Category: کھیل

افغانستان ٹیم کے کپتان اور آل راؤنڈر راشد خان ٹی 20 کرکٹ میں سب سے زیادہ وکٹیں لینے والے بولر بن گئے۔

سہ ملکی سیریز کے تیسرے میچ میں متحدہ عرب امارات (یو اے ای) کے خلاف راشد خان نے 21 رنز کے عوض 3 وکٹیں لیں اور عالمی ریکارڈ اپنے نام کرلیا۔

26 سالہ راشد خان ٹی20 کرکٹ میں 165 وکٹیں لینے والے پہلے بولر بن گئے ہیں،

انہوں نے اسی میچ کے دوران پہلے ٹم ساؤتھی کا ریکارڈ برابر کیا اور پھر ان کا ریکارڈ بھی اپنے نام کرلیا۔

یہ پڑھیں: سہ ملکی سیریز: افغانستان نے یو اے ای کو 38 رنز سے ہرا دیا

نیوزی لینڈ کے 36 سالہ بولر ٹم ساؤتھی نے 164 وکٹیں 126 میچز میں حاصل کی تھیں جبکہ راشد خان نے یہ کارنامہ صرف 98 میچز میں اپنے نام کیا ہے۔

واضح رہے کہ سہ ملکی سیریز کے تیسرے میچ میں افغانستان نے یو اے ای کو 38 رنز سے شکست دی۔

شارجہ میں کھیلے گئے میچ میں افغانستان کی جانب سے دیے گئے 189 رنز کے تعاقب میں مقررہ اوورز میں 8 وکٹوں کے نقصان پر 150 رنز بناسکی۔

کپتان محمد وسیم کے 67 اور راہول چوپڑا کے 52 رنز رائیگاں گئے۔

افغانستان کی جانب سے راشد خان اور شرف الدین اشرف نے تین، تین کھلاڑیوں کو آؤٹ کیا۔

سہ ملکی سیریز کے تیسرے میچ میں افغانستان نے یو اے ای کو 38 رنز سے شکست دے دی۔

شارجہ میں کھیلے گئے میچ میں افغانستان کی جانب سے دیے گئے 189 رنز کے تعاقب میں مقررہ اوورز میں 8 وکٹوں کے نقصان پر 150 رنز بناسکی۔

کپتان محمد وسیم کے 67 اور راہول چوپڑا کے 52 رنز رائیگاں گئے۔

افغانستان کی جانب سے راشد خان اور شرف الدین اشرف نے تین، تین کھلاڑیوں کو آؤٹ کیا۔

یہ پڑھیں: سہ ملکی سیریز: شائقین کرکٹ کیلئے نیا پروٹوکول جاری

اس سے قبل افغانستان نے پہلے بیٹنگ کرتے ہوئے 4 وکٹوں کے نقصان پر 188 رنز اسکور کیے تھے، ابراہیم زدران 63 اور صدیق اللہ اتل 54 رنز بنا کر نمایاں رہے۔

کریم جنت نے 23 اور عظمت اللہ عمر زئی نے 20 رنز بنائے، درویش رسولی 10 اور رحمان اللہ گرباز 7 رنز بنا کر آؤٹ ہوئے۔

یو اے ای کی جانب سے محمد روحید اور صغیر خان نے دو، دو وکٹیں حاصل کیں۔

واضح رہے کہ سہ ملکی سیریز میں پاکستان نے دو میچز جیتے ہیں، پہلے میچ میں پاکستان نے افغانستان اور دوسرے میچ میں یو اے ای کو شکست دی تھی۔

یاد رہے کہ سہ ملکی سیریز میں ہر ٹیم ایک دوسرے سے دو، دو میچز کھیلے گی۔

سابق کپتان اور سوئنگ کے سلطان وسیم اکرم نے 1999 ورلڈ کپ فائنل میں پہلے بیٹنگ کرنے کی وجہ بتا دی۔

سابق کپتان وسیم اکرم نے حال ہی میں نجی ٹی وی کے مزاحیہ شو میں شرکت کی اور اپنے بچپن اور کرکٹ کیریئر سے متعلق اظہار خیال کیا۔

وسیم اکرم کا کہنا تھا کہ ہمارے دور میں ٹیم کی طاقت ہماری بولنگ تھی، ورلڈکپ میں بھی ہماری طاقت ہماری بولنگ تھی، میں خود  اور وقار یونس، شعیب اختر، ثقلین مشتاق اور اظہر اور عبدالرزاق جیسے آل راؤنڈر تھے، ہمارے پاس بولنگ میں بہت آپشن تھے۔

انہوں نے کہا کہ 99 ورلڈ کپ کے راؤنڈ میچز میں ہم ٹاس جیت کر پہلے بیٹنگ کررہے تھے اور تمام میچز جیت بھی کررہے تھے تو فائنل میں بھی یہی فیصلہ تھا کہ پہلے بیٹنگ ہی کریں گے اور 200 رنز بھی کرلیے تو آسٹریلیا کو قابو کرلیں گے۔

یہ پڑھیں: وسیم اکرم سے متعلق اعجاز احمد کا بیان غیرذمہ دارانہ قرار

سابق کپتان نے بتایا کہ جو لوگ یہ کہہ رہے ہیں کہ اچانک بیٹنگ کا فیصلہ کیا جبکہ فیلڈنگ کرنا تھی انہیں اب 25 سال بعد یاد آیا ہے۔

وسیم اکرم کا مزید کہنا تھا کہ وہ میچ میرے لیے سب سے بری یاد ہے، کیونکہ وہ یکطرفہ میچ تھا اگر سنسنی خیز میچ ہوتا اور ہم قریب جاکر ہارتے تو اتنا افسوس نہیں ہوتا لیکن ایسا نہیں ہوسکا۔

خیال رہے کہ 1999 کے ورلڈکپ فائنل میں پاکستان کی پوری ٹیم آسٹریلیا کے خلاف 132 رنز پر ڈھیر ہو گئی تھی جو کہ ورلڈکپ فائنل میں کسی بھی ٹیم کا سب سے کم اسکور ہے۔ آسٹریلیا نے 133 رنز کا ہدف 21 ویں اوور میں 2 وکٹ کے نقصان پر پورا کرلیا تھا۔

سابق بھارتی کرکٹر عرفان پٹھان نے دعویٰ کیا ہے کہ ویرات کوہلی کا ون ڈے انٹرنیشنل کیریئر ختم ہوگیا ہے۔

سابق کرکٹر عرفان پٹھان نے دعویٰ کیا ہے کہ اب ویرات کوہلی صرف انڈین پریمیئر لیگ (آئی پی ایل) پر توجہ مرکوز کریں گے کیونکہ ان کا ون ڈے کیریئر ختم ہوگیا ہے۔

انہوں نے کہا کہ اگرچہ کوہلی اب بھی فرسٹ کلاس کرکٹ میں حصہ لے سکتے ہیں لیکن یہ بین الاقوامی سطح پر خود کو ثابت کرنے کے پلیٹ فارم کے بجائے لطف اندوز ہونے کے لیے ہوگا۔

سابق کرکٹر نے اس بات پر زور دیا کہ فٹنس برقرار رکھنا اور کھیل کا باقاعدہ وقت ان کھلاڑیوں کے لیے ایک اہم چیلنج ہے جو قومی سیٹ اپ میں سرگرم نہیں ہیں۔

انہوں نے کہا کہ ورلڈ کپ 2027 کوئی چیلنج نہیں ہوگا اگر کھیل کے وقت کا تسلسل برقرار رکھا جائے، بقسمتی سے ان پر دباؤ رہے گا، میں نے روہت شرما سے بات کی ہے اور وہ فٹنس کے بارے میں بہت دلچسپی رکھتے ہیں۔

پٹھان نے مزید کہا کہ ویرات مجھے یقین ہے کہ وہ انگلینڈ میں جس طرح سے پریکٹس کر رہے ہیں، اس کی بنیاد پر بھی بہت پرجوش ہیں۔ میں نے محمد شامی کے بیانات بھی دیکھے ہیں جو اس بات کی نشاندہی کرتے ہیں کہ وہ بھی انتہائی پرعزم ہیں۔

انہوں نے یقین ظاہر کیا کہ ہیڈ کوچ گوتم گمبھیر اور چیف سلیکٹر اجیت اگرکر کوہلی اور روہت جیسے سینئر کھلاڑیوں کی ضروریات سے آگاہ ہیں۔

انٹرنیشنل کرکٹ کونسل (آئی سی سی) نے ویمنز ورلڈ کپ کی انعامی رقم کا اعلان کردیا۔

آئی سی سی کے مطابق ویمنز ورلڈ کپ کی انعامی رقم میں 297 فیصد اضافہ کیا گیا ہے، ایونٹ کی مجموعی انعامی رقم ایک کروڑ 30 لاکھ ڈالرز سے زائد رکھی گئی ہے۔

میگا ایونٹ کی فاتح ٹیم کو 44 لاکھ ڈالر اور رنراپ کو 22 لاکھ ڈالر سے زائد ملیں گے۔

سیمی فائنلسٹ ٹیمیں 11 لاکھ  ڈالر سے زائد کی انعامی رقم حاصل کریں گی۔

آئی سی سی کے مطابق گروپ اسٹیج کے ہر میچ کی جیت کی صورت میں 34 ہزار314 ڈالرکا انعام ہے۔

اس کے علاوہ پانچویں اور چھٹی پوزیشن پر7 لاکھ،ساتویں اور آٹھویں پوزیشن پر 2 لاکھ 80 ہزار ڈالر ملیں گے۔

واضح رہے کہ ورلڈکپ 30 ستمبر سے بھارت اور سری لنکا میں کھیلا جائے گا۔ پاکستانی کرکٹ ٹیم ورلڈ کپ میں اپنے تمام میچز سری لنکا میں کھیلے گی۔