ARYNews.tv | Urdu – Har Lamha Bakhabar

Category: کھیل

پاکستان اور دنیا بھر سے کھیل کی تازہ ترین خبریں اور معلومات۔ کرکٹ، ہاکی، فٹ بال، پی ایس ایل کی خبریں

کھیلوں کی خبریں آپ کو اپنے پسندیدہ کھلاڑیوں اور ٹیموں کی کارکردگی کے بارے میں جاننے میں مدد کر سکتی ہیں۔

Sports News In Urdu

Cricket News in Urdu

  • میسی کا جادو چل گیا، آسٹریلیا کو ہرا کر ٹرافی کیجانب ایک اور قدم بڑھا دیا

    میسی کا جادو چل گیا، آسٹریلیا کو ہرا کر ٹرافی کیجانب ایک اور قدم بڑھا دیا

    قطر میں جاری فیفا ورلڈ کپ کے ناک آؤٹ پری کوارٹر فائنل مرحلے میں میسی کی ارجنٹائن نے آسٹریلیا کو شکست دے کر ٹرافی کی جانب ایک قدم اور بڑھا دیا۔

    قطر میں جاری دنیا کے سب سے مقبول کھیل فٹبال ورلڈ کپ سنسنی خیز ناک آؤٹ مرحلے میں داخل ہوگیا ہے۔ گزشتہ روز میسی کی ارجنٹائن نے دوسرے پری کوارٹر فائنل میچ میں آسٹریلیا کو شکست دے کر گھر کا راستہ دکھا دیا۔

    پری کوارٹر فائنل میں میسی کا جادو چلا اور کپتان نے پہلے ہی ہاف میں شاندار گول کردیا۔ کھیل کے 57 ویں منٹ میں الواریز نے دوسرا گول کرکے ٹیم کی پوزیشن مستحکم کی۔

    آسٹریلیا کے فرنینڈز نے گول کر کے برتری کو کم کیا لیکن کھیل کے اختتام تک مزید کوئی گول نہ ہوسکا یوں ارجنٹینا نے ایک کے مقابلے میں دو گول سے شکست دے کر کینگروز کو واپسی کا ٹکٹ تھمایا۔

    اس سے قبل کھیلے گئے پہلے پری کوارٹر فائنل میں نیدر لینڈز امریکا پر کاری وار کیا اور تین ایک سے فتح اپنے نام کرکے کوارٹر فائنل میں پہنچنے والی پہلی ٹیم بن گئی۔

  • میچ کی ٹکٹیں حاصل کیے بغیر شائقین قطر کیسے آ سکتے ہیں؟

    میچ کی ٹکٹیں حاصل کیے بغیر شائقین قطر کیسے آ سکتے ہیں؟

    دوحہ: فیفا ورلڈ کپ کے میچز دیکھنے کے لیے اگر شائقین کے پاس ٹکٹ نہیں ہے، تو کیا وہ قطر آ سکتے ہیں؟ اس سوال کا جواب قطری انتظامیہ نے اثبات میں دیا ہے۔

    تفصیلات کے مطابق قطر کی جانب سے فٹ بال کے شائقین کو بڑی سہولت دے دی گئی، فیفا ورلڈ کپ کی قطری انتظامیہ نے کہا ہے کہ میچ کی ٹکٹیں حاصل کیے بغیر بھی شائقین قطر آ سکتے ہیں۔

    سبق ویب سائٹ کے مطابق انتظامیہ نے کہا ہے کہ اگر شائقین کے پاس هیا کارڈ ہے تو وہ بغیر میچ ٹکٹ بھی قطر آ سکے ہیں، هیا کارڈ کی مدد سے قطر میں داخلے کے لیے انھیں ہوٹل بکنگ کے علاوہ 500 قطری ریال جمع کرانے ہوں گے۔

    واضح رہے کہ هیا کارڈ فیفا ورلڈ کے دوران قطر میں داخلے کے لیے ویزہ کی طرح ہے جس کے بغیر اسٹیڈیم میں داخلہ بھی ممکن نہیں۔ جن شائقین کے پاس هیا کارڈ کے علاوہ میچ کی ٹکٹیں ہیں، ان سے 500 ریال فیس وصول نہیں کی جائے گی۔

    انتظامیہ کے مطابق فیس سے 12 سال سے کم عمر بچوں کو استثنیٰ ہے جب کہ میچ کی ٹکٹ خریدنے پر فیس واپس نہیں ہوگی، بری راستے سے آنے والے شائقین کے لیے بھی هیا کارڈ ضروری ہے جس کے بغیر انھیں داخلے کی اجازت نہیں ہوگی۔

  • ٹیسٹ کرکٹ کی آٹھویں سنچری، بابر اعظم ٹاپ ٹرینڈ بن گئے

    ٹیسٹ کرکٹ کی آٹھویں سنچری، بابر اعظم ٹاپ ٹرینڈ بن گئے

    راولپنڈی ٹیسٹ کے تیسرے روز قومی ٹیم کے کپتان بابر اعظم نے انگلینڈ کے خلاف شاندار سنچری اسکور کردی۔

    تیسرے روز کھیل کے اختتام پر پاکستان نے 7 وکٹوں کے نقصان پر 499 رنز بنالیے ہیں جبکہ انگلینڈ کی برتری ختم کرنے کے لیے مزید 158 رنز درکار ہیں، پاکستان کی جانب سے بابر اعظم، عبداللہ شفیق اور امام الحق کی شاندار سنچریاں اسکور کیں۔

    بابر اعظم نے 168 گیندوں پر 136 رنز کی شاندار اننگز کھیلی ان کی اننگز میں 19 چوکے اور ایک چھکا شامل تھا۔

    انہوں نے کیریئر کی آٹھویں سنچری اسکور کی ہے، اس سے قبل وہ سری لنکا کے خلاف تین سنچریاں جبکہ آسٹریلیا کے خلاف دو، نیوزی لینڈ اور بنگلہ دیش کے خلاف ایک، ایک سنچری بناچکے ہیں۔

    مایہ ناز بیٹر رواں سال 10 اننگز میں تین سنچریاں اور چار نصف سنچریاں اسکور کرچکے ہیں۔ واضح رہے کہ قومی ٹیم کے کپتان رواں سال ٹیسٹ کی 44 اننگز میں 2075 رنز بنائے ہیں۔

    بابر اعظم شاندار سنچری کے ساتھ ٹوئٹر پر بھی ٹاپ ٹرینڈ بن گئے اور ان کے مداحوں کی جانب سے ان کی اننگز کی تعریف کی جارہی ہے۔

    ایک کمسن بچی نے پلے کارڈ اٹھا رکھا ہے جس میں وہ بتا رہی ہیں کہ ’بابر اعظم کی بیٹنگ دیکھنے کے لیے انہوں نے اسکول سے چھٹی کی ہے۔‘

    سوشل میڈیا صارفین کی جانب سے ان کے خوبصورت کور ڈرائیو کی ویڈیو شیئر کی جارہی ہیں اور ایک بار پھر بابر اور کوہلی کا موازنہ کیا جارہا ہے۔

  • نیدرلینڈز امریکا کو شکست دے کر کوارٹر فائنل میں

    نیدرلینڈز امریکا کو شکست دے کر کوارٹر فائنل میں

    دوحہ : قطر میں جاری فیفا ورلڈ کپ 2022 کے پری کوارٹر فائنل مرحلے میں سخت مقابلے کے بعد نیدر لینڈ نے امریکا کو ایک کے مقابلے میں تین گول سے شکست دے دی۔

    تفصیلات کے مطابق فیفا ورلڈ کپ 2022 کے اہم میچ میں نیدرلینڈز نے امریکا کو ہرا کر کوارٹر فائنل میں جگہ بنالی، پری کوارٹرفائنل میں امریکاکو1-3سے شکست کا سامنا کرنا پڑا۔

    ڈچ ٹیم کیلئے پہلاگول میمفس ڈیپے نے کیا، ٹیم نے پہلے ہاف میں 2گول اسکور کیے، نیدرلینڈز نے دوسرے ہاف میں بھی ایک گول کیا۔

    ڈچ ٹیم کے کھلاڑیوں ڈیپے، بلنڈ، ڈم فرائس نے فٹبال جال میں پہنچائی، امریکا کیلئے واحد گول حاجی عامر رائٹ نے دوسرے ہاف میں کیا۔

  • ’پاکستانی بہت ملنسار ہیں‘

    ’پاکستانی بہت ملنسار ہیں‘

    انگلینڈ ٹیم کے کوچ رچرڈ تھامسن اور سابق کپتان و کمنٹیٹر ناصر حسین کا کہنا ہے کہ پاکستان کے لوگ بہت ملنسار ہیں اور یہاں کی مہمان نوازی غیرمعمولی ہے۔

    راولپنڈی میں پاکستان اور انگلینڈ کے درمیان پہلا ٹیسٹ جاری ہے، تیسرے روز پاکستان نے بابر اعظم، عبداللہ شفیق اور امام الحق کی شاندار سنچریوں کی بدولت 7 وکٹوں کے نقصان پر 499 رنز بنالیے ہیں جبکہ انگلینڈ کی برتری ختم کرنے کے لیے مزید 158 رنز درکار ہیں۔

    انگلینڈ کی جانب سے ول جیکز نے تین کھلاڑیوں کو پویلین کی راہ دکھائی، جیک لیچ نے دو وکٹیں حاصل کیں جبکہ جمی اینڈرسن اور روبنسن ایک، ایک وکٹ حاصل کرسکے۔

    آغا سلمان 10 اور زاہد محمود ایک رن کے ساتھ کریز پر موجود ہیں۔

    انگلش ٹیم کے کمنٹیٹر ناصر حسین نے کہا کہ ’پاکستان میں ہر کسی نے ہماری بہت اچھی دیکھ بھال کی ہے اور یہاں کے لوگ بھی بہت ملنسار ہیں۔‘

    دوسری جانب ای سی بی کے چیئرمین رچرڈ تھامسن کا کہنا ہے کہ پاکستان میں مہمان نوازی غیرمعمولی ہے، پاکستان دنیا کا خوبصورت حصہ ہے، انگلینڈ کے لیے پاکستان کا دورہ کرنا واقعی اہم تھا۔

    دوسری جانب ایک مداح کی جانب سے میدان میں پاکستان زندہ باد کے نعرے بھی لگائے گے۔

  • فیفا ورلڈ کپ: کراچی میں بھی فٹبال فینز نے سماں باندھ دیا

    فیفا ورلڈ کپ: کراچی میں بھی فٹبال فینز نے سماں باندھ دیا

    قطر کے دارالحکومت دوحہ میں جاری فیفا ورلڈ کپ 2022 کا جنون پاکستانی شائقین پر بھی سوار ہوگیا۔

    اے آر وائی نیوز کے اسپورٹس پروگرام ’باؤنسر‘ کی خصوصی رپورٹ کے مطابق کراچی کے علاقے ملیر میں بھی فٹبال فینز نے سماں باندھ دیا۔

    پاکستان میں فیفا ورلڈ کپ فیور زوروں پر ہے اور یہی وجہ ہے کہ گلیاں اور محلے جھنڈوں سے سج گئے۔

    ورلڈ کپ میں پاکستان کی براہ راست نمائندگی تو نہیں لیکن فینز کا جوش آسمان چھو رہا ہے۔ گلی گلی من پسند ممالک کے جھنڈوں سے سج گئی۔ گلیاں پینٹنگز اور ٹیموں کے جھنڈوں سے سجا دی گئیں۔

    پاکستان میں برازیل کی ٹیم کو بھرپور سپورٹ حاصل ہے۔ گلی کی دیواروں پر اسٹار فٹ بالرز کی تصاویر آویزاں ہیں۔ کوئی نیمار کا دیوانہ، کوئی میسی اور رونالڈو کے گُن گاتا ہے۔

    ملیر میں میچز کے لیے بڑی اسکرین بھی لگائی جا رہی ہیں۔ ملیر کی خوبصورت آرٹ ورک دیکھ کر لگتا ہی نہیں کہ یہ کراچی ہے یا دوحہ۔

    مکمل رپورٹ کے لیے ویڈیو دیکھیں:

  • ’انگلینڈ نے بہت اچھا کھیلا اب ہمیں سنبھل کر کھیلنا ہے‘

    ’انگلینڈ نے بہت اچھا کھیلا اب ہمیں سنبھل کر کھیلنا ہے‘

    راولپنڈی: قومی ٹیم کے اوپنر بیٹر امام الحق کا کہنا ہے کہ انگلینڈ نے بہت اچھا کھیلا ہے اب ہمیں سنبھل کر کھیلنا ہوگا۔

    پنڈی ٹیسٹ میچ کے تیسرے روز 121 رنز کی شاندار اننگز کھیلنے والے اوپنر بیٹر امام الحق نے نیوز کانفرنس کرتے ہوئے کہا کہ ابھی 6 سیشنز باقی ہیں کل کے سیشن میں کوشش کریں گے اچھا کھیلیں۔

    انہوں نے کہا کہ پچ پر تھوڑا سا بریک اور باؤنس ملا ہے ہمیں بہتری کے لیے مزید اچھا کھیلنا ہوگا۔

    امام الحق نے کہا کہ کپتان بابر اعظم کے ساتھ میچز کھیلتا ہوں جبکہ عبداللہ شفیق کے ساتھ بھی اچھا کھیلنے کا موقع ملا ہے، میں نے ڈومیسٹک کرکٹ بہت کھیلی جس سے بیٹنگ میں بہتری آئی ہے۔

    اوپنر بیٹر نے کہا کہ جب اسکور بورڈ پر 650 رنز کا مجموعہ ہو تو خود کو بچانا بھی ہوتا ہے اور کوشش کرنی ہوتی ہے کہ اسکورز بھی زیادہ ہو اور محتاط ہوکر کھیلیں۔

    واضح رہے کہ تیسرے روز پاکستان نے بابر اعظم، عبداللہ شفیق اور امام الحق کی شاندار سنچریوں کی بدولت 7 وکٹوں کے نقصان پر 499 رنز بنالیے ہیں جبکہ انگلینڈ کی برتری ختم کرنے کے لیے مزید 158 رنز درکار ہیں۔

    انگلینڈ کی جانب سے ول جیکز نے تین کھلاڑیوں کو پویلین کی راہ دکھائی، جیک لیچ نے دو وکٹیں حاصل کیں جبکہ جمی اینڈرسن اور روبنسن ایک، ایک وکٹ حاصل کرسکے۔

    آغا سلمان 10 اور زاہد محمود ایک رن کے ساتھ کریز پر موجود ہیں۔

  • ایف آئی ایچ مینز نیشن ہاکی کپ: جاپان نے پاکستان کو ہرادیا

    ایف آئی ایچ مینز نیشن ہاکی کپ: جاپان نے پاکستان کو ہرادیا

    جنوبی افریقہ کے شہر پوچیفسٹروم میں کھیلے جانے والے ایف آئی ایچ مینز نیشن ہاکی کپ میں جاپان نے پاکستان کو شکست دے دی۔

    اے آر وائی نیوز کے مطابق ایف آئی ایچ مینز نیشن ہاکی کپ میں پانچویں و آٹھویں پوزیشن کے لیے پاکستان اور جاپان کے مابین میچ کھیلا جائے جس میں جاپان نے پاکستان کو ایک کے مقابلے میں تین گول سے شکست دی۔

    اس سے قبل پاکستان اور فرانس کا میچ 3-3 گول سے برابر رہا تھا، گرین شرٹس کی جانب سے راناعبدل، افراز اور احمد ارباز نے گول اسکور کیے تھے جبکہ  آئرلینڈ نے پاکستان کو 3 کے مقابلے میں ایک گول سے شکست دی تھی۔

    آئرلینڈ کی جانب سے ایمپی کونر، واکر بینجمن اور شین نے ایک، ایک گول کیا جبکہ پاکستان کی جانب سے واحد گول عبدالحنان شاہد نے اسکور کیا۔

    قبل ازیں گرین شرٹس کو میزبان ٹیم جنوبی افریقہ کے ہاتھوں 2-6 سے شکست کا سامنا کرنا پڑا تھا۔

  • پنڈی ٹیسٹ ڈرا کی جانب گامزن، بابر اعظم، عبداللہ شفیق، امام الحق کی سنچریاں

    پنڈی ٹیسٹ ڈرا کی جانب گامزن، بابر اعظم، عبداللہ شفیق، امام الحق کی سنچریاں

    راولپنڈی ٹیسٹ میچ کے تیسرے روز پاکستان نے کھیل کے اختتام پر 7 وکٹوں کے نقصان پر 499 رنز بنالیے ہیں۔

    راولپنڈی میں جاری پہلے ٹیسٹ میچ کے تیسرے روز پاکستان نے بابر اعظم، عبداللہ شفیق اور امام الحق کی شاندار سنچریوں کی بدولت 7 وکٹوں کے نقصان پر 499 رنز بنالیے ہیں جبکہ انگلینڈ کی برتری ختم کرنے کے لیے مزید 158 رنز درکار ہیں۔

    کپتان بابر اعظم نے شاندار 136 رنز کی اننگز کھیلی، امام الحق 121 اور عبداللہ شفیق 114 رنز کے ساتھ نمایاں رہے۔ محمد رضوان 29 رنز بناکر اینڈرسن کو وکٹ دے بیٹھے، سعود شکیل نے 37 رنز کی اننگز کھیلی۔

    انگلینڈ کی جانب سے ول جیکز نے تین کھلاڑیوں کو پویلین کی راہ دکھائی، جیک لیچ نے دو وکٹیں حاصل کیں جبکہ جمی اینڈرسن اور روبنسن ایک، ایک وکٹ حاصل کرسکے۔

    آغا سلمان 10 اور زاہد محمود ایک رن کے ساتھ کریز پر موجود ہیں۔

    اس سے قبل دن کے آغاز پر ہی عبداللّٰہ شفیق نے سنچری اسکور کی، انہوں نے 177 گیندیں کھیلیں اور 3 چھکوں اور 10 چوکوں کی مدد سے سنچری بنائی۔

    عبداللّٰہ شفیق کے سنچری مکمل کرنے کے کچھ ہی دیر بعد پہلے سیشن میں ہی امام الحق نے بھی سنچری بنائی۔

    پاکستان کی پہلی وکٹ 225 رنز پرگر گئی, عبداللہ شفیق 114رنز بناکر آؤٹ ہوئے، دوسری وکٹ امام الحق کی گری وہ 121 رنز بنا کر آؤٹ ہوئے جبکہ تیسری وکٹ اظہر علی کی گری وہ 27 رنز بنا کر آؤٹ ہوئے۔

    دوسرے دن کا کھیل

    دوسرے روز کے کھیل میں قومی ٹیم کی جانب سے اننگز کا آغاز امام الحق اور عبداللہ شفیق نے کیا، اانہوں نے دن کے اختتام تک بغیر کسی نقصان کے پاکستان نے 181 رنز بنائے تھے۔

    انگلینڈ کی اننگز

    انگلینڈ نے پنڈی ٹیسٹ کے دوسرے روز اپنی پہلی نامکمل اننگز کا آغاز 506 رنز 4 کھلاڑی آؤٹ سے شروع کیا ۔

    دوسرے دن کے کھیل کے آغاز میں فاسٹ بولر نسیم شاہ نے انگلش کپتان بین اسٹوکس کو 41 رنز پر بولڈ کیا، انہوں نے انگلینڈ کے پانچویں کھلاڑی کو پویلین کی راہ دکھائی۔

    انگلینڈ کی چھٹی وکٹ 539 رنز پر اس وقت گری جب لیام لیونگسٹن کو نسیم شاہ نے 9 رنز پر کیچ آؤٹ کرایا۔

    انگلینڈ کی ساتویں وکٹ 576 رنز پر گر گئی، ساتویں وکٹ بھی نسیم شاہ نے لی، انہوں نے ہیری بروک کو کیچ آؤٹ کیا، ہیری بروک 5 چھکوں اور 19 چوکوں کی مدد سے 153 رنز بنا کر آؤٹ ہوئے۔

    انگلینڈ کی8 ویں وکٹ641 رنز پر گرگئی، یہ وکٹ بھی ٹیم کے فاسٹ بولر نسیم شاہ نے لی، انہوں نے انگلش ٹیم کی جانب سے ڈیبیو کرنے والے ویل جیک کو پولین کی راہ دکھائی، جیک نے 29 بولز پر 30 رنز بنائے۔

    انگلینڈ کی آخری دو وکٹیں زاہد محمود نے حاصل کیں، پاکستان کی جانب سے زاہد محمود نے 4، نسیم شاہ نے 3 اور محمد علی نے 2 کھلاڑیوں کو آؤٹ کیا، ایک وکٹ حارث رؤف کے حصے میں آئی۔

    پہلے دن کا کھیل خراب روشنی کے باعث مقررہ وقت سے پہلے ختم کیا گیا تو کپتان بین اسٹوک 34 اور ہیری بروک 101 رنز پر ناٹ آؤٹ تھے۔

    اس سے قبل انگلش ٹیم نے ٹیسٹ کرکٹ کی تاریخ میں منفرد ریکارڈ اپنے نام کیا اور ٹیسٹ میچ کے پہلے روز ہی 4 سینچریاں بناڈالی۔

    ہیری بروک153، اولی پوپ 108، بین ڈکٹ 107 اور زک کرولی نے 122 رنز کی شاندار اننگز کھیلی۔

  • محمد شامی انجری کے باعث ون ڈے سیریز سے باہر، عمران ملک ٹیم میں شامل

    محمد شامی انجری کے باعث ون ڈے سیریز سے باہر، عمران ملک ٹیم میں شامل

    نئی دہلی: بھارتی کرکٹ ٹیم کے فاسٹ بولر محمد شامی انجری کے باعث بنگلہ دیش کیخلاف ون ڈے سیریز سے باہر ہوگئے۔

    بھارتی میڈیا رپورٹ کے مطابق بھارت کرکٹ ٹیم کے بولو محمد شامی کندھے کی انجری کے باعث بنگلہ دیش کے خلاف ون ڈے سیریز سے باہر ہوگئے ہیں، انکی جگہ فاسٹ بولر عمران ملک کو ٹیم میں شامل کیا گیا ہے۔

    عمران ملک کو شامی کے باہر ہونے کے بعد ٹیم میں شامل کیا گیا ہے، انہوں نے حال ہی میں نیوزی لینڈ کے دورے پر اپنا ون ڈے ڈیبیو کیا تھا، تین میچز میں انہوں نے تین وکٹیں لی تھی۔

    ون ڈے کے بعد بھارتی ٹیم کو بنگلہ دیش کے خلاف دو ٹیسٹ میچوں کی سیریز بھی کھیلنی ہے، محمد شامی بھی ٹیسٹ ٹیم کا حصہ ہیں، اس انجری کے بعد وہ ٹیسٹ کھیل سکیں گے یا نہیں، یہ ابھی واضح نہیں ہے۔

    واضح رہے کہ محمد شامی گزشتہ ماہ آسٹریلیا میں ٹی۔20 ورلڈ کپ سے واپسی کے بعد پریکٹس سیشن کے دوران زخمی ہو گئے تھے۔

    بنگلہ دیش میں تین ون ڈے میچوں کی سیریز کا پہلا میچ اتوار کو کھیلا جائے گا۔