Category: کھیل

لاہور: وزیر کھیل پنجاب نے صوبے میں کھیلوں کی سرگرمیوں کے لیے ایس او پیز جاری کر دیے۔

تفصیلات کے مطابق وزیر کھیل پنجاب رائے تیمور خان بھٹی نے صوبے میں کھیلوں کی سرگرمیوں کے لیے ایس او پیز جاری کرتے ہوئے کہا ہے کہ کرونا وائرس سے تحفظ کے ایس او پیز پر عمل ضروری ہوگا۔

انھوں نے کہا اوپن ٹورنامنٹس اور میچز پر پابندی ہوگی، ٹریننگ انفرادی طور پر کی جائے گی، فٹ بال، ہاکی، بیڈ منٹن وغیرہ کی ٹریننگ چھوٹے گروپس میں کی جائے گی۔

رائے تیمور کا کہنا تھا کہ مشترکہ آلات والی گیمز کی ہرگز اجازت نہیں ہوگی، گراؤنڈ اور ٹریننگ سینٹر میں داخلے کے وقت درجہ حرارت چیک کیا جائے گا، اور دوران ٹریننگ ماسک کا استعمال لازمی ہوگا۔

کھیل کے میدان بھی آباد، کھیلوں کی سرگرمیاں بحال

واضح رہے کہ وفاقی حکومت کی جانب سے ملک بھر میں کرونا کیسز میں کمی آنے پر لاک ڈاؤن ختم کیے جانے کے بعد جہاں تجارتی و کاروباری مراکز کے پرانے اوقات کار بحال ہو گئے ہیں وہیں اب کھیل کے میدان بھی آباد ہونے لگے ہیں۔

گزشتہ دنوں کراچی میں بھی پاکستان اسپورٹس بورڈ نے سرگرمیاں شروع کرنے کا اعلان کیا تھا، اس سلسلے میں پاکستان اسپورٹس بورڈ نے ایس او پی بھی جاری کیے، جس کے تحت کھلاڑیوں کا ماسک پہننا اور سینٹائزر ساتھ رکھنا، سماجی دوری برقرار رکھنا لازمی قرار دیا گیا، اسپورٹس بورڈ میں 10 سال سے چھوٹے بچوں کا داخلہ ممنوع ہو گا۔

لاہور: انٹرنیشنل ہاکی فیڈریشنز(آئی ایچ ایف) نے ہاکی سرگرمیوں کی بحالی کی اجازت دے دی۔

تفصیلات کے مطابق عالمی ادارہ برائے ہاکی نے تمام ممالک کے فیڈریشنز کو احتیاطی تدابیر کو یقینی بناتے ہوئے ہاکی کھیل کو ایک بار پھر سے بحال کرنے کی اجازت دے دی۔

آئی ایچ ایف کا کہنا ہے کہ احتیاطی تدابیر کو یقینی بناکر ہاکی میدانوں کو آباد کیا جاسکتا ہے۔ ہاکی سرگرمیوں کے لیے ڈبلیو ایچ او کی ہدایات کے مطابق گائیڈلانز بھی فیڈریشنز کو بجھوائی گئی ہیں۔

انٹرنیشنل ہاکی فیڈریشنز نے زور دیا ہے کہ کھیل سے وابستہ ہر شخص کو میدان میں واپسی آنے کے لیے ان گائیڈلائنز پر پوری طرح عمل کرنا ہوگا، آفیشلز مصافحہ کرنے سے گریز کریں، ہینڈسینیٹائزز کا استعمال ہر صورت یقینی بنائیں، طبیعت ناساز ہونے پر میدان میں جانے سے گریز کریں۔

کراچی کے گالف کلبز کھولنے کی اجازت دی جائے، سندھ گالف ایسوسی ایشن

خیال رہے کہ دنیا بھر میں کھیلوں کی سرگرمیاں آہستہ آہستہ بحالی کی طرف بڑھ رہی ہیں۔ کرکٹ کے میچز بغیر تماشائیوں کے ہوں گے جبکہ مذکورہ حکمت عملی دیگر کھیلوں سے متعلق بھی اپنائی گئی ہے۔

ادھر سندھ گالف ایسوسی ایشن نے وزیر اعلیٰ سندھ سے اپیل کی ہے کہ کراچی کے گالف کلبز کھولنے کی اجازت دی جائے، ملک کے دیگر شہروں کے گالف کلبز کھل چکے ہیں۔

پشاور: آل پاکستان جونیئر اسکواش چیمپئن شپ 2 سے 7 دسمبر تک پشاور کے پی اے ایف ہاشم خان اسکواش کمپلیکس میں منعقد کرنے کا فیصلہ کیا گیا ہے۔

تفصیلات کے مطابق چیمپئن شپ کے لیے تیاریاں مکمل کی جا رہی ہیں اس سلسلے میں خیبرپختونخوا اسکواش ایسوسی ایشن کے صدر قمرزمان نے میڈیا سے بات چیت کرتے ہوئے بتایا کہ چیمپئن شپ میں انڈر15 اور انڈر17 کیٹیگریز کے مقابلے منعقد ہوں گے، کوالیفائنگ راﺅنڈ دو سے تین دسمبر تک منعقد ہوگا۔

جبکہ مین راﺅنڈ 4 سے 7 دسمبر تک منعقد ہوگا جس کے لیے انعامی رقم دو لاکھ روپے مقرر کی گئی ہے۔

ایک سوال کے جواب میں اسکواش لیجنڈ قمرزمان نے کہا کہ کوالیفائنگ راﺅنڈ میں 32 کھلاڑی شرکت کررہے ہیں جبکہ مین راﺅنڈ میں 16 کھلاڑی حصہ لیں گے جس میں گیارہ کھلاڑی براہ راست ‘ایک وائلڈ کارڈ اور 4 کوالیفائنگ راﺅنڈ سے کھلاڑی شامل ہوں گے۔

چالیس سال اسکواش پر حکمرانی کرنے والا پاکستان ورلڈ ٹیم اسکواش چیمپین شپ سے باہر

دوسری جانب ورلڈ ٹیم اسکواش چیمپئن شپ ٹورنامنٹ 14 سے 22 دسمبر تک واشنگٹن ڈی سی میں کھیلا جائے گا جس میں 32 ممالک کی ٹیمیں حصہ لے رہی ہیں۔ اس وقت ورلڈ اسکواش ٹیم چیمپئن شپ کا دفاعی چیمپئن مصر ہے، جسے مضبوط امیدوار کے طور پر دیکھا جارہا ہے۔

پاکستان 6 بار ورلڈ اسکواش ٹیم چیمپئن شپ کا حصہ رہا ہے، پاکستان 1993 میں آخری بار اس ایونٹ کا چیمپین بنا، البتہ اب ہاکی کے مانند اسکواش بھی انتطامیہ کی عدم توجہی کا شکار ہو کر اپنی اہمیت کھو بیٹھا ہے۔

پشاور: خیبرپختونخوا حکومت نے کھلاڑیوں کو بڑی خوشخبری سنادی، حکومت نے نیشنل اور صوبائی گیمز میں میڈلز حاصل کرنے والوں کے لیے ماہانہ اعزازیہ مقرر کرنے کا اعلان کردیا۔

تفصیلات کے مطابق وزیرکھیل خیبرپختونخوا عاطف خان کی زیرصدارت اجلاس میں کھیلوں کےفروغ کیلئےفیصلے کیے گئے۔اجلاس میں فیصلہ کیا گیا کہ نیشنل گیمزاورصوبائی گیمزمیں کامیاب کھلاڑیوں کیلئےماہانہ اعزازیہ دیا جائےگا۔

کھلاڑیوں کواسپانسرکرنےاورفروغ کےلئے 100کوچزبھرتی کرنےکافیصلہ بھی کیا گیا ہے، میڈلز جیتنے والے کھلاڑیوں کو جنوری سےماہانہ اعزازیہ دیاجائے گا۔

[bs-quote style=”style-8″ align=”left” author_name=”گولڈمیڈل جیتنے والے کھلاڑیوں کو20 ہزار،سلورمیڈل جیتنے والوں کو15ہزار اور برونزمیڈل والوں کو10ہزارماہانہ معاوضہ دیاجائے گا”][/bs-quote]

وزیر کھیل عاطف خان نے کہا کہ کھلاڑیوں کوایک سال تک ماہانہ اعزازیہ دیاجائے گا، گولڈمیڈل جیتنے والے کھلاڑیوں کو20 ہزار،سلورمیڈل جیتنے والوں کو15ہزار اور برونزمیڈل والوں کو10ہزارماہانہ معاوضہ دیاجائے گا۔

عاطف خان کا کہنا تھا کہ کھیلوں کےفروغ کیلئے100کوچزبھی بھرتی کئےجائیں گے۔

واضح رہے کہ پشاور میں 33 ویں قومی گیمز کا میلہ 2 روز قبل اختتام پذیر ہوا تھا جس میں پاک آرمی نے ایک سو پچاس گولڈ میڈلز، ایک سو چونتیس سلور اور چھیانوے براؤنز میڈلز حاصل کر کے پہلی پوزیشن حاصل کی۔

پاکستان واپڈا تین سو بیس میڈلز کے ساتھ دوسرے اور پاکستان ریلوے نے ایک سو چار میڈلز حاصل کیے۔ تقریب کا اختتام رنگا رنگ انداز سے کیا گیا جس میں دلکش آتش بازی نے خوب رنگ جمایا تھا۔