Category: کھیل

بھارتی کپتان روہت شرما کے ریٹائرمنٹ کے سوال پر ساتھی کرکٹر رشبھ پنت نے جواب دے دیا۔

فوٹو اور ویڈیو شیئرنگ ایپ انسٹاگرام پر بھارت کے وکٹ کیپر بیٹر رشبھ پنت نے ویڈیو شیئر کی جس میں ٹیم آئی سی سی چیمپئنز ٹرافی 2025 کی فتح کا جشن منارہی ہے۔

ویڈیو میں رشبھ پنت سے روہت شرما نے سوال کیا کہ ’ریٹامنرٹ لے لوں؟‘

دونوں کھلاڑیوں کا دلچسپ مکالمہ سوشل میڈیا پر مداحوں کی توجہ کا مرکز بنا جسے مداحوں کی جانب سے سراہا گیا۔

ویڈیو میں رشبھ پنت، شبھمن گل، محمد شامی، کلدیپ یادیو، ارشدیپ سنگھ، ویرات کوہلی، ہاردک پانڈیا فتح کا جشن منانے میں مصروف دکھائی دے رہے ہیں۔

یہ پڑھیں: ویرات کوہلی اور روہت شرما 2027 کا ورلڈ کپ کھیلیں گے؟ اہم خبر

اس دوران روہت شرما نے مسکراتے ہوئے سوال کیا کہ ’ریٹائرمنٹ لے لوں کیا؟‘ پھر خود ہی کہنے لگے ’ہر بار جیتیں گے تو ہر بار تھوڑی ریٹائرمنٹ لیتا رہوں گا۔‘

رشبھ پنت نے مسکراتے ہوئے جواب دیا کہ ’ہم تو چاہتے ہیں کہ آپ کھیلیں‘۔

 

View this post on Instagram

 

A post shared by Rishabh Pant (@rishabpant)

واضح رہے کہ آئی سی سی چیمپئنز ٹرافی 2025 کے فائنل میں بھارت نے نیوزی لینڈ کو ہرا کر ٹائٹل اپنے نام کیا تھا۔

آسٹریلیا کے سابق فاسٹ بولر جان ہیسٹنگز نے انکشاف کیا ہے کہ ورلڈ چیمپئن شپ آف لیجنڈز میں پاکستقان چیمپئنز کے خلاف 18 گیندوں کا اوور کرنے پر جانچ کی زد میں آئے تھے۔

آسٹریلیا چیمپئنز نے پہلے بیٹنگ کی اور سعید اجمل کی چھ وکٹوں کی بدولت 11.5 اوورز میں صرف 74 رنز پر ہی ڈھیر ہوگئی، گرین شرٹس نے بغیر وکٹ کھوئے 75 رنز بنا کر میچ 10 وکٹوں سے جیتا۔

تاہم جان ہیسٹگنز کے عجیب و غریب اوور سے بھی پاکستان کو فائدہ ہوا جس میں انہوں نے 12 وائیڈز اور ایک نوبال کی، نتیجتاً صرف پانچ گیندوں پر 20 رنز بن گئے۔

دو ہفتے کے بعد ہیسٹنگز نے انکشاف کیا کہ اگلے دن ان سے اینٹی کرپشن یونٹ سے رابطہ کیا جس میں مجھ سے پوچھ گچھ کی گئی جبکہ سوشل میڈیا پر کرکٹ شائقین کی جانب سے بھی پیغامات موصول ہوگئے۔

فاسٹ بولر کے مطابق اینٹٰ کرپشن والوں نے کہا کہ آپ نے کل رات ہمیں مشکل میں ڈال دیا، فاسٹ بولر نے پوچھا کہ کیا آپ کو لگتا ہے کہ میں نے میچ فکسنگ کی ہے؟

انہوں نے کہا کہ نہیں، لیکن ہمیں نہیں معلوم کہ آپ پچھلے سات سالوں سے کیا کررہے ہیں۔‘ میں نے کہا کہ ’میں کرپٹ نہیں ہوں۔‘

ہیسٹنگز کے مطابق یہ مضحکہ خیز نہیں ہے لیکن یہ ان میں سے ایک ہے جس کی آپ وضاحت نہیں کرسکتے۔

واضح رہے کہ جان ہیسٹنگز ریٹائر ڈ پلیئر ز کی لیگز کے ساتھ 2022 سے منسلک ہیں۔پاکستان چیمپئنز نے آسٹریلیا چیمپئنز کے خلاف میچ میں 10 وکٹوں سے کامیابی حاصل کی تھی۔

پاکستان شاہینز کے اوپننگ بیٹر خواجہ نافع رن آؤٹ ہونے پر غصے میں آگئے اور بلا زمین پر دے مارا۔

بنگلادیش اے کے خلاف ٹاپ اینڈ ٹی 20 سیریز کے افتتاحی میچ کے دوران خواجہ نافع رن آؤٹ ہونے پر یاسر خان پر بھڑک اٹھے۔

اوپنرز نے بیٹنگ کا شاندار آغاز کیا اور دونوں نے نصف سنچریاں اسکور کرتے ہوئے 100 رنز کا ہندسہ عبور کیا۔

یہ پڑھیں: ایک دن میں 800 گیندیں کھیلتا ہوں، خواجہ نافع

تاہم 12ویں اوور کی پہلی گیند پر یاسر نے شاٹ کی کوشش کی لیکن گیند وکٹ کیپر کے قریب آکر رک گئی۔

نان اسٹرائیکر اینڈ پر موجود نافع  سنگل کے لیے بھاگ گئے لیکن دونوں بلے بازوں کے درمیان مکس اپ کے نتیجے میں وہ رن آؤٹ ہوئے۔

خواجہ نافع نے 31 گیندوں پر 61 رنز بنائے تھے جس میں آٹھ چوکے اور دو چھکے شامل تھے، آؤٹ ہونے کے بعد ان کا یاسر کے ساتھ گرما گرم بحث ہوئی اور انہوں نے بلے کو زمین پر پھینک دیا۔

اس کے بعد یاسر خان بھی 40 گیندوں پر 62 رنز بنا کر آؤٹ ہوگئے۔

واضح رہے کہ پاکستان نے بنگلادیش اے کو پہلے ٹی 20 میچ میں باآسانی 76 رنز شکست دے کر کامیابی حاصل کی۔

پاکستان کے فاسٹ بولر نسیم شاہ کا کیریبئن لیگ کے پہلے میچ میں جشن کا انداز وائرل ہوگیا۔

فاسٹ بولر نسیم شاہ نے سی پی ایل 2025 کے پہلے میچ میں وکٹ لینے کے بعد مخصوص انداز میں سلیوٹ کیا، انہوں نے ویسٹ انڈین فاسٹ بولر شیلڈن کارٹل کا انداز اپنایا جو وائرل ہوگیا۔

انہوں نے جیڈن سیلز کی وکٹ لینے کے بعد یہ انداز اپنا کر جشن منایا۔

واضح رہے کہ انٹیگاینڈ بربودا فالکنز کے خلاف نسیم شاہ نے سینٹ کٹس اینڈ نیوس پیٹریاٹس کی جانب سے دو وکٹیں حاصل کیں۔

یہ پڑھیں: سابق کرکٹرز نجی زندگی پر تنقید نہ کریں، نسیم شاہ

نسیم شاہ نے فالکنز کی اننگز کی آخری وکٹ حاصل کر کے سلیوٹ کے ساتھ جشن منایا، نسیم  نے 3.1 اوورز میں 20 رنز کے عوض 2 وکٹیں حاصل کیں۔

اس سے قبل ون ڈے انٹرنیشنل ویسٹ انڈیز کے فاسٹ بولر شیلڈن کارٹیل یہی سلیوٹ اسٹائل میں جشن مناتے تھے۔