Category: کھیل

میرپور: بنگلادیش نے بھارت کو پہلے ون ڈے میں سنسنی خیز مقابلے کے بعد شکست دے کر تین میچوں کی سیریز میں ایک صفر کی برتری حاصل کر لی۔

میرپور کے شیربنگلا اسٹیڈیم میں کھیلے گئے میچ میں مہدی حسن اورمستفیض الرحمان نےآخری وکٹ پر 51 رنز کی شراکت بنا کر ٹیم کو فتح دلائی۔

بھارت کے187 رنز کے تعاقب میں بنگلادیش نے 9 وکٹوں پر ہدف حاصل کیا۔ مہدی حسن نے شاندار 38 رنز کی اننگز کھیل کر کامیابی میں کلیدی کردار ادا کیا۔

ہدف کے تعاقب میں بنگلادیش کے 9کھلاڑی 136 رنز پر آؤٹ ہوئے تو مہدی حسن اورمستفیض الرحمان نے51 رنز جوڑ کر پانسہ پلٹ دیا۔

بنگلادیش نے 3ون ڈےکی سیریزمیں ایک صفرکی برتری حاصل کرلی ہے۔

پاکستان کو انگلینڈ کے خلاف تاریخی ٹیسٹ میں اس وقت بڑا دھچکا لگا جب تجربہ کار بلے باز ہدف کے تعاقب میں گیند لگنے سے زخمی ہو گئے۔

عبداللہ شفیق کے آؤٹ ہونے پر اظہرعلی بیٹنگ کے لیے آئے تو فاسٹ بولر رابنسن کی دوسری گیند پر تیز باؤنسر کھیلتے ہوئے گیند ان کے ہاتھ پر جالگی۔

فوری طور پر فزیو میدان میں آئے اور ابتدائی معائنے کے بعد اظہرعلی کو میدان سے باہر جانے کا مشورہ دیا۔ اظہرعلی ریٹائر ہرٹ ہوئے انہیں طبی امداد دی گئی۔

ٹیم میڈیا مینجر نے اظہرعلی کی انجری پر ابتدائی بیان میں کہا ہے کہ اظہر علی کی انگلی زخمی ہے ان کو ایکسرے کے لیے لے جایا جارہا ہے مزید کوئی انفارمیشن آئے گی تو ہم شئیر کریں گیے۔

واضح رہے کہ راولپنڈی ٹیسٹ دلچسپ مرحلے میں داخل ہو گیا ہے۔ کھیل کے آخری روز انگلینڈ کو جیت کے لئے 8 وکٹ درکا ہوں گی جبکہ پاکستان کو 263 رنز بنانے ہوں گے۔

انگلینڈ کے خلاف پنڈی ٹیسٹ کی پہلی اننگز میں نصف سنچری اسکور کرنے والے سلمان علی آغاز نے کہا ہے کہ میچ کو بچانا سب سے پہلی ترجیح ہے۔

کھیل کے چوتھے دن اختتام پر سلمان علی آغا نے کہا کہ کیمپ میں یہی بات چل رہی ہے اس میچ کو جیتنا ہے اپنی بھرپور کوشش کر رہے ہیں کہ بہترین کھیل پیش کریں۔

انہوں نے کہا کہ بیٹنگ کے لیے کافی پرُجوش ہوں اگر چانس ملا تو ٹیم کو میچ جتوانے کی بھرپور کوشش کروں گا۔

Salman Ali Agha's press conference at the end of the fourth day's play in Rawalpindi. #PAKvENG | #UKSePK https://t.co/rccqpSNmc3

— Pakistan Cricket (@TheRealPCB) December 4, 2022

نوجوان پلیئر نے کہا کہ مینجمنٹ کہتی ہے جیسے آپکو آسانی ہے ویسے ہی کھیلو، میں نے بھی کوشش کی جیسے اسانی ہو ویسے ہی کھیلوں، کیمپ میں یہی بات چل رہی ہے اس میچ کو جیتنا ہے۔

سلمان علی آغا کا کہنا تھا کہ بولنگ شروع کی تھی تو کوشش تھی کم ازکم رنز دیے جائیں انگلینڈ کو بھی کریڈٹ دینا پڑے گا وہ اچھی کرکٹ کھیل رہے ہیں انگلینڈ کی ٹیم جیسی کرکٹ کھیل رہی تھی ان سے ایسی گیم متوقع ہے۔

راولپنڈی ٹیسٹ دلچسپ مرحلے میں داخل،انگلینڈ کو جیت کے لئے 8 وکٹ درکا جبکہ پاکستان کو 263 رنز بنانے ہونگے۔

تفصیلات کے مطابق پاکستان اور انگلینڈ کے درمیان جاری راولپنڈی ٹیسٹ کے چوتھے روز کا کھیل ختم ہوگیا ہے، پاکستان نے اپنی دوسری اننگز میں دو وکٹوں پر 80 رنز بنالئے ،امام الحق 43 اور سعود شکیل 24 رنز کے ساتھ کریز پر موجود ہے۔

قومی ٹیم کو کھیل کے آخری روز جیت کے لیے 263 رنز درکار ہیں جبکہ انگلینڈ کو فتح کے لئے 8 وکٹوں کی ضرورت ہے۔

اس سے قبل انگلش ٹیم نے اپنی دوسری اننگز میں 7 وکٹوں کے نقصان پر 264 رنز بناکر ڈیکلئر کردی تھی اورپاکستان جو جیت کے لئے 343 رنز کا ہدف دیا۔

یہ بھی پڑھیں: پنڈی ٹیسٹ، انگلینڈ کا پاکستان کو جیت کیلیے 343 رنز کا ہدف

انگلینڈ کی جانب سے ہیری بروک ٹیسٹ کی دوسری اننگ میں اپنی دوسری سنچری کرنے سے محروم رہے اور 87 رنز بنا کر آؤٹ ہوئے، جوئے روٹ 73 اور کرولے نے 50 رنز کی اننگز کھیلی۔

پاکستان کی جانب سے نسیم شاہ، محمد علی، زاہد حسین نے دو، 2 وکٹیں حاصل کیں جب کہ آغا سلمان نے ایک کھلاڑی کو آؤٹ کیا۔

انگلینڈ کے مایہ ناز بلے باز جو روٹ نے اتوار کو کرکٹ کی دنیا کو اس وقت حیران کر دیا جب انہوں نے پاکستان کے خلاف پہلے ٹیسٹ میں بائیں ہاتھ سے بیٹنگ کی۔

بلے بازوں کے لیے سازگار پچ پر جوروٹ نے نصف سنچری بنانے کے بعد اپنا بیٹنگ انداز کی بدل ڈالا اور نے پاکستانی اسپنر کے چھٹے اوور کی پہلی دو گیندوں پر زاہد محمود کا بائیں ہاتھ سے سامنا کیا۔

انگلینڈ کے سابق کپتان نے پہلی گیند کو براہ راست اسکوائر لیگ پر فیلڈر کو سوئپ کیا اور نسیم شاہ کے ہاتھوں کیچ وکٹ گنواتے گنواتے بچ گئے۔ فیلڈر نے بھرپور کوشش کی تاہم کیچ ڈراپ ہو گیا۔

Joe Root decides to bat left-handed 😳#PAKvENG | #UKSePK pic.twitter.com/GOvnkof54B

— Pakistan Cricket (@TheRealPCB) December 4, 2022

انہوں نے 73 رنز کی تیز رفتار اننگز کھیلی جو کہ عمومی طور پر کا ان کا اندازِ بیٹنگ نہیں تھا۔

پاکستان میں 17 سال بعد کھیلنے والی انگلینڈ ٹیم کو سپورٹ کرنے کے لیے انگلش شائقین کے ساتھ ساتھ اہلِ خانہ بھی راولپنڈی میں موجود ہیں۔

انگلینڈ کے مایہ ناز کھلاڑی جوئے روٹ کے والد میٹ روٹ بھی تاریخی روالپنڈی ٹیسٹ کو دیکھنے کے لیے میدان میں نظر آئے۔

پنڈی ٹیسٹ دلچسپ مرحلے میں داخل ہوگیا ہے اور انگلینڈ نے چوتھے روز دھواں دھار بیٹنگ کرکے پاکستان کو جیت کے لیے 343 رنز کا ہدف دیا ہے۔

ٹیسٹ میچ کے چوتھے روز پہلے سیشن میں پاکستان کی پوری ٹیم 579 رنز بنا کر آؤٹ ہوگئی تھی اور انگلینڈ کو 78 رنز کی برتری ملی تھی، جو اس نے دوسری اننگ میں انتہائی تیز رفتاری سے کھیلتے ہوئے 342 تک پہنچا دی۔

انگلینڈ نے اپنی دوسری اننگ کا آغاز انتہائی تیز رفتاری سے کیا اور بلے بازوں نے دھواں دھار بیٹنگ کی۔ انگلش بلے بازوں نے صرف 35.5 اوورز میں ساڑھے 7 سے بھی زائد کی اوسط کی کھیلتے ہوئے 7 وکٹوں پر 264 رنز بنا کر چائے کا وقفہ ہوتے ہی اننگ ڈیکلیئر کرنے کا اعلان کردیا۔

انگلینڈ کی جانب سے ہیری بروک ٹیسٹ کی دوسری اننگ میں اپنی دوسری سنچری کرنے سے محروم رہے اور 87 رنز بنا کر آؤٹ ہوگئے۔ جوئے روٹ نے 73 اور کرولے نے 50 رنز کی اننگز کھیلیں۔

پاکستان کی جانب سے نسیم شاہ، محمد علی، زاہد حسین نے دو، 2 وکٹیں حاصل کیں جب کہ آغا سلمان نے ایک کھلاڑی کو آؤٹ کیا۔

یہ بھی پڑھیں: پنڈی ٹیسٹ، قومی ٹیم پہلی اننگ میں 579 رنز بنا کر آؤٹ

پاکستانی بلے بازوں نے 343 کے ہدف کا تعاقب شروع کردیا ہے اور بغیر کسی نقصان کے 16 رنز بنا لیے ہیں۔

راولپنڈی ٹیسٹ کے چوتھے روز پاکستان کی پوری ٹیم پہلی اننگ میں 579 رنز بنا کر آؤٹ ہوگئی انگلینڈ کو پہلی اننگ میں 78 رنز کی برتری ملی ہے۔

اے آر وائی نیوز کے مطابق راولپنڈی ٹیسٹ کے چوتھے روز پاکستان کی پوری ٹیم پہلی اننگ میں 579 رنز بنا کر آؤٹ ہوگئی۔ مہمان ٹیم کو 78 رنز کی برتری ملی ہے۔ انگلش بولر ول جیکس نے کیریئر بیسٹ بولنگ کرتے ہوئے 6 وکٹیں حاصل کیں۔

قومی ٹیم نے ٹیسٹ میچ کے چوتھے روز 7 وکٹوں پر 499 رنز پر دوبارہ بیٹنگ کا آغاز کیا۔ پاکستان کو پہلا نقصان 554 کے مجموعے پر اٹھانا پڑا جب آغا سلمان نصف سنچری بنانے کے بعد ول جیکس کی وکٹ بنے۔

آنے والے بقیہ دو کھلاڑی صرف 25 رنز کا اضافہ کرسکے اور پوری ٹیم 554 رنز کے مجموعے پر پویلین لوٹ گئی۔ زاہد محمود 17 اور حارث رؤف 12 رنز بنا کر آؤٹ ہوئے۔

آج کی تینوں وکٹیں ول جیکس نے حاصل کیں اور اننگ میں 6 کھلاڑی آؤٹ کرکے کیریئر کی سب سے بہترین بولنگ کی۔

اس سے قبل گزشتہ روز پاکستان کے کپتان بابر اعظم سمیت دونوں اوپنر عبداللہ شفیق اور امام الحق نے سنچریاں اسکور کی تھیں۔ بابر اعظم نے 136، امام الحق نے 121 جب کہ عبداللہ نے 114 رنز کی اننگزکھیلی تھیں۔