعریف کی جارہی وہیں کے ایل راہول کو تنقید کا نشانہ بنایا جارہا ہے۔

    ایک صارف نے ’روہت شرما کی افسردہ تصویر اور بوم بوم آفریدی کی بنگلہ دیش کے خلاف چھکوں کی تصاویر شیئر کرتے ہوئے لکھا کہ ’مخالف ٹیم کے ہاتھوں سے ہارا ہوا میچ چھیننا ہر کسی کے بس کی بات نہیں ہے۔‘

    اذان احمد نامی صارف نے بابر اعظم کی ٹرافی کے ساتھ تصویر شیئر کرتے ہوئے لکھا کہ ’بنگلہ دیش کو بنگلہ دیش میں وائٹ واش کرنا ہر کسی کے بس کی بات نہیں ہے مہدی حسن بھارت کے لیے ڈراؤنا خواب ثابت ہوئے ہیں۔

    تیسرے صارف نے کے ایل راہول کی بیٹنگ تکنیک پر سوال اٹھائے اور لکھا کہ ’اسپنر کی گیند کو سمجھنا انہیں ابھی تک نہیں آیا ہے اور ’فلیپر‘ پر وکٹ دے کر چلتے بنے۔

    واضح رہے کہ قومی ٹیم کے سابق کپتان و اسٹار آل راؤنڈر شاہد آفریدی ایشیا کپ میں‌ بنگلہ دیش اور بھارت کے خلاف آخری لمحات میں ہارا ہوا میچ جتوا کر بنگلہ دیشی شائقین کرکٹ کو رُلا دیا تھا بعدازاں وہی مداح آفریدی کی اننگز کی تعریف کرتے دکھائی دیے تھے۔

  • مراکشی فٹ بالر نے زندگی کی ‘تلخ یادوں’ سے پردہ اٹھادیا

    مراکشی فٹ بالر نے زندگی کی ‘تلخ یادوں’ سے پردہ اٹھادیا

    قطر میں جاری فیفا ورلڈ کپ کے پری کوارٹر فائنل میچ میں مراکش نے اسپین کو سنسنی خیز مقابلے کے بعد شکست دی تو دنیا حیران رہ گئی۔

    منگل کی رات قطر کے ایجوکیشن اسٹی سٹیڈیم میں میچ کے 90 منٹ فیصلہ کن ثابت نہ ہوئے تو دونوں ٹیموں کو 30 منٹ کا اضافی وقت دیا گیا۔

    اضافی وقت میں بھی کوئی ٹیم گول نہ کر سکی تو فیصلہ پینلٹی شوٹ آؤٹ پر ہوا جہاں مراکش کی ٹیم نے چار پینلٹی ککس میں سے تین پر گول کئے جبکہ ہسپانوی ٹیم پہلی تینوں پینلٹی ککس ضائع کرگئی۔Imageتاریخی فتح کے بعد مراکش کے اسٹار کھلاڑی اشرف حکیمی اپنی ٹیم کی ناقابل یقین جیت اسٹیڈیم میں بیٹھی اپنی والدہ کے ساتھ مناتے ہوئے نظر آئے اور سوشل میڈیا پر یہ مناظر سینکڑوں ٹائم لائنز کی زینت بنی۔

    یہ بھی پڑھیں: بلاول بھٹو فیفا ورلڈ کپ دیکھنے قطر پہنچ گئے

    اس سے قبل جب ورلڈ کپ میں مراکش نے بیلجیئم کو شکست دی تھی اس کے بعد بھی اشرف حکیمی اپنی والدہ سے محبت کا اظہار کرتے ہوئے نظر آئے۔

    گذشتہ رات سپین کے خلاف فتح کے بعد بھی مراکشی کھلاڑی رقص کرتے ہوئے مجمع میں بیٹھی اپنی والدہ کے پاس پہنچے اور انہیں سینے سے لگا کر ان کے ماتھے پر بوسہ دیا۔Imageاشرف حکیمی کی پیدائش سپین کے شہر میڈرڈ میں ہوئی تھی لیکن انہوں نے فٹ بال کھیلنے کے لیے اپنے والدین کے آبائی ملک مراکش کا انتخاب کیا تھا۔

    مراکشی کھلاڑی اپنی والدہ سے محبت کی وجہ ماضی میں بھی کئی بار بتا چکے، اشرف حکیمی کی والدہ سعیدہ مو مراکش میں اپنے بیٹے کو کامیاب بنانے والی ماں کی حیثیت سے جانی جاتی ہیں۔

    اشرف حکیمی نے اپنے ایک انٹرویو میں بتایا تھا کہ ہمارا تعلق ایک غریب مگر سفید پوش گھرانے سے ہے جنہیں اپنے کمانے اور کھانے کے لیے جدوجہد کرنا پڑتی تھی۔Imageمراکش فٹ بال ٹیم کے کھلاڑی نے انکشاف کیا تھا کہ ’میری والدہ لوگوں کے گھروں کی صفائی کیا کرتی تھیں اور میرے والد سڑکوں پر مختلف اشیاء فروخت کیا کرتے تھے۔‘

    اشرف حکیمی اپنے فٹ بال کیریئر کو بھی اپنے والدین کی دین سمجھتے ہیں اور ان کا کہنا ہے کہ آج میں ہر روز ان کے لیے کھیلتا ہوں کیونکہ انہوں نے میرے لیے قربانیاں دیں اور انہوں نے میرے بھائیوں کو بہت سی چیزوں سے محروم اس لیے رکھا تاکہ میں کامیاب ہو سکوں۔

    اشرف حکیمی اس وقت فرانسیسی فٹ بال کلب پیرس سینٹ جرمن (پی ایس جی) کے مستقل کھلاڑیوں میں سے ایک ہیں۔ وہ اس سے قبل مشہور کلب ریال میڈرڈ اور اطالوی کلب انٹر میلان کی طرف سے بھی فٹ بال کھیلتے رہے ہیں۔

  • بلاول بھٹو فیفا ورلڈ کپ دیکھنے قطر پہنچ گئے

    بلاول بھٹو فیفا ورلڈ کپ دیکھنے قطر پہنچ گئے

    دوحہ: وزیر خارجہ بلاول بھٹو قطری ہم منصب کی دعوت پر فیفا ورلڈ کپ دیکھنے قطر پہنچ گئے۔

    سماجی رابطے کی ویب سائٹ ٹویٹر پر وزیر خارجہ بلاول بھٹو نے لکھا کہ ’فخر ہے پاکستان نے اس تاریخی لمحے میں مزدوروں اور سیکیورٹی فورسز کے ذریعے اپنا کردار ادا کیا ہے۔

    بلاول بھٹو نے فیفا کے صدر سے کراچی کے علاقے لیاری کے فٹبال ٹیلنٹ پر بھی تبادلہ خیال کیا۔

    واضح رہے کہ فٹبال ورلڈ کپ میں آج اور کل آرام کا دن ہے جبکہ کوارٹر فائنل کے میچز 9 اور 10 دسمبر کو کھیلے جائیں گے۔

    فیفا ورلڈ کپ کے اگلے مرحلے کے لیے دفاعی چیمپئن فرانس، سابق عالمی چمیپئن پرتگال، برازیل، ارجنٹینا کے علاوہ کروشیا، نیدر لینڈز، انگلینڈ اور مراکش نے کوالیفائی کیا ہے۔

    گزشتہ روز مراکش نے اسپین کو پنالٹی ککس پر شکست دے کر پہلی بار کوارٹر فائنل میں رسائی حاصل کرتے ہوئے تاریخ رقم کی۔

    مزید پڑھیں: کوارٹر فائنل لائن اپ مکمل، کون سی ٹیم کس کے مدمقابل ہوگی؟

    علاوہ ازیں کوارٹر فائنل کا پہلا میچ برازیل اور کروشیا کے مابین 9 دسمبر کو کھیلا جائے گا۔ اسی روز ارجنٹینا اور نیدرلینڈز کی ٹیمیں مدمقابل آئیں گی۔

    10 دسمبر کو پرتگال پہلی بار کوارٹر فائنل کھیلنے والی مراکش کا سامنا کرے گی جب کہ دوسرے میچ میں دفاعی چیمپئن فرانس اعزاز کے دفاع کیلیے انگلینڈ کے خلاف میدان میں اترے گی۔

    میگا ایونٹ کے تمام میچ اے اسپورٹس اور اے آر وائی زیپ پر براہ راست دکھائے جا رہے ہیں۔

  • روہت شرما کا ایک اور عالمی ریکارڈ

    روہت شرما کا ایک اور عالمی ریکارڈ

    بھارت کے مایہ ناز بلے باز روہت شرما نے ایک اور عالمی ریکارڈ اپنے نام کر لیا۔

    بھارتی کپتان انٹرنیشنل کرکٹ میں سب سے زیادہ چھکے لگانے والے دوسرے بلے باز بن گئے ہیں۔ ویسٹ انڈیز کے جارحانہ بلے باز کرس گیل اس فہرست میں پہلے نمبر ہیں۔

    روہت شرما نے بنگلادیش کے خلاف کھیلے گئے دوسرے ون ڈے میں 5 چھکے لگائے اور انٹرنیشنل کرکٹ میں 500 چھکے لگانے والے دوسرے بیٹر کا اعزاز اپنے نام کیا۔

    دائیں ہاتھ کے بلے باز واحد انڈین کھلاڑی ہیں جنہوں نے انٹرنیشنل کرکٹ میں 500 چھکے لگائے ہیں جب کہ وہ تیز ترین 500 چھکے مارنے والے بیٹر بھی بن گئے ہیں۔

    روہت شرما نے یہ سنگ میل 445 اننگز میں حاصل کیا ہے۔ کرس گیل 516 اننگز میں 553 چھکے لگانے پر ٹاپ پر ہیں۔

  • بنگلہ دیش نے بھارت کو ون ڈے سیریز میں شکست دے دی

    بنگلہ دیش نے بھارت کو ون ڈے سیریز میں شکست دے دی

    میرپور: بنگلہ دیش نے سنسنی خیز مقابلے کے بعد بھارت کو دوسرے ایک روزہ میچ میں بھی شکست دیتے ہوئے سیریز اپنے نام کرلی۔

    تفصیلات کے مطابق میرپور کے شیر بنگلہ نیشنل اسٹیڈیم میں جاری سیریز کے دوسرے ون ڈے میں بنگلہ دیش نے بھارت کو 272 رنز کا ہدف دیا۔

    جواب میں بھارتی ٹیم میچ کے آخری گیند پر آل آؤٹ ہوگئی،بھارتی کپتان روہت شرما کی تیز رفتار نصف سینچری بھی کسی کام نہ آسکی۔

    شریاس آئیر کے 82 رنز بھی رائیگاں گئے جبکہ ایکسر پٹیل کے 56 رنز بھی سوائے ریکارڈ کے کچھ نہ کرسکے، اس کے علاوہ کوئی بھی بھارتی بیٹر نمایاں کارکردگی نہ دکھاسکا۔اور بنگلہ دیش نے 5 رنز سے فتح اپنے نام کی۔

    ویرات کوہلی 5، شیکھر دھون 8، واشنگٹن سندر 11، کے ایل راہول 14 شردل ٹھاکر 7، دیپک چہار 11 رنز بناسکے۔

    یہ بھی پڑھیں: بنگلہ دیشی بیٹرز نے بھارت کے خلاف ریکارڈ بناڈالا

    بنگلہ دیش کی جانب سے عبادت حسین نے 3 جبکہ مہدی حسن اور شکیب الحسن نے 2 دو کھلاڑیوں کو آؤٹ کیا، محمداللہ نے بھی ایک بھارتی بیٹر کو پویلین کی راہ دکھائی۔

    Image

    اس سے قبل بنگلادیش نےپہلےکھیل کر7وکٹ پر271رنزبنائےتھے، مہدی حسن نے8ویں نمبرپرشاندارسنچری اسکور کرتے ہوئے سب کو حیران کیا تھا۔

    اسی فتح کے ساتھ بنگلہ دیش نے تین میچوں پر متشمل سیریز بھی اپنے نام کرلی، ون ڈے کرکٹ کی تاریخ میں یہ دوسری بار ہوا ہے جب بنگال ٹائیگرز نے بھارت کو شکست دی۔

    اس سے قبل دو ہزار پندرہ میں بھی بنگلہ دیش میں کھیلی گئی ون ڈے سیریز میں میزبان ٹیم نے بھارت کو 1-2 سے شکست دیکر پہلی بار سیریز اپنے نام کی تھی۔

    سنسنی خیز میچ کی مکمل جھلکیاں 

  • بھارت کے خلاف تاریخی فتح کے ہیرو مہدی حسن کا شادی سے متعلق دلچسپ انکشاف

    بھارت کے خلاف تاریخی فتح کے ہیرو مہدی حسن کا شادی سے متعلق دلچسپ انکشاف

    میرپور: بھارت کے خلاف پہلے ون ڈے میچ کے ہیرو مہدی حسن نے اپنی زندگی کے ناقابل واقعے سے متعلق پردہ اٹھادیا۔

    بنگلہ دیش نے بھارت کے خلاف ہوم سیریز کا بہترین آغاز کیا ہے، بنگال ٹائیگرز نے پہلے ایک روزہ میچ میں سنسنی خیز مقابلے کے بعد بھارت ک ایک وکٹ سے شکست دی، شکیب الحسن اور مہدی حسن معراج نے عمدہ کھیل کی مدد سے شائقین کے دل جیتے۔

    مہدی حسن معراج نے آخری وکٹ پر مستفیض الرحمان کے ساتھ 51 رنز کی ناقابل یقین شراکت داری قائم کرتے ہوئے بھارت کی امیدوں پر پانی پھیرا۔

    ایک سوستاسی رنز ہدف کے تعاقب میں بنگلہ دیش نے 136 رنز پر اپنی 9 وکٹ گنوادی تھی، تاہم پچیس سالہ مہدی حسن نے 39 گیندوں پر 38 رنز کی ناقابل شکست اننگز کھیل کر اپنی ٹیم کو تاریخی کامیابی دلوائی، ان کی تاریخ ساز اننگز میں 2 چھکے اور 4 چوکے شامل تھے، مستفیض الرحمان نے 11 گیندوں پر 10 قیمتی رنز بنائے اور ناٹ آؤٹ رہے۔

    بھارت کے خلاف تاریخی فتح کے اہم کردار مہدی حسن کے بارے میں بہت کم لوگ جانتے ہیں کہ وہ دہشت گردانہ حملے میں بال بال بچے تھے، واقعہ کچھ یوں ہے کہ بنگلہ دیش 2019 میں دورہ نیوزی لینڈ پر تھی ، بنگلہ دیشی کھلاڑی نماز کی ادائیگی کے لئے مسجد جارہے تھے کہ اسی دوران وہاں دہشت گردانہ حملہ ہوا تاہم خوش قسمتی سے وہ محفوظ رہے۔

    یہ بھی پڑھیں: بنگلہ دیشی بیٹرز نے بھارت کے خلاف ریکارڈ بناڈالا

    مہدی حسن نے بتایا کہ اس صدمے سے باہر نکلنے کیلئے انہوں نے ایک ہفتے بعد ہی شادی کرنے کا فیصلہ کیا۔

    واضح رہے کہ مہدی حسن بنگلہ دیش کی جانب سے سب سے کم ٹیسٹ میچز میں 100 وکٹیں لینے والے پہلے بالر ہیں ، انہوں نے یہ کارنامہ فروری 2021 میں ویسٹ انڈیز کے خلاف سرانجام دیا تھا، آف اسپنر اب تک 35 ٹیسٹ میچز میں 135 وکٹیں اپنے نام کرچکے ہیں۔

    مہدی حسن ایک روزہ میچز میں 76 وکٹیں حاصل کرچکے ہیں، جس میں ان کی عمدہ بولنگ 25 رنز کے عوض 4 وکٹیں لینا ہے ۔

  • ’جب تک بولر تباہ نہ ہو جائے اسے کھلاتے رہتے ہیں‘

    ’جب تک بولر تباہ نہ ہو جائے اسے کھلاتے رہتے ہیں‘

    پاکستان کے سابق فاسٹ بولر عاقب جاوید نے حارث رؤف کو فی الحال ٹیسٹ کرکٹ نہ کھیلنے کا مشورہ دے دیا۔

    انگلینڈ کے خلاف پنڈی ٹیسٹ میں ڈیبیو کرنے والے حارث رؤف اسٹرین (کھچاؤ) کی وجہ سے بقیہ سیریز سے باہر ہو گئے ہیں۔ ڈاکٹرز نے انہیں مکمل آرام کا مشورہ دیا ہے۔

    اس حوالے گفتگو کرتے ہوئے عاقب جاوید نے کہا کہ حارث کو ٹیسٹ نہیں کھیلنا چاہیے کیونکہ وہ اس فارمیٹ کے لیے ٹرینڈ یعنی تربیت یافتہ نہیں ہیں ان کی جگہ ایسے باؤلرز کو کھلائیں جو ٹیسٹ میچ، فرسٹ کلاس کرکٹ کھیل سکیں اور باقاعدگی سے وکٹیں حاصل کر سکیں۔

    انہوں نے کہا کہ ہمارے پاس میرحمزہ ہے ایسے باؤلرز کو کھلائیں جو طویل عرصے تک باؤلنگ کر سکیں اور جانتے ہوں کہ کہاں اور کیسے بولنگ کرنی ہے۔

    عاقب جاوید نے اظہارِبرہمی کرتے ہوئے کہا کہ ایک بار جب کسی بولر کو پکڑ لیتے ہیں چاہے وہ ٹی ٹوئنٹی، ون ڈے، یا ٹیسٹ میں ہو – وہ تب تک آرام نہیں کرتا جب تک کہ تباہ نہ ہوجائے۔

    ان کا کہنا تھا کہ "پارٹ ٹائمرز” پر انحصار کرنا ایک ناقص حکمت عملی ہے اور ٹیم کو تجربہ کار باؤلرز پر سرمایہ کاری کرنی چاہیے۔

  • بنگلہ دیشی بیٹرز نے بھارت کے خلاف ریکارڈ بناڈالا

    بنگلہ دیشی بیٹرز نے بھارت کے خلاف ریکارڈ بناڈالا

    میرپور: بنگلہ دیشی بیٹرز مہدی حسن اور محمود اللہ نے بھارت کے خلاف ریکارڈ بنا ڈالا۔

    تفصیلات کے مطابق میرپور کے شیر بنگلہ نیشنل اسٹیڈیم میں جاری سیریز کے دوسرے ون ڈے میں بنگلہ دیش نے بھارت کو 272 رنز کا ہدف دیا ہے۔

    بنگلہ دیش نے ٹاس جیت کر پہلے بیٹنگ کا فیصلہ کیا، جو سود مند ثابت نہ ہوسکا، بنگال ٹائیگرز کے 6 کھلاڑی 69 کے مجموعے پرپویلین لوٹ گئے، اس موقع پر ایسا لگ رہا تھا کہ بنگلہ دیش جلد آل آؤٹ ہوجائے گی تاہم مہدی حسن اور محمود اللہ نے بھارت کی امیدوں پر پانی پھیردیا۔

    دونوں بیٹرز نے ساتویں وکٹ کی شراکت میں ریکارڈ 148 رنز کی شراکت داری قائم کرتے ہوئے نہ صرف اپنی ٹیم کو منجدھار سے نکالا بلکہ ٹیم کے اسکور کو قابل قدر مجموعے تک لانے میں اہم کردار ادا کیا۔

    مہدی حسن نے 83 گیندوں پر ناقابل شکست سینچری جڑی، ان کی اننگز میں 4 چھکے اور 8 چوکے شامل تھے، محمود اللہ نے بھی 77 رنز کی عمدہ اننگز کھیل کر اپنی ٹیم کو سہارا فراہم کیا۔

    بھارت کی جانب سے واشنگٹن سندر تین وکٹیں لینے میں کامیاب ہوئے، محمد سراج اور عمران ملک کے حصے میں دو دو وکٹ آئیں۔

    اس سے قبل سیریز کے پہلے میچ میں بھی مہدی حسن نے بھارت کے خلاف جیت میں بہت اہم کردار ادا کیا تھا،بنگلادیشی بیٹر کو ہدف کا تعاقب کرتے ہوئے 39 گیندوں پر 38 رنز کی ناقابل شکست اننگز کھیلنے پر میچ کا بہترین کھلاڑی قرار دیا گیا تھا۔

    واضح رہے کہ بنگلہ دیش کو تین میچوں پر مشتمل ون ڈے سیریز میں ایک صفر کی برتری حاصل ہے۔

  • انگلینڈ کی برمی آرمی واہگہ بارڈر پہنچ گئی

    انگلینڈ کی برمی آرمی واہگہ بارڈر پہنچ گئی

    17 سال بعد دورہ پاکستان پر آنے والی انگلینڈ کی مشہور کرکٹ شائقین کی نمائندگی کرنے والی تنظیم بارمی آرمی پاکستان کے مشہور تفریحی گاہ سے محظوظ ہورہی ہے۔

    انگلینڈ کی برمی آرمی نے سماجی رابطے کی ویب سائٹ پر ٹوئٹر پر لاہور کی تاریخی مقامات پر سیر سپاٹے کے دروان لے گئی تصویر شئیر کی ہے۔

    برمی آرمی نے لاہور کے واہگیہ بارڈر پر ہونے والی تقریب میں شرکت کی، انہوں نے تقریب کی ویڈیو شیئر کرتے ہوئے لکھا کہ ہوسکتا ہے کہ اگلے سال ہم یہ تقریب بھارت کی طرف سے دیکھ رہے ہوں۔

    اس کے علاوہ انہوں نے پاکستان کی تاریخی اور خوبصورت مسجد کی ایک تصویر بھی شیئر کی جس میں انہوں نے لکھا کہ لاہور کی یہ مسجد کتنی خوبصورت ہے۔

    بارمی آرمی کے ٹوئٹر اکاؤنٹ سے پاکستان کے حوالے سے متعدد ٹوئٹس کا سلسلہ جاری ہے، انہوں نے ایک ٹوئٹ میں کہا تھا کہ ’ہمارا رابطی کوئی پاکستان کے مسٹر بین سے کرواسکتا ہے، ہم پاکستان میں ہوتے ہوئے ان سے ملنا چاہتے ہیں۔

    واضح رہے کہ پاکستان اور انگلینڈ کے درمیان ٹیسٹ میچز کے لیے انگلینڈ کی مشہور کرکٹ شائقین کی نمائندگی کرنے والی تنظیم بارمی آرمی بھی پاکستان آئی ہوئی ہے۔

  • انڈر 19 ویمن ٹی ٹوئنٹی ورلڈ کپ کے لیے قومی اسکواڈ کا اعلان

    انڈر 19 ویمن ٹی ٹوئنٹی ورلڈ کپ کے لیے قومی اسکواڈ کا اعلان

    اسلام آباد: انڈر 19 ویمن ٹی ٹوئنٹی ورلڈ کپ کے لیے قومی اسکواڈ کا اعلان ہو گیا۔

    پاکستان کرکٹ بورڈ نے آئی سی سی انڈر 19 ویمن ٹی ٹونٹی ورلڈ کپ کے لیے پاکستان ٹیم کا اعلان کر دیا، عروب شاہ پاکستان ٹیم کی کپتان مقرر کر دی گئیں۔

    دیگر کھلاڑیوں میں علیزہ خان، انوشا ناصر، عریشہ نور، ایمان فاطمہ، حلیمہ عظیم ڈار، ہانیہ احمر، لائبہ ناصر، ماہ نور آفتاب، قرت العین احسن اور ردا اسلم شامل ہیں۔

    شوال ذوالفقار، وردہ یوسف، زیب النساء اور زامینہ طاہر کو بھی ٹیم کا حصہ بنایا گیا ہے، جب کہ اقصہ یوسف، دینا رضوی، ماہم انیس، مسکان عابد اور تہذیب شاہ ریزرو کھلاڑیوں میں شامل ہیں۔

    آئی سی سی انڈر 19 ویمن ٹی ٹونٹی ورلڈ کپ 14 سے 29 جنوری تک ساؤتھ افریقہ میں کھیلا جائے گا۔

    چیف سلیکٹر اسماویہ اقبال نے کہا ’’ٹیم میں منتخب ہونے والی پندرہ کھلاڑیوں کو میں مبارک باد دیتی ہوں، کھلاڑیوں پر اعتماد ہے کہ وہ پہلی مرتبہ ہونے والے ایونٹ میں اچھا کریں گی۔‘‘

    پاکستان انڈر 19 ویمن ٹیم 15 جنوری کو روانڈا، 17 جنوری کو انگلینڈ اور 19 جنوری کو زمبابوے کے خلاف میچ کھیلے گی۔