Category: کھیل

آسٹریلیا کے خلاف پہلے ون ڈے میچ میں جنوبی افریقی اسپنر پرینیلن سبرائن کا بولنگ ایکشن رپورٹ کیا گیا ہے۔

میچ آفیشلز کی رپورٹ کے مطابق سبرین کے ایکشن کی قانونی حیثیت کے حوالے سے خدشات کا اظہار کیا گیا۔31 سالہ کھلاڑی نے ون ڈے ڈیبیو میں ٹریوس ہیڈ کی اہم وکٹ حاصل کی تھی۔

سبرائن نے اس سے قبل زمبابوے کے خلاف بلاوایو میں اپنا ٹیسٹ ڈیبیو کیا تھا اور چار وکٹیں حاصل کی تھیں۔

جنوبی افریقی اسپنر اب آئی سی سی سے منظور شدہ ٹیسٹنگ سہولت میں بولنگ ایکشن ٹیسٹ کروائیں گے۔

یہ پڑھیں: ایڈم زمپا کو جنوبی افریقا کے خلاف نازیبا زبان کا استعمال مہنگا پڑ گیا

اسپنر کا بولنگ ایکشن رپورٹ ہونا جنوبی افریقا کے لیے دھچکا ہے کیونکہ اس سے قبل فاسٹ بولر کاگیسو ربادا انجری کی وجہ سے تین میچوں کی سیریز سے باہر ہوچکے ہیں۔

جنوبی افریقا کو تین میچوں کی ون ڈے سیریز میں 1-0 کی برتری حاصل ہے، بقیہ دو ون ڈے میچ 22 اور 24 اگست کو شیڈول ہیں۔

ٹی 20 سیریز میں جنوبی افریقا کے خلاف آسٹریلیا نے 2-1 سے کامیابی حاصل کی تھی۔

ٹاپ اینڈ ٹی 20 سیریز کے پانچویں میچ میں پاکستان شاہینز نے ایڈیلیڈ اسٹرائیکرز کو 107 رنز سے شکست دی۔

ایڈیلیڈ اسٹرائیکرز کی ٹیم 203 رنز کے تعاقب میں 16.1 اوورز میں 95 رنز پر ڈھیر ہوگئی، پاکستان شاہینز کے معاذ صداقت نے شاندار سنچری اسکور کی۔

پاور پلے میں اسٹرائیکرز کی 37 رنز پر 3 وکٹیں گریں اس کے بعد وقفے وقفے سے وکٹیں گرنے کا سلسلہ جاری رہا۔
مبصر خان نے ریان کنگ کو ایک اور میکنزی ہاروی کو 27 رنز پر پویلین روانہ کیا۔

مہران ممتاز نے ہیری نیلنسن کو 12 رنز پرآؤٹ کیا، ایلکس راس 6 رنز بنا کر فیصل اکرم کا نشانہ بنے۔

یہ پڑھیں: ٹاپ اینڈ ٹی 20 سیریز: پاکستان شاہینز نے میلبرن رینیگیڈز کو ہرا دیا

معاذ صداقت نے ہینو جیکبز کو 19 رنز پراپنا نشانہ بنا کر پاکستان کی کامیابی یقینی بنائی۔

پاکستان شاہینز کی جانب سے مبصر خان نے تین ، فیصل اکرم اور مہران ممتاز نے دو، دو وکٹیں حاصل کیں۔

اس سے قبل پہلے بیٹنگ کرتے ہوئے یاسر خان اور معاذ صداقت کے درمیان 149 رنز کی شاندار اوپننگ شراکت قائم ہوئی۔

یاسر خان نے 51 رنز کی اننگز کھلی، معاذ صداقت نے 59 گیندوں پر 11 چوکوں اور دو چھکوں کی مدد سے 104 رنز بنائے۔

آسٹریلوی اسپنر ایڈم زمپا کو جنوبی افریقا کے خلاف پہلے ون ڈے میچ میں نازیبا زبان کا استعمال مہنگا پڑ گیا۔

جنوبی افریقا کے خلاف پہلے ون ڈے میچ میں آسٹریلوی اسپنر ایڈم زمپا آئی سی سی کوڈ آف کنڈکٹ کی خلاف ورزی کے مرتکب قرار پائے ہیں۔

آئی سی سی کے مطابق ایڈم زمپا نے جنوبی افریقا کے خلاف میچ میں لیول ون کی خلاف ورزی کی ہے۔

انٹرنیشنل کرکٹ کونسل کا کہنا ہے کہ زمپا نے بولنگ کے دوران نازیبا زبان استعمال کی جو اسٹمپ مائیک میں سنی گئی، انہیں کوڈ آف کنڈکٹ کی خلاف ورزی پر ایک ڈی میرٹ پوائنٹ دیا گیا ہے۔

ایڈم زمپا نے اپنی غلطی کو تسلیم کرتے ہوئے سزا کو قبول کیا ہے۔

واضح رہے کہ گزشتہ روز جنوبی افریقا نے پہلے ون ڈے میچ میں کیشو مہاراج کی کیریئر بیسٹ بولنگ کی بدولت آسٹریلیا کو 98 رنز سے شکست دی تھی۔

جنوبی افریقہ نے ایڈن مارکرام 82، ٹمبا باووما 65 اور میتھیو بریٹزکے 57 کی نصف سنچریز کی بدولت مقررہ 50 اوورز میں آٹھ وکٹوں کے نقصان پر 296 رنز بنائے۔

آسٹریلیا کی جانب سے ٹریوس ہیڈ نے چار، بین ڈوریشس نے دو اور ایڈم زیمپا نے ایک وکٹ حاصل کی۔

ہدف کے تعاقب میں آسٹریلوی ٹیم نے جارحانہ آغاز کیا تاہم 60 رنز پر پہلی وکٹ گرنے کے بعد آسٹریلوی بلے باز کیشو مہاراج کی تباہ کن بولنگ کا سامنا نہ کرسکے۔

جنوبی افریقہ کو تین ایک روزہ میچز کی سیریز میں 0-1 کی برتری حاصل ہوگئی۔

پاکستان کرکٹ بورڈ نے اسکولز کے لیے ٹیلنٹ ہنٹ پروگرام کا اعلان کردیا۔

پاکستان کرکٹ بورڈ کے مطابق اسکولز کے لیے ٹیلنٹ ہنٹ پروگرام میں ملک بھر سے 39 اضلاع کے 400 سے زائد اسکول حصہ لیں گے۔

پہلے مرحلے میں ان تمام اسکولز میں ٹرائلز کے ذریعے ٹیمیں منتخب ہوں گی۔

پی سی بی کے 60 سے زیادہ کوچز تمام منتخب شدہ اسکولز میں ٹرائلز لیں گے، ستمبر کے تیسرے ہفتے میں400 سے زائد اسکولز کا 40 اوورز کا ٹورنامنٹ شروع ہوگا۔

گزشتہ دنوں پی سی بی نے 2025-26 کے لیے ویمنز کرکٹ ٹیلنٹ ہنٹ پروگرام کا اعلان کیا تھا۔

انڈر 19 ایمرجنگ خواتین کھلاڑیوں کے ٹرائلز 21 اگست سے کراچی میں ہوں گے، پروگرام کے تحت 3 ستمبر تک ملک بھر میں ٹرائلز ہوں گے۔

لاہور، کراچی، راولپنڈی، پشاور، مردان، کوئٹہ، ملتان اور بہاولپور میں ٹرائلز ہوں گے۔

ٹرائلز میں انڈر 19 کھلاڑیوں کے لیے کم سے کم عمر 12 سال رکھی گئی ہے، منتخب کھلاڑیوں کو نیشنل انڈر 19 ٹورنامنٹ کھیلنے کا موقع ملے گا۔

انٹرنیشنل کرکٹ کونسل (آئی سی سی ) نے ون ڈے کی پلیئرز رینکنگ جاری کردی۔

آئی سی سی کی جانب سے جاری کردہ ون ڈے رینکنگ کے مطابق بابر اعٖظم کی دوسری پوزیشن برقرار ہے اور ابرار احمد، سلمان آغا کی ترقی ہوئی ہے۔

شبھمن گل پہلے نمبر پر براجمان ہیں، شائے ہوپ 2 درجے تنزلی کے بعد 7ویں ، محمد رضوان 5 درجے تنزلی کے بعد 27ویں نمبر پر چلے گئے۔

سلمان علی آغا تین درجے ترقی کے بعد 40ویں نمبر پر آگئے ہیں۔فخر زمان 28 اور صائم ایوب 60ویں نمبر پر براجمان ہیں۔

بولرز میں ٹاپ 10 میں کوئی پاکستانی بولر شامل نہیں ہے، کیشو مہاراج آسٹریلیا کے خلاف شاندار کارکردگی کے بعد پہلے نمبر پر آگئے ہیں، سری لنکا کے مہیش تھیکشانا ایک درجے تنزلی کے بعد دوسرے نمبر پر چلے گئے۔

شاہین آفریدی دو درجے تنزلی کے بعد 16ویں نمبر پر براجمان ہیں، حارث روف 31ویں اور نسیم شاہ 51ویں نمبر پرموجودہیں۔

آئی سی سی ون ڈے آل راؤنڈرز میں افغانستان کے عظمت اللہ عمرزئی پہلی پوزیشن پر موجود ہیں تاہم پاکستان کا کوئی آل راؤنڈر بھی ٹاپ ٹین میں موجود نہیں ہے۔

برازیل کے اسٹار فٹبالر نیمار جونیئر کیریئر کی بدترین شکست کے بعد آبدیدہ ہوگئے۔

سیری اے میں نیمار جونیئر کی ٹیم سانتوس کو ہوم گراونڈ پر حریف کلب واسو ڈی گاما نے 6 کے مقابلے میں 0 گل سے شکست دی۔

میچ کے بعد نیمار روتے ہوئے میدان سے باہر گئے اس دوران ان کے چہرے پر شکست کی مایوسی کے آثار نمایاں تھے۔

اس بدترین شکست پر سانتوس کے کوچ زاویئر کو ہٹا دیا گیا ہے۔

نیمار کی ٹیم اب تک 19 میچز میں صرف21 پوائنٹس کے ساتھ مسلسل تنزلی کی جانب جارہی ہے۔

ان کا کہنا تھا کہ شائقین کا انہیں برا بھلا کہنے اور احتجاج کرنے کا پورا حق ہے، وہ بھی اپنی کارکردگی پر شرمندہ ہیں۔

دوسری جانب انگلش پریمیئر لیگ میں آرسنل نے نئے سیزن کا شاندار آغاز کیا اور مانچسٹر یونائیٹڈ کو ایک گول سے ہرا دیا۔ میچ کا فیصلہ کن گول 13ویں منٹ میں ریکارڈو کلیفیوری نے اسکور کیا۔

قومی کرکٹر حیدر علی کی ضمانت میں مزید دو ہفتے کی توسیع کردی گئی۔

اے آر وائی نیوز کے مطابق ذرائع کا کہنا ہے کہ حیدر علی کے کیس کی تحقیقات میں زیادہ عرصہ بھی لگ سکتا ہے۔ پولیس نے حیدر علی کو کل دوبارہ طلب کررکھا تھا اب پولیس اسٹیشن طلبی کو دو ہفتے مزید آگے کردیا گیا ہے۔

واضح رہے کہ پولیس نے حیدر علی کو ابتدائی تحقیقات کے بعد ضمانت پر رہا کیا تھا، انہیں موبائل فون بھی پولیس نے فرانزک کے بعد واپس کردیا تاھ۔

ذرائع کا کہنا ہے کہ تحقیقات مکمل ہونے تک قومی کرکٹر برطانیہ سے باہر نہیں جاسکیں گے۔

واضح رہے کہ مانچسٹر پولیس کا کہنا تھا کہ 4 اگست کو شکایت موصول ہوئی تھی جس کے بعد نوجوان کو حراست میں لینے کے بعد ضمانت پر رہا کیا جب کہ یہ واقعہ مبینہ طور پر 23 جولائی کو مانچسٹر کی حدود میں پیش آیا۔

  واقعہ پاکستان شاہینز کرکٹ ٹیم کے حالیہ دورہ انگلینڈ کے دوران پیش آیا۔

دوسری جانب پاکستان کرکٹ بورڈ نے حیدر علی کو معطل کرتے ہوئے مؤقف اختیار کیا تھا کہ وہ مانچسٹر پولیس کے ایک کرمنل کیس میں شامل تفتیش ہیں، اس لیے انہیں فوری طور پر معطلی کا سامنا کرنا پڑا۔

سابق فاسٹ بولر تنویر احمد نے سینٹرل کنٹریکٹ کی اے کیٹگری سے بابر اعظم کو باہر کرنے پر طنزیہ پوسٹ شیئر کردی۔

سماجی رابطے کی ویب سائٹ "ایکس” پر سابق فاسٹ بولر تنویر احمد نے لکھا کہ سینٹرل کنٹریکٹ کا اعلان اور اے کیٹگری ختم کردی صرف کنگ کی وجہ سے، اس کو بولتے ہیں بابر اعظم پریشر سلیکشن کمیٹی ڈر گئی۔

انہوں نے مزید لکھا کہ اس وقت بابر اعظم کا سلیکشن کمیٹی پر اتنا پریشر ہے کہ اگر نے ٹی 20 سے ریٹائرمنٹ لے لی تو پورے پاکستان میں شور پڑ جائے گا۔

واضح رہے کہ پاکستان کرکٹ بورڈ نے آج سینٹرل کنٹریکٹ کا اعلان کیا جس میں اے کیٹیگری کو ختم کردیا گیا اور بابر سمیت کئی نامور کھلاڑی بھی بی کیٹگری میں شامل ہیں۔

پول کو گزشتہ سال 27 سے 30 تک بڑھا دیا گیا ہے، جس میں 12 نئے نام کنٹریکٹ حاصل کرنے والے ہیں، جن میں احمد دانیال، فہیم اشرف، حسن علی، حسن نواز، حسین طلعت، خوشدل شاہ، محمد عباس، محمد حارث، محمد نواز، صاحبزادہ فرحان، سلمان مرزا، اور سفیان مقیم شامل ہیں۔

https://urdu.arynews.tv/pcb-central-contract-babar-rizwan-shaheen-demoted/

پانچ کھلاڑیوں نے گزشتہ سیزن میں مسلسل کارکردگی دکھانے پر ترقیاں حاصل کی ہیں۔ ابرار احمد، حارث رؤف، صائم ایوب، سلمان علی آغا اور شاداب خان سبھی کو کیٹیگری سی سے کیٹیگری بی میں رکھا گیا ہے،

مزید برآں، نو کھلاڑیوں نے اپنی جگہیں برقرار رکھی ہیں جن میں عبداللہ شفیق، نعمان علی، ساجد خان، اور سعود شکیل کیٹیگری سی میں شامل ہیں۔ کیٹیگری ڈی میں خرم شہزاد، محمد عباس آفریدی، اور محمد وسیم جونیئر۔ اور شاہین شاہ آفریدی کیٹیگری بی میں شامل ہیں۔

نیا اعلان کردہ سینٹرل کنٹریکٹ یکم جولائی 2025 سے 30 جون 2026 تک چلیں گے۔

پاکستان کرکٹ بورڈ پی سی بی کی جانب سے 26-2025 کے لیے کرکٹرز کے سینٹرل کنٹریکٹس کا اعلان کردیا گیا ہے۔ جس کے تحت 30 کھلاڑیوں کو کنٹریکٹس دیے گئے ہیں۔